膳心小館

營業中

休息中

住喺附近咁耐，試吓呢間嘅早餐，火腿通粉超鹹，鹹到食唔到，香煎雞扒有雪味，好似求其煎吓就算果款，老實講大快活仲好食過佢，店員態度差，一聲招呼都冇，完全冇禮貌，下次唔會再去

成日覺得過時過節 先可以食到蛋捲但係其實而家想食蛋捲 唔駛等到過時過節㗎因為係阿布泰都可以方便買到😝或者直接去兩間門市都有得買🛍️而且仲有其他口味選擇 咖啡味同鳳凰卷都係我至愛 不過上次去無貨 下次要再試吓🤤🤤原味蛋捲 $100除咗比佢哋嘅包裝吸引之外😍一打開蓋 就已經聞到好香嘅蛋同牛油香味蛋捲入口鬆化 有蛋香 唔會太甜一食仲停唔到口添😋💛膳心小館 📍 石硤尾 白田街美葵樓地下6號鋪 📍 將軍澳 至善街5號雍明苑雍明商場地下5號 舖💛購自 阿布泰國生活百貨🇹🇭

行完黃金電腦廣場，唔想煮晚飯，一於買外賣返屋企食。唸起附近的膳心小館，佢地真係好善心，之前喺牛頭角提供免費熱飯俾區內老人家，而且食物主打少鹽少糖，理念好值得支持。見到OpenRice有唔少差評，不過我哋覺得又幾好食喎。楊州炒飯（$45）難得足料，未見過$45的揚州炒飯會有咁多蝦，亦好大隻，有鍋氣，冇味精，抵食又健康。糖醋魚塊($68)好大碟，魚塊炸得有口感，肉質鮮嫩，甜酸味度適中，送揚州炒飯一流！紅豆沙糖水（送嘅）送咗兩碗紅豆沙糖水，真心多紅豆，煮得亦夠耐，起沙，唔太甜，好味！餐廳好味又抵食，兩個人都食唔晒，留返第二日再食。

😌 依晚小編又去買外賣做晚餐，去咗幫襯膳心小館！［ 亂闖試食 ］🍽 乾炒牛河 😋😋😋😋鍋氣十足，好大份！見到成盒色水咁深，但食落唔會好鹹，牛肉又唔會乾柴！河粉炒得夠散，但又唔好零碎！😙晚餐 💵 約港幣$40/人💁🏻‍♀️ 晚市依個餐仲會送湯水或糖水，一樣都係冇落味精！附近嘅街坊想買外賣，可以考慮下依間小店，佢哋仲有兩餸飯提供tim 㗎！🙆🏻‍♀️ 最後，喜歡嘅話，歡迎follow @foodirectory.hk！

27-8-2022 (Sat)特登同老公去懲罸八道餐廳後(食評係8月27日刊登嘅呢篇: https://www.openrice.com/zh/hongkong/review/yeah-%E5%A5%BD%E5%A4%9A%E9%81%B8%E6%93%87-e4515865),就去石硤尾搵呢間買低糖月餅,因為上佢網搵唔到,我哋嚟到,都係見有好多嘢賣,但見唔到低糖月餅,咁一場嚟到,冇理由空手而回,雙黃白蓮蓉嘅,留待去下一站嘅生隆餅家https://www.openrice.com/zh/hongkong/r-%E7%94%9F%E9%9A%86%E9%A4%85%E5%AE%B6-%E6%B7%B1%E6%B0%B4%E5%9F%97-%E6%B8%AF%E5%BC%8F-%E5%94%90%E9%A4%85-r762231至買,咁就用$158.00買一盒迷你雙色,陳皮豆沙同奶黃各兩件.店員提醒我拎到返去一定要雪住.到1-9-2022 (Thur)晚,我就拎一個陳皮豆沙出嚟食,切開睇,見到豆沙餡好幼滑,食落,噢! 陳皮味太搶喇,連我老公呢個要求唔高嘅豆沙怪,食咗1/4個都話唔再食,因為

真係差到一個點，劣食。冇一下次近近哋貪方便就中伏叫咗個常餐牛肉通粉配黑松露蛋先唔講賣相，$40都唔會有太多期望一啖牛肉，個味好奇怪，再細嚼，酸餿味就湧出嚟即吐出嚟，再試多舊都係咁，就講俾棟係度個阿姐知，阿姐第一句就話，點會壞丫，冇可能！😅點解冇可能，點解唔係第一句處理咗問題先，而唔係講一句冇可能。。。好，換咗，其實換咗都有咁嘅問題，算數食咗蛋同通粉就走人。食食下期間，隔離枱客因為太接近貨品，咩貨物呢，就係牆邊嘅口罩跌咗兩盒落客人度，店員並無任何反應，過咗一分鐘先有一個男店員人埋去執，執完沒有講任何嘢，到最後係個女收銀埋去問有冇整親，嘩，真係超級超級差

建議：想入貨可以去膳心既2️⃣間門市：石硤尾/將軍澳，或者阿布泰都會現貨通常Encore 既都好少會再出Post，今次再再再N訪#膳心小館 又入番2️⃣罐#鐵罐蛋卷 😂 如果你都係蛋卷控 真係要慎入#蛋卷關注組 🙈❤️ 因為真係會一罐接一罐甘不停補倉試過唔同牌子既蛋卷，有蜂巢蛋卷、牛油蛋卷，而#膳心蛋卷 既蛋卷質感偏厚脆，比較岩#試伏專員 既口味。今次試左：▫️咖啡蛋卷 🤎 (HK$100)平時唔係特別好咖啡，不過見到crossover #汝州街壹貳玖 又想試下🤤 如果只係想淺嚐咖啡味，都算唔錯，食落咖啡味唔算好濃。▪️桂花蛋卷 💛 (HK$100)依款係#試伏專員 每次都會Encore 既口味，每啖食落都有淡淡桂花香，而且蛋卷質感厚實。#情報開心Share 食到甘上下又想補倉，記得Follow 膳心既艾豬/FB，佢地門市/網店有時會做買四送一。4月尾佢地做左次優惠，再送原味/黑糖馬仔😌

係Fb見到此店有糉賣！咁咪專程坐車過去買來試試！二隻60元！唔係問題…….買了回家一試🙂完全唔掂🙅‍♀️仲差過街邊檔賣的糉😡咁樣收人30元一隻真揾笨！唔會再幫襯此店😌

🇭🇰 < < 膳心小館> > 賀年必買💰 [ ~$100］👯 [ ~10mins ]📍 [ 石硤尾白田街13號石硤尾邨美葵樓地下G06號舖 ]______________________________1️⃣[ 原味蛋捲🥚🫔 ］ʜᴋᴅ100✍🏻 每年新年都會去膳心小館買特別版蛋捲今年佢哋同胡氏這一家合作推出賀年蛋捲分別有家鄉蛋捲同原味蛋捲😋家鄉蛋捲主打無牛油 以洋蔥油代替 想健康少少嘅話就可以買呢一款試吓我哋今次買嘅係原味蛋捲🤓打開蓋就聞到絲絲嘅蛋香同牛油香最鍾意佢一點係唔會過分脆弱🤣拎上手唔會甩碎左一半食落都好夠鬆脆同香口而且唔算油膩 食左一條唔會即刻覺得滯另外佢哋嘅鐵罐設計亦都好吸引我買😍上年同連豬合作 今年就係胡氏這一家但美中不足係圖案係一張紙痴上鐵罐而唔係直接印落去 所以如果想保存圖案嘅話記得要好好打理😆除咗以上介紹呢兩款仲有好多款唔同口味嘅蛋捲 其他賀年食品 例如係蛋散角仔馬仔都有得賣上年都試咗覺得唔錯🥰大家經過開嘅話快啲去買返啲嚟試吓送禮自食都好啱嫁🥳😋好味指數：8.5/10🏃回頭指數：8.510🔎🏷️ #letus九龍 #我要吃掉全世界 #let

建議：記得上艾豬睇定有無貨，依家做緊優惠買四送一 👍終於都買到膳心既蛋捲啦，中秋去拎月餅既時候已經賣曬。前排碌艾豬，見佢地話番左貨。襯住去開石硤尾就去入左兩罐👍 包裝已經轉哂唔再係連豬，變做貓店長同店員🐱 價錢亦調整左之前賣緊HK$89，依家一罐HK$100 🙈 價錢都算少貴，久唔久當止下口癮😂 不過如果買得多就最抵👍 因為依家係做緊優惠 買四送一，姐係一罐只係 HK$80。前題係會買五罐，可以考慮囤貨或者搵人夾🤣今次試左：▫️桂花蛋捲▪️朱古力蛋捲細細個屋企人好鍾意賣鐵罐蛋捲，仲要唔夠力開，要用一蚊撬開個蓋😂 打開既個下聲真係好正。一次又唔可以食太多，因為一定會被發現。而鐵罐除左比較存氣，仲有一個好處係：攬住食啲碎唔會周圍都係，食哂成罐仲可以一次過食埋啲碎😎膳心既蛋捲一打開罐，有塊薄膠片檔住第一層。雖然開罐後唔會有陣蛋香味，但色水唔錯。桂花蛋捲第一次食，有淡淡既桂花味。而朱古力蛋捲既味道亦唔係好濃。不過蛋捲既口感唔錯，幾厚實唔會太易散，而且唔係太油膩。聽講佢地既抹茶味同紫薯味都唔錯，下次有機會會再試下。

建議：高質硬紙包外盒，重用又得，回收都得 一年容易又中秋🌝🥮 月餅吃到飽第2️⃣激：膳心小館。舖面係石硤尾美葵樓，深水步行過去都唔係太遠。今次試左：▫️五仁月餅▪️雙黃白蓮蓉月餅膳心蛋捲聽得多，今次就食月餅。一盒4️⃣個(每個約185克)獨立包裝，硬紙盒裝都幾高質👍 兩款月餅拎左之後，拎完先啪左一個🌕🥮 另外既就再擺左差不多一星期左右先食，雙黃白蓮蓉月餅切開有油😍👍 整體黎講算係偏甜，食完白蓮蓉月有少少膩，不過蛋黃好大粒，出埋油真係幾靚仔。如果會有低糖/減糖版，可能會好啲 😋五仁月雖然無蛋黃，不過入面料都算多。傳統既五仁月既餡係有：橄欖仁、核桃仁、杏仁、瓜子仁同埋芝麻仁。長輩一致認為👨🏻‍🦱👵🏻瓜子仁既比例較多，如果多啲果仁會更好。🥮另外要留意番：月餅包裝 同月餅面既字都無標示係咩月，所以如果唔小心調亂只能靠月餅面既花紋分辨番😂 或者拆盒時記得Mark番。如果想知食用日期同成份就睇番紙盒底。

痴線！原來出咗桂花味！自從牛頭角唔續租之後就冇再買過發現原來搬咗新鋪了！即刻衝去買返兩罐先！其實蛋卷黎講真係由細細個開始就食華園，之後鐵罐轉左內獨立包裝就轉食奇華，德成號唔係成日買到而奇華又不了👋🏻試過好多間蛋卷 皇后/尊/真香/海邊走走…全部都覺得好難食 我寧願幫襯街市獨立一小包果隻蛋卷直至膳心小館嘅蛋卷 開心仔 係一罐蛋卷一碌碌嫁！試哂咁多隻味 最寵幸嘅都係原味！今次見到出桂花味！omg 諗都唔諗買左兩罐！小妹妹話鍾意原味嘅都轉哂食桂花🤣其實自己一向係好鍾意桂花嘅清香！冇諗過會有桂花味嘅蛋卷！因為玫瑰味我都試過！但呢個真係好好食😋佢係一食依然咁鬆脆，唔知點解而家條蛋卷可以做到咁齊口😂首先食果下仲係先黎牛油蛋香味，after taste先出桂花清香味！完全唔會冇咗原味有嘅嘢仲多咗一個層次！好難唔轉軚😂😂😂馬仔都好食，不過蛋卷真係好出色！我食過N罐原味😆椰子、抹茶、咖啡、朱古力、芝麻。其實除咗椰子味之外都蓋過原有嘅牛油蛋香，而且比原味略厚一點。但我唔特別鍾意椰子味，所以桂花今次真係冇得輸！#我真係好鍾意食蛋卷#膳心小館

好似下面個食評咁，我每個月都會幫襯兩至三次。我多數會買三個淨餸，有一次試過買四個淨餸，今次呢就買兩個淨餸（係XO醬白菜仔炒牛肉同埋西檸雞）加1個星洲炒米，每次都會加$15 嘅例湯。佢哋個外賣盒呢就有850 ml嘅，淨餸嘅份量就會佔起碼七成至八成，湯呢就會有九成滿嘅。食物同埋湯唔覺有咩味精，食完唔會點口渴，口味就好似屋企煮咁，總之就都幾好食嘅。星米炒得好乾身好食，牛肉唔老，西檸雞嘅雞肉冇雪味，好嫩身，味道啱啱好。我繼續幫襯

每月二三次光顧已超過一年，員工每次都很有禮貌和友善!但是，每次外賣淨餸份量都有問題，份量少基本上總體是比三餸飯少!😡😡😡今次更誇張‼️‼️單餸紅燒豆腐只有半碗! 〈係肥佬員工裝的〉賣人$38真係痴線🤢🤢

從未寫個食評投訴的人都要立起心肝寫食評寫清楚極差的形容1 - 沙嗲牛麵咸到極級加咗兩杯水亦未能調和咸道～ 真係挑戰我哋環保的人，5想浪費，只好勉強食，味覺警戒我以後一定不會再去幫襯～～～2 - 啡走～打單打全走～即係咩我要係煉奶咖啡～3 - 出餐冇跟膠刀，只好用膠匙切蛋亦係一個好經驗總好過膠匙都冇至於無敵的員工，更加要讚～只有大聲吹水又吹水，我只是來進餐，不想聽你們大聲講馬講閒話講$30都入錯數的低級事，實在太 太騷擾客人了～全個廳只得兩個客，就要好好檢討喇餐廳生意好生意唔好一定有原因～見到你哋咁，我應該整醒目就入來～～～～此次一次吧～～