聯威茶餐廳 (已結業)

呢到間聯威真係有好耐歷史啦, 我都幫襯左佢十年有多啦, 無論係早餐, 午餐, 下午茶餐或者係夜晚加班既晚飯, 今晚我要又加班啦, 所以叫左個豬扒燴意粉同凍奶茶豬扒燴意粉 - 好兩大件豬扒, 好淋好味, 配埋蕃茄汁既意粉凍奶茶 - 呢到啲奶茶真係幾好飲, 無論係凍或熱, 如果鍾意飲奶茶既朋友可以去呢到試下一杯叫"茶走" 既奶茶

今日喺公司加班, 叫左味菜牛柳絲飯, 外賣5分鐘就送到上公司, 雖然叫左少飯但都好大盒, 味菜同牛柳絲份量都好多, 啲汁多到一開蓋就漏晒出黎! 味道唔錯, 牛柳絲都好淋, 個汁就比較咸, 但用黎送飯食就岩岩好!

今次是第二次過來, 本來並不認識那個地方, 上次放工偶然走進大廈經過天井才發現這家茶餐廳, 我喜歡侍應的態度, 他們都很誠懇有禮, 加上這裏旺中帶靜, 帶朋友來傾計相信都會是一個享受. 今次我不點快餐, 改選一碟時菜排骨炒米, 不久就有得吃, 白菜與排骨的份量剛剛好, 白菜有蔬菜的味道, 有些餐廳落太多生粉會令好吃的菜都失色, 這裏不會; 排骨入味, 每一塊排骨都能咬開, 調味適中, 不會又咸又"鞋"又硬, 在餸底的米粉, 外脆內軟, 讓人輕易地夾着吃, 調味汁就剛巧滲進米粉內, 正因為所有細節都處理得很好, 致令白菜仔, 排骨, 米粉這 3 樣平凡得很的東西, 變得很不一樣, 相信我走進十間茶餐廳點相同的東西, 未必有一間能處理得這樣恰當, 令人一開始吃就不想停止, 直至吃完為止. 這碟炒米, 充分顯示師傅對食物的尊重, 用心和細心, 值得大大讚許.

上次吃在柯士甸道吃文華雞飯時，見到有此舊式茶餐廳出現，還有Keyman的訪問，那天剛好用乾炒牛河作是日套餐，可惜那刻正在進食雞飯，心中記下後，決定擇日前往。上週五再度前來之下，人家雞飯店其門如市，這裡則是水靜河清的局面，叫了一客乾炒牛河搭凍檸茶，誰知由落單到上桌，前後不過兩分鐘的時間，叫到那油淋淋的一碟東西，心中著實哭笑不得。鑊氣是足夠的，可惜每一口也是滿滿的油膩感，加上用梳打粉招呼的牛肉，吃完只能苦笑一聲..........這幾乎是中式食肆及茶餐廳尋常之物，弄得合格卻殊不容易，單靠鑊氣火侯是不足把持的，與其貪圖兜得快，不如下點功夫在控制油份方面，只要好吃也不妨多等一會，反正當日的客人也是不多。究竟幾時才能在香港找一碟像樣的乾炒牛河?! 希望這問題不需要詢問曹博士好了。

一心想去食文華雞, 一來已經難搵, 二來去到發覺超多人, 因為是日肚餓, 還是放棄等了, 與老婆進退兩難之下, 見到呢間茶餐廳, 老婆話不如試下, 就左入去睇左一輪餐牌, 發覺好多想食既都要下午茶先有, 係有錢都無得供應先抵死, 咖哩牛腩飯炒底平時唔做, 要下午茶先做, 真係幾失望最後叫左個咖哩牛腩飯餐配紅豆冰, 同一個常餐咖哩牛腩很不錯, 雖未能做到件件牛腩都唔鞋唔韌, 但茶餐廳黎講很不錯了, 而且超大兜, 近乎滿瀉, 咖哩汁很濃, 是椰香咖哩, 薯仔煎過, 配濃咖哩汁撈飯食很正餐還附送例湯, 無味精, 很好常餐是沙爹牛意粉 + 火腿奄列, 老婆話沙爹好香, 但如果可以再多少少汁會更好, 因為溶左係湯度都無乜味了火腿奄列只是正常, 如果蛋可以生少少有蛋汁會更好, 牛油方飽好重手, 牛油好足料好厚最驚喜是紅豆冰, 跟餐只加$2, 平時加凍飲都要啦, 茶餐廳紅豆冰一向好味, 呢度果然証明我無揀錯, 好香既奶味, 甜度適中, 最緊要冰少而且係碎冰only, 飲到最後都唔覺得稀, 紅豆唔需要太大粒, 用匙羮食真是一流, 如果唔係壓扁佢等奶入面有埋紅豆味更是perfect!今次真係塞翁失"雞

下午茶餐好多選擇,最鐘意食沙嗲牛肉出前一丁,沙嗲好香,牛肉好溝,我去茶餐廳我好重視杯奶茶,奶茶茶味岩岩好,好滑,炒麵質數有酒樓既quality, 伙記招呼好, 去多幾次會認得你,同你打招呼,覺得感覺好好. 食幾耐就算好多人老細都唔趕人. 唯一唔好係因為太入收唔到電話訊號.

今日老公放假，陪我到尖沙咀睇變形金剛，完埸後，我們便到聯威茶餐廳去吃下午茶。老公點了熱狗雞翼配熱奶茶，而我則點了雞脾沙律配熱奶茶。我們覺得熱狗包比正常的size略細，但都幾軟身，味道都幾好。而雞翼也炸得尚算合格。至於雞脾則炸得比雞翼更好，因為未食都已經聞到那種香脆味。如果沙律裹的沙律醬可以酸一點，例如用卡夫奇妙醬的話，相信會更好味。還有，這裹的熱奶茶也不錯，茶味及奶都恰到好處。

一些大隱於市，藏身於天井或後巷的茶餐廳，專門在尖沙咀出現，可以說是此區的特色。先有香檳大廈的「星座冰室」，現再有在嘉華大廈的「聯威茶餐廳」。前者以蕃茄湯底聞名，後者則沒有任何噱頭。趕在下午茶時段完結前來到(06:30pm)，全因為想用較便宜的價錢來嚐試「沙嗲牛肉一丁」與及私伙美沙酮「熱奶茶」。其實上次到「蘭香麵家」後也專程走進此店一倘，詢問下午茶供應的時段。店子分開了兩截，我在收銀處及水吧那邊找個卡位坐下，發覺卡位的空間頗窄，如肚腩大一點的客人便會跟桌子緊貼。雖然是下午茶時段，但其實也有頗多選擇，小食、粉麵或炒粉麵飯樣樣皆有，價錢由十八至廿九元不等，視乎種類而定。最後當然點了預定的食物「沙嗲牛肉一丁」及「熱奶茶」($20.00)。「熱奶茶」先到，可以用「杯仔細細」來形容，未知單叫是否同一大小。下糖後呷了一口，茶味淡了一點，還好夠滑，只是不過不失吧。「沙嗲牛肉一丁」等了一段時間才端上來，看來是即叫即製。沙嗲牛肉外貌與慣常的不同，有點表面煎香過的痕跡。另外，在牛肉上面有一些濃郁的醬汁，點了一口來吃，原來是帶點微辣的沙嗲醬或沙茶醬。在搞伴那醬汁前先呷了一口湯，啡色的湯已帶丁點沙嗲味，再與醬汁

聯威ge常餐好抵食一碗沙嗲牛肉麵+ 腿蛋牛肉方包+ 凍檸茶都只不過係$26如果下午茶要一碗沙嗲牛肉麵都只不過係$20, 我同個fd好多時星期六下午都會去食侍應好好傾, 食物黎得又快, good

如果你沒有熟人帶路，我相信很難搵到此店(此店在大廈內，香港仔魚蛋王隔鄰)，主要做熟客居多。環境以茶餐廳來說算ok，算乾淨。食物幾好食，夠獲氣，份量夠，最值得一提是這裏的咖啡、奶茶及檬茶，滑、香、濃，正!價錢茶餐廳價，不太貴

Its milk tea is one of the best I can find in Kowloon - smooth and with after taste.The rest is ok.