聚點坊點心專門店 (已搬遷) 新店位置

偶爾不想走到太遠午飯，公司附近的聚點坊確實是一個很捧的選擇！點心款式算平實、食物味道算不錯、價錢也相當合理、份量絕對足夠！這裡的點心沒有什麼花巧賣點，沒有什麼Wasabi咸水角、鮑魚燒賣、豬仔造形奶黃包…這是走平實路線的。雪山叉燒包 要數名字比較特別的只好是這個雪山叉燒包，其實已經很普及，四周都可以吃到！但它做到外層酥脆、餡料夠熱，果真是皮薄餡靚，味道超好！要小心熱燙的叉燒餡料燙到咀！鳳爪排骨飯 長期置身於冰川般的Office中，中午有一個熱辣辣的盅頭飯是那麼的令人感動，多麼的溫暖呢？！甜豉油醬汁沒有很多，但排骨的肉汁令到飯的味道一點都不單調！鳳爪跟排骨永遠是多麼合襯的一對伴侶呢！生煎蓮藕餅 外層煎得香香的，蓮藕細粒細粒的很有咬口！蜜汁叉燒腸 甜豉油沒有澆到叉燒腸的上面，只在四周圍繞，賣相因此份外精美！腸粉皮薄，透得叉燒餡料多麼的清澈，沾一沾醬油，叔叔不行了！千層紅棗糕 經驗告訴我，這個一定要放凍一下才會有煙韌的感覺，百試百靈！味道是不會有錯的了。聚點坊鮮蝦餃 這個貌似是重點的點心，皮稍為有點厚了，但鮮蝦卻又為這個點心拿回來不少分數，爽口彈牙！這已不是第一次光顧它了，而且不下數次！午膳

1.餐具污糟 2.侍應服務麻麻 3.食物有問題！前兩日同朋友去咗試 一入到去坐低就問我啲筷子同碗都好污糟 侍應又唔係好理人 要自己行出去同佢換過個新碗筷野食都黎得都算快 味道都ok 見食剩少少唔想浪費 叫侍應比個外賣盒 等左10幾分鐘都無 要叫2次先比到我地重點黎啦食完3,4個鐘之後就開始搞肚痛 夜晚8點就不停痾 痾左5,6次 仲嘔埋 搞到凌晨三點幾先訓到 第二日都仲痾左4次 個肚痛到標冷汗 連行去睇醫生都唔得 依家經過聚點坊都覺得驚 絕對唔會再試！

如題，呢晩因為少地方晚上食點心所以再番黎encore, 點了雪山叉燒包，春風得意卷，章魚肉餅飯，菜，素菜餃子My favourite: 雪山叉燒包,同添好運比也是同級數，新鮮整，熱騰騰，個皮好crispy, 而且佢用瘦叉燒比其他既好，冇咁有罪惡感,個source都好好味，基本上個人認為個皮crispy 同source 係成個雪山叉燒包既靈魂春風得意卷：腸粉皮加春卷，好正，雖然其他地方食過，但呢間最好食，重點係春卷夠crispy , 個皮新鮮，加上soy source 簡單美味素菜餃子：水晶皮包韮菜餃子，一定要熱食，涼左d 韮菜好怪味有青味，皮較厚，其他都ok環境：如題，好多tourist 光顧架，專攻遊客生意，外國人多過本地人，果日有美國，歐洲，泰國，大陸人，真係好似去左聯合國咁

每次諗中午食咩都係一道難題，原因好簡單：選擇太多，排隊既人仲多🤷🏿‍♂️以今次為例，純粹見條龍無咁長先走去排咋，不過食完先知係正野喎😗兩個人食所以唔點太多喇呢個飯重點係煎蛋。睇得出仲係半熟至全熟狀態，拌飯一流！蛋汁加牛對本人黎講係perfect match!清香而唔太甜既馬拉糕，應該就係古法既意思掛特登簡個炸既奶黃包試下。因為即叫即炸，咬落真係熱辣辣架，裡面既奶黃係流心的✌🏿至於炸春卷既蒜香唔算濃郁，無咩特別豉汁鳳爪都唔錯，但同樣亮點唔多喺短短既用餐時間裡面，我地都見到有幾枱遊客喺度食緊。唔通佢地係睇到旅遊書先過黎既？🤔

A Taiwanese friend come to HK for few hrs transit. I met her at HK station and tried hard to look for a place where she can taste some dim sum at night. I finally found this all day dim sum place at Sheung Wan. No need to expect excellent services, and have a great varieties of dim sum, we can still some of the key dim sum here. I pretty liked the eggplant and the spring roll wrapped with the steamed rice. It's like a fast food restaurant but definitely a good option for first time visitors who

今日去到寫完點心紙，之後去洗手間，有個呀嬸係門口收緊地拖，我好心諗住等佢收埋地拖先，等咗大約10秒，呀嬸仲未收好，我好好聲氣講:唔好意思，我想去一去洗手間，唔知呀嬸係咪更年期復發，不停係咁鬧，我去完洗手間返埋位，呀嬸仲不停係咁講，唔知個d仲以為佢係客人，我係度做侍應。唔該你買呀嬸口服液啦

未食先一肚氣晚上人少，部分單人或2人都安排4人枱，我們原坐在6人枱，拎著個大包包和樂器，職員要求我們坐去4人枱，我們話唔介意搭枱佢都唔理，前後坐了個女仔，個琴撞親人我也不好意思😕坐左十幾分鐘都無人入座，之後卻安排2個年靑人坐6人枱，問番職員佢就超大聲同我理論，完全睇佢心情去安排，咩世界！

是日早放lunch所以有2.5個鐘既午飯時間🤦🏻‍♀️所以就行去附近既聚點坊歎個點心😋十一點幾未有人排隊，提返大家lunch hour呢間野係 極 長 人 龍，可能都關佢係旅遊書賣廣告事🤔所以打工仔要預鬆啲時間排喇！本人當日病病地所以強逼兩位同事兼老友食粥😂皮蛋魚腩粥： 夠火候，魚腩好滑！但小心多骨春風得意腸：係呢間店必食推介！皮唔算厚，入面係炸兩加蔥蒜，真係好好食雪山叉燒包：夠熱，好食！如果外皮再脆啲就正牛肉球：正正常常，夠咬口唔會太冧 ，但唔記得加喼汁！🤦🏻‍♀️位位50好抵

      爸爸係中上環個頭放工，就約埋我同媽媽去飲茶，呢間其實之前都食過，覺得幾好食，今次黎到要排一陣隊，大概15分鐘就有得入，不過環境有啲逼，如果4個大男人坐應該逼到郁唔到...      一坐低即刻剔點心~選擇都算多，樣樣都想食~最後我地3個人揀左7樣野食~蒜香炸春卷，基本上香口野夠脆夠熱都唔會話難食~配埋喼汁好正呀安蝦咸水角，料都幾多，好有咬口，唔錯~鮮菌菠菜餃，個皮好煙韌又唔厚，D料就黎爆出黎咁~蟹子燒賣皇，普普通通，唔太特別..蜜汁叉燒腸，個皮好滑，料唔算多~雪山叉燒飽，減肥都想食佢，墨西哥麵包既面，又夠熱，好食小籠飽，都係普普通通..      整體感覺唔錯，會再幫襯~

這天兩夫妻簡單晚餐的地點，就在這間「聚點坊」。 兩款點心，分別是「鮮竹牛肉球」（$19）和「鮮菌菠菜餃」（$22）。兩者外表、內在都能對辦，「鮮竹牛肉球」口感及格，「鮮菌菠菜餃」餃皮雖不夠薄，仍可見到餃子裡面翠綠的菠菜和細碎的菌粒，吃來味道不差，也夠健康。 這兒的兩款原盅炖湯，「淮杞炖螺頭」與「姬松茸燉竹絲雞」都只是 $58，價錢合理。叫來後者，火候不錯，味道醇和，入口生津而有菌香，是道有水準的炖湯。「牛腩陳村粉」（$42）是吸引的，不禁令自己想起名店「大班樓」的出品。可惜這天的「牛腩陳村粉」醬汁不夠，很快更被雪白而索汁力超強的陳村粉索去了一大半，牛腩與牛筋的味道和口感也只是普通，令人有點失望。 最後還叫來「白灼菜心」（$19），在吃過濃味的「牛腩陳村粉」之後吃點清淡的蔬菜，應是最合適的選擇吧！雖然這兒的生意都算不錯，有不少不知道是不是遊客的外國人都有到來幫襯，而且這兒的點心、炖湯水準也算過得去，但侍應的服務態度卻真是強差人意，部分侍應那好像撲克般的樣子更是我覺得這兒最需要改善的地方。

「聚點坊點心專門點」，一間食點心為專門店，專心一意去做中式點心的餐廳，他們所做的點心即叫即蒸，而且都是自家製作質量有所保證值得一讚，以香港今時今日的生活指數真的不容易👍🏻古法馬拉糕 - 非常鬆軟，不太甜黑糖味香👍🏻雪山义燒包 - 熱辣辣外層雪山細緻，爆餡不會乾爭爭多汁，但略甜了少少，但也很好味鳳爪排骨飯 - 大大粒排骨又嫰又滑，鳳爪入味，米飯軟硬適中，相當出色👍🏻香茜皮蛋腸 - 配搭特別皮蛋沒有鹼水味，腸粉非常滑溜，香茜份量適中很清香。蒜香炸春捲 - 餡料豐富，濃濃的蒜香炸得脆卜卜熱辣辣，食多多也不夠😋

This restaurant usually have a long queue during lunch or dinner hours. Luckily i tried it in weekdays non-rush hours so I can get a seat without long waiting. Nearly half of the restaurant is filled up with foreigners. The menu is written in both english and chinese (and the english version is properly translated unlike those in China. You cannot even tell by their translated english whether that dishes has any meat.) The restaurant setting is elegant in a traditional Chinese style. We ordered

平日甚少去酒樓食點心，不是不喜歡一盅兩件，而是大部分酒樓水準都頗低。下班時路經上環禧利街，朋友提議不如食點心作晚餐，不用苦惱食什麼當然好啦。點心店晚上人也不少，近9成滿。點心紙上的款式不算多，都是一些傳統點心，點了幾款蒸點試試。蝦餃飲茶必點之一，裡面的蝦大隻兼彈牙，肥膏甚少。碧綠豆苗餃餡多調味剛好，餃皮薄得來夠實淨，夾起來不會破，欣賞師傅好手工。雞絲腸粉通常上茶樓都是點牛肉腸粉及叉燒腸，雞絲又真的沒見識過，感覺上會少些肥膩。雞絲算滑，清清地還不錯。髮菜鯪魚球粥填肚之選，卻意外有驚喜。粥煮得很綿，鯪魚球混了蝦米及冬菇，味道更豐富，大大碗都只是30元。時菜前經過聚點坊見它裝修光鮮，總覺得應該不便宜，但是原來每人3元茶價，整個晚餐140元有找。食物有水準又不貴，難怪經常座無虛席。

上個星期轉左project, 要到中環番工，以為中環一定又貴又無野食，想不到附近都有許多不同餐廳，而且出品唔錯。同事們帶我到這間中式點心茶居（茶居是指飲茶的店舖，茶居不像大酒樓，可容立很多茶客，只可容立二十多個茶客。），lunch time向來好多人，飲茶人更多，排了很耐隊才有位。我們點了不同點心，包括有糯米雞，流沙奶皇包，酥皮叉燒包，蝦餃燒賣， 鹹水角，馬拉糕，牛肉球，蝦腸 等， 糯米雞是廣東的一種點心，製法是以荷葉包著糯米，中央放著雞肉，叉燒肉，鹹蛋黃， 冬菇等餡料，一般糯米雞份量很大，有些酒樓糯米雞份量小的話，會有兩隻， 這間茶居點心很傳統，糯米雞份量很多，幾位同事分享來食才食得哂，而且味道唔錯，餡料豐富且醬汁夠多。流沙奶皇包雖然不太大，但奶皇很流心， 名副其實的皮薄餡靚；酥皮叉燒包亦是值得推介的點心之一，外層很酥脆，餡料很juicy，而且新鮮熱辣，幾好味；蝦餃燒賣味道則一般，燒賣肉質較鬆散，蝦餃的粉皮較厚，略嫌不夠薄，但味道可以。

I enjoyed my dinner here. All day dim-sum place, I order Siu Mai, shrimp dumplings, Crispy BBQ Pork Bun (a little too sweet in my opinion), and the fantastic Creamy Custard Bun. Service is fast and good, food is also fast and its a place that seems to be normally busy. I understand why tho!