電話號碼
25516192
營業時間
今日營業
08:00 - 21:00
星期一至日
08:00 - 21:00
以上資料只供參考, 請與餐廳確認詳情
招牌菜
又喺趁星期六無乜特別嘢搞,兩公婆就一於食完個早餐上馬騮山行轉短山,兜一兜九龍接收水塘、石梨貝水塘,再穿埋九龍水塘落返美孚。本來過到嚟曼克頓山想食「意樂」嘅,但睇見KFC門口嘅早餐介紹,個豐盛全餐頗吸引,所以轉場。 環境一眼睇晒,快餐店模式,不過,啲枱櫈真喺分得好開,加上星期六晨朝早,客人唔多,所以坐得更加輕鬆自在。 食物選擇喺晒收銀後嘅電子顯示屏,KFC主打就喺炸雞,咁早餐方面都有幾款配有炸雞嘅早餐,此外,就喺一啲包餐同扭扭粉餐。 W1. 醬燒雞扒蕃茄濃湯扭扭粉餐 32老婆就最鍾意蕃茄湯底粉麵,配上扭扭粉就更啱佢。因為佢呢個餐扭扭粉喺主食,所以,佢唔似我個扭扭粉咁,比我嘅大兩倍有多,另一個唔同就喺佢塊雞扒喺煎嘅,我塊喺炸嘅,佢就話幾嫩滑,不過,醃得有少少偏鹹,幸好啲扭扭粉煮得剛好,仲有少少咬口感,個蕃茄湯底都算濃郁,交足貨啦。 C1. 家鄉雞扒扭扭粉豐盛全餐 $39我就多心少少 ,揀過豐盛全餐,計落真喺抵,除咗有一客細碗裝嘅蕃茄湯扭扭粉之外,仲有香蜜鬆餅、炒滑蛋、香腸同原味炸雞扒,不過,啲洋蔥汁淋落啲雞扒度就唔喺咁好,整腍咗層脆雞皮,但味道就仍然唔錯,炒蛋幾嫩滑,香腸唔喺平價貨,而個鬆餅好香脆,確喺有少少蜜糖香。 熱咖啡、熱檸水快餐店,都喺無乜嘢揀,求求其其咖啡、檸水,咁其實KFC啲咖啡又唔喺差喎,話晒都喺即磨貨色架。 好耐無寫過呢個系列,話晒晌美孚嘅餐廳食早餐都八八九九,有啲成日食無咩特別就費事寫,有啲新店普普通通又無興趣試,今次KFC有少少賣點,令我哋即時轉場,就寫番篇啦。
繼續閱讀
見佢地最新推出左三星蔥食品 夠晒台式風味✨作為蔥迷嘅我 即刻試試佢🔍.📌A2台式三星蔥脆雞豐盛套餐 $55起台灣特產三星蔥因得天獨厚嘅生長環境同水質 令蔥味特別濃郁 仲有天下第一蔥嘅美譽添💚.➿2件台式三星蔥脆雞➿以三星蔥同經典脆雞結合 香脆炸皮塗上一層三星蔥油 再灑上三星蔥調味粉同白芝麻 雞髀同雞胸都炸得外脆肉嫩 唔鞋口 夠乾身唔油膩 啖啖濃郁香蔥味 超香口🍗.➿1件狂惹香燒雞➿食左兩件炸雞 配番隻輕盈燒雞脾就最啱🐔肉質夠嫩 甜甜鹹鹹又帶香料味 惹味得嚟唔會太重口味🍯.➿1客粟米杯(普通)➿粟米粒唔會太淋太濕 味道清甜🌽.➿1件經典葡撻➿➕轉配Q彈雙重珍珠葡撻 +$3.5將台式黑糖珍珠同經典葡撻結合 內餡同表面都加左珍珠 黑糖焦香甜味濃郁 酥脆撻皮+滑捋捋燉蛋餡+Q軟珍珠 口感味道夠晒豐富🥧.➿1杯汽水(中)➿➕飲品升級為桂花烏龍珍珠奶茶 +$8選用桂花烏龍茶底 茶味唔夠濃醇 桂花香淡淡帶過🌼鍾意佢糖漿係另上 淨係得珍珠嘅黑糖調味 整體飲落唔甜膩 好清爽🧋珍珠超Q彈有咬口 黑糖焦香甜味好濃郁 配搭三星蔥脆雞 好有台式風情🖤
繼續閱讀
𝕂𝔽ℂ✨又有新菜式推出啦😍~這次𝕂𝔽ℂ帶你去意大利,試試意式風味。期間限定的「 燒雞扒卡邦尼香草焗飯尊享套餐 🍗」記得試啦~香濃惹味的金黄色燒雞扒,肉汁豐富,肉質嫩滑😆。焗飯用濃濃奶香的忌廉煙肉汁和鹹香芝士🧀一齊焗烤,最後灑上香草組成,飯粒為醬汁包裏😏,又濃又香,充滿芝士和香草的味道呢~我建議大家要多醬,味道更好呀。另外我+$8配紅寶石西柚梳打😋,味道甜酸,正好解解吃芝士的膩感呢~
繼續閱讀