聚豪軒 (已結業)

店內貼滿米之蓮3星推介報導, 別以為聚豪軒有3粒星, 其實只屬"米"推介店舖. 同老公仔去慶祝, 試下這店, 食後4個字"唔會再去". 食物方面, 一般食物就真係好一般, 鮑魚同推介牛就幾好味同特別. 環境方面, 叫做ok nice(也應該是吸引了"米"人去推介既原因). 最可惜, 係service唔得, 我地好早到, 佢見二人就比門口張枱我地(明明裡面冇乜其他人), 點知度門成日比人開左又唔關好, 果日得10度既街外風吹到打住邊爐都好覺凍, 頭頂又有一個冷氣風口位食到正, 同佢地講, 佢地話冇辦法, 亦冇校細個冷氣. 攪到我全程食既隻手都係吹到好凍. 點知後來我忍唔住起身去關門(老公叫佢地關門都有10次之多), 發現原來度門關不上, 原來係因為佢地出面有塊地毯仔"攝"住度門! 其實只要佢地肯拉開少少張地毯就可以解決問題!! 後來等我地差唔多食完, 佢地見有張二人細枱空左, 就話不如同我地調過去(我地張枱大, 應該可以坐多d人), 攞明想要番張大枱. 其實我見到我地由開始到食完, 有張枱一直都冇人坐過, 但係佢地都冇比我地調過去...總結：　比左甘樣既價錢但係態度唔掂

今日lunch行到去登龍街睇下有咩好食~突然間發覺完來呢間野有lunch食~呢度d枱好大張~因為完本呢間係火鍋店~中午十二點三黎到~無咩人~環境好清靜~有電視睇~佢有六,七款小菜午餐選擇~蒜香骨: 幾新鮮嘅炸豬扒~再放點炸蒜粒~都幾多下~茄子班塊: 班塊個粉幾厚~唔夠脆~茄子雖諗但係無咩味道~一個餐送埋油菜同例湯~加兩蛟有埋凍檸茶~抵讚嘅係好抵食~$36一set~ 但只係超普通嘅家常小菜~

天氣開始谅, 除食火窩外仲有無好提議? 琴晚入到呢間火窩店至知道她正推出咗 ”大閘蟹蛇羹宴”, 感覺上有新意所以就試了這個十人用的套餐 試過之後味道不錯, 只覺蛇羹味道比較咗D, 但都很好味, 大閘蟹無需擔心, 必定是佳選, 另外小籠包就比較一般, 有改善空間至於燒乳鴿方面有一流水準, 蒸魚也是很好味, 有大酒樓好味感覺, 到最後的臘味煲仔飯, 傳到上枱已經聞到臘肉的香, 再看內裡的臘味也很足料, 味道不在話下食到最後的薑茶湯丸時已經很飽肚, 但薑茶的味道很濃而易入口, 十分滿足的一餐”大閘蟹蛇羹宴”

尋晚去左登龍街聚豪軒打邊爐, 呢度開業應該一年有多, 成日想試但一路冇機會, 原本冇咩特別期望, 只係想打邊爐又坐得舒服d, 可以傾下計, 見佢裝修幾靚所以就試試, 但食完就覺得絕對值得再去! 亦值得向大家推介一下!除左打邊爐, 原來呢度仲可以叫小菜食! 1.首先黎係芝士焗龍with 烏冬底, 真係超正, 連汁都差吾多清埋, 但最好就預先order, 因為龍吾係時時有喎! 2.啫啫雞, 好有大牌檔 feel, 好夠鑊氣, yummy yummy!3.主打本地極品肥牛, 勁有口感, 有牛味! 店長話因為老細親戚經營牛肉檔, 所以貨源穩定, 可以到靚牛肉, 吾似其它用雪藏扮新鮮手切肥牛! 4.牛片, 好香好有咬口, 店長話好少有, 第2間火店好難食得到, 必試!5.其它野中規中舉, 但係勝在夠新鮮, 地方亦乾淨企理, 坐得舒服!

情人節到這裡試一試那個法國黑松露箘湯底的火煱。可能從雜誌上的圖片影得太美麗，好好味似的，所以預期比實際高了。不是這裡火煱味道不好，不過不是想像中那樣吧。先說那個法國黑松露箘湯底，好味，但以＄138的湯底和好味的磨菇忌廉湯又沒什麼太大分別！再refill的又不是黑松露箘湯，是清湯。但那位像女部長的店員態度友善主動，還問廚房給我們特意refill是黑松露箘湯，service很好！食物太致很好有特色，但種類少，一份＄48的雲吞有八粒，和譚魚頭價錢差不多，但在沒多大特色的前題下，這價錢是高了。雜誌上說的法式前茶和甜品，也變了一般的切片生果，有點使人失望吧.但總括來說，也是很不錯，而改進的地方也存在，希望下次再來會有驚喜。兩人共＄5XX, 因情人節，女仕有一個類似扭蛋的匙扣！也很細心的環節吧！

同個fd想打邊爐,行過間間都爆晒...見到呢間有位就入去啦..價錢中上,好多海鮮俾你揀...不過打邊爐我只就鍾情牛肉...叫左碟手切肥牛..口感不錯,雲吞水餃都好好食...啲丸就麻麻了...兩個人食左$450P.S.見到好多人叫酒飲...MENU有好多唔同既酒俾你揀,不妨試試..