膠得喜 (已結業)

星期日下午係圓方睇完戲，又到晚餐時間，坐個小巴黎佐敦搵食晚上7點，直入餐廳就有位睇睇推薦餐牌，價格貼地叫左兩款主食加一盅燉湯膠得起撈麵_改魚蓉麵第一次聽魚蓉麵，望落似白色的粗麵，吃落去係比較滑身，容易咬，質地都唔錯！比花膠令我更驚喜的是大大舊冬菇，真係有我半隻手咁大，超厚肉講真價格$63，有咁大又厚肉的冬菇，又有大大舊花膠，都真係好抵！唯一要挑剔的是，身為一個嗜辣的人，食麵時都忍唔住想落下辣醬，而餐桌上的辣醬是獨立包裝的潮州辣椒油，稍欠誠意，不過味道與撈麵都算合襯。花膠鮮雞泡飯朋友叫左泡飯，我吃左幾啖，味道都唔錯雞湯底，上面一粒粒白色係花膠粒螺頭花膠雞湯全晚最滿意的燉湯熱辣辣，又足料，見到有雞腳、龍眼、花膠、螺頭、金華火腿喜歡！！整晚的客人不算多，黎得既多數都係附近熟客仔，亦見有人打完麻雀就黎飲碗湯，講真，咁真材實料的店鋪值得多d人黎食

膠得喜(5/9) 星期日 下午1:00左右特式：佢地既花膠絕對係賣點，有厚有薄，有成塊有碎上，睇自己需要同價錢，任君選擇。食set lunch會包一碗花膠湯同飲品，不過要飲花膠特飲就要加錢。食物：花膠雞泡飯-都有幾多碎花膠，雞肉正常，唔算太滑溜，花膠雞湯底幾好，夠味又唔太油，清清地幾滿意。花膠扒椒鹽豬扒飯-塊花膠扒夠厚，加埋d椒鹽，令到本身無乜味既花膠扒更好味，豬扒正正常常，都幾鬆軟，但飯量太少。飲品：有幾款花膠特飲選擇，花膠杏霜好味，同花膠好夾，花膠薑味奶茶就麻麻，無花膠味，無奶茶味，薑味蓋過晒。環境：普通，得4~5張4~6人枱，唔算太迫，星期日下午都唔算太多人，唔洗等位，又唔爆場，所以唔迫。服務：似家庭式經營，得一個人負責煮，一個樓面，但樓面態度好好，可能因為人唔多。價錢：兩個人食set lunch再加特飲埋單大約200蚊，性價比唔錯，唔算貴。

今次來到佐敦搵食老哥這間餐廳看見是花膠為主題的餐廳所以決定入去試試，本身想叫餐牌內的雞扒，但原來沒有😓唔明點解要比餐牌我，其實只係給全日供應個餐牌我就可以，原來下午時段只做全日供應，不過我點了兩個花膠餐，都沒有令我失望😊全日供應➡️花膠黑松露三文魚長通粉$78個人覺得黑松露味唔夠濃，三文魚和長通粉還可以😌➡️花膠麻辣豬扒飯$78麻辣醬汁好好味，加上飯上面的足料花膠大大件，仲有個豬扒，豬扒炸得剛剛好，肉質鬆軟有味，推介大家食👍🏻

呢間小店是我每一天有空就會去吃的小店身為佐敦人，佐敦區好食的吃了很多， 今天就為大家推介一下一間非常出色嘅小店佐敦區最推薦美食之一不用多說食就對了雞扒炸嘅恰到啱啱好, 外脆內嫩，控制恰當， 味道清香而不油益， 同清爽嘅檸檬汁完美配搭, 花膠調一調檸檬嘅酸， 簡直完美還有朋友吃的肉燥椒鹽豬扒（他已經被相機更快吃先， 所以冇圖）但係肉燥魚花膠撈埋一齊真心一絕，鍾意肉燥撈飯嘅朋友真係要嚟試下 佐敦區絕無僅有嘅用心製作， 真心推薦大家來試一試，支持一下真心，用心製作的香港小店

基本上Menu裏面99%食物都係花膠，連飲品都有不過我哋冇試。環境麻麻地冇裝修，不過服務態度OK。老闆同老闆娘態度友善同埋會推介有乜食。叫咗最平嘅二人套餐，加咗個椒鹽花膠（佢話全球首創）同埋轉咗兩個湯做燉湯。椒鹽花膠幾好食，外層脆裏面膠膠地椒鹽味香。其他幾樣餸都係差唔多，用同一塊花膠扒偏淡無乜味。🙄 菜式/配搭方面可以多少少創意...

星期六放工之後就去左佐敦撐枱腳，試左依間做花膠料理嘅餐廳，本身對花膠冇乜興趣，不過見呢間裝修幾靚，所以試吓，依間嘅午市都幾抵食，我地點左個花膠話梅豬手飯，依個飯就有幾塊花膠，我地再點左個花膠肉燥龍利柳飯，但依個飯嘅花膠就同啲肉燥融為一體，變左一粒粒，整體都幾好食，同埋幾飽肚，跟餐有湯又有野飲，湯係普通例湯，比較特別係叫左個花膠檸檬柚子蜜，其實個味係普通檸檬柚子蜜，因為花膠本身都冇味嘅，都係貪過癮先試吓啫。花膠肉燥龍利柳飯花膠話梅豬手飯花膠檸檬柚子蜜

由於好鍾意食花膠，特登去做資料搜查發現咗呢一間花膠主題餐廳入到餐廳，侍應們都好友善，好有禮貌，服務滿分叫咗花膠鮑魚麵，加咗$10麻辣汁個麻辣汁我個人建議要加錢就唔好食啦，個麻辣汁似辣椒油多啲，$10太貴啦可能期望好高，花膠比我預期中細隻食入去口感都可以，但冇乜驚喜面入邊嗰隻冬菇就比較大隻，都幾好食至於隻鮑魚，我覺得就唔係好冧，但都OK之後諗住俾多次機會叫多個鮮奶燉花膠睇吓會唔會有啲乜嘢驚喜，點知都係冇隻花膠仲有少少腥味總共食咗$136如果係靚花膠黎講，我覺得都差唔多價錢知道經營食材成本一定高雖然啲嘢麻麻地，不過唔緊要，我真係好鍾意食花膠，我下次經過都會再入去試，希望下一次會有驚喜餐廳你哋要加油呀

話說之前響某app搵食見呢間有9折，某個時段仲做半價添，我就即刻扑槌起行拉！點知之後餐廳打黎通知話搞錯左，其實無半價，咁本身見價錢唔算好貴就照去啦（都已經半路中途...）去到餐廳入座之後，老闆解釋話無同個app合作好耐，所以都無做九折。果下我係覺得有少少欺騙成份既，無優惠又無下架，好似用優惠招徠吸引啲人去食。不過，用花膠做主題既餐廳都幾特別，所以最後同朋友決定照食啦。.金萡三式花膠撈菠菜麵 $103白菌花膠煙肉烤雞飯 $75花膠濃湯雞煲 $93加配花膠特飲花膠薑味奶茶 $28花膠蛋白杏仁霜 $38.講返食物，就係平常餐牌有的食物加入花膠，選擇都幾多元化，不過唔逐一評論，反正花膠本身無味，所以味道都來自醬汁，雞湯及飲品。花膠口感上夠淋夠滑夠大件，唯獨奶茶件花膠有部份硬到咬唔到。而價錢值唔值就見仁見智，平心而論食物係唔錯，但食完又無咩特別令我想去食第二次。

昨天去了佐敦以《花膠》做主題的餐廳（膠得喜）食晚飯，平民價可以食到美顏又健康的花膠，仲有好多款式選擇，例如：花膠撈麵，花膠燉湯，泡飯，花膠扒，花膠多士， 花膠炒蛋，酥炸花膠，仲有好多款花膠甜品等等，真係好有創意及新鮮感。我們叫了幾款食物如下：1.螺頭淮山杞子花膠燉湯$68- 燉湯好足料，燉足4小時，好好味，十分推介（如果午餐時段，可以有免費花膠湯一碗）2. 花膠鮮雞泡飯 $68- 雞好滑，泡飯也好味道，超級大碟，仲有好多切粒的花膠- 不過可能我飲左之前的燉湯好濃味，所以相比這個雞湯比較淡味，建議食完這個泡飯才飲燉湯較好3. 花膠肉燥鹽酥豬扒飯 $68- 豬扒超級大塊，好入味，好juicy- 肉燥飯配上半隻蛋及好多切粒的花膠，這個豬扒飯真心推介4. 凍鴛鴦 $21- 其實仲有花膠奶茶/花膠杏仁霜，幾得意，下次試下先。埋單 $215/2位膠得喜@佐敦飯後感：花膠食物選擇頗多，份量好大碟，味道不錯，職員好細心介紹食物，餐廳乾淨企理，價錢合理，不用加一。

今日中午食午餐，花膠芝士白汁蝦仁飯是估不到做得好好，令我第一次post,蝦仁爽口，白汁出色！賣相好靚，價錢相宜，值得推介，招呼很好！環境清潔，很多花膠菜食式，因為是一個人食唔到太多，希望keep住水準，公司在附近，一定再幫襯！另燉湯也清甜可口！因為菜式太好吃，給我清晒！其實之前都幫襯過，當時食撈麵，已覺得不錯，

是間親民小店，氣氛輕鬆。我試的是下午茶:膠得起撈蝦子麵，它包一柸熱餐飲;可惜蝦子麵不熱而偶有硬黏連，似預先制作，亦無入味冬茹如前人。另加錢試燉湯，這個反而覺得更合口味。

咁啱要去佐敦附近做嘢，行過見到呢一間食花膠產品嘅餐廳，咁就坐低食咗個lunch先。呢度嘅lunch set每一款都有花膠喺入面，而且lunch係會送埋一碗花膠湯。今日我就揀咗花膠咖喱牛腩飯，而朋友就揀咗花膠肉燥雞扒飯。花膠湯係標榜冇味精，雖然送嘅呢一碗你見唔到有花膠喺入面，但係你都飲得出碗湯係用花膠嚟煲，飲完唔口渴。個花膠咖喱牛腩飯嘅牛腩分量好多，咖喱係普通嘅中式咖喱，唔太辣。而且一碟飯入面有兩舊花膠，雖然食落唔係好厚身，但係識落都感覺到佢啲膠質同埋有少少漿口。花膠肉燥雞扒飯啲花膠就係碎上，朋友話整體都唔錯。而且塊雞扒都真係幾大塊。

通常好多人都話佐敦有好多好嘢食，今日食晏難得可以食耐少少，即刻約朋友去佐敦搵好嘢食，朋友介紹左呢間食花膠嘅湯飯，女人係時候要補一補，所以就同朋友去咗呢一間度食午餐。望望餐牌，第一眼就被呢個花膠海鮮湯飯吸引咗，二話不說就即刻落order，令我最驚喜嘅係除咗有嘢飲之外，佢都會除餐送上一碗花膠湯，講返個海鮮泡飯，佢啲海鮮係好味嘅，都係有鮮味，同埋海鮮份量都幾多，有青口、蝦、幾粒帶子同埋魚，不過我就覺得個湯底比較淡，要加少少鹽或者落辣椒油先夠味。不過以一個$80內嘅午餐來講，係呀性價比係幾高嘅

路過見到此店的名稱實在有趣，於是試了下午茶。花膠黑松露炒蛋，不夠黑松露味，多士不夠脆，不知道放了多久，太沒誠意了，花膠味道也不是很特出，不推薦! 膠得喜撈麵(蝦子麵)，花膠是一大片的，口感不錯，當然了，味道只能說是還可以，因為總不可能這個價位吃到高級花膠的味道吧! 所以性價來說是吸引的，我就另外加了辣，沒想到辣醬是自家制的，挺惹味 紅蘿蔔桂圓燉花膠，這個是限時優惠(HK$28)，燉湯清甜，應該是沒加味精，非常夠熱，好抵 下次再來會試其他花膠小食!

想試好耐啦～～😂😂😂終於搵到一個志同道合嘅姊妹陪我試養顏花膠餐～～花膠俾人感覺食得多會滯，不過呢間餐廳所配搭嘅菜式，反而俾人有一種清新嘅感覺～～ 西式嘅南瓜汁同蜜糖汁唔估到同花膠一齊呈現會有咁樣嘅化學作用由於平日，加上疫情，舖頭人流唔係太多，但係食物依然感受到每一道都係有俾個心造㗎喎尤其係道鹽酥花膠，好新嘅配搭，第一啖放入口時，感覺好有趣，即叫即整，香酥得嚟味道配合得一流～～花膠，當然唔少得嘅就係湯同甜品啦，燉鮮奶真係無得輸，可惜今次未有機會試花膠薑味奶茶，希望下次幫襯可以品嚐到啦希望各位見到食評嘅美食愛好都都同我一樣，想食更多唔同類型嘅美食，繼續支持小店，支持香港飲食業啦