影片
幫襯過幾次，平日一家人諗住食個簡單既下午茶，開開心心(雖然次次都會比漏少少野)今次買左四個餐仲加左啲小食，點知佢又比漏，四個餐得返三個，搞到我地食都食得唔盡興。諗住打個電話去提醒下，叫佢改善下，打左幾次，打極都打唔通。做連鎖快餐都要比啲質素呀大佬如果真係繁忙時段，個個都好忙，職員唔小心執錯左，都仲可以出少句聲。我地買既時候人都唔多個，仲要次次都搞成咁，好明顯就係服務質素問題。唔知有冇街坊平時幫襯開，反正我就唔會再做水魚
繼續閱讀
「彩虹」區以前一向都沒有「肯德基家鄉雞」的分店，直至「彩雲邨」商場近年被「領展」入主和改建成為現代化規模的「彩雲商場」之後，「肯德基家鄉雞」終於在「彩雲商場」建立唯一屬於「彩虹」區的分店。不過很可惜，或許因為「彩雲商場」沒有大型舖位給「肯德基家鄉雞」發展吧，所以「彩雲」分店舖位實際面積很小，令分店廚房無法製作提供部分食品，包括近期期間限定供應的「雙層雞扒軍艦」跟「牛油果醬香脆雞腿包」在內。加上我本來拜訪「彩雲商場」，純粹因為「彩雲商場」現在的位置，有連接「彩德商場」區域之間的行人天橋，方便我徒步直接前往「彩德商場」跟「牛頭角」裡面的商場「得寶商場」吧。所以，命中注定我在「彩雲」分店「肯德基家鄉雞」裡面，難以享用近期限定的「家鄉雞」食品作為午餐或者晚餐，甚至想食「肯德基家鄉雞」的焗雞腿雞皇飯食品，也幾乎是不可能，只能夠食小食類別的下午茶。例如「肯德基家鄉雞」近年新推出的「上校雞寶」跟「蜜蜜燒雞全翼」下午茶茶餐，在「彩雲」分店裡面就勉強還能夠有機會購買和試食到了。「肯德基家鄉雞」的「上校雞寶」本身沒有長期固定口味調味醬汁，純粹看餐廳近期的決定，今次「肯德基家鄉雞」為「上校雞寶」推出了，看似會夾雜少許辣味的「煙燻芥末醬」。我試食過「肯德基家鄉雞」「上校雞寶」的「煙燻芥末醬」之後，發現「煙燻芥末醬」的實際辣味跟嗆鼻感覺，沒有我預期那麼強烈，只是一般「芥末醬」裡面應有的甜味感覺而已。加上「肯德基家鄉雞」為「上校雞寶」而附送的醬料實際份量有限，實際上用來享用「上校雞寶」裡面的雞肉，醬汁實際份量也是促膝見肘，用來享用「上校雞寶」也只能夠點到即止，不足夠用來享用其他食品。所以享用「彩雲」分店「肯德基家鄉雞」廚房製造的「蜜蜜燒雞全翼」的時候，只能夠放棄享用醬汁，純粹直接試食享用「蜜蜜燒雞全翼」裡面的味道。我發現「蜜蜜燒雞全翼」雞肉裡面，有感覺非常濃厚的「蜜糖」甜味，所以其實不是太適合再點其他調味醬汁享用，包括甜味感覺濃厚的「煙燻芥末醬」在內。奈何「彩雲」分店「肯德基家鄉雞」「限米煮限飯」受舖位有限面積所限，所以有很多近期限定推廣供應的「家鄉雞」食品都無法購買和試食到，令「彩雲」分店難以成為我在「彩虹」非去光顧不可的「肯德基家鄉雞」食店。
繼續閱讀
平時早餐多幫襯茶餐廳食，今日（6/11/2020）趕時間，快快來到這餐廳，叫個早餐快食，購票期間知道有銀行信用咭有9折。點餐後，發現側邊有部洗手機，將手放在中間位，先有洗手液出，擦了幾下便有水出，可沖水洗手，跟住就有紙巾出，好方便，全程0接觸部機，進餐前，唔駛再用酒精搓手液，正。點了G3厚切餐肉滑蛋芝士包配香脆薯餅，件餐肉真係好厚好厚，未食過茶餐廳有咁厚既餐肉。薯餅略嫌太油另$5加配茄湯通粉，好味原本$30.5，用某銀行信用卡後$27.4，比茶餐廳還要平得多，好抵食，貪心配了通粉，是日早餐太多，食唔晒。
繼續閱讀
彩雲最近終於開咗KFC。最重要係係尼個美食沙漠入面佢地開咗學生餐仲要係32蚊就有飯、嘢飲同炸雞食😭！所以我同男朋友就即刻行咗落去買嚟食。同所有嘅分店一樣，只要著中學校服或者出示學生證就有得買（佢真係會check，唔好諗住混水摸魚😏）。一共有四個餐簡，有漢堡、炸雞、飯同葡撻等嘢食。因為肚餓，我地就簡咗兩個有大盒飯嘅餐，一個包三隻辣雞翼，另一個就跟兩件雞。佢地嘅餐係可以轉嘢食嘅，咁當然唔係飯轉雞尼種，而係如果餐牌上面係白汁雞皇飯你係可以轉蘑菇飯，傳統炸雞可以轉烤雞。飲品得汽水可以簡（百事、七喜同芬達）。我地就簡咗辣雞翼、烤雞同蘑菇飯。咁kfc 始終係一間連鎖快餐店，所以啲食物當然都係同所有分店嘅味一樣啦。我地最鍾意係個蘑菇飯，前排試過係屋企自己煮，但始終整唔到佢地嘅味出嚟。黑椒嘅辣味同個汁撈飯真係無得彈。佢地嘅烤雞亦係我其中一個鍾意kfc 嘅原因，佢地嘅雞肉嫩滑又勁入味，又甜又辣令到我想食完再食。建議大家食雞上髀，戈舊皮係精髓。另外，辣雞翼都好食😋，佢食蘑嘅質感係同Mc就唔同，個皮食落無咁厚，辣味重啲，同埋係無醬點嘅。不過由於佢係新開張，d員工似乎未可以完全熟手咁做嘢。我地落單戈陣佢問咗我地幾次要轉咩都未聽到😂，但係唔緊要，我諗佢地遲啲熟手咗就會好好多。
繼續閱讀