聚點 (已結業)

行完街，想簡單咁食餐中式野，行過見到呢間餐廳仔 似靚少少茶餐廳，女朋友唔反對，就亂入，叫2個小菜做晚餐。我地點左一個招牌既聚香雞同乾煸四季豆。聚香雞其實即係豉油雞。呢隻雞可以話係我食過最好食既豉油雞！雞肉好嫰滑，層雞皮深深咁吸收左濃濃既豉油香味，個豉油香濃得黎唔會過份咸，送飯一流！真心必食！乾煸四季豆其實我好少食四季豆，不過女朋友好想食，就遷就下佢，又估唔到味道不錯！ 雖然有啲辣椒，但食落完全唔辣，辣椒只係令到啲肉粒更香，味道更出。肉碎醃得好好，咸度適中 。而四季豆唔乾身，個皮食落少少爽口，入面啲豆豆仲有少少水份！最怕食四季豆乾爭爭，所以呢碟野做得真係幾好！想係尖咁簡單食餐飯，呢間係唔錯既選擇。味道好價錢唔貴，簡簡單單，自自在在咁幾好。

茶餐廳格局 除左有一般茶記食品仲有少炒食聚香雞半隻 120 蚊好似一般切雞甘 但皮比較似鹽焗雞既雞皮 皮爽 而肉滑 雞份量都算多 可選揀口水醬 沙薑醬 同 薑蓉醬 任君選擇 口水醬比較特別 充滿住辣椒同辣油既味道 同雞一齊食 幾襯西蘭花炒帶子 98 蚊帶子爽滑新鮮 西蘭花炒得夠鑊氣 , 正常少炒小碟！川椒辣子雞 78 蚊雖然唔係正宗四川辣子雞 , 係用比較大件既雞肉炒成， 辣椒比較多 乾身炒但咸同辣度都不算高 但雞肉炒得十分有鑊氣 辣椒味已滲入其中 味道香濃 都算唔錯！青蒸青班魚 128 蚊新鮮青班大慨大有30cm長 魚夠新鮮 再加上火喉蒸得剛剛好 魚肉口感比較煙韌彈牙 連埋調味既葱同蒸魚油一齊撈飯味道佳乾煎海虎大蝦 118 蚊有五隻大蝦， 蝦用濃厚既豆豉油乾煎 味道偏咸 蝦肉新鮮爽口 又啖啖肉 , 雖得五隻 但份量夠大同新鮮 好味雖然係茶餐廳格局 但小菜食物質素幾好 值得試試！

來到年中不少商舖大割引，是日跟友人一行三人去尖咀一趟，逛逛街掃掃平貨。不知不覺逛了整個下午，晚上8點多才覺肚子打鼓，要找地方醫肚。眾人一袋兩袋戰利品，不想四處找，又剛好想吃些清清地的東西，逛完K11 見對面除了有酒吧外，還有間較地道的茶記「聚點」，門面算新束束夠光猛，見菜牌有魚湯飯，適合夏天補充水份營養。一於入內試試。這晚星期六人來人往幾乎爆滿，此地段較吸引不同國籍人士來吃，除方便外，又可試香港廣東菜式。連老闆/店員的溝通也要相對國際化，兩文三語難不到他們呢！其中有印度籍夫婦是吃素，老闆細心介紹是素食的菜式，看得出有誠意，值得支持的小店！經老闆介紹，我們點了幾道小菜：聚香雞 $80（例牌）：招牌菜之一，皮晶瑩有點像水晶雞，感覺不太肥，愛美的女士們也可連皮吃下。雞肉飽滿夠嫩滑，雞香味道不是太咸亦不膩。醬爆茄子斑腩$78: 聽其名已知這道要夠鑊氣，用特製醬汁爆香。茄子煮到剛好熟，完全能滲了醬汁，而不會過腍。斑腩外脆漿厚薄適中，斑腩肉雖不是新鮮，但肉質蠻滑腍，醬汁爆香了滲入魚肉就是精髓所在。師傅掌握火喉有功, 剛好鑊氣十足。因魚過熟就變韌了。涼瓜肉碎炒蛋 $78:  個人喜愛涼瓜, 能生津解

今晚同朋友到尖沙咀聚點開餐，點小菜，2個人點左4個菜，起初都念住食⑤曬，但係無辦法因為太多款小菜可以選擇，都系好惹味，所以決定左4個餸，呢個招牌菜–聚香雞，雞肉好嫩滑，有雞味，和小小酒味，雞皮一D都唔肥，一齊食勁滑，距有3個醬，姜蓉(有薑蓉加蔥，配搭聚香雞食可以調出雞嘅鮮味)，特製辣醬(有小小辣嘅豆瓣醬，特製嘅好花心思，甜甜地辣辣地好惹味)，沙姜醬(一直都系白切雞嘅最佳拍檔，沙沙果咸咸地味道，好正)，一款嫩雞，有3個口味食法，大廚果然費盡心思，呢個我已經俾距十個like乾扁四季豆，四季豆加埋肉鬆一齊食不單豐富左口感，而且味道好惹味，好夠鑊氣，小小辣，四季豆好有嚼頭，豆瓣醬味入曬，送飯一流。燒汁野菌牛柳粒，可以講我最愛，距嘅配菜青椒粒，茄瓜粒，洋蔥粒，全部入曬燒汁味道，好入味，而且一食就食到好夠鍋氣夠火候，牛柳好嫩滑，好有嚼頭，好有牛味，甜甜地，燒汁味入曬去，大廚真係好掂，呢個餸送飯一流老火青紅蘿蔔排骨湯，湯好濃，材料好足，熬出黎湯好甜，好有家嘅老火湯嘅感覺，無得頂吖呢個特別啦，川椒辣子雞，大廚將雞炸到脫曬水，好脆，辣辣鹹鹹地，有蒜蓉味，四川風味，掂吖

之前朋友已經介紹尖沙咀都有平民街坊菜！好耐無食過小菜！今日出尖沙咀行街，又唔想食西餐，再打比朋友問問究竟係邊間，原來就係k11對面，好易搵！餐牌上有鮮魚湯飯，有小朋友既關係，食呢d就最好喇！果然好鮮甜，應該無落味精！所以好安心比小朋友食！可以自選湯飯既餸，我揀左比較少食既魚唇，估唔到原來係半邊魚頭上！好抵食呀！！！另外仲叫左糖心皮蛋，份量好多！皮蛋不怕有鉛味！ 始終溏心皮蛋真係高級d！另外叫左口水雞飯套餐，口水雞既汁好惹味！唔太辣，個種川味令人好想叫多碗飯食！ 四十幾蚊好抵食！四季豆又係炒得出色既菜！炒得乾身！令豆索左d汁！ 好入味～份量亦都似其他菜一樣，大件又抵食！估唔到有間咁好食既小菜！仲有價錢抵食！ 真心超級推介！

同朋友行完山, 趕返尖沙咀買東西, 突然之間發覺好肚餓, 要醫肚, 又想正正經經的吃個菜 (不是沙律那些), 經過見到「聚點」, 便吃這間吧。當晚其實非常繁忙, 人來人往, 生意好得很, 我們走的時候, 剛好才有些空桌, 技巧下拍到無人的位子, 坐得蠻舒服的, 不會太迫。店員介紹餐廳最出名的是聚香雞和鮮魚湯飯, 然後還有很多港式的炒粉麵飯, 中菜等, 種類繁多, 所以餐廳客人也很international呢, 店員會一點國語英語是必備的, 特別一提, 餐廳疑似老闆很風趣很好玩啊, 附近街坊都喜歡來光顧聊天。 檸檬菜蜜 $16 味道比較甜, 濃度有點太高, 檸檬味也較少。 熱柚子蜜 $16 柚子蜜味道天然, 調配的份量也適當, 味道剛好, 不太甜。 例湯 (隨小菜附送白飯和湯) 湯質比較清, 也明白的, 成本問題, 哪來這麼多老火湯呢.... 聚香雞 例牌 $80 雞肉滑, 雞味香濃, 連雞皮也水晶晶的, 想減肥也減不了, 連皮一起吃下去, 油脂在口裡滲出, 是最滋味。 豉油皇乾煎海虎大蝦5隻 $118別看蝦被煮到頭都甩, 吃下去可是新鮮惹味呢, 蝦肉爽彈有蝦香, 只有五隻,

講真好耐都冇乜食個中菜了今日心癢癢行完K11就去咗呢間小菜餐廳度食飯首先點咗一款就係中菜餐廳一定要食嘅嘢就係菠蘿生炒骨生炒骨餐廳十分揼本用上肉排的位置所以食落啖啖肉而且碟碟新鮮炸好即使淋上了酸甜汁後肉排依然保持香脆而且用上新鮮菠蘿甜甜酸酸十分開胃另一方比較特別嘅小菜就係 聚香雞有原味，同豉油味 選擇講真豉油雞又真係食得多聚香雞嚟遠都聞到個陣濃濃嘅豉油香味而且雞肉十分嫩滑豉油的香味去到連雞骨入面都可以食到椒鹽鮮魷亦都係一個十分麻甩嘅菜但偏偏呢啲麻甩小菜就十分吸引先有切得大大件但係炸完之後完全唔會難咬證明唔會炸得過火 炸到成舊橡膠咁而且食落沒有油益味其實食落咁多個國家嘅食品中菜真係無得輸淨係啲鑊氣已經贏晒同超晒班

星期日的早上和ah be 行街，去到K11附近發現一間聚點的餐廳，也坐滿很多客，而且我們也有些餓，一於入裏面坐坐先!首先我們叫了半隻招牌豉油雞，雞很新鮮也有濃濃的豉油雞香，醃得很夠味，而且口感不錯!豉油皇煎大蝦，用上很大隻的虎蝦乾煎，外脆卜卜，大蝦很鮮甜味美!西蘭花炒帶子，帶子很厚身，点上蝦醬，真的很開胃!老火湯没半点味精，而且套餐也跟白飯，感覺真的不錯，凍柚子茶在很清甜，這頓飯真的很開胃!

以前有一年在大角咀上班，愛上了一間茶餐廳的湯飯。尖沙咀有湯飯的茶餐廳，暫時只找到聚點。同事B愛吃魚， 這兒的梅菜蒸鯇魚梅菜味不夠香，魚肉也有點鞋口，但午餐多點吃魚，用來送飯也不俗，適合上班族女士。我的主角肥牛雞件生菜湯飯， 湯飯的靈魂是湯底，但這湯底面目模糊，是普通潮州粉麵檔的湯底，沒有什麼魚湯，豬骨湯等較特出的味道。餸菜份量不少，如果改善了湯飯的湯底，就能令餸菜味道加強。店子環境不錯，算是舒適。尖沙咀K11旁的地鋪，租金一定不少，加油！

這天成三點路經,過了午飯時間還是擠得不得了,自然是要搭枱了一坐低就有阿姐問食咩,叫了個蔥油雞上雞時仍有微溫的雞是全瘦連一碟仔薑蓉上,肉質有少少鞋身呢到環境都幾迫埋單$44都叫做貴呢個食評本來沒有甚麼好寫，叫左杯凍啡，自己吾小心倒瀉，連累阿姐幫手清潔食完準備埋單仲比番杯凍咖啡我做生意都算係咁在這裡借呢個食評謝謝那位阿姐

呢間野都開左一段時間, 見佢有湯飯成日都想試, 但行過就算係LUNCH都唔滿人, 一直都冇入到去今日真係唔知食咩好, 就入去試試我叫左個魚片豬潤湯飯, 38蚊魚片好幼(不是薄, 係幼!), 好腥好多骨.. 豬潤好似煲左好耐錦, 搞到好漿口.. 飯有陣味.. 有點似漂白水味錦.. 仲有個湯, 佢話佢係鮮魚湯, 我飲一啖心想"!?!?!?!?!?!?!?!", 完全冇味.. 成碗最好食就係答果兩條生菜囉, 多謝晒我食靜左好多, 我覺得好對唔住D食身, 但真係好難食, 食唔落..碗野我食靜左好多好多.. 我覺得好對唔住D食物.. 但真係難食, 又有味..唔會再幫襯

是日經過 K11 一帶, 發現這家全新的點心店 － 聚點。聚點位於尖沙咀河內道, 與全港首家結婚概念主題餐廳 Fullhouse Signature 為鄰 (參考連結: http://www.openrice.com/restaurant/commentdetail.htm?commentid=2306621), 門面看來不像一家新店子, 感覺相當平民化, 店內格局看來, 衛生程度也只是一般。店子座位較為逼夾, 獲安排坐在某個角落的位置, 至少有點私人空間。茗茶每位 $3, 熱度十足, 不是同類食店經常找到的那種。店子標榜「即叫即蒸」, 而事實上每款點心的等候時間均要用上 15-20 分鐘, 時間是長了點, 但至少證實無花無假, 全部都是新鮮出籠貨色。春風得意腸 ($21) 腸粉香滑, 內層的春卷更是脆到不得了, 讚！招牌燒賣皇 ($19) 賣相不修篇幅, 卻是足料之作, 蟹籽份量極多, 餡料味道豐厚。聚點蝦餃皇 ($24) 皮薄餡靚, 從相片所見, 每只蝦餃均含兩大隻蝦, 蝦身爽脆, 如果內含少一點油的話會更好。鮮竹牛肉球 ($16) 體積甚大, 味道甚佳, 只是這裡的「預設」是加了

是日費用:102/3位用膳時間:1:00pm-2:00pm如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務1.春卷:應該係新鮮炸好,超脆同好熱。牛肉球:認真講,冇肉味,咬落去都唔似係食緊肉丸。不過啲山竹好滑。蘿蔔糕:普普通通,唔算粉,但煎得唔夠脆。咸魚肉餅飯:啲飯軟硬適中,舊咸魚都好好食,肉餅都大,夠送飯食。另外,佢啲辣椒醬唔係好辣,不過好好食,唔太鹹,岩想食辣但又唔食得辣嘅人。但喼汁就偏酸,擺多幾分鐘酸到喊。2.$3一個茶位,係尖咀黎講都平。不過點心都偏貴,感覺上唔抵食(不過冇加一,同酒樓價差唔多架啦)食飯個啲就抵啲，湯飯都係$38...蒸飯$27。。呢啲就夠飽肚。3.個場都唔係好大間,但啲位就迫到喊,尤其大家食飯時間,好難讓位俾人行。地方都算乾淨,始終都係新開張幾日。不過茶就要問先有,$3茶錢唔值。出面等位嘅範圍,有凳仔同煙灰缸,一出去就煙攻。唉。4.可能新開張關係,隔離又摺左茶記,大家迫晒入去個到食。啲姐姐都唔話得,會問返客人上齊未。錯單都會好nice咁同你cancel order...