聯合興食館 (已結業)

間店唔係關閉左，只不過係搬左去樂富熟食街市裹面，上星期六一同八人去左食飯，但d餸菜就真係麻麻，叫左3個煲仔飯(煲仔就大，但飯同料就甚少)，味道都唔好食，跟著叫左生炒骨(ok啦)、金銀蛋莧菜(d蛋散收收水niu niu)、沙窩魚頭煲(唔夠熱，所以整到煲野杰撻撻)、腰果炒肉丁(d腰果一d都唔脆)、白飯等啦，一句講晒 "差"，一定唔會再去食。

每年秋天我最愛吃羊腩煲,以前最愛去聯合興吃,因價錢平,好好味, 點知星期日個FRIEND帶我去東頭村街市上面有間打冷店,原來就係聯合興,我倆人叫一個羊腩煲跟埋菜 $ 90, 二個白飯 $5/個, 埋單都係$100 真係飽飽, 下次再去吃打冷

幫襯了這間大排檔都有三年，無他，因為樂富實在沒有甚麼好地方可讓一大班人吃飯聚腳。菜色是一貫的小菜呀、煲呀、鹵水呀，冬天也有打邊爐。通常也會叫青檸雞，全因它炸得夠脆，而且青檸汁能提升食慾，份量都不少，通常一來到不久便被處理掉。而鹵水拼盤一般，始終不夠九龍城打冷店的好吃。魚香茄子煲則不夠入味，感覺是趕著上桌一樣。另一特點是幾便宜。不知道還會營業到幾時呢？聽說領匯會收鋪呢...

昨天晚上七點多去到，已經有八成ｆｕｌｌ，都幾旺三人行叫左：鼓椒牛河（＄２３）－－份量足，即炒夠鑊氣，正！窩蛋牛肉煲仔飯（＄３５）－－好多，不過煮得有少少過火，飯焦變得很有焦味，整體來說都ｏｋ；鹵水拼盤（＄４０）－－有墨魚，鵝腸，大腸，柏葉，豆腐，紅腸，幾好食；炸大腸（＄４０）－－份量等於外面的一倍，唔錯，但係油多了一點；黑椒牛仔骨（＄４５）－－又係大大碟，牛仔骨肉厚亦都唔係好肥又夠嫩，很好；油泡鱔片（＄４５）－－上檯時只係暖暖地，味道其實都唔差，只係好似唔係即做覺得比較差總括來說都算唔錯，尤其樂富黎講冇咩選擇

2/12(日) 6:45pm與艱巨的assignment搏鬥一整天,吊頸也得抖氣!相約男友到樂富正值優惠日的吉之島掃貨.為避開那駭人的人潮,還是先果腹為上策!重遊舊地-聯合興.未到7時,場面已滿墟冚!被迫跟他人同桌.是次點了數款小菜:豉汁大鱔煲仔飯$35,粉絲蟹煲$50,雞油豆苗$30.豉汁大鱔煲仔飯--飯焦足,飯粒極有咬口,份量其多;遺憾地鱔肉並不屬肥美,口感還可!搭桌的中廚傳授了萿豉油的秘技-不用開蓋,沿蓋邊倒入豉油令其由煲邊滲入飯粒中;吃落像是惹味點!粉絲蟹煲--質地平庸卻鮮味的花蟹被鹹味十足的汪洋大海(芡汁)浸淫著,粉絲鹹得不能入口,入口不糊口才怪!沙嗲香全給鹹味蓋過,失香至極!雞油豆苗--應說是雞湯浸豆苗;份量足見慷慨!唯帶點點草青味,豆苗入口稍粗糙.細問之下,原來是晚充當大廚是替工一名,真相雖大白,但驚見那開放式嗱咋廚房,蔬菜僅放置於走廊中等令人不安的畫面,不好意思,要把你遺棄了!

天氣開始凍, 鈬 無冷氣鮋 熟食中心食大排檔, 價格相宜, 碟碟都係三四十蚊, 所以可以盡情叫№ 食, 結果叫到一枱 野食, 又叫飯又叫野飲, 每人都係$50左右.good - 椒鹽豆腐,蒜蓉白菜,咕嚕肉, 都係好夠鑊氣, 風味一流, 即叫即炒, 味道又好. 椒鹽好香, 皮脆豆腐滑.ok - 滷水鵝, 黑椒牛仔骨, 什菜煲, 中規中矩.差鰦 d - 炒蟶子, 羊腩煲, 炒蟶子, 多沙多殼. 羊腩煲, 好肥, 味道麻麻, 又唔肯加生菜底. 呢d都應該係大排檔招牌菜鈬 , 但味道咁樣, 就有d失望lor.

想當年，主人與奴隸獸晚上放學後，途經樂富，偶然會光顧聯合興，外賣宵夜。今天舊地重遊，懷念一番，外賣當年我們最愛的揚州炒飯（HK$23 + HK$1飯盒）及星洲炒米（HK$23 + HK$1飯盒）。同當年一樣，聯合興的炒飯及星米的味道是難以預料的，有時鑊氣十足，非常好味，有時則難以下咽，有時則普普通通。今次是屬於後者，好彩。

收工後同同事去探同事同佢既BB女之後就落樂富join番朋友仔因為我想食打冷就黎左呢度我地兩個都好肚餓叫左三碟－－＞鵝片併生腸：個鹵水汁味道唔錯，夠味但唔會太鹹，舖底既豆腐吸晒汁，好好味！！煎蠔餅：有兩大片，蠔份量唔少，唔會太油，但略嫌唔夠脆口薑蔥炆魚頭：魚頭用油爆過，無乜肉食，係朋友仔至會鍾意，我就麻麻喇

係樂富食飯其實真選擇唔多，呢間係我成日去打冷平價之選，但因為係舊式熟食中心，冇冷氣，所以夏天好少幫襯。尋晚要去樂富，見天口唔算熱於是同老婆黎食，而家居然間左一個範圍出黎提供冷氣，有冷氣既檯唔多，真係手快有手慢就冇。叫左生腸柏葉併，菲菜豬紅，芥蘭牛肉同鼓椒鵝腸，兩碗粥同一罐汽水，食物唔係話好出色，但比坊間好，價錢一貫屋村大眾價，埋單百四蚊。而家有埋冷氣咁真係可以一年四季幫襯啦。

大排檔格局,几多選擇. 小菜一般, 煲仔菜就幾正.啫啫雞煲雞好野味,汁較濃,豬潤都正.炒白菜唔够獲氣,麻麻地.蠔仔粥几多料,正宗潮州粥水鵝片拼鵝腸鵝片就一般,鵝腸爽口,汁几正.

今次有D驚會好似朋友咁因早來買飯, 而要等成半粒鐘等飯煮好先取得. 昨晚去6點鐘到, 等左都要十多分鐘, 唔知係呼又係未準備好?楊洲炒飯($22) - 幾大盒, 但味道好淡乾炒牛河($22) - 牛肉份量幾多, 但無牛味, 梳打之傑作. 炒得算夠鑊氣, 但叫了少油盒底依然多油.

2/7(日) 7:30pm吉之島會員優惠日最後一天,逛畢後到此熟食中心內的食肆.熟食中心的位置挺隔涉,出了吉之島再要行5分鐘路程.途經垃圾房及要乘骯髒的升降機,環境的確要扣分!幸好此店環境未如想像般差.環境算寬敞但冷氣不足(雖已開了數把風扇),驚喜的是牆上掛了數幅山水畫,令客人在視覺上暫且降溫.我倆點了鵝片拼韭菜蜆肉$50,蠔仔粥$30一窩,大眼雞$35鵝片拼韭菜蜆肉---蜆肉鮮甜帶鹹香,送粥一流!鵝片男友讚不絕口!蠔仔粥---一大窩,方魚肉碎份量其多!蠔仔大大隻,鮮味十足且無沙!男友最後要打包作為是晚宵夜.蝦醬炒通菜$27---份量不少,炒得很有鑊氣,唯略嫌太油.埋單$147,此食物水準,此價錢,果真物超所值!期待翻炒再試小菜!strongly recommended!!

樂富為食街的聯合興,已光顧好幾年,價錢平外,質素不錯,個鹵水膽已經有幾十年歷史,芳香醇厚.最愛同幾個麻甩朋友來此打冷,除左眾鹵水菜式係必然正選外,焗魚頭煲亦是一定必吃.魚頭肉質很嫩,雖然用鯇魚頭,不過無泥味.熱辣辣很香口.其他蠔仔粥,蠔餅,大眼雞等,一貫水準.格局非常地mau, 最岩成班麻甩佬,邊隊啤邊風花說月.下次有機會的話,嘗試約班食友來感受下.

見到佢磨完刀...抹都唔抹下就切野食..d磨完刀ge粉係針板...磨完刀ge刀又要黎切野食,,,見到都唔想食啦...d 魚旦又唔似魚旦咁...

夜晚黎食打冷最正，滷水檔最正係生腸，鵝片亦不差。小炒亦唔錯。勝在價錢平。不過夏天就咪攪，熱到跳舞，而家就岩晒。