聚香園酒家 (已結業)

(25/3/06)以前的高山雲海,又抵又好食。而家唔知改名,定轉手後,貴左,點心都係一DD好咋。精心估計,覺得"午市點心套餐"唔抵食,就散叫。白灼菜心,得幾條,豉油底,加埋蠔油,勁咸。桂魚腸粉,好香果皮味,魚鮮甜。韮菜豬紅,最差最差!一大碗水汪汪既獻汁,豬紅又唔入味千層馬拉糕,兩片長方形的,一層層,有點花生醬味,OK。西菜牛肉球,從來未見過,混左咁多西陽菜既牛肉球,真係好好食,感覺無咁肥,墊底的腐竹仲係無炸過,勁鍾意。海參香菇窩貼,無細心留意,所以唔覺海參影踪,香菇有,整體味道OK。荷香珍珠雞,而家一般做法,係一大底切件包荷葉,但呢度形態像續隻整,餡料又企理唔多肥肉。福建炒飯,好靚!蛋飯底黃黃的,餸汁有雞肉,東菇,火鴨,菜頭粒,最緊要唔係急凍蝦,係新鮮蝦!好清甜的白灼蝦味。呢碟飯,係個個都贊啊!我地六個人,可以坐到窗口位,高左一級,又有好中式既牆間開,坐得好舒服。

本來約母親大人去潮樓飲茶,但中途見到呢間又好似唔錯咁,所以去試0下...兩個人點左:蝦餃:呢度0既蝦餃原來係有5舊ga!!每舊就比standard 既size細d d,蝦夠爽,好野!腐皮鮮蝦卷:好夠熱,夠脆,不過比較油d咸菜豬肚:都好夠份量,咸菜豬肚都好腍,唔太咸又唔太淡,有水準煎釀三寶:茄子,青椒,紅椒各一件,又係好夠熱,味道好!呢度裝修幾有古色古香風格,人唔算太多,唔嘈,幾好坐服務唔錯,d點心好快就送上,而且樣樣都夠熱又好味,價錢唔係好平但又唔係貴,咁0既水準,食得過!!p.s.呢度一到下午兩點就係下午茶時段,價錢平好多,見到突然有好多人湧上黎ar

有優惠劵, 免茶芥+ 老闆請, 食左好多野…特別有: 吉士流沙包、星州炒蘿蔔糕、豉油皇煎腸粉、千層馬拉糕、椰汁紅豆糕等…其他是普通酒樓款式.. 新裝修, 環境不錯, 不會太嘈, 味道很好, 不會太差. 服務都不錯, 可以一試~~