肥婆魚蛋麵家 (已結業)

見有位blog友推介d個熟食中心既蠔仔粥,一於買反碗試下喇拎到黎果陣呆左,咁水既,好似湯飯咁既款d蠔又偏細隻,唔似其他食家既咁大隻wo!!而且個粥好淡味,又好少蒜,好在有少少肉碎係入面$25 一碗咁既粥好唔抵呢,冇下次回家睇反果篇blog發現,我去錯地方買

本應先介紹澳門翠苑的常餐，但上年已經略略提及過，實在沒有甚麼可補充，在此讚一讚其招牌濃郁凍啡好了，一直保持水準，是港式凍啡的表表者。澳門翠苑的旁邊是肥婆魚蛋麵家，賣的除了普通的魚蛋粉麵外，更有自稱私房的菜甫蛋飯，看同檯的陌生人吃得津津樂道，肚內卻沒有多餘空間吃一碟飯，就來一碟腐乳通菜 ($10)，試試其手勢也好。這簡單至極的無油通菜實在不可看輕，翠綠的外表絕對無添加，再附上美味的腐乳，入口索索聲又傳來陣陣美味，比市面上的名牌粉麵鋪的出品更佳，絕對值得獲得笑臉一個。下次到旺角熟食中心開飯，不妨叫碟腐乳通菜加餸。想一想，這裡有澳門地道農夫包、又有南京美味手撕雞，既有特色，吸引力也不比商場內的名牌 food court 如大食代、 Citysuper 等遜色，價錢更相當親民，確是旺角搵食之福地也。

由於為0左試翠苑0既農夫飽....所以0黎0左呢度..聽聞呢間d蠔餅都唔差...叫了一個細...等了8分鐘左右有得食...蠔仔大大粒的..個餅好香脆...加d辣椒醬...正..可惜太細個lu!~~

星期六和好友到旺角熟食市場食lunch，係「肥婆」到叫了牛腩河、雲吞米、油菜及蠔餅。牛腩唔夠腍，好普通；雲吞完全唔得，雲吞皮唔完整，雲吞餡大部份係唔鮮味嘅豬肉，蝦味欠奉，仲要送小蟻蟻一隻！菜心OK；通菜唔靚；蠔餅除較油膩外，味道都OK嘅。

2008.09.21(日) 响隔離嗌農夫包套餐一份，兩個人唔夠飽既，主就嗌一個蠔仔粥試試。當眼招牌寫上馳名蠔餅&招牌鮮味蠔粥，睇怕都唔太差呱。$25/小 ~ 小如湯麵碗$35/大 ~ 大如酒樓既湯瓦鍋蠔超大 大都有D驚，其實蠔仔粥用不上這麼大的蠔，又不是生蠔粥配備干蒜及蔥花味道倒不錯，街坊价錢經濟實惠我倆依然將陵發蠔仔粥放第一位，雖然貴少少 $50 / 鍋，但確實令人回味無窮

這是供應魚蛋粉、蠔餅的粉麵檔。雖然選擇一般，但標榜用洗菜液確保食物安全。$16 淨素菜水餃：用上冬菇和白菜餡料的素菜餃，配上少許通菜的上湯。說實話，青草味的素菜餃真的不算吸引，上湯更沒有可口的感覺。幸好它的份量很好，有八隻之多，是唯一可取的地方，亦令人感到十分意外。順帶一提，收銀的老闆娘服務一般。當我只是購買淨素菜餃時，她造出不悅的表情和態度！雖然後來當我提取素菜餃時，她有習慣性地提醒要'小心熱'，但也不能這樣對待客人的。喊—服務 + 可以不吃的素菜餃

頭先講完個CURRY BREAD, 依家講下間小店先。 睇0左上幾篇的食評, 可能大家都覺得依到唔太掂, 但係, 當你地食完佢個蠔餅同朱扒包既時候, 你地就會話, 點解佢咁掂, 但係都無人知!友人叫0左蠔餅同朱扒包。 佢俾錢,所以我唔知幾多錢。 首先, 個蠔餅真係無得頂呀! 炸得剛好, 唔算好多油, 入面有好多蠔仔, 而且蠔仔頗新鮮, 食落唔會太腥, 加上個粉漿唔會太厚, 所以入口外脆內軟! 點DD 魚露, 一流!個朱扒包呢, 都唔知點解會有得係到買GA...不過都係好好食. 個包都係烘到脆脆地, 入面夾0左一塊朱扒, 仲有幾片蓄茄同生菜, 仲有沙律醬, 正正正!NEXTDOOR的翠苑人頭湧湧, 但係依到就無咁多人LA, 大家下次去開要支持下啦。

聽好多人都話呢間唔好食,所以見佢都好少生意,但係我係呢度差唔多食勻咁多間,就係未試呢間,諗諗下,都可以一試既!於是,點左個水餃麵餐,又唔係真係話好差喎!OK呀!水餃size適中,都算大大隻,餡又好味,同出面普通水餃一樣啫,個麵雖然唔係話特別好味,但係真係合格個喎!個姐姐仲好好人,叫左利賓納,佢竟然話試下味先,太淡既話佢再整,服務都唔錯呀!

新鮮即叫即炸，加上魚露和辣椒醬，超正！蠔仔細細粒，但份量多，加上芫茜的香氣，一百分！不過記得叫佢炸乾d。$30大的，很抵食。

本來想試朋友介紹，當今O.R. 最高排名的澳門翠苑豬扒包，誰不知人家9:30已打烊，還要補多句：一早賣完！於是隨便在旺角熟食中心挑一間，看到肥婆的檔口附近座枱，不少人取走一碟碟工整的牛腩、牛肚牛肺碟頭飯或河粉，好像很好味，但我一向恐懼內臟，未敢跟風。却被店面另一幅相吸引：私房香煎松子肉餅飯連油菜, 跟紫菜湯, 24蚊。於是叫了一客。等了頗久，一出枱，四塊肉餅煎得十分均勻，賣相實在不俗，很香似的。男女老細異口同聲說：食落口仲好呀！肉餅有半寸多厚，入口鬆化，夾雜少許香香的肥肉，加上松子、芹菜粒的香味和油煎香味，簡直係絶配，以前未吃過。最特別是它一點也不咸，能夠突出食材的味道。雖然飯下面有一層肉汁，應該來自肉餅，似乎加又唔係，唔加又嫌飯太乾口，有點尷尬, 好在配有煎豆腐、有油菜多條和好好飲的紫菜湯，亦算是一道營養均衡的一個套餐。備註：營業時間至晩上10:30。

2月4日，13:50假期的第三天，為了準備3月MIM演示，放假仍要到旺角買耐高溫喉。天寒地凍，先到這中心開餐，再去尋寶。Q版便當和星洲老店已結業，便在這檔吃碗蠔仔粥。因為即煮，要等十分鐘。蠔仔：尾指般大，新鮮肥美肉碎：不會太粗糙配料：蔥花、西芹、炸蒜片分量足整體配合得而。這中心衛生一般，有小昆蟲在檯面遊蕩。在午飯時段尾聲，仍九成滿。

太太叫魚旦米線餐，魚旦都算爽但唔算彈牙，最慘好淡冇乜味。米線普普通通，但湯底都係偏淡。個餐包油菜，要腐乳通菜，份量都幾足，而且腐乳都幾惹味。餐飲要熱檸檬茶，冇特別...相都冇心機影！

4/1(四) 7pm是晚課堂取消,本可偷得浮生半晚,豈料某藥煲又病倒了,唯有吃個簡單晚飯後,外賣速遞愛心晚餐到其家.獨個兒走入此市政大樓覓食.此處環境頗企理乾爽,走低檔次路線.繞場一周後到此麵家要了五寶河$20跟油菜及餐飲一杯.五寶河--分別有魚蛋,豬肉丸,牛丸,扎肉及魚肉餃;牛丸羶味過重,魚蛋雖爽,卻沒啥魚香,口感較削!豬肉丸,扎肉及魚皮餃也不見得吸引!河粉口感毫不爽口,貨色低劣!油菜--灼菜心份量足,尚算爽口鮮甜.凍檸茶--茶香欠奉!$20果真是一分錢一分貨!