影片
以上資料只供參考, 請與餐廳確認詳情
用Yuu優惠用$50買左6件雞外賣，好多人等餐， 但唔明點解啲雞都只係少少暖 ，一d都唔熱， 雞肉又乾，食左兩舊都食唔落🤮🤮 （屋企係隔離 唔洗一分鐘就返到去）。 仲要呢間野嘅店員係長期無表情 出餐慢
繼續閱讀
可能因為個新早餐既關係，佢哋今日爆單，成枱都係單，姐姐們都急，但佢地前前後後都有禮貌同大家講唔好意思今日出餐慢咗，叫大家再等一等，見佢地都好盡力處理，double check有冇錯⋯⋯⋯真心要同佢地平反，我10:53落order，11:13取餐，喺咁既情況底下，可接受啦，加油加油👏🏼
繼續閱讀
兩個字講曬：垃圾我食過幾次呢一間KFC 佢每一次唔係無呢樣無果樣就係出餐勁慢，D單本來都已經係多 D店員仲喺度慢慢嚟同埋我有一次試過買完之後過左好耐先同我講話無炸雞 叫我等多20分鐘🙄
繼續閱讀
早上冇乜客，來到點餐阿姐淨係掛住傾計，另一個出餐阿姐邊傾邊企埋一邊慢慢歎緊個包，我企係度等咗陣阿姐先肯施施然咁過來，當時出餐阿姐拎咗個包仲望咗一眼先放入袋，hea住做都算，點知我返去發現佢都係比錯包仲收多咗我錢！改日早上又見到呢兩個阿姐，唔想做咁態度又差，好心你辭職啦我迫你返工咩！
繼續閱讀
7號2點鐘去淘大KFC食飯，咁見到個餐盤上邊冇提供餐具同埋紙巾，我就有禮貌咁樣問店員攞叉，結果問咗三次都係俾個帶住帽嘅男店員無視咗三次。結果我自己伸隻手入去counter攞…我唔知依家嘅KFC係咪要自己攞餐具啦，話晒嗰陣仲唔係話最繁忙嘅時段，雖然忙，但係唔係忙到冇空餘時間理人，我覺得咁樣好唔友善。啲嘢食就正常嘅。
繼續閱讀