影片
招牌菜
相關文章
見新出了雙料韓脆雞, 就試下! 個樣果然同廣告相片不同, 賣相不太討好! 細看其實只是在家鄉雞表皮加上了韓式辣醬, 但加了醬後令表皮變得不脆身, 再另配上一包芝士醬, 加上後兩者根本不搭, 唔好味..有點伏的感覺! 真是新不如舊!最後我放棄包芝士醬 , 撕走層皮, 淨食雞肉!
繼續閱讀
排隊排左半個鐘，女經理做野已經慢吞吞，仲要係度吹水，排到我啦，已經話無炸雞架啦，你知無炸雞即係變左好多野都無，好啦諗住轉燒雞扒啦，點知又話無，即係連等嘅時間都無，乜都話無，叫我地散叫呀？
繼續閱讀
平日多數選擇K.F.C外賣速递，已經很久沒有堂食，這躺品嘗超值價堂食二人餐，其實說實話當然堂食好食一點，堂食的家鄉雞熱騰騰脆卜卜，連杯可樂的氣都較多！☆家鄉雞自選了兩件辣，兩件原味，可以一次嘗到兩種經典味，炸雞皮脆肉嫩，沾上的秘制炸粉，味道獨特，不會在別的店吃得到，所以家鄉雞一直長青未曾被淘汰是有其獨特之處！磨茹飯，味偏濃帶微辣。雞皇飯，味偏淡配些青豆蘿蔔，口感較豐富，兩者伴飯吃，相當開胃！☆格格薯塊，薯味不突出，口感過於油膩。
繼續閱讀
星期日晚七點幾行開始慈雲山中心諗起想去食KFC, 就入咗去, 今次嘅用餐經驗就唔係咁好啦, 點解唔好呢? 食客都唔係好多但我排隊排左成20分鐘先到我點餐, 諗住食快餐點知變咗食超級慢餐! 我嘅觀察,問題唔係出於餐廳內嘅員工, 而係餐廳裏面個work flow嘅問題, 收銀員要負責埋執餐,依個係問題嘅根本所在, 留意到啲食客平均要等成分鐘先至完成個 buying process, 其實香港Yum嘅管理層,真係要學習下另外一間美式快餐廳嘅營運模式,人家的分流作業模式張點餐同埋取餐分開,食客等候時間大大縮短,餐廳亦都可以應付更多嘅客流量!食物方面,今次我點嘅係家鄉雞皇桶飯餐, 依個桶飯嘅內容有炸雞粒,雞絲條,紅蘿蔔,青豆,薯仔粒, 同埋白汁. 雞粒嘅味道唔錯, 但係佢單獨食嘅味道會俾同埋個飯一齊食嘅味道更好, 雞絲條份量唔多,雞絲條嘅口感較為滑口,比起雞粒同個白汁更加match, 佢嘅白汁方面我諗係麵粉加牛油開嘅, 一啲creamy or cheesy 嘅味道都冇! 總括嚟講廿零蚊仲要包埋汽水飲,佢嘅性價比都算高,喺快餐廳食嘢我唔會要求佢嘅食物質素要好高, 所以我都係覺得佢食得過, 大家不妨試下!
繼續閱讀
每次KFC出新口味既雞我都會去試一試，最難忘當然係狂野香燒雞既出現，仲記得當日佢推出，一放入口果一啖充滿香烤肉汁既美味，可惜，近年佢既質素已經保持唔到，除左d雞好似收乾左汁之外，佢個味道仲同之前唔同左，變得得個咸字。果陣最期待係佢咁岩一批批賣哂，即刻俾d即整既我地，即整即食既燒雞相信大家都知道一定係最好味既！！！回到今天，KFC又有新雞出，係大板燒味，由於我本身都鐘意食大板燒，所以對於今次既口味都抱有期待，想知同炸雞夾唔夾，叫完後佢話要等15分鐘好！非常好！為左熱辣辣即整既雞，我等！係我等左半個鐘，催中兩次後，終於有得食！大致上個出品都可以話圖文相付既，但一食就知中伏，如果要形容佢有幾差，最深深明白既句子就係，佢係一款即整熱辣辣都唔好食既炸雞！相信大家明白我既意思，平時炸雞最好食就係岩岩整起，果陣最多汁，皮最脆，最嫩滑既時候。但我果日食到既，係一隻因為俾大板醬汁整淋左，而搞到皮肉嚴重分開既雞，咁都算，因為重點係隻雞，係同白切雞既味道差唔多 味道好淡，完全無醃製過咁，所以今次對依款口味相當失望依幅就係我一咬落去，成塊皮淋左，甩出黎既一刻，個雞肉我係食都食唔到既，鐘意食大板燒同雞既我今次只係覺得相當失望。至於環境，都無特別，一向KFC都比較污穢，我習慣了，但係要提既係佢之前有個洗手位俾人洗手，依家無左之餘仲要唔知點解連濕紙巾都無埋！用手食雞無得洗手無濕紙巾加上我懷疑我隻雞淋哂都係因為個經理掛住同班員工傾計，我催第二次佢先記得溜左，即刻去個櫃度夾俾我，所以先等左半個鐘先有得食，所以服務都一般。最正常當然就只有係依盒橙汁
繼續閱讀