影片
次次咁啱屋企無飯開同聚會諗覆去深水埗的話，一定都會黎自家煮意！有別於一般茶餐廳，感受到每道菜都有心機煮的！店面雖小但一有一大班人去的話，員工都好幫手安排座位一齊坐！水煮魚同口水雞都推介仲有個蝦醬蒸蝦餅真心送幾碗飯！👍🏻👍🏻👍🏻下次去再影圖！例湯都值得一提嘅係，佢係無味精！市面上要搵無味精的湯好似仲難過搵老公！！！！ 呢間舖頭啲嘢係新鮮，味道又足夠，獲氣都好夠！要食茶記的話，真係呢間好過翠華添呀
繼續閱讀
深水埗汝州街有間茶餐廳店名好得意叫做自家煮意，咁過癮僅係要試試喇，見到門口午餐牌介紹都ok，環境座位乾淨，服務員招呼尚好。坐低，拎起餐牌一望，原來餐牌已經 set 好了星期一至星期日食乜餐，重有5款餐任君選擇，好貼心呀。Set Lunch 有 A-E 餐、例牌送熱飲或例湯、還有餐牌標榜著例湯不含味精。再望向牆身原來有個食常餐既餐牌，由於座位同牆身有一段距離，所以影唔到餐牌。跟著二話不說之下，就點了個常餐食 ( 半塊厚多士、炒滑蛋、叉燒通粉及熱檸茶 ) ，雖然半塊厚多士唔算厚但烘起嚟唔燶、多牛油，味道ok；炒蛋好滑但份量少唔夠喉；瘦叉燒好彩唔揩口、通粉分量ok唔算多亦唔算少，之於友人們就點了午餐D (馬拉盞干炒肉片河)、佢哋話碟河炒得好有鑊氣、夠熱，唔似例飯般預先炒定、只不過馬拉盞就鹹了些；其中一位友人嘗試飲那不含味精的例湯、他說飲完冇喉亁ok。整體上都可以再試多次。
繼續閱讀