膳美餐廳 (灣仔)

唔洗食會展 $100 蚊高價劣質飯盒真好，雖然要走到會展門口取餐點，無問題啦！叉燒飯⭐️⭐️⭐️叉燒微甜鬆軟充滿肉汁，肥瘦適中不乾硬，雖然沒怎麼的焦香。同事稱食完渴到癲，不過我完全無事，可能兇手係燒味豉油。冰冷菜芯也毫不馬虎，爽甜翠嫩沒半點渣，高質！銀魚仔肉餅飯⭐️⭐️⭐️⭐️⭐️厚厚銀魚仔肉餅掂過碌蔗！熱辣辣豬肉甜味極濃，肉汁滴滴閃閃發光！大大舊肉加少少咸香魚仔點綴配少少白飯塞入嘴仔，味道超然！冬瓜火腩飯⭐️⭐️⭐️⭐️嬸嬸稱廚房師傅太忙拒絕炒底，心諗唔會架麻，無緊要。比預期中高質，色香味俱全！冬瓜夠熟爽爽清甜兼爆汁，火腩嚼勁十足，不過咸剛剛好，撈飯絕配拍手叫好！

唔洗食會展 $100 蚊高價劣質飯盒真好，雖然要走到會展門口取餐點，無問題啦！

叉燒飯⭐️⭐️⭐️叉燒微甜鬆軟充滿肉汁，肥瘦適中不乾硬，雖然沒怎麼的焦香。同事稱食完渴到癲，不過我完全無事，可能兇手係燒味豉油。冰冷菜芯也毫不馬虎，爽甜翠嫩沒半點渣，高質！

銀魚仔肉餅飯⭐️⭐️⭐️⭐️⭐️厚厚銀魚仔肉餅掂過碌蔗！熱辣辣豬肉甜味極濃，肉汁滴滴閃閃發光！大大舊肉加少少咸香魚仔點綴配少少白飯塞入嘴仔，味道超然！

冬瓜火腩飯⭐️⭐️⭐️⭐️嬸嬸稱廚房師傅太忙拒絕炒底，心諗唔會架麻，無緊要。比預期中高質，色香味俱全！冬瓜夠熟爽爽清甜兼爆汁，火腩嚼勁十足，不過咸剛剛好，撈飯絕配拍手叫好！