聰嫂私房甜品

營業中

休息中

聰嫂私房甜品開左旺角鬧市區，今日同朋友行街就食個甜品，順便休息下。呢間舖頭人頭湧湧都要排一陣先有得入去食。食物冇令我哋失望，好好食！我就揀咗個椰皇燉桃膠雙皮奶，朋友就揀左傳統芝麻糊。朋友個芝麻糊較快送上，食落非常濃香芝麻味，滑溜，質地較為稠身，唔會水旺旺，食完暖笠笠，正！坐對面嘅我都聞到好香芝麻味。佢下午茶時間仲係優惠價錢，抵食！於我個椰皇燉桃膠雙皮奶就不得了啦，即點即製作，原個椰皇加上雪白雙皮奶，非常吸引。雙皮奶燉得非常嫩滑，岩晒火候，仲要夾雜濃香嘅椰子味，好滋味。桃膠又有QQ咬口，呢個甜品真係非常好味！冬天食覺得特別滋潤。見佢對面都準備緊開分店真係有原因！

今日同肥豬食完飯之後,行街見到旺角呢到開左間甜品，不停有人流入去，應該都唔錯，就去試下，點知好好食😋榴連水晶球榴連愛好者必叫！ 個底係榴連雪冰，但我覺得唔似冰，好似食緊雪糕咁，啖啖都充滿住榴槤肉味！好好食，面頭係佈滿水晶球同埋榴連蓉。榴槤愛好者必到👍🏻👍🏻肥豬叫個個係 椰汁芒果西米露，佢話好好食，我就去試左啖，哇，芒果好甜，椰汁同西米露既比例岩岩好，唔會過淋/太杰等情況出現。佢煮得岩岩好，好正，下次黎旺角會再黎呢間試其他甜品。

🍱餐廳：聰嫂私房甜品 (旺角)🍽️類別：港式甜品💯回頭率：8/10.終於有機會到訪這間經常人龍長長的人氣甜品店。.▪️龍眼椰果冰 $49椰汁冰味道清爽，與清甜的龍眼相當契合，而且甜度適中，非常適飯後解膩。🍑推薦指數: ★★★★★★▪️椰皇燉桃膠雙皮奶 $69
最近天氣轉涼，最適合來一碗熱騰騰的椰皇燉桃膠雙皮奶。椰奶香氣十足，桃膠份量頗豐富，口感柔滑，與雙皮奶非常搭配。🍑推薦指數: ★★★★★☆😍整體評分 味道：🌟🌟🌟🌟🌟性價比：🌟🌟🌟🌟環境：🌟🌟🌟🌟服務態度：🌟🌟🌟🌟

今日冬至, 天氣有d凍🥶, 又好乾燥🔥, 想食d甜品滋潤一下, 之前見到佢新開, 不過未食過, 等左一陣, 係外面望下餐牌, 唔係真係非常多選擇😜, 但真係未見過一間甜品店可以敢旺, 坐到好密🤪, 入去坐低見到枱有個QR code 亦可以好似大陸一樣, 連住某d電子支付平台, 叫左一個椰皇🥥燉桃膠雙皮奶🥛, 可以要椰汁也可以要杏仁汁, 揀左杏仁, 感覺會再滋潤d😁, 另外要左一個芝麻糊拼合桃糊, 等左一左椰皇🥥送到, 入面放到好滿😅, 聞到椰皇的香味🥥, 用羮食一口, 好濃好熱的杏仁味道, 再加上滑滑的桃膠和雙皮奶🥥🥛 感覺真係好滋潤食落好舒服又溫暖, 佢亦燉得夠時間, 椰皇肉都好容易用羮整出來, 真係好香😋, 試一口友人的芝麻糊拼合桃糊, 都食到二者的香味, 但友人話食到d粉狀😜, 敢應該無椰皇敢出色了😛60多元一個椰皇其實唔平😜😛, 不過都比預期好食😊👍

啲冰真係好出色，入口即溶，完全唔會咬到碎冰，個味就係好真材實料既水果冰(大愛！)士多啤梨椰果冰$42+仙草$8朋友叫左士多啤梨，我自己好少食出面士多啤梨製品，覺得會係假士多啤梨味，偷左一啖，得！勁得！( ¤̴̶̷̤́ ‧̫̮ ¤̴̶̷̤̀ )下次我真係會叫個士多啤梨味係酸酸甜甜，有小小似士多啤梨乳酪冰，岩岩食完晚餐又開番左個胃龍眼仙草凍$39+水晶珠+$6每次都必食item!!芒果冰都係!!! ( ¤̴̶̷̤́ ‧̫̮ ¤̴̶̷̤̀ )個清甜程度係Top1 水晶珠本食無味咬落卜卜聲，加埋落啲冰到口感又再豐富

俾朋友扯咗嚟，呢一間甜品店度食嘢～未入嚟嘅時候覺得間鋪幾細，但係入到嚟又覺得幾寬敞 擺到好多張枱，但係走廊同埋位置 都唔會覺得好迫。每張枱都有對應嘅QR code，而且都有列明可以用好多嘅唔同方式來電子支付，而且亦有內地盛行大眾點評嘅打卡送禮活動，送芒果布丁🍮。-杏仁合桃露有潤肺止咳，美容養顏嘅功效，味道嫩滑微甜，但味道較淡，飲落去潤喉容易入口。-椰汁芒果🥭黑糯米呢一個甜品超級足料，黑糯米食落去好有咬感，配搭上濃郁嘅椰汁味食落去個感覺，超級幸福☺️在芒果下面還有個芒果味的雪糕球🖤，依個係意料之外～因為我本身對於呢一個甜品理解嘅概念係，類似泰國嗰種芒果糯米飯🍚嘅嘢食，最多甜品就淨係多咗啲椰汁🥥冇諗到額外仲有個雪糕食🖤

上個weekend係旺角食完晚飯想搵一間好食嘅甜品店，經過見到聰嫂係旺角開左新店，開到凌晨12點，人流好旺，經常要排隊，但一食就知道點解咁受歡迎！榴槤水晶珠 ($59)榴槤嘅香氣濃烈，入口即化，甜中帶有一絲獨特嘅苦味，添增咗層次感。水晶珠則係Q彈，咬落去有咁啱嘅彈性，配合榴槤嘅滑順，形成一種完美嘅對比。每一口都充滿榴槤嘅濃厚風味，實在太滿足！榴槤嘅濃烈與水晶珠嘅彈性形成鮮明對比，好正！蜜瓜仙草凍 ($45)味道清新得嚟又甜美，蜜瓜嘅自然甘甜，帶有果香，咬落去果肉鮮嫩，令人感到愉悅。仙草凍滑溜，咬住有一種柔軟嘅口感，兩者混合後，味覺上既有清爽又有香醇，簡直係夏日必食！吃完之後，口腔中留有淡淡嘅香氣，好好味！📍旺角豉油街50號富達大廈地下8號舖

又食聰嫂🤤 除咗回憶，味道都係晒到龍眼仙草冰佢哋既龍眼冰一定係必食！無食過真係唔可以話食過聰嫂 🤪龍眼冰既清甜，再加上佢用龍眼汁打成冰，真係啖啖都有龍眼味，唔會死甜！夏天食就更加透心涼啦 榴槤水晶珠坊間好多榴槤甜品都係得細細pat，不過佢除左有一球果肉之外，個冰又係有超重榴槤味，朋友都大讚！😍😍😍超級足料！ 讚！ 另外好欣賞佢地既水晶珠，佢係更加有咬口，有種爆既感覺，口感滿滿 👍🏻👍🏻👍🏻

心心念念嘅龍眼冰終於食咗啦，其實以前我就好鍾意食，依家旺角間分店咁方便隨時都食得啦，招牌一定係食龍眼椰果冰！🤍龍眼椰果冰Longan Sorbet with Nata De Coco $49好耐冇食過呢個龍眼冰，同幻想中都冇乜分別，底層以龍眼同埋椰果打成沙冰，入口香甜，面頭上有兩粒雪凍嘅龍眼肉，中間包含爽脆水晶珠粒增加口感，質素仍然都係咁好，推薦！🧡楊枝甘露$49Mango Pomelo Sago呢個咁傳統嘅甜品我都成日食，芒果切成好細粒，選用嘅芒果夠甜，仲加咗輕微柚子增加酸味，大量軟腍腍西米，感覺好甜蜜！✨2款都好食呀，可以再食！

筆者和姊姊在旺角區吃過晚餐後，意猶未盡，所以再去吃碗糖水。昨晚大約9時半到達，門口人頭湧湧，需要在門口等位。門口有一份餐牌，可以在等候期間，閱覽一下。約五分鐘後，便可以入座了，比想像中快。甜品店採用手機掃描二維碼下單，約十分鐘後，兩款甜品便到達了。📌楊枝甘露 - $49(Mango Pomelo Sago)甜品用一個小木盤盛載，頗為精緻。楊枝甘露的材料包括有芒果肉、芒果汁、柚子肉、椰汁、西米等。芒果味道濃郁而澎湃，感覺像如在芒果海中暢泳。這款糖水的質感滑溜，吃起來頗為過癮。柚子汁在口腔內爆發，味道酸酸甜甜。📌杏汁芒果豆腐花 - $44(Sweet Tofu and Mango with Almond Milk)（額外加點了一客爆爆珠）姊姊則點了一個相對清新的甜品，杏汁、芒果冰和豆腐花三者完美地融合，比例平衡。豆腐花質感滑滑，享用時像在豆腐輕輕地撫摸舌頭。這款甜品也相對較為飽肚。順便一提，店內的位置頗多。每位食客大約吃了半小時，便結賬了。聰嫂私房甜品📍旺角豉油街50號富達大廈地下8號舖

今次我地係旺角經過見到開左間聰嫂甜品，佢非常出名，我地下午既時間經過都全場滿座要等位，呢度可以直接用電子支付落單比埋錢，方便快捷，用現金就要叫店員幫手落單😉榴槤水晶珠（$59）呢個係聰嫂既必點推介，上層既榴槤蓉配上下面既榴槤雪糕，再加埋d水晶珠，口感十足，榴槤味爆香😍紅棗桂圓杞子燉桃膠（$39）呢碗糖水有凍同熱選擇，配料好足，甜度都夠，非常滋潤，依家呢個天氣食就岩曬😋呢兩個甜品我都好鐘意，特別係個榴槤水晶珠要呢度先食到🥰

聰嫂由將軍澳開到旺角夜晚時間去到人頭湧湧 就算天氣比較凍都要食返個 高質既甜品椰果龍眼冰 好有口感 喺細碎嘅冰入面有龍眼肉 同埋椰果嘅口感 一路食都聞到椰汁嘅香味份量嚟講，一個人啱啱好食完凍冰冰 但係好有滿足感另一個叫咗椰汁芒果黑糯米黑糯米好綿 鋪滿椰汁 上面有兩塊甜甜嘅芒果最估唔到原來係最低係有芒果沙冰即係話一個甜品已經可以食到四款口味一人份量嚟講都好滿足見到隔籬枱個師奶都自己一個人嚟食呢個真係風土人情 同埋遺忘不了嘅回憶

聰嫂甜品回歸了旺角太驚喜了依然選擇了最愛的榴槤冰一口下去,舌尖上充滿了濃郁的果香味道和超級滿足的大塊果肉,尤其是榴槤冰, 貓山王的品質真的很好很好,底下的榴蓮味冰底夾著粒粒椰果,隨著冰慢慢溶化,整體口 感越來越像榴槤雪糕。濃郁的榴槤味黏稠口感,讓人回味無窮。另外點左個蜜瓜豆腐花唇齒間的回味,太適合這晚飯後的時光。大眾點評送芒果🥭布甸很香很好吃有濃郁的芒果味芒果完美結合,讓人一口接一口,完全停不下來。這家甜品店,真的是名不虛傳,值得再訪!

同朋友食完晚飯要食返個甜品來畫上完美的句號❤️杏仁茶燉蛋白加芒果粒這道甜品以細膩的杏仁茶為基底，杏仁的香氣濃郁，與燉得滑嫩的蛋白相互融合，形成一種獨特的口感。芒果粒則是點睛之筆，帶來了一絲清新的水果香味，酸甜的芒果與杏仁的醇厚形成完美對比，讓味蕾充滿驚喜。接下來是芝麻合桃露（熱）芝麻的香濃與合桃的堅果香氣完美融合，口感綿密而不顯油膩。濃郁的芝麻香口感細膩，隨後是合桃的淡淡回甘，讓人感到溫暖而滿足。

旺角人氣糖水店「聰嫂私房甜品」以新品 牌於灣仔重開後,在社交平台上被熱捧再度爆紅, 成為內地遊客訪港必到名店之一,店外長期人龍 不斷,最新更進駐核心區旺角開分店。榴槤仙草凍層次口感分明,味道口感都有明顯鋪 排,食落非常濃郁既榴槤,仙草的口感滑溜,說 來有些像龜苓膏,打得綿密卻保留粒粒冰感,有 點像沙冰,鋪滿碗底,上面再放一球金枕頭果 肉,吃罷就如吃了一個雪得冰凍的榴槤一樣,滿 口甘香。芒果雙皮奶最低層是傳統的燉奶,中層是芒果打 成的沙冰,最面層是密鋪一層芒果果肉,吃時由 低吃到面,一口吃到奶滑,冰感及啖啖芒果肉, 有創意之餘又兼顧味道,愛新鮮的甜品控不要錯 過。