自家麵

營業中

休息中

🫶🏻鮮牛麵牛肉份量比想像中多咬落唔會太鞋口自家麵有彈口整體上不過不失😎🫶🏻手撕雞拌麵麻醬配搭青瓜絲手撕雞D量岩岩好唔會too much食落唔會太滯個麵感口感亦唔差

呢間又係短時間係港九新界插旗，見個名就知主打手功麵，所以平日晚飯時間就選擇左呢間，當日平日晚上，食客坐滿，剛好有位。餐具、枱面感覺油膩感… $75 牛展手功麵 寛麵 胡椒湯底 冬菇+9 寛麵質地煙韌，有口感，滑嘅，不過不失 ，少掛湯冬菇正常，牛展片應該有8片度啦 有生菜、芽菜但，個湯完全唔掂喎，胡椒味冇，鹹味和味精味好重好重，湯面泛起超多油，完全不解啲油係邊度泥，所以完全唔敢飲湯添。扣底左，麵量唔少，女仔要扣底，男仔會滿足！$71 豬軟骨手功麵 幼麵 胡麻湯底 中辣 幼麵質地有啲似幼米線呢個湯頭更油更鹹，就算中辣都唔太辣，胡麻感唔重，只係後勁感受少少麻豬軟骨份量多，冧身，軟爛，醃味唔重朋友仔食完需要馬上去7仔買茶解鹹，而我覺得實在太油膩啦。如果你係追求重口味、重油、飽腹感，就去吧🙂‍↕️

好耐無過來食, 今晚再來食一下, 都九点幾十点, 都坐滿客人, 敢啱有人走左, 望下餐牌有d選擇困難症😂, 最後叫左個芹菜豬肉餃🥟要胡椒湯底, 揀左中麵, 再加左份羊肉片🐏, 等左一陣送到, 份量都唔少, 飲啖湯先, 都係扁咸😅, 中麵份量都好足, 入面另外有d芽菜有d菇😁, 其實d麵浸左湯係OK👍, 食舊餃先, 其實咬開入面都幾多餡👍, 味道都OK, 但真係又係偏咸😥, 羊肉算瘦唔so😋, 但只只餃實在太咸😱, 食左之後加埋d湯, 真係勁口乾😲🥵, 應該再來食, 都唔會揀餃了😵

今晚年初二晚，10點幾好多舖頭無開有d閂左門，呢間收加2，叫左個豬軟骨麵，豬軟骨好難食，佢食材就咁烚，豬軟骨除左咸味無其他味，仲要好硬好柴。。唔會再去，唔會介紹比朋友

好似好耐無來😅今晚幫襯下, 要左☘️芫茜🐽豬肉餃胡椒湯底配🍜粗麵, 要左少辣😋等左一陣送來, 飲啖湯先😄咸咸地少少辣, 粗麵第一次食, 我覺得硬硬地, 我就麻麻地😅, 又試下芫茜豬肉餃☘️🐽食到芫茜的香味☘️🐽豬肉🐽唔係太咸👍, 食落唔係好油, 不過湯飲左有d口渴😅 碗麵份量足, 五只餃好滿足🥟🥟🥟🥟🥟, 店員服務態度好好😀下次再支持下😄

睇緊餐牌時俾阿姐叫左入去仲話包食過番尋味 根本呃人嘅我去嘅時候樓面一半位無坐滿 叫一羊肉碗麵等左25分鐘都未有叫阿姐追 見佢同廚房阿姐講左幾句先知原來無出單 無人理過唔止我張單 仲有之後幾枱都係一句交代/唔好意思都無阿姐之後拿拿林整左碗啲麵都未煮熟嘅麵黎又係乜都無講就放低落單阿姐話胡麻可以唔辣結果個湯麻到飛起 食完成口痺晒嗰隻肉嘅份量唔多 食完亦會口乾 明顯係味精湯底佢嘅服務同食物質素對唔住個價錢俾完錢出黎先見到有成蟲個嘜頭喺店名前面好後悔幫襯左 嘥錢嘥時間嘥胃容量

個餃子嚟到已經唔係好熱，咬開即刻中招，係生嘅。同員工講佢好似冇乜嘢咁，冇換過新嘅原碟翻熱就算，嚟到都唔敢再食，就連最普通嘅檸檬茶都勁難飲，個涼拌闊麵硬到傻咗。一定冇下次。

今日又想來食下, 今次試下粟米🌽餃, 今次試下酸麻辣湯底, 要中麵🍜 要左小辣, 等左一陣成碗紅色😅😅 飲啖湯先, 得個辣字, 無乜酸味😆 食下中麵, 都好滑, 試啖餃先, 有d粟米係入面, 唔算太好吃, 皮有d厚, 碗麵份量唔少, 一定夠飽, 入面有d菇, 芽菜😜 不過食左幾好喝🤪下次唔要依個湯底了😬

夜晚做完gym好多餐廳都截左單，見到佢仲開緊同埋有位就入左去食。嗌左個清湯牛𦟌中麵，牛腱夠腍，個面都唔錯，覺得都幾好食。因為自己鐘意食牛𦟌，所以之後都返兜食左咗好幾次。但係最近兩次去食，嗌返一樣嘅嘢，啲牛腱硬到咬唔開，咬到牙胶都攰，個湯又要勁鹹，好失望。第一次以為係自己唔好彩，咁唔今日師傅整得冇咁好食，都硬食咗成碗麵，只係比錢嘅時候同收錢姐姐講左聲「你地今日啲牛𦟌有啲硬喎」。點知第二次再食啲牛𦟌都係一樣咁硬，同啲姐姐講叫佢換過啲牛比我，佢好似覺得我特登玩嘢，仲差啲要我比多碗錢。雖然最後都有幫我換左平啲嘅羊肉，但係個姐姐都係補左句「咁你下次唔好嗌牛𦟌啦」。利申最後係用左牛𦟌嘅價錢埋單。失望。應該唔會再架去啦。要試都試第二間分店。

花園街地鋪成日更新，真係屹立不倒的餐廳，一定有佢個人之處，就好似呢間自家麵咁，隔籬嗰兩間同佢同一時間開鋪，都已經轉咗其他嚕，而自家麵仍然保持一定客流😊是晚難得同👨🏻未來老爺、👦🏻未來老公一齊外出撐枱腳😆，好難得三人一齊出街食飯，原本諗住食花園餐廳，不過👨🏻行過自家麵好似有興趣，就變咗食麵啦🤣！雖然鋪頭唔大，但小食同碗麵夠大份，好似手拍青瓜咁，小妹以為似譚x果啲細細碟啦，點知勁大碟，即刻抵食咗❣️《自家麵》有四選麵食供選擇：寬麵、粗麵、中麵、幼麵，全皆自家製作❣️💛滑雞手功麵（清湯、寬麵）下次要叫少麵先得，寬麵真係好寬，量亦好多，清湯湯底幾鮮甜美味😋，配搭鮮嫩雞肉，正👍🏻💛鮮牛肉手功麵（微辣酸辣湯、幼麵）原本想要米線，但呢度無，揀咗幼麵，麵質唔錯不易斷開，未來老爺不斷讚好食好食😊😊💛自家製白菜豬肉餃（即叫即蒸）製作需時，耐心等候，手功餃子🥟皮薄餡多，味道亦相對唔錯👍🏻💛洋蔥牛肉手功餡餅（自家製、原味）呢件餡餅係小妹心中的MVP，餡餅咬落係酥皮嚟架，香酥脆口，同平時啲餡餅完全係兩個層次，洋蔥牛肉又係完美配搭！當酥皮遇上洋蔥牛肉，簡直係絕配❤️《自家麵》基乎所有菜式都自家製作，食過先知，屹立不倒係

今日同家人來食, 佢要酸麻辣牛展湯寬麵, 我食羊肉胡椒湯幼麵, 另外加炸菜豬肉餅兩份食, 等左一陣炸菜豬肉餅先到, 再來牛展湯麵, 然後羊肉湯麵, 我先食炸菜豬肉餅, 入面d料好多好豐富😋炸菜唔會太咸, 豬肉亦唔會好油👍塊餅有少少脆, 一層一層的餅皮好好食😘😍再食我的羊肉胡椒湯幼麵, 胡椒湯的味道似譚仔的糊辣, 飲落好香唔會好咸😋羊肉亦好瘦亦唔會食到好蘇, 再食幼麵, 浸左d湯好好味, 另外有一些配菜, 份量足夠一定夠飽, 不過d湯實在太好味, 飲吖飲, 變左好口渴🤣😅下次又試其他先💞

今日又來試自家麵, 不過今日想清淡d, 唔想食餃, 叫左個雜菌清湯幼麵, 可能真係唔係叫餃, 今次好快到, 試啖湯好香濃, 今次第一次幼麵, 食落有d似拉麵, 不過份量真係幾多, 食極都有😅👍, 雜菌有鮮冬菇, 秀珍菇同金菇, 入面亦有d芽菜同生菜, 認真夠晒清淡👍😘又估唔到接近十一点, 都差唔多坐滿客人👍比初初開的時候差好遠👍👍

忽然想食佢, 之前係佐敦食過覺得幾好, 見佢係旺角開左都食過幾次, 今次唔要辣, 要左清湯底, 又叫番中麫, 今次上野速度比之前快左, 可能廚房熟左手, 另外或者開左一陣有d人知, 今次都好多客, 好彩我自己一個🥰, 容易d有位😅之前食過芫茜餃同韭菜餃都覺得唔錯, 但今次白菜餃就太咸😅, 可能d麫同湯都係清😚, 所以形成強烈對比, 份量都好足夠, 一定夠飽,但d湯大家飲左一定又係口渴, 但整體味道ok😋 都好多小食同配菜, 湯底有辣又不辣, 麫都分好多款😍一定有一款啱你哋口味

旺角食碗麵，一個人好容易搵位，叫咗個雞肉麻酸辣嘅麵。雞肉好嫩滑，份量都唔少，而且仲有埋生菜，味都煮得好有咬口，有口感，小辣就啱啱好，見到佢好似仲有餃子之類，下次可以再試吓

自家麵。之前見到佐敦有舖頭，想試好耐，今日做facial 前搵野食經過見到試吓。見到都有幾多野揀，見隔離好多人都係食餃子，不過我中意食牛肉，所以就試下肥牛。叫咗個肥牛寬面麻酸辣湯小辣，我個人覺得唔太辣，似譚仔既2小辣。而個麻酸辣湯湯底比較似南記既麻酸湯，有花椒油果陣麻香味，不過食完幾口渴。麵既方面呢，麵其實幾有咬口。肥牛份量唔多，大概得六七塊左右。另外仲有菇，芽菜，生菜。配料都幾多。留意番舖頭暫時淨係收現金， Alipay 。