肥哥車仔麵

營業中

休息中

入到去就見到不過同既佈導有的台灣，有的本地咁就試下出名既餸啦😉車仔麵豬腸 : 有脂，有少少煙靭，不過夠入味👌🏻牛腩 : 同出面吳同，好琳身，又入到味🤩鮮牛肉: 滑身，重牛肉👍🏻豬骨: 原來真係煲湯豬骨😲又有幾味😉清湯 : 驚喜🤩好有鹹水味，食吳到花椒味結: 個人認為清湯(鹹水湯)界既上位 車仔麵👍🏻不過同餸都有各自處理🤨推薦: 牛腩，鮮牛肉#肥哥車仔麵

星期六下午係jccac有個市集行下，行完一出門口就見到呢個肥哥車仔麵，見好多冇食就去試一試先。由於人流都多，佢就開左張枱係露天位，天氣幾涼下坐路邊也可以的。咁我坐下來就開始點餐，見到點餐既價錢都好像比以往的比較高，但咁多人食應該是物有所值，咁我就點左鹵水雞中翼，魚蛋，唐生菜，粗麵，bb辣。等左5分鐘左右就送到上枱，魚蛋就正正常常沒有特別的，雞中翼就比較差，首先d雞翼中心是凍的，我諗佢係想用湯浸熱雞翼可惜浸既時候因為雞翼鹵水汁浸得唔夠，湯就沖走表面既鹵水可惜從照片見到係兩隻色，菜就正常，麵就唔夠彈牙，好似煮過左龍。 bb辣就好辣，沒有層次的死辣，回頭率係0。

🟠豬紅豬手河粉（bb辣再少）（$36）因為驚會好辣，所以揀完bb辣之後，再同呀姨講要再少少少辣，再請呀姨幫手加腩汁。碗河粉上到枱，D辣放左係一邊河粉上面，先試一啖無辣既腩汁，非常濃郁👍🏻再將辣汁撈混，佢既辣真係唔錯，一入口幾香，之後開始辣，但無麻既，真係好彩叫左bb辣再少少少辣，已經好辣🥵餸方面豬紅有4舊，豬手有2舊，份量正常，豬紅口感適中，豬手都夠淋🤤🔵雞翼尖豬頸肉幼麵 （bb辣再少）（$38）幼麵普普通通，豬頸肉唔會話好肥，有種特別既香味，但比較細塊。雞翼尖有4隻，感覺好似有少少咖喱味，食落好似淋左少少，但味道唔錯😌整體黎講，價錢普普通通，但成碗麵既份量就比較少，食完唔會話好飽個種。

特登嚟食位置都有啲唔方便叫做地鐵站偉智街出口直出一條路就到 約十分鐘點心紙選擇唔算多得好少位 用埋商場走廊位約五六張枱重點係大熱天時食真係好熱一把風扇都無食辣真係會標晒汗揀咗蘿蔔 牛柏葉 豬腸 微辣 油麵加大 $54第一個感覺就係加大咗㗎啦？因為其他車仔碗加大個碗會唔同咗依個唔似有 有一下以為佢俾錯三樣餸都係喺正常水平無一樣令我特別深刻不過辣汁係幾掂有層次 少少麻食得出有落功夫煮湯都唔錯 唔係清到無味靠pat汁嗰啲樓面呀姐又幾醒目同好招呼

見空肚講宵夜同幾位Youtuber都有介紹，十分鍾意食車仔麵同辣嘅我，今日就慕名而來試試汁底唔杰身，似係半湯半汁嘅感覺，有新鮮辣椒粒新鮮牛肉好淋，接近入口即溶嘅感覺蘿蔔多渣，失望

呢間車仔麵已經開左好多年，身邊都有朋友唔係住該區都會特登去食，成日都排哂隊有時清晨5點經開見到老闆已經係到準備緊食材，睇見都覺得辛苦，不過啲野食經佢一番心機處理過之後又真係好好食，咁多年食物質素都keep到落呵打時要先比錢，再等野食，可以揀坐外面，夏天果陣會開放冷氣室，唔洗流住汗食今次叫左蘿蔔，灼鮮牛同油麥菜配公仔麵蘿蔔無渣好鮮甜，油麥菜好新鮮，牛肉鬆軟唔會有根不得不提既係個湯底同啲辣醬汁，味道好特別，其他地方食唔到

好多朋友都大讚^_^呢間車仔麵今日既然路過就拜訪一下其實我食過好多好食嘅車仔麵不過呢碗80幾蚊就真係要見識下好多人讚佢個辣汁好正我就覺得一般食唔出究竟係咩辣味不過滷水湯底係精心處理嘅應該用咗好多材料同心機炮製濃郁甜香 讚首先佢嘅滷水雞翼尖係炆到好稔 好入味嘅豬紅都處理得好乾淨彈牙可口 好食嘅滷水大腸係有工夫嘅處理得好乾淨炆得好有味 有嚼口鬆軟彈牙牛筋腩就無驚喜有啲咬唔開添 未夠火路可能朋友讚得太過火可能有人以為貴就係經典事實上好味嘅車仔麵我試過好多好多而呢碗要$86值唔值得 都係見仁見智啦我就唔會再特登去囉

住附近以前成日帶埋一家大細黎食。但係愈黎愈貴，d野食仲愈黎愈差，分量仲愈黎愈少。屋企人已經有次食到好嬲，食完完全唔飽，老闆仲要係咁放風話d食材又加價，已經講左以後唔黎。過年前到依家已經大半年無黎過，今日突然有d掛住佢個辣汁，犯賤俾多左次機會。嗌左個四餸米線加豆漿已經八十蚊。黎到好似被人食咁一半咁，d米線又碎又短，仲要得好少。豬腸都一樣係好食既，不過羅白又鹹有渣，豬皮有d酸...米線碎曬，唔係以前咁爽口彈牙。個bb辣都無以前咁辣咁香...愈黎愈失望，今次真係唔會再黎幫襯。

之前中學必食lunch之一，今日舊地重回，味道依然無變🤤🤤💕原來已經做左30幾年，佢既豬腸同埋蘿蔔真係世界級！必食！ps：佢既自家製辣醬都好出名，愛辣人士必挑戰！-👅：豬腸+雞翼+西洋菜+幼麵 佢既幼麵正常發揮，口感滑溜，湯底無圖中所想咁濃味，所以唔會食完好口乾，雞翼都正常，豬腸我比100分！必食，佢係清得好乾淨。-👅：蘿蔔+芝士腸+牛腩+河粉蘿蔔入味又唔散爛，仲要係入味得黎又keep到蘿蔔既鮮味！至於牛腩都一樣咁入味，河粉係我最鐘意既偏幼河粉。

🇭🇰肥哥車仔麵🍜朋友話想去💛toothless試coffee☕️咁去之前就梗係食個lunch先啦專登搵平民野試下 肥哥車仔麵賣麵30多年舖頭細細得幾張摺台 雖然大熱天時都幾辛苦不過好在都有把風扇涼下 試下街邊檔風味都幾得意湯底好清甜 叫左白蘿蔔冇渣腍身又甜 雞肉就不過不失啦不過佢地既辣度🌶真係超強 唔太食得辣叫左BB辣都有少少頂唔順😂😂

本以為公司附近沒有甚麼好餐廳，想不到偶然發現這檔車仔麵！以後終不用再吃「頹飯」了之前已試過豬手和豆皮，豬手非常入味，又稔又滑，充滿滷水香；豆皮盡吸腩汁湯底，喜歡吃豆製品的人仕不容錯過！今次我點了鳳爪及鵝腎配米粉，由於不能吃辣，繼續選擇腩汁湯底，老闆對食材要求嚴謹，縱使車仔麵是大眾化食物，但老闆一絲不苟，每一款食材都每日新鮮即製，鳳爪非常入味，比一般酒樓的技高一層，不會油淋淋，乾身彈牙；至於鵝腎切成細塊，吃得出是經過多種調味料熬製而成，兩款餸配米粉一流！當天我點了腐乳通菜，通菜新鮮亦不會過老糙口，腐乳汁另加辣椒，雖然稍辣，但看得出老闆的用心，怪不得客人絡繹不絕。

前幾天我食左蘿蔔雞翼尖豬腸伊麵，中辣。三年前，因為小朋友在附近學英文，我經常來食，當時真的好好味，回味無窮的！ 但係今次真係大不如前🙄 仲有小小失望 😔 伊麵最貴，要$16 ，好大期望食好西☺️ 點知一口咬下去伊麵度仲係好硬，我覺得係未熟😅 老闆娘叫我下次講淋d 會好啲。大家記住💪🏽蘿蔔好入味，豬大腸雖然大不如前，但係都好食，但係無期望嘅你去到可以試試。 從前我最喜歡個湯底，勁多辣椒🌶️ 非常野味，前幾天食感覺唔夠味。

之前見到報章話石硤尾被告嘅車仔麵，好正！今日專登去咗試，款式都算幾多，但每款嘅價錢都比較貴，最出色嘅就係辣汁，我嗌左豬腸蘿蔔魚蛋粗麵，梗係要加佢最出名嘅辣汁！幾樣餸加個面買單都成五十幾蚊，真係偏貴！不過偶然一次都OK！

見呢間野好多訪問同報導就去試下, 一食之下完全感受唔到有擺心機落去做, 我叫左個三餸, 除左豬腸唔錯之外, 其他野都好一般, 個湯偏淡, 雖然用左真豬紅, 可惜忟得唔夠, 入口只係有陣微微血水味另外叫佢個芥蘭苗, 但係黎左芥蘭苗個媽媽, 又老又多渣, 仲要未熟晒....味道一般都唔係問題... 最大問題係間野聲稱做街坊生意, 但係價錢一啲都唔街坊, 呢個價錢... 我情願食附近嘅文記, 任你點, 或者再行遠啲去太子有兩間都好食過佢...

慕名而來，點了蘿蔔，大腸和猪紅，中棘。蘿蔔 over, 大腸 under。猪紅也一般。如好棘者可一試，但那種棘是我杯茶。我朋友點了紅腸，墨丸及响玲。紅腸冇煎或炸，墨丸不夠熱，响玲正常。下次會去慈雲山試試。