聰嫂私房甜品

營業中

休息中

之前讀書果陣好鍾意同朋友去「聰嫂」食甜品，每次都會食佢地的招牌鮮果冰！！前幾日行旺角見到「聰嫂」開咗新分店，即刻入去食返碗甜品先🤣🤣🍨龍眼椰果冰 $49✨用上大量泰國龍眼肉製作，龍眼冰味道清甜、好足料！！面層有龍眼果肉、椰果、西米等，整體口感豐富😋😋🍨榴槤豆腐花 $49✨估唔到榴槤同豆腐花都幾夾！榴槤蓉香甜不膩，味道十分濃郁！！豆腐花入口滑溜、重豆香！配面層的榴槤一齊食好好味，榴槤控必試❤️❤️

{🍽️ 香港搵食 🍽️｝ 聰嫂私房甜品收工經過門口仍然係人山人海，好彩唔係等咗好耐就可以入去食甜品呀，yeah 🙌🏻🙌🏻 入到去真係每一台都坐到滿滿啊 😂 全程電子落單好方便。 聽講佢最出名嘅就係芒果奶昔雙皮奶，我就梗係唔執輸試吓啦😎😎 以凍嘅雙皮奶做底，再加上新鮮芒果🥭 同芒果奶昔，雙皮奶嘅口感細滑，有淡淡的奶香，芒果好甜，成個組合幾fresh，唔錯🤤🤤 另外仲叫咗楊枝甘露，入面主要有芒果🥭、西米、西柚肉同埋椰漿，芒果既香氣同椰漿既濃郁簡直係Perfect match，西米嘅口感好Q彈，加分🤓🤓 整體上感覺不錯，下次會再試其他嘢🤤🤤 📍旺角豉油街50號富達大廈地下8號鋪

芒果迷必食 芒果盛宴到店必食水果主題的甜品芒果豆腐花粒粒多汁鮮甜芒果加上芒果冰，特濃芒果味，令人一試難忘！再配上底層的豆腐花，口感嫩滑，豆味香濃，整體酸甜開胃，加上水晶珠，口感豐富美味。芒果奶昔雙皮奶芒果果肉非常鮮甜，份量豐富，加上芒果奶昔，果味level up！雙皮奶燉得剛剛好，火候控制得宜，入口散出香濃奶味，口感軟滑，芒果配上雙皮奶，這個組合絕無違和感聰嫂私房甜品📍旺角豉油街50號富達大廈地下8號舖

旺角多嘢食就係人都知，最近旺角手搖飲品街多咗間翻新咗一間糖水舖，一於Lunch嘅時候行過嚟試一試🤤🥥 滋補桃膠燉椰皇桃膠係女人恩物，平民燕窩🤤天氣咁凍，即刻叫返個熱辣辣嘅桃膠燉椰皇🥥成個椰皇都好大個，燉奶上面仲鋪滿晒桃膠，啲椰肉仲燉到冧晒好易食，成個椰皇真係好香甜😍秋冬食熱辣辣嘅燉椰王真係夠晒滋潤，下次都會再叫！🍡 桂花釀湯圓女人有第二個為食甜品，除咗食咗一個大大個燉椰皇之外，仲叫咗個桂花釀湯圓，呢個芝麻湯圓夠晒煙煙韌韌，桂花糖水夠晒清甜🤤五大粒糯米湯圓，食完都飽到上心口！

平時放假都鍾意黎旺角Shopping，最鍾意行波鞋街果邊，好多甜品店同飲品店，今日重俾我發現到呢間新開既聰嫂私房甜品，一入到去已經聞到好香嘅榴槤味，即刻入去試吓先🥳榴槤水晶珠❄️真心推薦🥳面頭有香噴噴新鮮嘅榴槤肉，再有榴槤打成嘅榴槤冰，加上粒粒水晶珠超好味😋芒果奶昔雙皮奶呢個配搭啱錯，面上還加上了一層濃香又清甜的芒果奶昔，再鋪上片片的芒果🥭所以除了香濃的雙皮奶以外，重啱晒鍾意芒果香甜既我💕

不嬲都好鍾意食聰嫂，但係市區一直都冇，最近發現竟然旺角開咗間新嘅，不過一直都好多人排隊，所以今日就試吓買外賣返屋企食啦。一去到舖頭真係好多人，而且佢嘅裝修好靚，都好適合打卡。不過真係太多人等緊，問咗職員買外賣等15分鐘就得，咁就決定就買外賣啦。我哋揀咗一個椰皇桃膠燉奶，佢係椰皇入面裝住燉奶，好適合打卡，而且食落好足料，好多桃膠同埋燉奶嘅味道都好好。同埋價錢好平，雖然好食，但係比平時啲唔係連鎖嘅甜品舖更加平。另外仲叫咗個湯圓，湯圓有好多粒，咁平嘅價錢竟然有六粒。$32食到好食嘅芝麻湯圓真係好抵，仲抵過喺超級市場買。佢哋芝麻味好濃，同雪藏嗰啲爭好遠，但係價錢卻差唔多，唔怪得咁多人食啦。呢間甜品舖又平又抵食，而且環境又靚，下次都一定會再嚟食呀。

🌸芒果豆腐花+椰果啱哂我呢個芒果控，每一啖都食到濃郁嘅芒果香味，好足料！呢個甜品有好多新鮮芒果肉、清涼嘅芒果冰、仲有芒果汁豆腐花做底，豆腐花香又嫩滑，食落口口感好豐富！酸酸甜甜一啲都唔膩！我仲另加爽口椰果，味道好夾🌸士多啤梨仙草凍+水晶珠顏色好靚，表面舖滿厚厚嘅士多啤梨雪葩，酸酸甜甜，加埋大量脆口水晶珠，口感一流！底層仲有仙草凍，食落口好滑溜，好甘香，甜度啱啱好！🌸芝麻糊暖暖嘅芝麻糊入口好香濃，濃稠度啱啱好，不太稠不太稀🎀餐廳舒適，上菜速度快，餐廳店員服務態度好友善，抵讚！下午茶性價比好高，勁抵食！

今曰更尾，就放縱逛夜小小，食埋甜品再歸家😉。宵夜來到位於旺角女人街尾的《聰嫂私房甜品》。聽講這裡的椰果冰，會讓人垂涎欲滴，我們一於去試試吧！😋Alex最鐘意食芒果，很快速就能決定品嚐「芒果椰果冰」。冰底帶有濃郁的芒果味，夾著Q彈的椰果粒，每一口都充滿了清新與香甜的感覺。芒果和椰果的完美結合，讓人一口接一口，完全停不下來。而我就選了「榴槤黑糯米」，一大球黑糯米及一大球榴蓮蓉，搭配得恰到好處，都是我的至愛😍。底下的榴蓮味冰底夾著粒粒椰果，隨著冰慢慢溶化，整體口感越來越像榴槤雪糕。濃郁的榴槤味加上黑糯米的黏稠口感，讓人回味無窮。這家甜品店，真的是名不虛傳，值得再訪！🍧🍨😊

《聰嫂私房甜品 - 旺角》呢一間係充滿回憶嘅甜品店，以前將軍澳返學，放咗學成日都會同啲同學仔過嚟食個甜品先返屋企😚曾經有個時候旺角都有分店，成日gathering完都會食返個龍眼椰果冰先至夠皮🥹自從旺角分店冇咗之後就冇機會再食返啦😍前幾日行過女人街附近竟然比我見到佢裝修緊，一開就梗係要大大力支持啦💪🏻星期二晚九點幾諗住食個糖水先走，去到聰嫂見到排晒長龍勁誇張😨等咗大約10分鐘先有位，我就梗係叫返每次必食嘅龍眼椰果冰啦🤗以前我啲朋友多數都會叫佢嘅招牌芒果雙皮奶，但係原來佢哋個楊枝甘露都同樣出色💁🏻‍♀️龍眼椰果冰 $49入坑必食嘅甜品之一，我記得第一次食嘅時候真心俾佢驚艷到，龍眼沙冰食得出一絲絲嘅龍眼肉，夏天食透心涼之餘仲覺得好清爽，除咗有龍眼冰之外，仲會食到爽脆嘅水晶珠同埋原粒龍眼肉，入口多層次，但係又唔會死甜，食得出係水果嘅原汁原味👍🏻第一次食聰嫂建議一定要試💁🏻‍♀️楊枝甘露 $49雖然楊枝甘露係好傳統嘅甜品，嚟得聰嫂就真係好少食，不過佢嘅用料十足，成碗入面有大量芒果同埋西柚肉，西米煮到軟腍腍好順喉，芒果肉同埋奶打成果汁個味道都好濃郁🍹相信喜歡食傳統糖水嘅都會喜歡

👧🏻Wodafoodie in Mong Kok聰嫂係新派港式甜品😍主打用新鮮生果製作既甜品招牌龍眼椰果冰、榴連水晶珠等細細個成日同朋友排隊食😋依家再次進駐旺角真係好開心！！✨椰皇燉蓮子雙皮奶 $69天氣凍所以叫左熱，即叫即製熱辣辣🔥雙皮奶好重奶香又夠滑🥰蓮子甜甜的最正係狂食椰皇既椰肉🥥 真心大滿足😋✨杏汁芒果豆腐花 $44好少見呢個配搭～🍧芒果沙冰好清爽杏汁淡淡地，凍食既豆腐花都幾滑幾好食😝聰嫂仲有好多招牌甜品🤤下次再試！🫶📍 聰嫂私房甜品 (旺角)旺角豉油街50號富達大廈地下8號舖👅更多同區推介☺️ #wodafoodieinmongkok

以往都有去食開聰嫂，咁啱今日行過旺角發現原來都有一間聰嫂私房甜品，諗諗吓咁耐冇食入去試吓先舖頭都幾光猛，裝修一如以往用咗淺木色系配綠色，枱嘅數量都唔少，而且都坐得幾多人，我大概夜晚六點去都已經坐滿🔸紅棗蓮子燉桃膠 $39 咁啱天氣涼咗，揀咗依一款有熱食嘅，飲完感覺好潤喉，好足料，有好多紅棗、蓮子同桃膠，而且煮得好夠腍，甜度亦都唔甜😊🔸榴槤水晶珠 $48 一行到入去已經聞到陣陣榴槤香，基本上我每次嚟親都係食呢一款，面頭有大大嚿新鮮嘅榴槤肉，加埋榴槤打成嘅榴槤冰，好脆口嘅粒粒水晶珠，鍾意食榴槤嘅朋友呢一款啱晒🔸迷你芒果布甸 $18見到隔籬枱有食我又跟住叫😂布甸細細杯啱晒我過下口癮，淡淡芒果味，布甸質感軟滑

難得今日有朋友喺外國返嚟，嚟得旺角一定要食吓地道嘅香港糖水啦，呢間聰嫂係聽過好多人介紹都話好好食嘅，所以今日第一個諗到嘅都係呢間。呢間裝修好新穎，感覺超乾淨，而且都相當美觀，座位亦都好夠，店員嘅服務態度亦都唔錯。睇咗餐牌都有好多選擇，但係最終我哋決定咗叫一個椰皇燉桃膠雙皮奶同一個淨湯圓配桂花糖水。首先嚟嘅就係湯圓配桂花糖水，桂花糖水個底唔會太甜，幾清新，而且湯圓嘅外皮口感煙靭，入面芝麻餡亦都好濃郁，相當出色！至於個雙皮奶，因為加入椰皇去燉，所以好香椰子味，亦都令成件事冇咁滯，桃膠嘅份量超多，而且唔會太甜，雙皮奶亦都相當滑身，超級正！

天氣終於開始凍，最唔捨得嘅就係夏日炎炎食粉冰或沙冰～ 其中聰嫂嘅沙冰都係我心目中數一數二嘅好食，特別係榴槤沙冰同龍眼沙冰🍧龍眼椰果沙冰沙冰除咗有兩大粒冇核龍眼，仲有好多椰果同爆水珠珠～ 龍眼沙冰口味清新，甜度適中，越食越想食😋士多啤梨仙草沙冰士多啤梨沙冰充滿士多啤梨香，酸甜果味濃郁，同龍眼沙冰嘅清新成為了大對比～ 不過都一樣係越食越開胃～ 沙冰上仲有爆水珠，同四分一粒大士多啤梨點綴，再加上滑捋捋嘅仙草，成為另一番滋味～

喺旺角食完飯經過見到呢間新開甜品店, 係聰嫂啊😍！口痕就諗住入去食返個甜品！呢度環境光猛整潔, 一落單好快就有甜品食啦！🔸芝麻合桃露 (熱)食糖水我鍾意嗌雙拼, 因為可以一次過滿足兩個願望！糖水上枱時熱辣辣, 合桃露好香滑, 好香果仁味, 芝麻糊相對冇咁甜, 整體合桃露味道比較突出, 都唔錯！🔸芒果奶昔雙皮奶以凍雙皮奶做底, 再加上芒果奶昔同新鮮芒果🥭。雙皮奶口感夠滑溜, 有淡淡奶香, 芒果好香甜, 成個組合幾清新！

同朋友去左旺角食完dinner, 諗住揾間甜品舖食糖水🤭行行下發現附近新開左間聰嫂私房甜品，所以就試試佢😙間舖都幾大，可以坐到好多人，但係夜晚都好多人排隊😛好彩唔洗等好耐就有位😋menu都好多選擇，好多都好吸引😍🔻椰皇黑芝麻湯圓（3粒）$67/熱呢個見到都覺得好吸引，入面有3粒大大粒嘅芝麻湯圓，食落好煙韌☺️椰皇入面除左啲燉椰汁之外仲有蛋白😌好正！🔻紅棗蓮子燉桃膠 $39呢個就有熱有凍，因為天氣凍凍地就揀左熱食🤭飲完感覺好潤喉，入面都好足料，有好多紅棗同桃膠，好味！😊