聰嫂私房甜品

營業中

休息中

由第一間舖頭喺銅鑼灣，到將軍澳，到而家返嚟旺角，我都一直有幫襯，因為個質素係一直都keep到，呢樣都好緊要🔸蓮子桃膠（熱） $39叫依碗貪佢清甜滋潤，桃膠份量都好足，最緊要糖水底唔係好甜，食落去冇負擔🔸士多啤梨豆腐花 $42沙冰加爆珠個口感係幾得意出邊好少食到士多啤梨加豆腐花，士多啤梨沙冰酸酸甜甜，配埋豆腐花嘅口感，估唔到都咁夾🔸椰皇燉桃膠雙皮奶(熱) $69每次嚟都會叫椰皇燉桃膠雙皮奶，鍾意佢有一半係雙皮奶，另外椰汁嘅部份都有一半，每一羹都會不到椰汁同雙皮奶，好鍾意陣椰香味，雙皮奶做得好夠滑，加埋桃膠Q彈口感，無限次返嚟都係食呢款🔸龍眼椰果冰 $49聽講呢個招牌好多人食，食落好清甜，龍眼肉份量都夠，再加埋椰果好有咬口，唔怪得咁多人叫

當年搬入坑口, 老友就帶我去食聰嫂;自始, 成日飯後都會去架我地~ 無咗之後, 超級唔慣呢…好開心, 原來開咗响旺角!!!椰皇黑芝麻湯圓雙皮奶 $67好鍾意食呢個甜品呀~暖笠立 滑捋捋 感覺總係好幸福!蓮子桃膠（熱） $39嗯嗯, 桃膠份量好足, Q彈輕啫喱質感, 清甜滋潤~芒果豆腐花 $45估唔到有沙冰, 再加埋爆珠, 加多一個層次口感添~芒果奶昔雙皮奶 $48果肉滿滿, 雙皮奶滑滑, 唔錯 唔錯!氣氛好, 持續滿座, 熱熱鬧鬥 好生意啊!

我自己好鍾意食甜品同糖水, 從同事口中認識由細到大嘅”聰嫂”🫶🏻 生完小朋友之後一直都好想搵機會食下🙆🏻‍♀️今日獨自去偷歡去左旺角聰嫂食芒果奶昔雙皮奶+桂花湯圓, 好滿足！ 一上枱見到咁多芒果真係好心心眼😍 個雙皮奶底亦都好出色, 同芒果超夾👍🏻 淡淡嘅桂花香再加上黑芝麻湯圓, 又係超夾👍🏻 湯圓皮薄又煙韌, 黑芝麻香濃又滑身👍🏻唔怪之得呢度成日全場爆滿, 甜品水準保持得好好! 價格亦係合理水平, CP值好唔錯!

今日同朋友去咗旺角嘅聰嫂私房甜品, 真係驚喜滿滿! 甜品款式多到眼花撩亂,每樣都好吸引,搞到我哋心大心細揀咗好耐😂 最後決定試咗4款糖水, 款款都高質,絕對值得推介! ✨椰皇桃膠燉蛋白必食之選!原個椰皇上枱,燉蛋白超級滑溜,入口即化,仲有滿滿嘅桃膠同椰肉,清甜滋潤又養顏｡朋友大讚:｢啖啖都係料,椰香好濃!｣難怪幾乎每枱都有人叫~ ❄️ 龍眼冰夏天食真係透心涼!龍眼肉多到誇張,每一啖都食到鮮甜果肉,冰底清甜唔會過膩,仲有少少爽口嘅口感,解暑一流! 🥭 楊枝甘露豆腐花創意組合!楊枝甘露嘅酸甜芒果同西柚,配上滑嘟嘟嘅豆腐花,口感層次超豐富｡整體甜度適中,鍾意芒果嘅朋友一定要試! 🌼 芝麻湯圓配桂花糖水芝麻餡香濃流心,配上淡淡桂花香嘅糖水,味道好夾｡食完之後成個口都係桂花餘香,好舒服~ 聰嫂私房甜品真係正!如果硬要揀,個人最推椰皇桃膠燉蛋白同埋龍眼冰,回頭率100%! 一定會再encore!🍧 📍聰嫂私房甜品 (旺角)旺角豉油街50號富達大廈地下8號舖

喺旺角行街發現「聰嫂私房甜品」嘅Menu多咗好多款新甜品👀即刻入去試下先😍熱椰皇燉桃膠雙皮奶🥥單點$69💰椰皇水十分清甜☺️配上滑溜桃膠同雙皮奶🥛椰皇肉好容易用羮整出來🥄好味道🤤椰汁芒果黑糯米🥭單點$46💰芒果香甜多汁👍🏻黑糯米軟糯😗配上椰汁，好夾💯熱杏仁茶燉蛋白🌰單點$45💰杏仁味道香濃😋蛋白滑順😌但略嫌杏仁茶質感較稀🥺芝麻糊燉蛋白🥚單點$39💰芝麻糊香醇濃厚🖤配上蛋白口感更細膩😛

係旺角行行下街，突然好想食甜品，見到有間甜品鋪係晏晝5點幾都人流不斷，店內仲掛有一幅由劉德華親手題嘅書法，寫住「聰嫂甜品」四字同簽名，一睇就知星級甜品😋📌蜜瓜椰果冰🍈 用咗新鮮蜜瓜，切成一粒粒，咬落好爽甜！配上椰果同冰沙，口感好豐富，清清涼涼🌴📌椰汁芒果黑糯米🥭芒果好香甜，黑糯米煮得軟糯入味，椰汁濃而不膩甜度啱啱好，食完完全唔會覺得滯！📌士多啤梨豆腐花🍓士多啤梨豆腐花係另一個驚喜！豆腐花滑到不得了，入口即化仲有新鮮士多啤梨，酸酸甜甜好開胃！佢啲豆腐花唔係好濃嗰種，但同士多啤梨一齊食，味道好平衡，食咗一啖就想再食多啖！💖📌凍椰皇燉桃膠雙皮奶🥥最後試咗凍椰皇燉桃膠雙皮奶，呢個真係高質！椰皇係新鮮開出嚟，燉桃膠同雙皮奶放喺入面椰香撲鼻，桃膠食落QQ彈彈雙皮奶又滑又濃食完仲唔即刻靚左咩♥️📍聰嫂私房甜品旺角豉油街50號富達大廈地下8號舖@chungsodessert#聰嫂甜品 #旺角美食 #香港甜品#聰嫂私房甜品#甜品#劉德華#星級

天氣開始熱，係旺角行到攰，見到有聰嫂，就入去食個糖水😝芒果冰仙草凍估唔到有下午茶優惠（$28)以新鮮的芒果為主角，搭配滑順的仙草凍，口感清新，與芒果冰沙的甜香相得益彰，還有透明的爆珠為其增添了趣味，讓整體更加豐富。是一道非常適合夏季消暑的甜品。凍椰皇燉蓮子雙皮奶以椰皇為基底，椰香十足。蓮子的加入不僅增加了口感層次，也讓味道更為清甜。雙皮奶的質地細膩，搭配椰皇的濃郁風味，令人回味無窮。外觀上也非常吸引，適合喜愛椰子風味的食客。

今日同老公去旺角拍拖行街，食完lunch好想食甜品，原來聰嫂開左喺旺角，好耐無食啦！！即刻去幫襯🌸士多啤梨仙草凍清甜嘅士多啤梨，下面仲有厚厚嘅士多啤梨雪葩，好香口！仲有仙草凍有淡香嘅甘香味，入口好滑溜！一齊食入口感覺都幾清新，解渴又消暑！！🌸芒果奶昔雙皮奶雙皮奶入口好柔滑，仲有好香濃嘅奶香味，配埋芒果奶昔，芒果大大塊都好鮮甜！整體味道酸酸甜甜，好醒胃！！又唔會太甜，甜度啱啱好，我覺得幾好味！！

以前住將軍澳成日都食聰嫂嘅龍眼椰果冰，仲記得係每一啖都食到龍眼肉同埋椰味真係好香好好味，夏天食真係啱晒，食完透心涼。不過呢幾日天氣凍咗經過旺角行街見到都有幾款熱嘅甜品，其中竟然有我最愛椰皇燉鮮奶，一於要去試吓。餐廳都幾多位置，等咗大概10分鐘左右已經有位，落單之後5分鐘就上到枱，非常有效率。熱辣辣嘅椰皇燉鮮奶，一整個椰皇入邊放滿嫩鮮奶，入面仲有三粒湯圓，椰皇鮮奶真係好香，但唔會好甜，好滑！每粒湯丸都好煙靭 ，而且仲超級大粒，食完一碗好似食咗一個下午茶咁，好滿足！因為見到下午茶好抵， 廿幾蚊有三款甜品選擇，我就揀咗芝麻糊，入口好豐富，好香嘅黑芝麻味， $28可以在旺角坐喺度食個甜品，真係好抵！

今日是白色情人節，當然要與情人一起來品嚐甜品啦！已經很久沒有來聰嫂了，其實也很久沒有吃甜品了。今天的天氣不冷不熱，正好適合來點熱騰騰的甜品，而我的另一半則選擇了冷甜品。我選擇了椰皇燉桃膠雙皮奶，這道甜品真是超級美味，甜度恰到好處，桃膠的加入更是滋補養顏，非常適合注重養生的女士們。每一口都能感受到椰奶的香濃和桃膠的滑嫩，真是讓人回味無窮。另一半則點了芒果布甸，這道甜品加上花奶後更是美味，甜度控制得非常好，不會過於甜膩。芒果的鮮甜與布甸的柔軟完美結合，每一口都是滿滿的幸福感。此外，我們還看到有士多啤梨仙草凍，這道甜品也是我想試很久的，下次來一定會再點。還有芒果奶昔雙皮奶，看起來也非常吸引人，下次一定要試試看。總的來說，這裡的甜品比以前真是好吃了很多，每一道都讓人驚喜連連。

雖然依家未到夏天，但呢排天氣都開始熱熱地，行完旺角，成身汗，好想食返啲冰涼嘅甜品降降溫！🌞💦二次回訪旺角人氣甜品店《聰嫂私房甜品》，最愛佢地嘅棉棉冰，今次再來試試其他口味，Alex簡左佢最愛嘅芒果味，「芒果椰果冰」🥭🍧，而我就試下如夢如幻粉紅色嘅「士多啤梨仙草凍」🍓🍮，即使係暖冬，都可以享受透心涼嘅感覺！❄️💕「芒果椰果冰」🥭🍧 綿密嘅芒果冰，非常香甜，椰果Q彈有嚼勁，一啖入口，冰涼透心，瞬間驅走悶熱！😋💛 甜度適中，唔會過膩，絕對係芒果控嘅最愛！👍「士多啤梨仙草凍」 🍓🍮 士多啤梨酸酸甜甜，正好中和仙草凍嘅甘香，口感豐富又清新，食完之後口腔充滿果香，令人回味無窮！😍💖 即使係暖冬，食完呢碗士多啤梨仙草凍，都覺得清爽無比！🌟

中學時期聰嫂甜品好出名，2020年全線結業，原來而家灣仔同旺角都開返，旺角分店星期六日超多人啊💖🖤榴槤黑糯米 $49先生話好好食，好多榴槤，味道香濃，見佢都食晒成碗就知真係好正，黑糯米甜度適中，幾飽肚🤍杏仁茶燉蛋白$45而我養生派系，當然係食返啲熱嘅燉品，杏仁茶味對我嚟講係好香嘅，不過唔係人人接受到，呢度係先燉好半碗蛋白，再放上杏仁茶，蛋白十分滑溜🚩聰嫂私房甜品 (旺角) @chungsodessert📍旺角豉油街25, 27, 31, 39號地下3號舖

📍 聰嫂私房甜品 (旺角)旺角豉油街50號富達大廈地下8號舖Overall: 😋😋😋😋.8/5龍眼椰果冰（凍）💰46呢款龍眼椰果冰真係清新爽口，冰涼的椰果搭配甜美的龍眼，味道好得意，令人一口接一口，唔會膩榴槤水晶珠（凍）💰48對於榴槤愛好者來講，呢款榴槤水晶珠絕對唔可以錯過！榴槤味道濃郁，水晶珠的口感非常有趣，咬落去有驚喜感✨回頭: yes，聰嫂糖水各有特色創意，無論係凍定熱，都能滿足唔同口味的需求！😍

同朋友食完晚飯，想再食啲甜品傾多陣，經過聰嫂，見都幾多人幫襯，心諗應該唔會差，加上唔洗等位，就決定入去試一試我地叫左龍眼豆腐花（$49）及蜜瓜豆腐花（$45），甜品黎到，果肉少得可憐，龍眼都有2粒完整，蜜瓜少到呢，得幾粒仔，已開始感到失望。。。然後就是一大片類似沙冰嘅冰，最底是豆腐花。成碗野最多的是冰，豆腐花及生果都少得可憐，偏偏甜品名是沒有冰字，真o晒咀，其實叫得豆腐花，當然一心想食豆腐花才叫，而非冰。。。仲要天氣凍冰冰。。。我覺得有冰不是問題，但至少在食品名上有啲提示都好。另外，碗野亦唔多大。。。整體來說成碗野印象除左食左冰外，沒太多了，性價比很低。。。環境：好好好迫，坐得唔舒服，細聲講野，隔離都聽到，大家都係急急食完就走呢個價，真係唔太值，一定不會回頭

最近去咗旺角🩷聰嫂私房甜品🩷店舖環境簡約但充滿溫馨感，最重要嘅係佢哋嘅甜品，真係充滿驚喜，絕對唔可以錯過！首先試咗龍眼椰果冰，呢個甜品真係非常清新！龍眼味濃郁，帶有自然嘅香甜，又帶有冰涼感！龍眼果肉鮮嫩多汁，咬落去有種清甜嘅滋味，與滑順椰果形成絕妙嘅搭配。整體而言，呢個甜品令人心情愉快，清爽又不膩。接住來就試咗芒果奶昔雙皮奶，呢個甜品真係驚艷到我！雙皮奶嘅質感滑溜，奶香味十足，配合濃郁嘅芒果味，酸甜適中，令人一口接一口，完全唔想停。每一口都帶有芒果嘅清新！呢個甜品不單止好味，仲有視覺享受，色彩繽紛，令人忍不住拍照分享。總括而言，聰嫂私房甜品真係值得一試！如果你係甜品愛好者，記得到旺角嘅聰嫂試吓，保證你唔會失望！.聰嫂私房甜品✨📍旺角豉油街50號富達大廈地下8號舖