聚滿坊粥底火鍋私房菜 (已搬遷) 新店位置

聚滿坊（1）一間好多人食的粥底火鍋，要食必須要電話留坐，walk in 幾會好微。店長需知當天大約多少人訂坐，那朝早上才去㨂選食物，餐單已固定不變，除非當天市場缺貨才會更改。餐單得兩款$268或$188，分別是平價的沒有了龍躉仔，龍蝦仔，珍珠貝及大元貝。其實，$188都夠食，不必再升級，同時，此店不是任食但一樣限制時間，得1小時30分鐘。食得幾趕下，升級都沒時間加，食得慢會食唔曬。當然此店可以幫你煮熟打包，不過無謂啦，返到屋企凍曬，再煮又變老。

聚滿坊（2）上回講到啲套餐，依家等我分享下啲食物質素：鮑魚，好正，上碟時仲會走來走去，貼著碟面貼得好緊。推介指數：10/10蝦，超新鮮，勁跳來跳去，好生猛，一定要用碟蓋住。推介指數：10/10蟹，唔識郁但好鮮甜，令到啲粥好好味。推介指數：8.5/10牛肉，切成一片片，大小均等，紅卜卜的。推介指數：8/10係度度另一好處，係唔使用腦諗食乜，定時定候有人會過來叫你落乜嘢食。唔好處就係唔可以慢慢食，呀姐會過嚟催促你。

勁新鮮既鮑魚呀😖😖😖上到枱仲郁緊😖😖本身唔好海鮮😂因爲fd先係香港第一次試呢d咁生猛既海鮮🤣🤣佢呢間既海鮮所有！係所有上到枱仲識郁🤢 唔食開呢d既我見到真係覺得有d驚同殘忍🤢 因為見到隻🦀已經劏咗一半但仲識得郁😩😩 但真係好鮮甜d扇貝係超級大粒👀👀 但係d牛就差d 係無乜味🤷🏻‍♀️🤷🏻‍♀️🤷🏻‍♀️ 同埋本身係好期待佢個粥 因為之前係韓國食過鮑魚粥真係好真好入味同鮮甜🤤🤤 但呢間煮曬d海鮮加埋南瓜之後個feel變咗似南瓜粥多d同期望有d岀入😢 可能我真係唔係太唔好海鮮la 無食過番尋味既感覺😂😂😂

一間小小的店，但食材超新鮮！200元可以吃生猛海鮮，最後還有香甜的海鮮粥！超抵這裏是必須預訂的，小店已準備好每枱的食品！有紮紮跳的蝦，勁甜蟹，蜆，聖子，魚，肥牛等等以這個會錢，可以吃到這些材料，超值！有機會去尖沙咀分店！

爸爸常說:不時不食，加上打邊爐需時較長;所以一直也不太歡喜吃火鍋。難得今天乖乖的跟我們過海試食粥底火鍋，我的心情也特別好。餐廳位置不近地鐵站，走過去要十分鐘左右。餐廳不大，勝在五臟俱全;坐位設計舒適。我們只是叫了特惠版，但食物絕不稀場。芝麻雞嫰口，不會過老。海鮮配料鮮味十足有鮑魚，中蝦和蟹等等。令我難忘的是黃立倉，沒有腥味;讓我這個怕魚腥味的，也一試再試。其他食材也恰到好處，沒有過膩感，亦沒有過量。最後，集所有精華之粥底配上油條，為這頓飯添上完美句號。絕對令你能懷住滿足心情，捧住豐滿的肚子離開。

同爸爸慶祝食生日🎂飯，選擇左這間食海鮮粥底火鍋，waiter一開始就比張餐牌，上面寫著當你食哪一種海鮮時需要煮幾多分鐘，這個好緊要，因為煮海鮮過左時間就會老左，唔好食。而我地選擇左$198特惠牌餐，有16種不同的食品。而多過5人訂位要落$500訂金。先食蝦🦐，好大隻，要用蓋蓋住d蝦，太生猛啦，真係明符其實生蝦咁跳👍🏻，鮑魚新鮮又涮得乾淨，深海泥猛好大條🐟，蟹又係超新鮮，又蟹膏🦀，貝殼大大隻，鮮味，肥牛就一般，waiter介紹我地食炸魚皮$48，嘩～好大碟，魚皮好薄又夠脆👍🏻👍🏻👍🏻，已經很飽了，但食晒以上野之後waiter會幫手做過粥底火鍋加南瓜蓉，我本身唔太鍾意食南瓜，但個粥好好味。大家都食飽滿祝。

今日去左呢間試下個粥底火鍋。上openrice訂抬 😃😃有位！都唔難去。就係條食街到。但坐mtr既話就要行一段路先到喇！！今日幾條友去食，唔洗諗叫咩。佢1 set過黎。都幾多野食。先每人有半隻蟹！隻蟹雖然俾人切開左，但仲識郁 😮😮😮都幾新鮮。每人一隻鮑魚！又係掂佢仲識縮 😃煮熟左之後黎食，唔洗沾豉油都夠鮮了！佢仲有好多野食，有雞，牛，雜丸，雜菜，茹，粟米……等等仲有蝦隻蝦新鮮度係咁彈。雖然已經用隻碟蓋住，都可以偷走，爬出黎！ 😂😂😂好厲害！哈哈！！！所以啲食材都幾新鮮。但環境就有啲逼了。坐得唔會好舒服。可以一試！

我第一次打食評, 仲要差不多1年多前吃, 但依家諗起都嬲嬲地。個陣見歐錦棠推介,勁多人都去食。 開頭都ok, 食物新鮮, 重質不重量。但食到中段有個女人問都冇問就係甘掃d野落個煲, 仲要黑口黑面。最後佢落蟹仲要加埋粥...(煲入面仲其他野未食完...) 煮冇一陣仲要熄埋火?!!! 擺明趕客(個陣仲未到交枱時間,都唔係就到)個粥完全冇味,因為熄左火仲要凍埋, 勁難食,開頭心情好地地比佢甘搞即刻勁差, 唯有埋單食材係幾新鮮, 但服務態度差就弊呢, 2百蚊唔貴都唔平, 憑咩要個客受你氣? 冇下次!依家粥底火鍋愈開愈多, 食材新鮮+ 粥底正+服務態度好ge大有店在, 洗鬼比錢你賺仲要受你氣

原本同家人想食晚飯，但當問服務生有沒有位，一來她已經要客人等，算，我們等。之態度十級差，強迫他人坐在在電視機下便。我們不想，因為明明有枱空位亦不結客人坐，仲強迫人喺度要坐入一個很窄的枱。我們說不要，她就同客人糾纏，好冇禮貌。服務態度十分差！

香港人一年四季都鍾意打邊爐，我當然都唔例外，今晚一於四個人一齊去佐敦食好西，粥底火鍋本身佐敦都有一間好出名叫鍋心，但可惜一打電話過去，店員就好冇禮貌咁同我講無位無位，態度好差，都可想而知如果去咗果度食既話會點於是乎即刻打電話去呢間餐廳，店員好有禮貌同我講，而且仲可以即時確認今晚有位你到店舖前面，比我想像中細間，晚上7點，都係得兩三桌客，於是乎我哋就比安排到最近吧枱的一張6人桌。餐牌可以有兩款套餐選擇，我哋只係揀咗$198/位，起初都會擔心會否食得飽。因為店舖位置上都比較隔涉，所以我哋都行到身水身汗，坐低即刻有一碟餐前小食，不用另外加錢。鮑魚比我地想像中大隻，每隻都有一隻手心位嘅大細，鮑魚肉好彈牙如果鍾意食鯪魚肉嘅人，一定要試呢個鯪魚肉滑，佢有好香嘅胡椒味，而且魚肉都食得出係新鮮手打四個人，兩位男士都唔食蠔，我同另一位女性朋友可以一人分到兩隻，滾一滾，三分鐘就食得，記得唔好滾咁耐，否則蠔身會縮水就唔好食架啦，沒有沙，夠大隻蝦，好生猛，一打開隻碗佢仲準備跳出來，鮮甜來到最後一步，最緊要梗係個粥底火鍋，原本好期待以為落咗咁多新鮮材料之後，鍋粥一定會好鮮味，點知落左粥之後，湯味好淡，完全食唔到

香港人鍾意打邊爐,一年四季無分季節都打邊爐,我都唔例外,不過要搵一間好食既都唔係咁容易,佐敦既聚滿坊之前係極難book位既,每次訂位都要預早一個月打電話去訂定,日日爆滿終於開左尖沙咀分店,以後想食就易好多了!我比較鍾情佐敦呢間舊舖,食過幾次都依然保持原有水準,呢度以人頭收費,特惠版每位都只係大約二百蚊,餐廳會安排每位一份特定食品,視乎當日既食品供應!我地4位齊人入坐後,店員就即刻將美食逐碟放到枱上,仲會提議食物既先後次序同煮既時間,好細心!仲不時幫我地收碟換碟。食物有海蝦、瀨尿蝦、鮑魚、倉魚、桶蠔、花蟹同蜆！嘩嘩嘩！淨係食海鮮都抵到笑啦！仲要d蝦蟹鮑魚全部都係仲郁仲跳架,好新鮮喔！其他既有雞件、牛肉、丸類、粟米、冬瓜、南瓜當食完以上既野,所有精華都响晒個湯入面,店員再將飯加入湯度煮成粥,海鮮味勁濃烈既粥再配油條,呢餐飯簡直係完美！以最抵價錢,提供最新鮮食材,服務態度好,務求令客人食得開心,終於明白點解聚滿坊會被稱為良心餐廳！

尼間粥底火煱，以一人一set既食法，湯底係粥水，但因為食料新鮮，食原汁原味就已經非常滿足入面包左多種海鮮:魚蝦蟹賴尿蝦鮑魚蜆，仲有肥牛鮮雞等等。。。但重點係用料非常用心，係我第一次見店鋪用咁新鮮既海鮮去打邊爐，上蝦既時候，d蝦仲識跳！！而且頗為大隻嫁！魚呢就係黃臘䱽，原來黃臘䱽拎尼打邊爐係咁鮮嫁，而且嫩滑，肉質仲唔會散添！蟹係非常鮮甜！最後d姨姨staff們會用你地打完邊爐既粥水底尼煲粥，既飽肚又滿足，完滿啊！

因為太鍾意食海鮮，上網睇到報道話呢間可以＄200食到粥底火鍋，仲要歐海棠推介，真係非常心動。不過咁吸引嘅價就自然多人幫襯，所以非常難book！起碼等左半年先食到呢間😭又因為等左咁耐，所以盡地一煲叫咗個升級版嚟食🙈平均每人$350，當然佢嘅食物同服務質素對得起呢個價！呢個係2者既分別：🌟級版 特惠版1)新鮮鮑魚 1)新鮮鮑魚2)海中蝦 2)海中蝦3)海紅花蟹🦀 3)海紅花蟹4)流浮山蠔 4)流浮山蠔5)鮮魷魚 5)鮮魷魚6)龍躉仔🌟 6)黃立倉🐟7)龍蝦仔🌟 7)蜆8)紅花甲🌟9)新鮮大元貝🌟10)芝麻雞 8)芝麻雞🐓11)牛丸🌟 9)魚蛋12)八爪魚丸🌟10)牛丸13)南瓜 11)南瓜14)冬瓜 12)冬瓜15)粟米 13)粟米🌽16)油條 14)油條17)手打墨魚蝦滑 15)手打魚滑18)雪花肥牛🐄16)雪花肥牛‌野食洗多講新鮮量足！唔係大胃王其實特

同老豆提早慶祝生日，佢話想食火鍋。我就諗起朋友之前介紹我嗰間聚滿坊，佢話抵食又好食。因為我地有訂位同嗰日好早去到，一去到就有位。👆呢碟係送既小食，好好味坐低無幾耐，店員好快將食物送上，真係非常豐富，食物種類好多。佢個set $198 +10%, 以咁既價錢黎講有鮑魚，海蟹，蝦等海鮮，真係無得輸。食火鍋材料最緊要係新鮮，佢每樣食材都好有水準好新鮮。碟牛肉真係好大碟，又有肉味，啱曬我牛魔王相公。最後個粥吾使落鹽好夠味，用左南瓜去煲，我一向麻麻地南瓜都覺得個粥好食。最值得讚既係嗰度係吾使收切餅費，感覺好似賺左

高性價比粥底海鮮火鍋🍲📍餐廳位置較偏僻不好找, 但性價比相當高,人均都是$200 已吃到各種海鮮!! 🐠套餐包括鮑魚, 瀨尿蝦, 鮮蝦, 蟹等, 而瀨尿蝦及鮮蝦上枱時還跳跳紮, 生猛非常而鮮味十足! 🍲粥底火鍋怎少得粥! 火鍋後店員會幫忙以湯底煮粥, 除去面頭油脂, 加上南瓜及蒽, 南瓜粥帶出濃濃的海鮮鮮味, 質感亦不會過稀過稠, 整體不錯!!rating:7/10