臺味冰點餐廳

營業中

休息中

夜晚同呀爸呀媽食飯，黎左由細食到大既台式餐廳。呢間鋪開左起碼十年，早年左右轉過手，改左做雞煲，無生意之後又變翻呢間台式餐廳。呢間餐廳最突出既就係---每個飯同麵都好大兜，大食既朋友都絕對會食得飽。呀爸叫既三拼飯，有豬扒，金沙骨同雞翼。正常發揮，大件夾抵食，豬扒唔會落好多鬆肉粉。我最愛既麻辣蓮藕餅油豆腐上海麵。以前係做台灣麵既，轉過手之後就得上海麵同陽春麵。上海麵比較彈牙啲，不過我嫌佢唔夠台灣麵咁厚實。蓮藕餅好食，入面仲有少少蝦肉，好少見架！呢個係配我叫個麵既辣油，唔同佢成罐放係枱俾人任用個隻架！入面有啲炸蝦米，超香口！！！必食！！！珍珠奶茶都係我必點既。呢到既茶啡叫少甜既話，佢真係會少甜俾你，唔同某啲茶餐廳。而且茶底係港式奶茶底，唔係平時飲珍奶會飲到個種唔夠濃既台式茶底。不過今日既珍珠太淋，咬落去無口感又一pat咁，失手！！！除左上面呢啲，仲好推薦台式牛肉飯，茄子肉燥飯，都係必食之選！

食店於天水圍區內經營多年，店內主打售賣台式食品，以飯類或麵類等主食為主。用餐方式：只供堂食 或 外賣自取。輪候時間：平時約15-20分鐘；留意！午市比較繁忙，輪候時間可能會比較長。食物方面：芝士焗雞皇飯（$43）：份量超多，一個多數食唔哂，建議與朋友一起分享。芝士味極濃，用料十足！用料足份量多，CP值超高。飲品：珍珠奶茶（$5），跟餐加5蚊可以選擇台式飲品。中規中矩，不錯！價錢合理，人均消費：40-60蚊左右。總括而言，算是在天水圍中不錯的食店，會再去食。

眾所周知，台味冰點經過一次結業，現在重新開業，十幾年老街方，當然要再黎支持下！點返一個之前食開嘅焗飯。份量不太大，焗得比較乾身，但食落去又唔會太乾身，汁同飯既比例剛好，白汁好香，同乾身既飯好夾。環境改變，人情味不變。

係天水圍想搵平靚正既野食當然要去新北江😋中港西日台泰韓⋯應有盡有～最後揀左呢間台式餐廳（朋友仔誠意推介）繁忙時段比張四人枱我地兩個人坐～亦冇要求我地搭枱👍🏻呢樣抵讚雞扒陽春麵 - 大碗到呢... 麵同湯底就普普通通啦！雞扒個皮炸到脆卜卜超香口👍🏻正麻辣雞翼豆腐陽春麵 - 有4隻雞翼好抵食🤩仲要炸得好好味 外脆內軟⋯冇得輸！珍珠奶茶 - 加3蚊就可以飲到珍珠奶茶 冇期望之下有驚喜🤪奶香茶亦香～珍珠夠煙un!!總結*兩個人兩個麵兩杯台式野飲 埋單$90 抵到不得了～平得黎又有質數👍🏻絕對有下次！

今天天氣不好，連煮東西吃的動力也沒有，索性去新北江找間餐廳吃下午茶。新北江確實有不少食肆，但今天不想吃麵，所以麵店都被我剔除。我最想吃有沙律的下午茶餐，很久沒吃過，心血來潮想吃。最後我去了臺味冰點，自從它重新開業我都未曾光顧，就趁這機會去光顧吧。臺味冰點的下午茶不只是炸雞脾腸仔，香煎韮菜豬肉餃煙肉那麼平凡，還有金沙骨，台式鹽酥雞翼，香煎蓮藕餅可選，我當然吃特別的，所以挑了香煎蓮藕餅煙肉。香煎蓮藕餅外表煎得金黃香脆，滿有厚度的，且不油膩，蓮藕非常爽脆，肉饀頗有彈性。不過蓮藕餅光吃有少許鹹，所以記得要沾醋吃，平衡其味道，沾醋後蓮藕餅變得鹹度剛好。另外，這裡的沙律也不錯，既有薯仔，青瓜，粟米，水果，亦有清脆的芹菜，增添沙律的爽甜感。最後喝上一杯熱檸水，整個下午茶滿足地結束。

台味係我由細食到大既餐廳，經歷過佢幾次轉手，但次次都係換湯唔換藥。無論係餐牌定野食味道，統統都無變過！我最推介既豬頸肉肉燥飯，呢個飯份量真係超多(FOR女仔黎講)，絕對可以同人share！一片片豬頸肉 ，大約都有10片，配上一個酸酸地既醬汁，味道似醋，又帶點泰式感覺，兩樣夾埋好好味！肉燥方面，鐘意佢落好多菇，令到成個肉燥都好香。不過飯我就嫌佢濕左ｄ，唔夠硬身。屋企人叫左個焗飯，白汁芝士雞皇飯。由於即叫即焗，所以都要等15分鐘到先有得食。飯量唔算多，但有芝士所以都幾漏，好易飽。個人覺得白汁唔夠creamy，雞皇份量都唔太多，要評分我既話就一般啦！最鐘意佢呢到係，轉台式飲品都係加兩蚊，大大杯珍珠奶茶都係兩蚊咋！抵到喊！

呢間食店都算係老字號！由細食到大雖然不斷加價但份量無點改變佢既早餐都唔算貴，因為佢會送多杯飲品有時突然好想飲珍珠奶茶，但早上既珍珠奶茶舖都字開，都會過來食番個早餐。另外覺得佢早餐既蓮藕餅好好食。好小出街見到呢樣蓮藕餅米線份量足夠。一般都食吾哂，要分一半比朋友食。因為佢附送既飲品都好大杯

👭臺味冰點餐廳 (天水圍)👭1⃣台灣牛肉湯麵 (下午茶餐 轉陽春麵 +$2) $41雖然話佢係下午茶餐，但份量都非常驚人😱數數牛肉塊都有超過10件，但咬落肉質比較結實🥴建議牛肉可以炆耐小小! 陽春麵質地偏軟身，用筷子一下就斷開😵唔建議加錢轉陽春面。整體表現一般，不過就大份夾低食！2⃣臺灣牛肉拼雞扒飯 $51呢款既牛肉同湯麵既一樣，但驚喜在包裹住牛肉既醬汁拎去撈飯變得好好味😍鹹鹹甜甜令到38好快扒晒啲飯😂。雞扒煎得好香口，肉質好嫩滑👍🏻3⃣珍珠奶茶 (跟餐)無論叫下午茶定普通餐牌，都附送凍熱飲。包括38叫既珍珠奶茶👍🏻不過就唔好期望太高，奶茶屬於奶多茶少，亦都好甜😵珍珠係細珍珠，所以無咩咬口😯推薦度：6.5/10🏠天水圍天湖路1號嘉湖新北江商場1樓C23-24號舖🕐8:00am-10:00pm

食咗20幾年既老字号🤘🏾早前見佢俾人加租而結業🥺都覺得好可惜😩仲諗緊之後冇得食點算點知見佢重新啟業即刻仆去試吓😚20幾年嘅水準都一模一樣冇變過而且又勁多飯餸味道不變係一間好難得嘅餐廳🍴平時最鍾意叫嘅餐係台式三拼飯，豬頸肉肉操飯，三杯雞肉燥飯雜扒飯，叉燒玉子飯，包汁雞絲飯樣樣都係我最鍾意😍不過今次帶咗台式三拼飯同雜扒飯叫呢兩個飯一定要叫肉操汁同咖喱汁係我永遠嘅首選😘飯菜夠多兩個女仔都夠食🙈一個字抵🥳

本身新北江商場都人流多，同朋友泥食個晚飯，坐最出嘅枱，超有夜市感覺，因為真係人來人往！叫左個椒鹽雞翼肉燥飯，朋友叫左雞排肉燥飯。 肉燥同其他台式餐廳有d唔同，色水比較淺，有少少似肉餅feel~ 但估唔到又夠味，所以都ok嘅。 雞翼都幾香又夠熱，冬天食係幾暖笠笠的~佢跟餐係包埋野飲，叫左個熱珍珠奶茶，都幾滑同有台式風味，珍珠夠淋，整體都ok! 係因為冬天大家著厚褸，變左通道有d窄同坐得唔太舒服！但夜市風味一流的

臺味開翻啦！！！街坊飯堂翻黎啦！🥰夜晚去到好多人，等位都等左一陣🙊🍗(金沙骨、雞翼、豬扒)三拼肉燥飯$54🍗🐔什扒肉燥飯(豬扒、雞扒、腸仔、火腿)$54🐔🍝乾炒牛河$51🍝份量依舊係霸王級，無縮水👍🏻食完飽足全日啦~肉燥都係印象中既味道啦，唔正宗但另有一番風味🥰.食物質素: 🌕🌕🌕🌕🌘食物顏值: 🌕🌕🌕🌕🌑性價比: 🌕🌕🌕🌕🌘回頭率: 🌕🌕🌕🌕🌘

肚餓了近近地走了新北江商場找吃的來到一間似台灣美食的店餐單上有各種的飯類和麵類叫了一碗飽汁雜茹米粉名如其名真的很多雜菇在米粉上面還有一些西蘭花和白色西蘭花作伴襯還有一些紅蘿蔔絲第一口味道好濃的飽汁味不錯，認真不錯食食下還食到有飽片不是真飽魚片我估應該是素飽片這間店還免費送上一杯台灣飲料價錢只可選13元如果選擇超過13元就要補錢我叫了一杯杏仁雪泡叫了少冰一入口的確有杏仁味淡淡的杏仁味很清新叫了少冰的確面頭只有3粒冰十分好，哈哈整體，超級滿意第一，價錢平民第二，好大碗，米粉吃不晒第三，送特飲13元以內，珍珠奶茶都包括在內，很好平民食肆肚餓時，會經常到的一間店

因為住附近既關係，收工番到天水圍已經8點幾，所以臺味冰點已經變左飯堂。實在係慳錢又方便既選擇！其實餐廳經常全場滿座，但係位置多，等一陣好快會有位。我最常食既會係蓮藕餅肉燥飯或者金沙骨肉燥飯，飲凍珍珠奶茶，講緊一人埋單都只係50左右，實在抵到爛。

今晚晚餐去左新北江食肉燥飯，呢間店一份餐既份量特別多，好大份好抵食，每次黎都一定要叫少飯，但唔好以為少飯就真係好少會唔夠喎...佢既少飯等於平時既正常飯量...呢間店由我細細個食到大，50幾蚊一個餐包埋野飲真係好抵食，仲要係堅好味。通常黎到我都會叫蒜香骨油豆腐肉燥飯。骨炸得酥脆，肉燥甜甜鹹鹹，佢入面係有好多肉碎，一碗既肉燥飯入面肉燥既份量多到用黎撈飯係可以每粒飯都包住d肉燥碎肉，食完真係好飽好滿足。另外就係，之前黎到都好鐘意叫佢個三杯雞肉燥飯黎食。但今次同行既媽媽叫左，佢係肉燥飯同雞翼分開上既，我試完隻雞翼之後就唔想食喇，因為佢真係咸得好過份，食完覺得好口渴同埋黎呢間店唔好諗住有咩好好既服務自己入去自己搵位坐就得，睇完食咩就嗌d呀姨落單D呀姨落單落得好快手D野食都上得好快。總括來講，黎呢間店食完之後會欖住個脹卜卜既肚走。

今日千里迢迢由灣仔去天水圍搵男朋友食lunch梗係要食番啲正野呢間台灣餐廳我男朋友食左好多年 一定有番咁上下質素雖然間餐廳位於新北江 鋪面唔係唔係好靚 一到午飯時間就好多人有啲逼但啲食物真係大件幾抵食佢今日既午市套餐唔係好岩我食 所以我就叫左豬頸肉肉燥飯個飯唔係講笑真係好大碗 豬頸肉既份量都真係超級多 有成十幾塊豬頸肉係蜜汁整既 所以偏甜 但配埋佢個甜酸汁就岩岩好肉燥偏乾身但啖啖肉好鬼滿足男朋友就叫左麻辣豬扒油豆腐台灣面我推介呢個面多過我個飯湯底辣辣地好濃味 油豆腐吸曬啲汁好正秘製豬扒又係好大份 好稔身整得好香四五十蚊就有碗面/飯再加杯野飲其實唔算貴