影片
以上資料只供參考, 請與餐廳確認詳情
下午得閒去屯門行下，去到翠寧花園，肥仔嘜車仔麵，價錢相宜，食物水準高，種類算多，又有甜品。叫了麻辣湯底，牛腩，雞翼，豬紅，老婆叫了雞翼尖，大腸，豬皮，飲品雪耳桃膠，仲有腐竹意米。下次會再去。
繼續閱讀
現在很難搵到好味嘅車仔麵，竟然俾我喺屯門搵到一檔好好味嘅，選擇又多，價錢又平，味道比深水埗某一間出名嘅更好，有市面上少見嘅陳皮魚蛋，豬大腸、雞翼、雞翼尖都炆得好入味，鍾意食辣嘅一定要試麻辣湯底，又麻又辣好過癮，下次一定會再嚟。
繼續閱讀
屯門發掘車仔麵第二擊!🎉今晚來到老Best屋企人開嘅家庭小店聚舊，呢間街坊一致讚好嘅肥仔嘜車仔麵，真係唔試由自可，一試真心係無得彈👍🏼價格親民得來食材堅係高質有心，難怪車仔麵關注組都備受讚好推介!除左車仔麵外，還有幾款街坊小食:魚蛋、燒賣、腸粉、牛肉球、碗仔翅、生菜魚肉翅😍再重點推介嘅一定係佢嘅自家製甜品糖水!定價親民! 一枝平過你以前幫襯小販檔😱 OMG👍🏼講返自選車仔麵🍜主力要試店長推介，叫左碗”金錢肚牛根腩豬紅鹵蛋粗麵“ 痴線頂呱呱!就咁睇賣相都無得好輸，再計返整個車仔麵直頭貼哂落地!再睇清楚d...最貴嘅車仔麵餸只係$14 咋!! 作為屯門長大嘅一份子表示，呢d 真係屯門價嘅初心👍🏼另外一碗更加有驚喜! 係麻辣湯底呀🤤絕配返店長推介蠔油冬菇、秘製豬手加紅腸及通菜!賣相又係嬴到出新界😂👍🏼 辣湯微辛辣夠惹味又點到即止，配菜好有誠意，配埋花生香菜還原川菜嘅正宗麻辣!真係私心要比十個like😆👍🏼區內有有網上外賣平台叫外賣直送，屯元天嘅街坊就真係唔好走寶啦，支持下區內家庭式小店
繼續閱讀
放假走到屯門，到訪翠寧花園內的平民食店「肥仔嘜車仔麵」，一嚐久違的車仔麵味道；除車仔麵外，有魚蛋、燒賣、腸粉、牛肉球、碗仔翅、自家製飲品及甜品等，定價親民；負責人親切友善，對客有禮且笑容滿面，貼心的服務好加分-🔹自選車仔麵麵底油麵 $13、豬紅 $9、蘿蔔 $8，配清湯蘿蔔大件幼嫩且清甜，豬紅口感順滑不帶腥味，油麵份量足而爽滑輕彈-🔹自選車仔麵牛腩 $14、金錢肚 $14、雲吞 $12、雞中翼 $9、生菜 $8，配咖喱汁牛腩緊緻細滑帶筋膜，肉香不俗；金錢肚爽滑輕韌、雲吞皮薄餡鮮，蝦肉爽口；雞中翼大隻，嫩滑多汁，咖喱湯底啖啖港式咖喱香，辣得過癮-🔹碗仔翅 $18小店招牌菜式，加入元貝跟竹笙等名貴食材，稀稠適中；配搭肉絲、木耳、冬菇、粉絲及蛋花等材料更添層次，味道剛好，沒有過份調味-🔹魚肉翅 $20加入大量細緻的魚肉令碗仔翅更豐富-🔹清爽馬蹄露 $12天然清新的味道，甜度不高，更吃到爽脆輕甜的馬蹄粒
繼續閱讀
肥仔嘜車仔麵喺屯門開左好耐，最近愛上左佢，成日心思思想食。同辦公室少少距離都會過黎食，因為真係好好食，車仔面來講好高質😊仲有特飲、糖水。由於我成日話減肥，食低碳水化合物，肥仔嘜車仔麵有得淨餸就岩曬我啦~ 又好抵食。佢哋舖頭裝修方面係懷舊，我通常要生菜底，牛丸雞翼，湯香濃👍🏻👍🏻👍🏻仲有得加腩汁！朋友仔就食魷魚、豬皮、魚蛋幼麵，加配檸檬薏米水👍🏻👍🏻👍🏻魷魚本來都有醬料，好惹味！檸檬薏米水去濕氣一流大大支先係十幾蚊，大推！
繼續閱讀