自家製韓國刀削麵 (山林道)

營業中

休息中

去睇韓團con之前🎵梗係要食埋愛豆介紹嘅韓國菜.今次特登嚟呢間韓式刀削麵專門店試下我愛豆最愛嘅「花蛤韓式刀削麵」🐚🍜.湯底有花蛤鮮味，花蛤無乜砂手打麵係闊麵，煙煙韌韌幾好食～上菜速度夠快而且湯夠滾♨️除此以外有少少雞蛋絲、紫菜同冬菇.午市套餐跟埋飲品同餃子🥟🐷大豬肉餃子皮薄但口感軟淋淋🥲麻麻地lunch set幾抵食😆.間店比較細，所以lunch time需要排隊人齊先入得枱店舖外有「李家」logo ，相信係同一個集團嘅韓國餐廳🇰🇷.🦀 ᴏᴠᴇʀᴀʟʟ ꜱᴄᴏʀᴇ 7.5/10 ⁣味道8/10｜環境6/10｜服務6/10｜回頭 ⁣✔.ꜰᴏʟʟᴏᴡ ᴘᴜᴜ ᴇᴀᴛꜱ🦀 @sake_krd 食勻全世界🌍✈️🔎相同菜系及地區: #KRD韓國菜 #KRD尖沙咀

香港特色的韓國刀削麵專門店 原來韓國菜都會有刀削麵,相信應該是結合了中式的麵條與韓國菜的風味而成,在銅鑼灣,尖沙咀,元朗都有分店,滿滿都是排隊的食客。每碗麵條價錢約78元,不算昂貴,份量卻好充足,難怪有好多人冒名而來~今次排了約30分鐘才有座位,小店一間卻座無虛席~ 花蛤刀削麵花蛤的份量頗多,最少有15隻，每粒都飽滿無沙，好新鮮~此店自家製的手工刀削麵，麵質煙韌彈牙，好有中式刀削麵條的口感~搭配翠玉瓜、紫菜絲及雞蛋絲，口感豐富。 牛骨湯刀削麵此店的推介之選,牛骨湯以牛肉及牛骨經長時間熬煮而成奶白色的湯底,每一口清湯都充滿淡淡的牛肉鮮味~韓國牛肉薄片嫩滑，味道濃郁，搭配韮菜、冬菇絲、紫菜絲及雞蛋絲，配料相當豐富~ 五花肉泡菜煎餅橙黃色的韓國泡菜煎餅外觀吸引,吃落外脆內軟，泡菜的酸辣味道與同五花豬肉的油脂配合得天衣無縫~ 自家製韓國刀削麵 (山林道)尖沙咀山林道46-48號運通商業大廈地下20-27號舖 #刀削麵 #尖沙咀 #韓國菜 #koreanfood #korea #香港 #牛骨湯 #花蛤 #korea #濟州 #首爾 #座無虛席 #熊本熊 #kumamon #宮崎犬 #部長 #熊本

之前都一路未試過韓式嘅刀削麵，今次收工同朋友仔嚟試，舖頭位於山林道，其實而家香港啲餐廳生意都唔係特別好，估唔到呢間細細嘅舖頭居然都仲客似雲來，坐爆咗個場仲要排隊等位。我諗都真係好多人好欣賞呢間舖頭。我之前係從來都冇食過嘅，今次同朋友仔叫咗一個花蛤刀削麵，我想講嘅係呢個花甲麵湯底係出乎意料之外地鮮甜！佢嘅鮮甜係一啲都唔膩，亦都唔鹹，清得來都好夠味！另外我哋叫咗個牛骨湯刀削麵，如果鍾意清清地嘅朋友好適合叫呢隻味，另外又有覺得意外嘅地方就係估唔到牛骨湯係比花甲味更清，感覺超健康！好啱我哋啲鍾意清清地唔好太Heavy嘅朋友仔嚟食💕呢度嘅餃子勁大粒，同埋都非常之好味，好值得叫嚟試！同埋我最鍾意嘅泡菜係任食無限添加！😍真係非常之正！

平時都特別喜歡吃刀削麵，覺得特別彈牙，估吾到韓國都有刀削麵。呢間餐廳仲係全港第一間自家制刀削麵，難怪晚餐時段坐滿晒人，出面仲keep住有人等位😲餐廳係傳統韓式設計，枱面有韓國直送醬油，超正宗👍🏻🍜花蛤刀削麵湯底好清甜，花蛤份量好多，鮮甜無沙，刀削麵超Q彈有口感😍🍜辣拌刀削麵冷拌麵麵質更加煙韌彈牙！每條麵都均勻拌上韓式辣醬，另外仲有大量紫菜碎同蛋絲，撈埋食好惹味😋牛𦟌味道都不錯，有小小筋腱，有口感。🥟大豬肉餃子大大粒，好飽滿😍豬肉餡料幾多，幾鮮味👍🏻🌟餐廳食物份量充足，男仔食一碗麵都一定飽，而且刀削麵質素相當高，價錢相宜，性價比超高。

講起韓國菜，通常都係聯想起烤肉同石鍋拌飯，今日就試下新組合，韓式湯底配自家製刀削麵😛 餐廳一共有三間分店。家庭式嘅裝修風格，充滿傳統韓國小店嘅味道~刀削麵口感Q彈，配搭蛋絲一齊食，又係新一重口感。每一碗麵都份量十足😱 連附送嘅配菜都唔錯，好期待下次試埋韓國豆汁冷麵😋花甲刀削麵 本身擔心湯底會好清淡，但充滿着海鮮嘅鹹香鮮味，完全唔會覺得膩。大醬湯刀削麵重口味之選，大概係小辣程度，鹹鹹辣辣，每條刀削麵都蘸滿香辣湯汁。牛肉韓式煎餅有咬口嘅煙韌口感，淡淡肉香。

自家製韓國刀削麵位於尖沙咀山林道，餐廳內部裝潢簡潔明亮，營造出一個舒適的用餐環境。見到餐廳門口都排著一隊的人，所以今晚就特意試下這個韓式刀削麵。餐前泡菜，酸甜爽脆，開胃之選。牛骨湯刀削麵，湯頭濃郁，麵條滑溜有嚼勁，蔥絲與紫菜絲增添層次，牛肉薄片，煙韌有牛味。雞髀刀削麵，麵條勁道，也有蔥絲與紫菜絲，雞髀一大隻，肉質很腍，搭配清甜的蘿蔔，滋味和諧。大豬肉餃子，個頭飽滿大隻，皮薄餡多汁，肉香四溢，口感滑嫩，令人滿意。

前排尖沙嘴開咗間自家製刀削麵店，係人氣韓國炸雞品牌嘅副線，開業冇耐已深受大家歡迎。店內裝潢行簡約風，莫名有種家嘅感覺，十分溫馨。午餐時段更有套餐，性價比甚高。私心推介牛骨湯刀削麵，湯底採用牛肉同牛骨熬至而成，啖啖牛肉香氣，飲落暖胃，要加湯呀！牛肉軟嫩，刀削麵Q彈，煙煙韌韌，令人一試難忘。上面仲有紫菜、雞蛋絲等，睇得又食得。另外有豆汁冷麵，以冷豆漿湯底代替湯汁，第一次見，有豆同芝麻香，唔算好濃，配上青瓜絲、黑芝麻等配料，感覺清爽，開胃，夏天食比較適合。小食有海鮮韭菜煎餅，四大片，薄薄一層，香而不膩，下次要叫埋大大粒嘅餃子。

我一直都好想食，今次終於拉埋個Frd 一齊去。主打韓國風味嘅刀削麵，非常有特色。今次試咗兩款麵，一碗係 #牛骨湯刀削麵，同埋 #花甲刀削麵。牛骨湯刀削麵嘅湯底非常濃郁，牛骨味道豐富，麵條非常煙韌彈牙，食完飲埋啖湯都唔會覺得口渴，證明絕無味精👍🏻👍🏻花甲刀削麵湯底清甜，花甲肉質鮮嫩，配埋煙韌嘅刀削麵，口感豐富。花甲食極都未食完😝兩碗麵嘅口味各有特色，非常有驚喜。🍜🦪🍜🍜另外仲加咗一份 #五花肉泡菜煎餅，煎餅外脆內軟，泡菜嘅酸辣同五花肉嘅配搭得恰到好處。🥞🥓🥞🥞呢間餐廳嘅韓國刀削麵質素好高，值得再去一試！黎既時間可能要排十至二十分鐘，唔想排隊，記得早少少去食啦😍

#MC帶你去尖沙咀.韓式燒肉、炸雞、石頭鍋飯食到悶，咁韓式刀削麵又試過未呢？！依間刀削麵餐廳係人氣韓式炸雞店「李家」嘅副線品牌，食物質素一定有保證！➖✨ 부자칼국수 自家製韓國刀削麵.餐廳為香港第一間韓國刀削麵，主打韓式刀削湯麵及韓式蒸餃；店內裝潢簡單樸實，柔和色調配以木系餐桌，充滿韓式小店氛圍。➖🥢 花蛤刀削麵｜$78（⭐必食）.花蛤份量都幾多，足足有成15-16隻，粒粒飽滿無沙，加上自家製手工刀削麵，質地煙韌口感彈牙，而湯底比較清澈透明，但味道幾鮮甜！搭配翠玉瓜、紫菜絲及雞蛋絲，口感豐富。➖🥢 牛骨湯刀削麵｜$78.以牛肉及牛骨熬煮成奶白色湯底，淡淡牛肉鮮味；牛肉片薄切嫩滑，韓牛味道濃郁，搭配韮菜、冬菇絲、紫菜絲及雞蛋絲，配料十分豐富。➖🥢 雙拼餃子｜$68.拼盤各有兩隻泡菜餃子及豬肉餃子；豬肉餃子肉汁滿滿，泡菜餃子微辣易入口；餃子皮幾柔軟，兩款餡料都十分飽滿，好滿足！➖➖➖➖➖➖➖➖➖➖➖➖➖➖#Ming_Course #油尖旺區美食 #尖沙咀美食 #尖沙咀好去處 #香港美食 #香港探店 #尖沙咀 #佐敦 #自家製韓國刀削麵 #韓國菜 #香港韓國餐廳 #香港韓餐 #香港韓國餐廳

山西刀削麵食得多，韓國刀削麵真係未試過。早排老婆話想食韓國好西，即刻上網search見到呢間全港第一家自家製韓國刀削麵，我諗應該適合鍾意試新嘢嘅佢。雖然地理位置唔算方便，但食完真係覺得嚟得好值得。 首先，server態度好好，全程超好笑容，又會介紹有咩好食啱食。中間有客人話想去洗手間，高佬哥哥即刻拎紙巾俾佢，好impressed。 跟住講吓食物- ✦ 花蛤刀削麵 HKD78 ✦ 花蛤足料而有鮮味，完全冇沙。刀削麵煙韌彈牙。湯底鮮甜。份量係非常大碗，作為男人都食唔晒。 ✦ 豆汁冷麵 HKD78 ✦ 豆汁濃厚。就咁飲甜甜哋、有豆渣、好飽滿。加少少鹽掛埋落個麵度，口味特別，咸甜交融幾合襯。 ✦ 雙拼餃子 HKD58 ✦ 超 級 巨 型，餃子拳頭咁大隻，皮薄、餡又靚又多。雙拼有大泡菜餃子同大豬肉餃子兩種。泡菜款辣辣哋好惹味，而豬肉款就行鮮味、爆肉汁路線。

提到傳統嘅韓式麵食，唔少得香港呢一間韓式刀削麵！佢係位於山林道，午膳時間來到都坐滿客人而且裝潢就係韓式風格為主，每台客人呢都會有免費嘅泡菜，真係好似置身韓國鯷魚湯刀削麵鯷魚嘅鮮甜令到成碗湯提升佢嘅鮮味棉質彈牙，而且掛湯，份量超多！花蛤刀削麵花甲嘅大細適中而且吐沙沙乾淨，帶有甲殼嘅鮮甜味！而且有蛋絲同埋蔥花，增加成碗刀削麵嘅口感！雙拼餃子傳統嘅韓式餃子有原味同埋泡菜味啦，每個都有半個拳頭咁大！加上佢有韓式粉絲喺入面，食完真係會好飽，好滿足！

韓國菜黎講除左炸鷄同燒肉，另外鍾意食既就係餃子同湯麵，今次就去左李家集團既【自家製韓國刀削麵】。食物選擇上有幾款刀削麵、餃子同煎餅，以刀削麵店黎講、選擇都算ok。牛骨湯刀削麵：刀削麵我就選擇左牛骨湯、牛骨湯燉到奶白色有膠質、非常鮮甜香濃、而且唔會好鹹，如果唔夠味、仲可以自己加鹽同胡椒。刀削麵麵體偏粗、非常煙靭有咬口，唔會煮到發曬。裏面有牛展、蛋絲、紫菜、葱蒜等，口感豐富。雙拼餃子：雙拼包括豬肉白菜同泡菜，新鮮蒸起、熱辣辣。皮超級薄、裏面餡超級多。泡菜味道會有D偏辣。

我今日約左閨蜜去尖沙咀行街，順道去位於尖沙咀山林道46-48號運通商業大廈地下 20-27號舖的自家製韓國刀削麵食特色麵，環境舒適，坐得舒服。我點左個牛骨湯刀削麵 $78，閨蜜點左個花蛤刀削麵 $78，另外點左個 海鮮韮菜煎餅 $78。牛骨湯的湯底鮮甜，牛味濃郁，配料有紫菜絲、蛋絲、韮菜、冬菇絲及牛肉片，刀削麵麵質煙韌彈牙；花蛤刀削麵的湯底清甜，花蛤份量不少又冇沙，蛤肉鮮甜好味；海鮮韮菜煎餅係方形，食得到魷魚絲和韮菜，餅底煙韌又有咬口。

📍自家製韓國刀削麵🗺️尖沙咀山林道46-48號運通商業大廈地下20-27號鋪最近又好掛住韓國，去左呢間韓國刀削麵試下入到去真係有韓國feel，裝修簡簡單單，仲有特色韓國街頭牆🤣⚡️花蛤刀削麵 $78湯底好鮮甜，適合想食清啲嘅人～ 花蛤份量都多，刀削麵口感幾好，煙韌彈牙！不過麵真係好大碗，食唔晒🙈⚡️牛骨湯刀削麵 $78牛骨湯相對濃郁，比較creamy啲😌同樣地上面鋪上紫菜絲同蛋絲，味道更豐富可惜牛肉就少左啲⚡️五花肉泡菜煎餅 $68泡菜煎餅加上五花肉一齊煎，味道唔錯，唔會辣，口感偏淋，如果多少少焦香，脆身啲我會比較鍾意😆

餐廳位於山林道食街，街上沿途都有各式各樣的餐廳，但韓國刀削麵脫穎而出，大排長龍，好多人幫襯。餐廳主打韓式刀削湯麵，還有一些韓式小食。手機掃QR code落單，挺方便。餐廳有水和泡菜免費提供。花蛤刀削麵超大碗麵，有好多好多麵，食完勁飽肚。花蛤的鮮甜味道能夠在湯底喝得出。麵裡還有蛋絲、紫菜絲和韮菜。牛骨湯刀削麵刀削麵條長長，挺有彈性，口感屬煙韌。 湯底呈奶白色，牛肉片係薄切。雙拼餃子大豬肉餃子和大泡菜餃子各兩個。真係好大隻，同喺韓國食既大餃子一樣大。我個人喜歡豬肉餃多些，泡菜餃比較辣。