聚豐燒鵝小廚

營業中

休息中

喺朗屏站附近，完全唔熟悉呢區，不過肚餓要搵嘢食，咁就梗係諗住簡單快脆食一餐，行返車站途中路過呢度，見到呢間，睇落可以滿足到簡單快脆嘅要求，於是就決定入去開餐🤣呢度有幾款「滋味湯飯」，咁揀咗 $68「紅棗黃酒雞湯飯」，仲包「例湯同埋熱飲」，咁要咗杯「熱奶茶☕️」「紅棗黃酒雞湯飯」：「紅棗黃酒雞湯」同「白飯」分開上，飲啖湯先，少少甜有黃酒香味，有雞件同紅棗，要來撈飯食幾暖胃🤩「例湯」夠熱🤩「熱奶茶☕️」幾滑🤣

·聚豐燒鵝小廚 | 元朗今日經過元朗買完野肚仔餓更系去搵下地道美食見到依間都幾多人就入左去😍今次叫左三個餸椒鹽鮮魷 🦑份量好多 炸醬唔會話太厚 岩岩好食落脆口 配搭秘製醬料味道一流如果有飲開酒既 送酒一流😍冰震脆脆菠蘿咕嚕肉咕嚕肉配上冰塊 可以將咕嚕肉爽脆度保持甜酸汁做到岩岩好隔離有菠蘿同哈蜜瓜配搭送飯一流魚香茄子煲凍凍地食返個熱辣辣既煲仔就最岩😍魚香味好夠 茄子食得出係有走過油好惹味既菜式😋😋另外都見佢地有得散叫老火湯下次有機會再試下佢地時既老火湯😍

帶狗狗去診所打針，覆診後再醫肚。食過晚餐，今日食個快午餐。已經到2 點，隨便行入一間食。食個燒味三寶飯 ， 叉燒 油雞紅腸咸蛋，好耐冇食紅腸，間中食都好滋味。仲有見到佢哋餐牌有秘製吵嗲牛肉麵 ，用牛肋條，有咬口又有牛肉味，真心正。 特製醬汁湯底，公仔麵吸收晒湯精華，味道剛好。過這個餐配 多士，火腿煎蛋奄列，煎腸仔 ，抵食又大份。屋企人就食咖哩魷魚鬚公仔麵，轉辛辣湯底，好少食到呢個口感又彈牙嘅魷魚，好邪惡，但小食多滋味。

聚豐燒鵝小廚 (元朗)元朗橫洲路9號朗晴邨青朗樓地下1號舖呢一間都算係小編元朗嘅飯堂，非常啱我口味，得閒就要去食呀，諗住試晒成間鋪嘅菜。燒鵝 下庒 $148次次見人地食色水都好靚又肥美，今次黎到終於食到呢度主打，燒鵝下莊都係加10蚊，食到燒鵝脾算抵食啦，出面講緊出名嘅燒鵝店食個鵝脾飯都講緊100蚊，呢個價算係好抵好抵食。講番隻鵝先，外表非常有光澤，咬落脆脆，隻鵝唔算大肥，但非常肥美甘香，肉嫩有汁。個人認為好抵食，平時買下莊番屋企加送，2-3人份夠曬食！豉椒鹹菜鵝腸 $88搵唔到味菜鵝腸，但有豉椒鹹菜鵝腸，就一於試一試！口味上比味菜鵝腸重口味！小編建議配飯食或者便下酒菜就一流，豉椒香鹹味比味菜更入味，而鹹菜切碎口感似菜甫亦非常下酒送飯。冰梅芝麻骨 $108呢個冰梅芝麻骨係一個幾開胃嘅菜式，冰梅醬唔會太酸，個酸酸甜甜。而冰梅醬同咕嚕肉嘅分別係多左dd 陳梅味 ，食落比較香！

呢日同屋企人黎到元朗食大牌檔，見天氣熱搵左呢間聚豐，可以坐係室內食大牌檔野食，叫左一份例牌叉燒、燒鵝下庄、雞煲、菜、小炒王、同埋冰鎮咕嚕肉。整體不俗，特別是冰鎮咕嚕肉，食落啖啖肉。

呢晚約左元朗國嘅好友聚餐，來到近朗屏站嘅聚豐燒鵝小廚，茶餐廳格局地道親民，舒適大排檔嘅風味氣氛熱鬧。入座時見到唔少人叫燒鵝，但我地見有唔少招牌菜就決定留肚主打揀小炒試試。冰震脆脆菠蘿咕嚕肉 $118推介:⭐️⭐️⭐️⭐️⭐️招牌菜必點上枱打卡係指定動作，色香味係酒店級中菜館大師廚傑作👍🏼表面加有冰粒冰鎮住熱辣辣嘅咕嚕肉，保持住咕嚕肉外脆內軟口感。側邊配有菠蘿及哈密瓜肉令成年事好Freah。肉身肥瘦適中，將傳統昇華變成開胃菜岩哂夏天享用。蜜盞薯仔牛柳粒 $128推介:⭐️⭐️⭐️⭐️⭐️招牌菜要試上檯鑊氣十分特出👍🏼蜜盞薯仔配芝麻炒香，入味非常，送飯真心一流，牛柳粒份量唔算十分多，但咬口肉感新鮮好味，值得一試。蒜蓉炒菜心苗 $88推介:⭐️⭐️⭐️⭐️基本上一律$88 任你配6款調味炒7款菜款，鑊氣同味道都唔錯。陳皮檸檬 & 五花茶推介:⭐️⭐️⭐️⭐️飲品除左平時餐茶還有涼茶系列。令整餐獎得養生健康，推介。

平時真係好鍾意食燒味，🥰所以都會到唔同嘅餐廳，試下尋覓正宗嘅燒味飯。.哩一間真係值得推薦。✨最鍾意食佢哋嘅燒鵝。皮夠薄，香脆之餘，又好甘。唔會太過肥膩，今次咁啱，😋仲要係燒鵝髀。啖啖肉，特別嫩滑。.另外佢哋嘅叉燒都好唔錯，😍焦香嘅外皮，再加上咗軟淋嘅豬肉，食起身，🍯有蜜糖嘅微甜，非常有口感。.豉油雞🐤都唔錯浸得夠入味，所以雞皮都係會有少少啡色。雞肉都會散發住👍豉油香氣。#yuenlong

自從上次去大棠睇紅葉之後都好耐無入過元朗。對於一個九龍人，入元朗係一件好遙遠嘅事。不過最近有朋友搬入咗元朗住，今日趁放假入去探佢同埋順道揾好嘢食。元朗朋友首先帶咗我去佢新屋附近一間餐廳醫肚仔先。外表睇落去平平無奇嘅一間茶餐廳，入到去竟然係大排檔佈局嘅港式小廚。幾張大圓枱配上幾張卡位，份外親切兼有風味。餐牌上價錢都十分親民，誇張啲講，可以用「抵到爛」嚟形容。餐牌上每個菜式都好有特色，係一般大排檔食唔到嘅。我同我朋友兩個人叫咗三個餸。分別係伙計介紹嘅鎮店燒鵝，冰震脆脆菠蘿咕嚕肉同椒鹽鮮魷。先講講呢度燒鵝先，餐廳名叫得「燒鵝小廚」，唔洗講燒鵝一定係佢哋嘅「撚手」招牌菜，我哋叫咗一份下庄燒鵝（$148）。燒鵝賣相好吸引，食落去塊皮燒得啱啱好，脆口同鵝香味融入塊皮。鵝肉同脂肪比例剛好，肉質嫩滑亦不乏鵝油香。食到停唔到口。之後到冰震脆脆菠蘿咕嚕肉（$118），上枱嘅外表拍得住五星級酒店中菜廳，薄薄嘅煙霧配以鮮艷嘅咕嚕肉，令到成個菜式昇華。外面冰凍而脆脆嘅外皮，內裏係溫暖嘅咕嚕肉，夏天食就更加開胃。另外仲有一直冰鎮住嘅新鮮菠蘿，真係愈食愈開胃。最後就係椒鹽鮮魷（$98），份量好大份，餐廳唔係用魷魚鬚

聚豐燒鵝小廚 (元朗)元朗橫洲路9號朗晴邨青朗樓地下1號舖午餐和母親一齊到元朗處理銀行事務，在此之前先食燒味作午餐，大快朵頤。餐廳座位寬敞，坐得舒適。雙拼燒味飯燒鵝和燒腩仔的皮脆肉嫩，肥美肉香，燒鵝油脂感豐盈，燒腩仔色澤呈現出濃郁的金黃色，令人垂涎欲滴。再加上香糯的米飯和香蔥的綠色點綴，胃口大開。凍檸茶清涼解渴，夏天消暑必飲口味。香辣魚皮分量充足，花生好味道，辣魚皮充滿了骨膠原，吃起來非常爽脆，是必食之選。

今日探完朋友bb後，佢推介我地食樓下茶餐廳果度啲燒鵝和燉湯好味咁特別？等我去試下先！燒鵝下庄燒鵝油潤，鵝肉唔算肥，岩曬我燒鵝皮香脆，肉質鬆軟，鵝味甘香，好好送飯，份量也很多，食到好滿足！豆醬炒通菜通菜夠曬鑊氣，爽脆好味又係好送飯係屋企一定炒唔到咁香姬松茸螺片燉老雞湯呢個必叫，材料唔少，好夠味我平時冇咩湯水飲，真係好滿足好好飲杏汁白果燉豬肺湯因為我唔食豬肺朋友飲左佢話好飲，如果再多啲杏汁味就更好白飯值得一提，呢度嘅白飯意外地好食粒粒分明有飯香所以我平時好少食飯都自己食曬一碗要讚下呢度有涼茶提供雖然係攞貨，質素正正常常可以解晚餐的油膩感整體黎講茶餐廳格局可以有咁高質素的燒鵝和燉湯燉湯仲要唔駛訂交通又方便下次去開元朗都可以考慮再黎食老闆說我仲未試呢度好出名嘅冰鎮鮑魚和有求必應

餐廳位於在世宙商場，近朗屏站，食物款式夠晒多元化, 有小菜，燒味同老火湯等。閒日黎都幾多人!姬松茸螺片燉老雞湯 $48：呢碗湯仲真係唔錯嘅，湯底飲落去好濃郁，但又唔會太濃口，姬松茸同螺片都好新鮮，令湯嘅味道更加豐富。加埋啲燉老雞，啲肉質鮮嫩，好滋味又健康，值得一試。冰鎮脆脆菠蘿咕嚕肉 $118：如果你鍾意酸甜口味嘅菜式，呢道菠蘿咕嚕肉絕對唔會令你失望。啲肉炸得好脆，放喺冰塊上面，保持爽脆口感，夾埋啲熱騰騰嘅菠蘿，真係好特別魚香茄子煲 $88：呢道菜色嘅魚香味同茄子煲得好豐富，啲茄子煮得好軟綿，啲肉絲都煮得好嫩，味道好好。順德污糟雞 $119：啲雞肉煮得好入味，啲肉質嫩滑，味道好夠，濃郁嘅中國風味

朋友住喺依個屋苑，話我遠道而來一定要帶我去試吓👉🏻聚豐燒鵝小廚裝潢係茶餐廳嘅格局，外邊錯咗一啲叔喺度飲啤酒，七點左右已經坐滿人，睇落都係街坊，而且同老闆好熟，大家有傾有講，氣氛相當熱鬧。朋友話呢度嘅燒鵝好出名，所以我哋先嗌咗燒鵝例牌$130例牌嘅份量，其實一啲都唔例牌，差唔多有一個下壯。最給正係一隻大燒鵝髀，鵝皮色澤亮麗，油潤發光。我先進攻鵝肶部，果然入口皮脆肉嫩，鵝肉甘香細嫩，脂肪唔會特別多，也可以點少少酸梅醬減膩，但我還是喜歡原汁原味。燒鵝其他部份無咁啖啖肉，但也應該慢慢細味。無論天氣有幾熱我也喜歡喝湯， 老火湯@$48杏汁白果燉豬肺湯湯係要趁熱飲第一時間打開個蓋，見到奶白色的湯我超鍾意，一口已經飲得出杏仁味，和肉的鮮味形成恊同效應，肯定是順喉潤肺之靚湯。豬肺和白果非常軟稔，一口氣將佢地食埋。同時保留了少許杏仁的沙沙口感，令口感更佳。朋友嘅「茶樹菇棗杞燉老鴨湯」用料足，褐色湯頭清徹，鮮甜火喉十足，老火湯價錢合理，是完整的一餐不能缺少的部份，滋保養生的靚湯，飲多啲都唔怕。黑松露香檳翠蝦球$118 上枱先知咁大碟，共有八大粒，會唔會太抵食呀！粒粒炸蝦球也超飽滿，炸到漲卜卜，吸引度爆燈！

在元朗的安寧路購物，見到朗晴邨的聚豐以燒鵝作招徠，一於試試。餐廳陳設簡單，氣氛友善大眾化。街坊小店，經濟實惠好味道👍招牌燒鵝下庄 $140放上枱已經香氣撲鼻，鵝皮還保留一點脆口感，燒鵝入味，加上傳統的冰花梅醬，無得輸。海皇雜菜煲 $88海鮮有花枝、鮮魷、蝦仁、魚柳；蔬菜有菜心、白菜、芥蘭、娃娃菜；當然少不了幼滑粉絲。材料多元，份量超大，味道也不錯，抵食！豉汁蒸倉魚 $118豉汁惹味，倉魚大條，肉質嫩滑，伴飯一流！三個餸放滿一枱，感覺豐盛。陳皮冰糖燉檸檬，化痰潤肺。香港經典凍檸茶，必然之選。

近排工作比較忙碌，返到屋企已經好晏，所以約朋友食埋飯至返屋企。由細到大都好鍾意食燒味，尤其係燒鵝，所以一嚟就點份燒鵝先，我地揀下庄（$140），另外點咗日式醬油炒飯（$108）同埋海皇雜菜煲（$88），再飲咗支五花茶（$23）。先講燒鵝，隻鵝脾大大隻啖啖肉，燒得皮脆肉香，而且皮下油脂頗豐腴，令人無法抗拒！日式醬油炒飯份量超級大方，我地每人都食咗好幾碗😆 炒飯粒粒分明，炒得有鑊氣，加埋木魚絲嚟食，回感更豐富。海皇雜菜煲入面既海鮮同蔬菜種類都非常多，而且仲有唔少粉絲，加埋變得滿滿一大煲，健康得嚟又可以中和返燒鵝既油膩感。五花茶用料天然又冇防腐劑，飲落好放心~

聚豐燒鵝小廚 (元朗)元朗橫洲路9號朗晴邨青朗樓地下1號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：燒鵝下庄 $140、蕃茄火鍋湯底 $50、美國肥牛 $78、肥鵝腸 $68、咸蛋黃魚皮$60等候時間：0分鐘今天下午一家三口去元朗探望親戚，離去時經過聚豐燒鵝小廚，小朋友說想吃火鍋，我也想吃燒鵝，所以便入內一試，飯後覺得食物質素很是不錯，一家人均感满意，特來推介！這食店鄰近輕鐵大棠站，交通方便，位於大榮華酒樓左近！燒鵝下庄 $140$140食到燒鵝下庄算便宜了，成隻燒鵝脾上碟勁滿足！燒鵝剛上枱時有微溫，外皮脆卜卜，鵝肉卻不太肥而帶肉汁，親熱食味道一流！😋😋😋美國肥牛 $78牛肉塊塊肥瘦適中，雪花均勻分佈，放進蕃茄火鍋湯底淥兩淥熱辣辣放入口、大人細路搶住食，兩碟肥牛轉眼清零！👍👍👍肥鵝腸 $68鵝腸份量夠多，條條有足夠長度，淥熟入口夠煙靭彈牙，鵝腸味香濃，好食！😍😍😍咸蛋黃魚皮 $60魚皮塊塊炸至金黃色，咸蛋味濃厚，好多都好大塊，不會碎濕濕，小朋友至愛! 😋👍😍