肥福記餐廳小廚 (已結業)

早上約朋友附近，時間尚早來個早餐，入內大量卡位仼揀望一望枱面餐牌冇乜特別來來去去都係果啲野叫了個沙爹牛肉拼腸仔公仔麵仲有咖啡兩分鐘內全部都到齊了公仔麵當然是一個麵份量沙爹牛肉數片，廚師腸兩條麵質算爽口，吾會係事先煮好有客再落湯果種牛肉係少咗啲不過腸仔有兩條，通常茶餐廳早餐雙拼麵的腸仔得一條囉不過呢碗麵湯同麵嘅比例差很多成碗麵都係湯，好在夠熱可能水多原因，佢包味精就淡哂相信少番啲湯會好味的咖啡夠香濃九點幾好多人已經上班地方大，係度坐好耐都好舒服服務員姐姐同叔叔各自忙無人理我就最好

當日剛巧到旺角探訪朋友大家都好耐冇見順理成章就找店子去坐店內環境坐位很多不算逼夾侍應都算勤快題外話其中一位帶眼鏡的男待應更給人一種以為自己是熟客的親切感見到附近好多人都叫鹽焗雞立即叫兩客鹽焗雞飯好快例湯上枱，感覺好油我成碗都無飲鹽焗雞飯嘅雞肉真係好有味。我就食埋啲雞皮，連埋啲雞肉一齊食。不過講真啲雞肉就唔係好嫩...我嘅飯都好乾身，粒粒分明。自己冇乜點嗰個羗蓉都已經覺得成個飯好夠味凍咖啡𣲙吾夠亦吾夠濃這裡勝在地方大我地一點坐到兩點幾先走因為見到佢地夠檯做生意

茶餐廳啲伙記有性格好多地方都係！佐敦澳記更加係出晒名！但人地都仲會有應有嘅禮貌！有時仲會好細心！但我未見過一間由入門口到坐低，直至離開都咁無禮貌嘅茶餐廳...價錢又唔係平！嘢食又唔係好好味，隨便一間都會好過你！入門口就開始受氣！好似係你殺父仇人爭你錢咁！就算係俾九大鬼我食，都唔會覺得好食！唔想做就唔好打開門做生意！入嚟想填個肚！點知真係填滿晒氣！一肚氣！做得生意應有嘅禮貌都無！點樣俾生意你做？唔會再幫襯！

今日早左放工，有得食下下午餐，就去左呢間肥福記餐廳小廚，呢到地方幾大下，有2層，超多卡位，坐位算舒適，我望望餐牌，就叫左個芝士腿西多士+凍華田。呢到既芝士腿西多士，比起一般茶餐廳既西多士出色，有埋芝士同火腿係入面，宜家好小茶餐廳會有得食，再加配埋牛油同煉奶，簡直絕配，味道出色，配上芝士同火配令到口感更加豐富，更加有咬口至於杯凍華田就淡左小小，如果可以濃小小就好了。總結黎講呢個芝士腿西多士，我勁鐘意，有機會會再過黎食

我叫了一個下午茶雞扒沙律，點知來到一看塊雞扒細到好似一塊煙肉size，沙律的份量少，$32的價錢都不如一個沙爹牛肉麵，在我強烈要求下，餐廳職員才勉強加多兩細少的雞肉給我，職員態度懶散、工作可有可無的態度，令人去了一次不會再有下一次。