影片
招牌菜
1/4/2012 晚市火鍋 12 位佈局方面：12人大台用兩個 gas 爐，兩個鍋。由於台大鍋太細，夾野十分不方便，人人都要企起身先夾到鍋入面的野。此 setting 是我吃過的火鍋店中最差。食物方面：丸類只有芝士丸好吃，肥牛勁肥無咩肉，羊肉可以，駝鳥肉可以。大蝦會比幾隻你試下，之後每兩$8，果種蚊好吃好鮮，一隻應有二兩左右，添食落去真係幾貴。生蠔都會比幾隻你試下，之後$48六至八隻。味道可以，添食落去都幾貴。醬只有三四種，對我來講唔夠。混醬可是火鍋的精髓啊！飲品方面：可樂芬達忌廉，三種啤酒，酸梅湯任飲。無涼茶。待應好堅持要你點一壼茶，我地話唔洗佢都話要比壼普洱我地。好神奇囉谷氣方面：話說我等一行十二人，入坐前問清價錢，知客話六送一抵食。我地問有無加一，某部長又話「包曬」，又話十二位大數咪 $1390，叫我地除一除每人幾錢。我地當住佢面禁計數機計到價錢OK，就食啦。點知食飽價錢又唔同左囉！某知客和部長已收工唔見人，另一部長話六送一只送基本價錢，唔送醬油同加一囉，所以!@$RWEGVUEYEFRQ#$&^$%WEWS就係14XX元。呢位部長仲話，張單係電腦出佢地改唔到，一定要收咁多錢，話如果我地係都要佢地自己哽左果條數，佢地都會哽（真係委屈曬佢囉），但係「計下條數，你地一人都係比多幾蚊啫馬！」其實唔係幾唔幾蚊問題，果千幾蚊我捐錢都捐得出去！而係老唔老實，谷唔谷氣的問題。又話包曬又話六送一，好有厄你食完先知實收幾多的感覺囉。最後我地都比足佢張單的錢，大家都搵錢辛苦，無謂難為部長，但此等不良營銷手法實在應該公諸於世，好讓各位食客小心留神。價錢唔平，無野好食，無涼茶飲，無咩醬可混，有氣可谷。我個人來講唔會再吃呢間囉。各區都有新鮮大蝦任食的店，屯門都有間有20+款醬可以混的（唔講邊間，以免落得賣廣告之鎌），四處都有雞骨草夏枯草菊花茶之類基本配置啦。110~120落樓的都比比皆是，呢間聯邦唔平過人，但咩都少咩都無，setting又唔好，仲要十點半就收工想坐下吹多陣水都唔得囉。我個人來講唔會再吃呢間囉。仲要我係帶住一班第一次入來屯門遊玩的朋友來吃囉，破壞曬佢地對屯門的印象我個人來講唔會再吃呢間囉。
繼續閱讀
由於，我、媽咪及細佬的生日很接近，所以，索性一起慶祝！ 我們決定一家四口到啟豐園 <聯邦大酒樓> 食晚飯。自從搬屋之後，甚少走來這裡飲茶；再度幫襯已經翻新，整潔光猛！ 平日晚飯時段，不算多人，大約半場食客。除了食小菜之外，還供應火鍋，迎合不同食客口味！小菜款式繁多，令我們花多眼亂！ 當中有些特色小菜，不妨一試！冬林上素 $53顧名思義是一道素食小菜，感覺清新！ 起初，大家都以為是節瓜，原來用上冬瓜，去皮後蓋出圓柱體，然後釀入蘑菇粒、秀珍菇、紅蘿蔔絲、木耳絲等配料，打上蠔油芡汁，伴以西蘭花。看來倒是不錯，實質沒有什麼特別！ 略嫌油了一點！只是味道清清地而已。火龍果炒駝鳥柳 $53單看賣相，顏色奪目，集色香味俱全！！ 以前在這裡曾食過駝鳥柳，今次再度品嚐！ 無論外表及肉質，駝鳥柳跟牛肉很相似！ 肉質軟腍，同屬紅肉；駝鳥肉比牛肉更為健康，起碼不像經常說到牛肉是 "毒" 的！駝鳥肉沒有新鮮貨，全是入口貨。炒過的火龍果好像炒過的啤梨！咬落軟腍多汁！還有火龍果籽可增加口感！ 配上黃椒、青椒、蜜糖豆等，色彩繽紛！ 蜜糖豆青綠爽脆！ 這道小菜很有特色！八珍豆腐煲 $65材料為白菜、冬菇、蝦、豆腐、鮮魷等，並非八珍。 冬菇原隻上、細細隻，夠爽身入味！ 配上外軟內滑的紅燒豆腐，混合蠔油芡汁，兩者很匹配！蝦是雪藏貨色！淡而無味！ 鮮魷幾爽身！不過，以這個價錢來說，實在有點不值！ 花菇鮑螺玉掌煲 $58 包括：鮑魚片、鵝掌、花菇，認真是真材實料！ 況且價錢超值！ 鮑魚片是罐頭貨色，花菇頗大隻爽身有口感！鵝掌要特別一提，用花椒八角醃製，十分惹味又夠腍！ 以鮑魚汁去扣所有材料，全部都夠入味！值得推介！青斑仔一條 $138 / 條有菜有肉，點可以無魚呢？呢條魚看來算生猛！食起來尚有鮮味！ 酒樓食蒸魚一定比較油，因為蔥絲要淋上滾油形成蔥花！一來賣相可以得體，二來條魚看起來有光澤感覺新鮮！可惜，條魚老蒸得過火一點！蔥花稍為少！最後，到尾聲又是食甜品的時候！送上糖水：紅豆沙紅豆沙的味道不是太甜，恰到好處！ 紅豆煲得起沙，蓮子很粉！配合不可缺少的陳皮，正是完美配搭！ 亦為我們這餐生日飯，畫上完美句號！雖然多年沒有幫襯，但是現時再度幫襯，依然煮出有水準之作！ 大家對這餐晚飯相當滿意！
繼續閱讀
伯母大壽, 咁咪去間大酒樓食下, 心諗應該穩陣D啦.點知...叫個翅食下, 衰過碼頭D碗仔翅, 完全未溝好, 一舊舊 叫過片皮鴨, 竟然無蔥跟, 問佢拎竟然要加錢...搞錯呀! D蔥好貴咩, 呢個係咪應該叫"聯邦片皮鴨" 魚又唔掂, 竟然凍既...淋左熱油都係涷...如果唔係伯母行動唔方便, 真係無理由再去...
繼續閱讀
爸爸媽媽都是計舊曆生日的老人家.每次他們生日我們一家都出酒樓吃個晚飯.始終我們是99%都吃住家飯的屋企,出街吃個便飯已經是難得的事,所以不用什麼大牌場,什麼鮑參翅肚,而選址多數是屋企附近的酒樓,簡簡單單,便已足夠.上星期我和媽媽和妹妹去過聯邦飲早茶,差不多三年沒踏足過此酒樓,大家都覺得環境和食物比以前進步不少.於是今晚餐爸爸生日飯,媽媽見議放棄這年我家鐘愛的客家好廚,改去聯邦試試.酒樓由以前殘殘舊舊化成現在的富麗堂皇,誇少少說句好似宮殿呀!坐正對住電視機前的六人檯,很合我一家都是電視迷的心意.哈哈.本來想點特價牌上的餸,問到經理時他才說今天暫停,還說是店員收少我這檯這張特價牌,立即動手拆出來(但我見後面張檯都有呢張牌…).好吧我們就看散叫餐牌,然後想看埋套餐對比下,但手頭上的紙張都沒有套餐,再問另一經理有什麼特價套餐,他就翻開主餐簿,噢~原來在這裡,我們少出來食好大鄉里啊,幸好今天有套餐食,因為計過散叫不太抵食呢.特價套餐本身包蒸石斑一條,老火湯一煲和燒鵝例牌.然後可以在特定餸款上選,可選兩味/三味/四味.套餐價錢分別是198/298/398.因為是生日飯所以我們豪一點叫足四個餸.分別有味菜西芹炒花姿駝鳥柳,竹笙雜菌上湯浸小棠菜,豉汁玉子豆腐蒸鱔和豉油王煎蝦.先說老火湯,今天飲到的是粉葛豬骨湯,湯汁味道很濃厚,除了湯面層油多了點之外,味道和火喉度絕對泊得住媽媽的出品回家後我媽都讚此煲湯用料非常足呢!(難得啊...).燒鵝我就無興趣食,見例牌份量一點也不例,起碼有四分一隻...還連脾的.蒸魚是最後一道來的,魚鰭升起左,是新鮮魚來喎,不過魚應該蒸耐了少少,因魚肉有點鞋,而豉油汁亦咸了少少,不過我鐘意食蒸魚的豉油,連香蔥莞莤撈飯食一流也.我鐘意食酸野又鐘意食駝鳥肉,所以第一味"味菜西芹炒花姿駝鳥柳"簡宜合我口味,我的最愛~西芹爽脆,花姿滑身,駝鳥肉雖然醃到淋哂,無什麼肉味,但我都食了很多,這味是炒的但油份並不多,非常好.第二味是媽媽專登點給我的"竹笙雜菌上湯浸小棠菜",我著重每餐都要有菜的嘛,哈哈.味道清清淡淡,菜量非常多,妹妹好鐘意飲個上湯添,因為好清甜,好似滾出來的菜湯咁.見零油份所以著妹妹飲多點.(菜湯很有益的)第三味是"豉汁玉子豆腐蒸鱔",豉汁味有點濃厚,不過配上玉子豆腐吃就剛好了,蒸鱔上面灑上很多炸蒜,不過全都淋掉了,剔除不吃.用上的鱔好細條,每件得兩小口肉,而且並不鮮美,肉質都淋淋的.最後一味是豉油王煎蝦,和鱔的情況一樣,蝦都不新鮮的,全部都是軟殼蝦,很難才食到裡面的肉.味道就則不錯,咸咸香香.餐後店方送了南瓜西米露和紅豆沙,兩款皆少甜,前者心得我歡喜因為款式特別又好味.本來點了四個白飯,不過埋單後先知沒有計數,不知道是否套餐包埋呢?而酸菜$10和茶錢每人$6.為起每人都是$120,實在抵吃!我們還打包到一半燒鵝走添.由於晚上電視直播在菲律賓的不快事件,經理和大部份店員都主力留意著直播,所以做事較為慢不經心.不過我明白大家只不過在關心事件的發展,今次就體諒一下吧.
繼續閱讀
媽媽扭到手指，晚餐都要在外解決，近近的就在聯邦吃。晚市有特價菜式，片皮鴨一食（二食）＄３８（＄５８），迷你冬瓜盅＄６８，不過是限量的。所以我們都早早就來食飯迷你冬瓜盅其實不小，一共分到十二碗，吃完都覺得有點飽了。片皮鴨很脆皮，但有點多油，總的來說很不錯。再加一個鯪魚球豆腐生菜煲，生菜煮得久了軟軟的不好吃。另外，可能因為晚市很少客是，服務好得不得了。隨時有幾個待應嬸嬸等著幫你斟茶分湯超誇張。四個人，埋單二百十一元，飽得連免費的糖水也吃不下！一字記之曰：抵！
繼續閱讀