肥牛粉 (已結業)

今日食左個下午茶餐 香芧雞撈檬連飲品個雞無雪藏味 仲YIP得幾好食 個魚露似自家製 甜甜地 不錯環境同staff 都OK 簡單食個快餐 $27蚊ONLY, OVERALL 算不錯~

小時候食過﹐印象ok ﹐想再試試﹐本來心情好好同有期望~點之﹐開門入去~ 冇人serve 收銀櫃個女人~ 冇反應~跟住同個中年waitress講幾多位﹐佢話等一陣。我見到有人想賣單﹐之後我o向門口等。5分鐘左右﹐見到有好多人出黎﹐但冇人理所以再入去。點之﹐又再問幾位﹐之後話樓上有位。好嬲﹐明明見到樓下有兩張檯未清理﹐頭先走個d人係樓下兩檯﹐樓上點有位啊﹗上到樓上又問幾位﹐跟住話未有位。我就話﹐樓下話有o家wo...再走落樓下同亞姐講樓上冇位wo...佢d態度非常差同o吾想做咁~ 企向道等佢清檯﹐另一個亞姐同盤碗碟鬧借借....都冇位企ga la...d態度差﹗差﹗差﹗又倒濕其他人~所以全部人非常嬲咁嘅服務態度各人一致以後都o吾會再去﹗﹗﹗太差﹗﹗勁差﹗﹗

入去門口, 冇人serve 不特止仲要俾後面排隊既人搶左我地原先想坐既位落單果時飲品都未叫個waiter 就閃人=.= 使唔使咁趕呀 !!!!! 見推介沙嗲肥牛檬粉所以叫黎試下, 點知除左辣之外完全冇沙嗲味!!!!! 好啦.....食完埋單,竟然唔找錢囉!!!!! 雖然只係找1蚊, 但係我完全唔想俾貼士佢地lor!!! 真係唔會再去呢一間度食野呀!!!!!

5月15日, 經過咗好多次肥牛粉, 因為佢冇餐叫所以次次都冇食~ 今日心血來潮想一試, 一打開門成間舖都充斥著牛肉湯味, 真係好濃~::: 沙爹肥牛粉絲 ::: $41叫一個招牌沙爹, 唔平架, 所以要睇佢有咩咁特別~ 沙爹湯底果然唔係普通咖d沙爹醬就算, 真係落足香料, 沙爹好攻鼻, 不過香而不辣~ 美中不足係本身佢地話係主打嘅肥牛湯底就試唔出味, 俾沙爹掩蓋晒~ 肥牛都算唔錯, 半生熟, 幾煙韌好有肉味, 整體唔叫平, 不過都值~::: 烤牛肉撈檬 ::: $33賣相夠晒大堆頭! 牛肉份量多, 配料仲有齊生菜絲、蘿蔔絲、青瓜絲、芽菜同埋脆花生碎~ 真係未食都覺得好吸引! 不過奇怪嘅事就發生喺我撥開配料準備撈勻d檬粉嘅時候… 我發現佢好似比錯咗d米線比我wor! 食咁多次撈檬都未見過d檬粉咁粗身同埋咁白滑… 咁我就叫個侍應埋黎問下啦, 點知我都未問完, 侍應姐姐就好已經立即用一個極度肯定嘅態度同語氣同我講：「呢個係我地本店嘅特式檬粉!」佢呢份對自家「檬粉」嘅信心真係打動咗我! 好啦咁我就即管試下佢呢個與別不同嘅檬粉~ 果然, 同米線嘅口感極似, 粉身油潤滑嘟嘟… mmm… 如果當佢係

越南牛肉粉一直係我鐘愛的，蔡生話澳洲勇記天下第一我好認同！當年成日食天下第一都唔知…只知幾蚊食一碗好味又飽肚返黎香港依然想搵返個種味道…唔洗好過勇記，味道接近我已心滿意足，今次黎到肥牛粉，經過好多次但一直無沖動去試…種有種不詳既感覺…哈哈今次黎到叫左…特色牛粉，女朋友要了順化豬手米線，重有越式春卷。特式牛粉: 河粉明顯是街市的廣東河粉質感粗糙，湯唔知用乜煮的可能是雞粉，牛肉同其他野都只咬一口就算了。果然係「特式」牛粉順化豬手米線: 無乜味，唔辣無香味，我唔知正宗的用乜煮但總會聞到蝦糕咁既刺鼻味，依碗就無了，豬手有一舊都係咬左一口就算。越式春卷: 第一次見咁樣的越式春卷…用中式春卷皮，攪到我差d想問佢要喼汁，越式春卷應該用網紋嘛…不過越南咁大可能係某處的家鄉特式。*不求味道只求醫肚依度係不錯的選擇因為份量都幾多，我就唔會黎第二次了。

晚上八點幾﹐路過銅鑼灣見呢間店無咩人﹐就入去試下。坐了兩臺外國客人。一入到去的時候﹐無人serve我地﹐甘我地兩個人就選擇左系收銀機對下的sofa卡位。之後就有個肥的女侍應stop我地﹐無禮貌對我地話﹕你地坐果度喇。 一陣多人唔夠坐。明明仲大半空位。她叫左我地坐系後行門口隔離張臺。坐左一陣﹐同樣一男一女客人﹐他們自己行左去那張sofa位﹐但無人趕他們走﹗我地order左﹕越式炒辣牛肉檬粉﹕ 一黎到﹐已經唔對路﹐檬粉變左米線﹗炒牛肉其實係黑椒無味牛。堆米線不用多講﹐貨不對版﹗香茅雙扒飯﹕即係鶢扒同豬扒﹐賣相不佳﹐求其一碟碟頭飯。雖然兩隻扒都係甜甜地﹐但好重味精﹐食完口好乾好口渴﹗D 飯又無汁﹐我要倒D檬汁撈飯。炸春卷﹕炸到穿窿都上臺比人食。已經不想拍照。好油﹐味道得個咸字。食食下既時候﹐D侍應 (一個後生D肥的女仔﹐一個年紀大D但有禮貌D的女仔﹐一個男仔) 就系正我地後面討論叫廚房拿D咩比他們吃﹐廚房結果拿了幾隻炸雞全翼。個肥的侍應就好興奮同大聲話﹕我要雞腿﹐你地留番雞腿比我啊。 但他們沒有顧及到當時在店內的食客。好似他們自己去餐廳點菜食飯。他們明明係開緊工架嘛!! 而她們食野的位置﹐正

周日的午飯，我地來左呢度一試﹗時值下午2:30，有下午茶餐，要了個生牛河下午茶﹗$24未計加一，牛肉粉以小碗裝住，有相為證，湯就夠哂多，不過粉同料就真係......湯頭有牛骨羶香，做得不錯，喝下也順喉﹔粉就講真得兩箸左右，我輕兩o下都已經食哂，份量真係小得可憐﹗牛肉有三片，是普通貨，質地尚算腍，牛味則不足﹔面頭是幾片洋蔥及芫茜蔥，應有的香料如九層塔、芽菜、辣椒及青檸等欠奉。普通的一碗牛肉粉，中規中矩了吧，沒有什麼特別，相信也不會再來。

是日lunch，問了同事意見，推介雞扒河，前往一試。1：10pm 全店滿，冇人等位，剛有人埋單，入坐2人枱（頗細） 酸辣特別牛肉粉，正呀！配料似火車頭，有肥牛，牛栢葉，牛丸，牛筋，金邊粉底爽滑，湯頭係酸辣底，又有花生芽菜等等似擔擔麵料，出面從未試過，大大碗熱辣辣 友人食豬扒粉，清湯底ok，豬扒分上有誠意，雖入味但有些全瘦位置唔唸，仲有生牙菜香花菜另上 炸雞亦，普普通通，不是出名那間的蒜蓉牛油亦，不過25蚊有5件算抵 三色冰同凍檸蜜正常茶仔味道 除魚露同辣椒醬，枱面仲有越南海鮮醬，反而少左一般越南餐樽酸醋 廁所在後卷，坐位窄

十點半才入座,以為快要打烊,好彩仲未,仲可以俾客入。兩口子叫了一份香茅雙扒飯($35)和一客扎肉雞絲($35)湯河。來主菜前,先來一碟生芽菜,不知怎樣食,生食了幾條,最後還是倒在湯河一起吃。香茅雙扒飯--好味,豬排雞排各一塊,都幾入味,可惜雞排比較肥。扎肉雞絲湯河--沒有特別,味道可以,雞絲有點鹹。

今日同4個同事去渣甸中心地下嘅肥牛粉食番個"懶豬".....諗住會同火車頭差唔多....點知1. 入左門口冇人理.....2. 叫左烤豬撈檬....仲死 黎左烤牛撈檬.....算..唔緊要.....但米線當檬粉....問佢點解係米線....佢話係另一種越南檬粉.....3. 食湯粉....又唔比青檸....又唔比鮮辣椒.....銀芽幾條....金不換就...4. 未食完就比Bill我哋....但冇人等緊喎....5. 最死....收多錢當唔知....問先比番最衰冇影相....如果唔係......總之....一次就夠

it's hard to find a good vietnamese noodle place in hk... this place is not as good as the US vietnamese pho, but it is decent!! i think it is better than other cwb viet pho restaurants... i have tried the egg rolls, raw beef noodle soup, pork nuckle spicy noodle soup and the pork chop rice... if you want to eat vietnamese pho in HK which is similar to US style, try this place... just the noodle soups!

上堂前來個 quick dinner, 在想不到吃什麼的時候來了三個人每人要一碗粉加個越南蝦卷- 我的扎肉雞絲粉皮金邊粉不太好，扎肉超薄，雞絲是雪藏雞肉- 朋友的烤牛肉還好- 越南蝦卷內太多『米線』，蝦是沒有味道，還有那片葉的味太重了。最好笑是朋友說那些醬是吃臭豆腐的甜醬

想試肥牛粉很久, 今晚7:00便到此一遊食品: 香茅鶢扒飯 ( 鶢扒太甜, 飯無汁, 但鶢扒肉"好淋" 香茅味及芫茜籽味濃郁 )飲料: 鮮榴槤沙冰 ( 雖然是鮮味十足, 但榴槤還是太生, 所以味道同食一粒未熟透的榴槤一 樣 ) 食飯無人加水 收銀員態度欠佳, 無心情, 所以總結服務質數: 2 分 環境都幾靜, 清潔 下次會再去, 不過是試湯粉及串燒....

也在摩頓台附近找吃的，今天是到了較遠一點點的銅記尾，吃一吃越南河，說是新開的，也原來也有不少的食評。又是午飯時間，自己一個人，快快的點菜了，又想吃又想喝，問店員午市有沒有套餐，店員說沒有，雖然沒有套餐，但想吃也沒有辦法，所以最後也點了三樣東西，分別是必吃的生牛肉粉、一客春卷及一杯鹹檸梳打，粉是便宜的，不用四十元，但其餘兩者也偏高，分別是二十八元及十八元，咁貴，真的要試試是什麼龍虎鳳。先來鹹檸梳打，故名思意，鹹檸梳打是由鹹檸及梳打水所組成，但今天見識到的，是以一小塊不太鹹的鹹檸，加上大堆粗鹽補倉，誠意等如零的一杯飲品，還要收十八元一杯，真過份，而喝下去當然不及鹹檸的好喝，畢竟鹹檸是經過年月的洗禮，鹹味跟檸味已經混合而變成另一個境界，是一加一等於三的道理。也來吃一吃春卷，也是熱騰騰的，所以也絕對不難吃，但也有很多不足的地方，配套是不足的，沒有九層塔，也沒有生菜來伴吃也罷，連魚露也不大鹹鮮的，至少不酸至嗆喉已經走運了，但最奇妙的地方是，我無從辨識它是那一個種族的春卷，不是中式，也不是越式的，那越式春卷皮脆得來很硬的，像一個甲殼一樣，可能是炸得太久吧，所以在內的材料也挺乾身，所以不好吃。最後來

一大班人叫左成枱小食,牛肉粉, chicken wing 都好好食,又大隻!! 串燒味道很濃郁, 蝦餅又大塊. 清湯味道出色 !! 最緊要係價錢真係好抵食 !!