肥哥車仔麵

營業中

休息中

看了雜誌的介紹慕名而來，地方有少許難找，花了一些時間。由於初次到訪，不知道原來需要一人寫一張餸菜下單紙的，在老闆肥哥提示下便再寫多一張單。怎知有位大嬸職員態度挺差的x我不要刪又圈面圈得很難看，作為客人的我倆，實在是好無奈，無語😓幸好肥哥得知後，其友善的態度說沒關係，我們才沒給繼續責罵，所以下次大家去光顧，記得✔️就好，否則呀職會好勞氣😅因為疫情關係，不用等位之餸，面也好快就送上。我們的面，煮面的員工調輸了兩碗的面和餸的配搭，於是得重新夾回正確位置。面上桌好引人入勝，我們都要了大辣，看上去也挺辣的，吃得我有少許鼻水和一點淚。我這碗其實要烏冬，交換返一吃是幾彈牙，不像永年般的過淋，煮的時間剛好。豬紅口感軟硬適中，份量不少。貢丸是大方的給了我三顆，別家如16座、永年也只會給你兩粒呀。豬肉味不錯，肉打得細緻，起初還以為來錯了牛丸呢！冬菇的份量不太明顯，如可以增加就好了(⁎⁍̴̛ᴗ⁍̴̛⁎)朋友的一碗，油面也沒過淋，魚旦帶爽，完全不是粉旦，也吃了豬皮，厚又爽口，很好吸汁。豆漿10喝起來順滑，沒有豆渣的嗆喉，亦是有點豆香，不會帶稀太水的。食後感：最難忘是大辣，用上少見的黃辣椒打成醬，辣得溫和不攻鼻，辣度怡人

今日到石硤尾上堂，同行女同事推介到這家肥哥車仔麵食午餐她表示是懷舊老店，而且於社區導賞團時也有被介紹，看來不錯吧。我點了蘿蔔、豬手和豆卜，面底則選了米粉，選了腩汁底。蘿蔔是我點車仔麵的最愛，因為蘿蔔是否軟稔也很重要，這家店也做得不錯。只是豬手不夠軟稔、米粉量也較少（最後要到附近小食店補吃魚蛋😂）。所以下次應該也會考慮其他店。

呢檔車仔麵紮根石硤尾好多年架啦！絕對係隱世美食！！！雖然個位置係難揾左少少，大熱天時坐出面食又好熱，但食物嘅質素抵翻哂！價錢唔貴，又多選擇，呢度好多街坊幫襯架！

普遍香港車仔麵嘅素質，都十分參差大部分嘅車仔麵店都是很差的好吃的，十隻手指數得完能夠持續穩定地做出好食嘅車仔麵店家，一隻手就數得完而當中有更多的是正評引伏肥哥，就是其中一間甚麼十大八大車仔麵，總會有肥哥入選一試之下，可以好肯定，雜誌同網上推正評嘅，同肥哥車仔麵嘅食物表現，完全係兩碼子的事湯頭，淡而無味魚蛋，諗身，完全唔彈牙牛栢葉，韌到無辦法咬得開辣汁係就咁求其刴椒加啲液體完全感受不到店家的製作誠意

今日難得放假一天當然要去下一至五先開嘅肥仔車仔麵平時返工真係無咩機會食到！今日一於去試下咩料子車仔麵必食油麵、豬紅、雞翼尖、豬腸加場通菜我仲加咗BB辣添，啱哂好想食辣但又辣唔起嘅我豬紅有質感而且唔係食完無味果種！豬腸夠哂肥！雞翼尖醃得好入味！通菜索索性！份量多價錢仲好平飲品就叫咗豆漿，無諗過係一支豆漿，以為係一杯添豆味好濃而且唔算好重糖，自家製加分友人就揀咗豬紅通菜魚片頭米粉底清湯，佢係長期食客，自然識食車仔麵最正係自己鍾意食乜就叫乜！有辣有唔辣，任君選擇！正推介！

每次去石硤尾JCCAC行市集或睇展覽，經過呢間「肥哥車仔麵」都見食店門庭若市，心諗呢間車仔麵店究竟有咩咁好食？咁啱今個周六早上喺附近做完嘢，決定一試！食店處於路邊，環境衛生都屬一般，由於係星期六約11點，人流較少，不用等位亦不用坐路邊，可以入店內的座位用餐。坐低望望張點餐紙，麵同餸都係車仔麵店的「大路嘢」，於是隨心點兩碗試試。兩碗分別點了；公仔麵+豬頸肉、生菜、生根（38蚊）；米粉+雞翼、墨丸、豬紅、腐竹（48蚊），價錢都唔算太貴。味道方面，兩碗都算可以，不過雞翼入面凍凍哋（係熟嘅！），而豬紅都唔算入味，叫微辣都有好多辣椒，值得一提的是，粉麵同餸嘅份量都唔算大，大食的朋友不妨加底，以免食唔飽了！

平民界嘅美食-肥哥車仔麵真係冇誇張，星期六日成日大排長龍。唔想去排隊嘅我，揀左平日去食肥哥，一試肥哥嘅拿手車仔麵。鋪面比較細，難怪假日成日要排隊，但想食好野，等下都可以接受嘅！本身唔食辣嘅我，嗌左清湯+響鈴，蘿蔔，豬紅米粉！個蘿蔔超好食，又甜！真係一定要試！好好味呀！響鈴都正！比較特別，我自己食車仔麵好少嗌響鈴食，見到隔離檯有人食得咁滋味，唔執輸都跟住嗌，果然冇失望，真係不得了！好想再食！一定會再encore!

經常性見到報章雜誌尤其是網上媒體都會幫間車仔麵宣傳有見及此梗係要來試吓啦聽講來呢度一定要食好超級辣的食物。所以我叫咗個小蠟的車仔麵因為我都唔係好食得辣野款式都算幾多不過我最鍾意食反而係呢度嘅芝士腸有啲奇怪呢不過可能係個人口味其實大家都可以去試吓不過重點呢講返食油面配辣汁正到不得了辣係辣得好有風味😹

接完兩個小朋友放學，打算去食個下午茶。今次去食既原因係諗住近近地食完就番屋企，再加上之前係Facebook成日見到啲飲食雜誌宣傳話好好食，所以就抱住期待去食！叫左兩碗麵，一碗唔辣，雞肉腸$8+魚腐$9+河粉$9=$26。雞肉腸$8比得一條，真係少得離譜，如果有兩條就差唔多！魚腐有三件，湯底就有啲似加豉油調味。另一碗就Bb辣，牛腩$13+紅腸$9+魚片頭$9+河粉$9=$40，bb辣都好辣，其他餸既份量比第一碗正常好多！總括黎講，不過不失，冇宣傳講得咁正！

肥哥開係JCCAC對面 以前行完市集經過見到咁多人都好想試食 今次終於食到喇 叫左油麵 牛腩 豬大腸 雞尖 小辣不得不讚既係佢個湯底唔會好油 好多地方食油麵就會見到一層厚油係湯上面 見到都唔開胃🤢 另外佢個辣好惹味好有層次 一入口係香 之後先慢慢變辣 而身材既份量一啲都唔少 每樣食材味道都好好味 唯獨係豬大腸肥左啲 有好多肥膏 聽男朋友講幾年前有學生餐 不過而家唔知仲有冇 好開心又食多一間地道小店 以呢個價錢呢個質素 佢真係冇得輸😋😋

聽聞肥哥車仔麵係平民界嘅美食，假日成日大排長龍，唔休做。懶得去排隊嘅我，揀左平日去食肥哥，一試肥哥嘅拿手車仔麵！本身likey食辣嘅我，嗌左少辣！好惹味好香口！我嗌左響鈴，蘿蔔，豬紅河粉！個蘿蔔真係好出色，超好食，又甜又冇’揸‘！真係一定要試！而響鈴就比較特別，我自己食車仔麵好少嗌響鈴食，見到隔離檯有人食得咁滋味，唔執輸都跟住嗌，果然冇失望，加埋啲辣汁，真係不得了！唯一要彈就食間鋪細左啲，坐得唔多舒服啦！但要食好野都可以接受嘅！

因為有野做，黎左呢邊，有D肚餓，諗住拿拿聲食番個車仔麵先，我就係星期六的二點零左右黎到見到已經好多人排隊，座到滿滿，有D又等外賣甘因為我是一個人，好快就有位比我攝左落去座諗住車仔麵都快整到快食完，就即刻落單首先聽到店員話，無豆漿，無蘿白，無魷魚正正我真係想食呢兩個送甘早就已經無晒好啦，甘我叫左響玲，冬姑，獅子狗，河粉，小辣等左成四個字，我罐可樂都飲到一大半之後阿姐同我講，河粉又無晒，轉其他跟住轉左幼麵，我問阿姐，係咪而家碗麵煮架啦？心諗如果而家煮我仲食得切好可惜，落單四個字後，阿姐話我碗野都未煮，仲話要排緊隊黎煮只係問定轉咩麵先我心諗都唔知要等幾耐，跟住叫阿姐，話幫我轉外賣啦阿姐又話，轉外賣都要等，排隊煮我只好話，得啦，甘我轉頭再返黎拎啦，就走開左真係好多人呀！之後拎左碗外賣，一打開就聞到好香的辣味，小辣都已經OK係真係幾惹味，響玲仲吸晒D湯冬菇有兩粒大大粒的獅子狗都無咩好味可言吧間野都幾好味既

叫左個河粉支竹響鈴蘿蔔微辣加多左枝可樂點知出到嚟d河粉勁多 而支竹 響鈴 蘿蔔勁少 得個兩舊🙄枝可樂要7蚊🙄個微辣仲要係勁辣囉 我諗都加左成一隻辣椒個餸嘅份量真係太少，同埋好貴，響鈴要$10，但得個兩舊，個湯底唔好食，淡左d，感覺上好似得d辣味。嘢食一般、分量少而且價錢有d貴，然而佢個蘿蔔係好好食 不過整體唔得 份量太少 唔太抵食 而且食物質素又一般。

上網睇好多人都推介肥哥車仔麵於是就慕名而來佢既位置比較偏僻難搵 唔近地鐵站佢係類似大排檔咁既舖 大熱天時去本身預左都無冷氣 要流汗食麵點知原來佢有間細細既冷氣房個時行到去已經滿頭大汗既我簡直十分感動不過其實佢間舖外面既位都相當應風就算坐出面都不太熱既佢地既價錢都唔貴 普通既米粉 河粉就8蚊加大就10蚊 米線呢啲貴啲 係10蚊然後再自選 $7/$10既餸順帶一提佢地既辣實在太足料啦！ 我食小辣都已經辣到飛起 唔太食得辣既人叫微辣就好食車仔麵識食一定要叫白蘿蔔

今日在附近看醫生，所以來了這裏吃早餐。這裏只有2,3個座位，所以只是坐門口。這裏的車仔麵餸菜選擇不算太多，但是味道很地道，不錯。我叫了微辣，但是我仍然覺得幾辣。蘿蔔很甜也很淋，可以一吃。