影片
第一次寫食評，尋日路經淘大，一行7人誤打誤撞入咗呢間聚友迎餐廳，雖然地方細細，一d都唔起眼，但d食物味道水準一流，我地叫咗6個餸(香辣雞煲($68送2罐汽水)，羊腩煲($98送生菜及1枝藍妹啤酒)，薑䓤魚腩煲(做得超水準，外脆內滑），啫啫芥蘭，梅菜扣肉煲仔飯，黑椒豬手)樣樣都好好味，全部都真材實料、用心製造。而且又扺食，我地7個人飲咗6-7支啤酒，食咁多個餸埋單都係6百幾，真係好抵食。同老闆傾開計，佢話佢地隨時有結業可能，因為鋪頭位置上人流唔多，生客少。我地覺得一間咁認真經營既小店如果就咁結業就真係太可惜了，希望附近街坊或者路過附近搵食既朋友可以比個機會佢地，試下呢間用心小店
繼續閱讀