肚餓了串燒烤焗專門店 (已結業)

平時食串燒都係係啲街邊小店食，今次就上樓食～睇個店名都知依間係專門食串燒同烤焗野食既鋪頭，有肉有海鮮有蔬菜仲有啤酒飲添！我去食個陣仲做緊九點半後＄88兩杯生啤優惠，好抵啊！因為想試多啲唔同既食物，所以我同朋友都係叫一串share咁串燒方面叫左蜜糖雞翼、羊仔柳、安格斯牛柳粒、雞肉串同冇影到既汁燒魷魚同芝士丸野食上得好快，真係肚餓了都唔驚餓親啊！不過串燒調味略嫌輕手，可能我本人平時比較重口味，但都有唔同調味粉可以自己再右肉類方面肉質爽囗，冇雪味，安格斯牛肉粒同羊柳都好對得住價錢，有肉味又唔un！而汁燒魷魚大推啊，甜甜地好惹味除左串燒之外仲有啲鍋物，我地就叫左芝士煙肉焗西蘭花同白酒焗蜆～兩個鍋既份量都好大，勁飽肚！芝士煙肉西蘭花係冇得輸既組合，點都好食而白酒焗蜆有驚喜，白酒味好重，蜆食落冇沙，好食！最後都熱氣開，就叫埋黃金薯條，即係鹹蛋薯條每條薯條都包住熱辣辣既薯條，果然唔健康既野就係最好食～依度既野食質素都唔錯，仲要好大份，夠晒抵食！

今日約左個好久沒見的老朋友出來聚下，打算飲返杯吃下小食，上網找下找下就找到這間串燒店。是尖沙咀的樓上店來的，感覺應該不用大排長龍，但我們上到去大概六點幾左右，都坐得七七八八，好在都仲有位，不用等太耐。見到入面的裝潢就知道老闆應該都係愛酒之人，入面有好多個酒架。。講返食物先，食得串燒當然要叫茄子，但可惜太好賣，，賣哂。。我們仲叫左豬手，由於即叫即整，仲好大舊，下次來要一早叫左先。清酒煮蜆，濃濃的酒香，加上金姑。入哂味。厚切牛舌，唔係扮厚切係真厚切。好好食。。其實本身每道菜式都已經好入面，但係餐廳仲會比好多調味料你，讓你完全可以為左自己的口味再調得更適合。。的確好好。一度傾下計，又一度食下，飲下。。真係好爽。現在啤酒仲做緊88元兩杯1664 或asahi添 。

今晚同男朋友到尖沙咀食這間香港人支持的串燒店，滿滿的客人，同心享受美食！環境整潔乾淨，以黑色枱子及舒適椅子為主，有個大大的時鐘及多種不同酒樽擺設作裝飾，有型的設計；牆上也有不同推薦的食材及啤酒作推介，播放著輕鬆的背景音樂，好舒適！是在餐紙上寫下點的串燒數量，餐紙上的串燒選擇幾多款，有肉類（牛、雞、豬、羊）、蔬菜、菇菌、飯類、小食！我們點了好多不同的串燒，每種不同口感及特色！ 1. 汁燒BB蘆筍以竹櫼串起幼身翠綠的BB蘆筍燒，健康又多汁又嫩身易咬，好味道！必食之選2. 鹽燒牛舌有咬口爽口微咸香的牛舌，厚身的質感好正好吸引，必食之選3. 燒羊架2件大大件的羊架，外脆內軟燒得剛剛好，喜歡這個羊的羊味超濃郁，愛羊者必食4. 自家製惹味醬汁雞肉串雞肉好大塊好多汁，燒得唔乾又雞肉軟滑香嫩5. 日式鰻魚焗飯熱辣辣送到，鰻魚好多好多片排得好靚，惹味香軟無骨鰻魚配上鰻魚汁好正好軟，而飯焗得好香脆配上鍋底的飯焦脆卜卜，好滋味！6.辣味黃金薯條好大籃喔！多人一齊食就好適合了！好脆口、濃郁蛋黃香味，辣味好強勁，辣得好過癮7. 手工啤酒Tangerine wheat有許多不同啤酒、手工啤選擇，而這樽手工啤酒酒精

今日同朋友上左呢間串燒店🍢食飯傾計。估唔到都幾多人黎食，質素應該唔會差喇。好彩有book位姐！😄有好多串燒，燒物種類選擇，另外優惠時段，兩杯生啤都係$88，可惜今晚唔飲得酒。叫左幾款野食，都令人滿意👍芝士蟹籽玉子燒🧀🥚 好多料，芝士仲溶哂落玉子燒上，夠哂creamy,蛋香味濃厚。唔錯！鹽燒🧂安格斯牛柳粒🥩，肉粒厚厚，幾重牛味，調味剛好，不會太鹹。自家製醬汁雞肉串，$39有兩串。雞肉串都幾大舊，個自家製燒汁令到雞肉好惹味。雞肉幾嫩滑。黃金醬炸墨魚咀即叫即製，夠哂香脆呀！落左鹹蛋黃醬，鹹香味濃郁，墨魚咀煙韌有嚼口！蒜蓉燒扇貝蒜蓉襯落扇貝，無得輸，夠哂惹味，香蒜味濃黃金醬燒生蠔生蠔都幾大隻同都幾重海水味，唔錯！柚子醬雞翼幾特別，酸酸甜甜咁🤤雞翼燒到好香滑

近排香港都好亂，想係市區普普通通食餐飯都唔容易，所以係尖沙咀有餐安樂茶飯食都幾開心嫁。舖頭係6樓，有d街景睇下，不過坐位用高櫈，舒適度就差緊少少啦。我地叫左啤酒，我飲1664，都夠凍嘅。野食方面，我地就叫左好多唔同種類嘅串燒啦！當中我覺得最正嘅係黑毛豬，肉質好嫩滑，食落唔會有渣。雞肉都好岀色，雞皮燒得香，不過唔係脆口，可能有d人未必咁中意，但佢個醬汁好入味的。蔬菜方面，茄子同焗雜菌都幾唔錯，雜菌有牛油菇呀雞脾菇金汁菇，口感幾豐富。海鮮我地就叫左焗蠔，芝士味唔太濃，但蠔味重，如果唔中意食重口味嘅朋友可以一試，幾食到食材本身嘅味道。其他野呢，我地重叫左芝士丸魚蛋玉子燒，水準都幾好，火候啱啱好，表面微焦，入口食到炭香。總體黎講，想靜靜地搵個地方食野，呢到係唔錯嘅選擇。

今日到了尖沙咀樓上店的其中一間串燒店，店舖氣氛非常好，暗暗的浪漫燈光，無論是男女朋友或朋友聚餐是一個非常合適gathering的地方，我看了他的名字很特別，所以決定一試。看他的菜單分為幾類，燒丸、牛類、豬類、羊類、雞類、海鮮、虎蝦、燒烤、扇貝、燒蔬菜、飯類、飲品、生啤、手工啤酒、還有店主推介我們點了以下串燒：香燒餃子雞翼兩隻 $49蒜蓉燒苦夏兩隻 $128黃金薯條 $621664啤酒🍻$68生啤有優惠$88 - 2 杯吃完之後慢慢座下，有音樂聽，好relaxing。

返咗12個鐘頭工食得一餐真係勁肚餓 今日黎到呢間 肚餓了串燒烤焗專門店食野鋪頭係好似酒吧嘅設計 燈光較暗吧枱又唔會太嘈 適合同朋友一齊食下野飲下酒傾下野飲品方面:鋪頭做緊88蚊兩杯生啤 我地要咗1664 女仔嘅話 1杯都夠成餐食物方面:其實都幾多選擇 先食蟹子芝士玉子燒 玉子上面好多芝士蟹子 yummy鹽燒牛舌:厚切牛舌 加上海鹽調味蒜蓉焗生蠔:新鮮 食完蠔仔飲埋蠔殼上面啲湯 好鮮甜燒韮菜:燒得啱啱好 嫩口唔會鞋蒜蓉茄子:佢同出面嘅燒茄子唔一樣 係用炸蒜而唔係生蒜 一絲絲茄子加上脆口嘅香蒜 更有口感黃金薯條 黃金炸雞:食材卷上鹹蛋黃 令食物有鹹香感覺 幾好食原條鰻魚:加上甜甜醬油汁 啱啱燒出黎 外脆內juicy 好食唔覺唔覺 兩個人竟然食咗咁多野 串燒下配下凍啤酒 爽皮!

肚餓了燒烤焗專門店擺渡人說過，失戀的人有四個階段：我來了、我累了、我好了、我走了那麼，饞嘴的人的四個階段應該是：我餓了、我來了、我飽了、我走了陳未說：要擺渡人，必須要感同身受同樣，要擺渡一個饞嘴的人，亦需要感同身受饞嘴，也有分兩種，一種渴求杯中之物，一種追求口腹之慾店家十分細心，兩種不品種的饕餮，都細意的照顧到先來的是震撼價$88兩杯生啤，重點是可選1664或朝日啤酒，而並不是將價就貨的飲可能是世界上最難飲的啤酒再來就是有餐牌上的93款串燒主食提供，任君選擇這個絕對會是染上選擇困難症的朋友一個很大的挑戰店家推薦，黃金系列是啤酒的良友黃金系列有三：其一，黃金墨魚咀；其二，黃金薯條；其三，黃金炸魚皮黃金者，鹹蛋黃也乃是餸酒良伴除了黃金系列，想說，自古以來豬頸肉亦是另一個餸酒良伴串燒，小吃，啤酒，永遠都是良朋歡聚的最佳方程式

今日黎到尖沙咀食下串燒，黎到亞士厘道樓上串燒。店入面細細間，全部都係高既枱凳。今日叫左7樣串燒，分別係安格斯牛柳粒、燒羊架、肉汁燒雞翼、雞泡魚干、汁燒原隻魷魚🦑、蒜蓉廣島蠔、蒜蓉茄子先講安格斯牛柳粒，牛肉味濃，不過熟咗少少，唔會好肥，味道可以，再嚟燒羊架，羊架偏羶，味道一般。再講原隻魷魚，成隻食幾過癮！ 汁燒味香甜，魷魚唔會太乾。唔錯！汁燒雞翼，外脆內軟，肉汁仍然保留。雞泡魚干，笑得剛剛好唔會乾。正！廣島蠔，肥大肉厚！ 蒜蓉茄子，加了生熟蒜，夠香口！ 😋9:00 後啤酒仲有$88兩杯！宵夜好選擇！

肚餓了串燒烤焗專門店🤪 淨係聽個名都夠正😂咁肚餓了梗係要試下啦😂餐廳做緊$88優惠價有兩杯生啤🍻🍻🍻太抵黃金墨魚咀, 咸蛋炸香口唔在講, 但好在唔會太咸. balance啱啱好. 做佐酒小食最啱!平時d燒茄子, 一係就皮太乾, 一係皮都燶, 再唔係就切唔開, 呢個茄子真係水準之上! 茄子肉連皮都食得, 蒜香味一流! 厚切牛舌, 燒豬頸肉😍兩個都燒得冧滑juicy, 豬頸肉加埋開胃泰式甜酸汁, 食多d都唔覺肥膩! 芝士焗西蘭花芝士多到可以拉絲🤩食完熱氣野, 食返d 菜好似無咁罪疚 😆😆😆總結, 串燒水準好高, 份量比想像中多. 食到頂住個胃, 埋單每人$300, 抵食😊

這間餐廳嘅名字真係好有趣！肚餓啦#肚餓啦#😊間接增加食慾🤣其實我都好鍾意食串燒一來可以飲啤酒二來可以慢慢食、傾吓計可惜有啲感冒所以冇得飲啤酒😭其實呢間餐廳，生啤兩杯都係$88😍真係超級抵！👍🏻👍🏻👍🏻下次再幫襯。餐廳嘅裝修比較日式文清feel有唔同嘅風味唔係麻甩佬食串燒的feel😆😆😆由於小店關係服務員非常殷勤有禮貌！要讚👍🏻👍🏻👍🏻整體串燒質素都好好！重要係食物夠熱！上到枱都要熱辣辣先OK！另外食材都新鮮！整體水平滿意！👍🏻心水推介：燒茄子 （調味正、熱度一流）柚子雞翼 （外脆，甜甜的）蘆筍（調味正、新鮮）雞串 （份量肉汁夠多）

這是一間位於亞士厘道的樓上串燒店，水泥灰色牆身及地下，高腳木枱椅，有大量酒樽裝飾。牆上的巨型時鐘是真的鐘！店內外最搶眼的宣傳莫過於「$88/2杯生啤！」不過要留意番這是9點半後的優惠呢！食物選擇都算豐富，除了一般的串燒，連玉子燒、雜菇包都有。川式燒韭菜（$25）好長啊！比平時吃到的還要長，油足調味足。微辣肉碎原條燒茄子（$49）燒得非常靚！好吸引人！茄子肉厚，舖滿炸蒜及肉碎，辣醬惹味，帶點麻辣，有特色又好味。鹽燒厚切牛舌（$68）燒得出色！厚切的牛舌仍燒得軟淋入味，令人印象深刻，必點推介。芝士蟹子玉子燒（$38）芝士拉芝，多蟹子，不過蛋就唔算好鬆軟，有一邊較薄有少少焦，但就香口。勁辣跳舞燒餃子雞翼（$49）個名好搞笑！都真係幾辣的。汁燒北海道原隻魷魚（$69）原來有兩隻呢，很驚喜！睇個樣驚好硬，點知好淋身，不錯！蒜蓉燒廣島蠔（2隻）（$68）好大隻，火喉控制好，值回原價！有見及此再追加了扇貝，也沒令人失望！總括來說，我覺得呢度消費唔算便宜，但大部分食物的份量和火喉味道總算物有所值，港式串燒來說可以一試。

成班人一齊食串燒飲啤酒最正了，肚餓了個名字幾得意，叫埋老友一齊開心。推薦金針菇肥牛卷，超大一份，足料，入味。仲有雞肉串，原條鰻魚都好野味，加上孜然粉好香啊，仲有生蠔，自家噶啤酒，都唔錯，一句講曬，正！

今天行過尖沙咀，朋友說想吃串燒。突然想起肚餓了這間店，曾經一年前吃過，今天我們再光顧，質素沒有特別大改變，樓上的餐廳的好處，就是始終小人一點，也好坐一點。大部份食客都是渴啤酒，和吃串燒，而我們也不例外，只是沒有喝啤酒，只喝汽水！我們都是在餐牌紙上，隨隨便便地畫了幾種款的食物。魚蛋芝士丸金菇牛肉卷燒黑豚肉蜜糖雞翼珍寶帆立貝芝士煙肉焗西蘭花自家製鹹豬手只是兩個女人仔，吃這些便夠了。味道方面，都算不錯了，不會太鹹，適合我這些喜歡吃淡淡味道的人士。豬手也十分大碟，但要等1小時才有呢，可能製作方面有點複雜？人流也不算少，店員也沒有給你壓力，催促你走，你們可以慢慢坐低，慢慢飲，慢慢吃！

為左要畀到負評先晒時間打禁多字...OpenRice話要最少8隻字先畀我dislike佢 我覺得浪費禁多時間係呢D難食既餐廳真係浪費自己時間為左唔令各位師兄同我一樣中伏所以先打晒個80隻字金菇牛肉卷硬到咬唔開, 隔離枱投訴佢條牛脷中間係凍嘅, 秋葵燒到乾爭爭... 我都費事再打落去總之唔好再食啦好啦打到呢度咁返出去又以為80隻字就可以unlike餐廳，點知原來最少要200隻字先可以負評佢，打到呢度仲有8隻字總之最後一句大家千祈唔好去食呀!