聖安娜餅屋 (長發廣場)

營業中

休息中

最近新左左薄荷朱古力關注組經常出現的蒸蛋糕 當然要去搶購一下 ‼️之前網上朋友都話好正必試 😋今日見到一次過掃左4個薄荷朱古力蒸蛋糕 又買左冰凍的瑞士卷 🍴仲買左好多蛋撻 葡撻 面包等諗住一次吃過夠本但薄荷朱古力蒸蛋糕🧁就令人失望 佢只係味道上有點冰涼感 🧊D 朱古力🍫碎 好少 唔講都唔知係有朱古力味 網上關注組太抬舉呢個薄荷朱古力系列 🍴反而食返普通款蛋撻 🥧面包🥯更好食 感覺蛋糕都係買返📍美心西餅有啲品質保障 ✅

臨急抱佛腳😂 一定係去啲大型嘅蛋糕舖，今次叫咗朱古力黑森林蛋糕，原價$198，VIP價就$188.1，夾心係朱古力蛋糕，有忌廉同埋黑車厘子啫喱🤔 嗰蛋糕好軟，嗰啫喱反而係扣分位，好硬同無咩味。不過其實蛋糕都係交嚟😂所以唔係呢間鋪特別嘅問題😂 但係老實講有啲失望，似普通平時$4件蛋糕嘅質素😅可能加多啲其他唔同嘅餡料會更好！同埋寫生日朱古力牌要加$10，都係扣分位🤔 因為我自己覺得生日蛋糕一定要有名，影相都靚啲，有回憶啲🤪

呢個蛋糕係為食弟弟自己揀嘅生日蛋糕，大約半磅多啲，岩晒1家幾口食！初初以為會係藥水味嘅士多啤梨但佢又幾清甜喎，好好食！個公仔頭係白朱古力黎，唔係好硬，2個小朋友一咬就碎，都ok嘅，小朋友鐘意食海綿蛋糕，中間有啲寒天啫喱，有咬口，我哋唔鐘意太多cream,所以呢個蛋糕好正，cream同海綿蛋糕一齊，唔膩又唔太甜！加上個公仔又好得意，影相都好好睇！小朋友食得好開心，希望佢下次嘅士多啤梨蛋糕都一樣咁好食！

突然甜品引起，經過青衣長發商場呢間聖安娜餅店，見到櫥窗啲蛋糕好吸引，買咗個紫薯黑糖麻薯切餅返屋企食。呢個蛋糕個賣相真係好靚呀，我好香紫薯味，味道偏甜，仲有黑糖麻薯，蛋糕軟綿綿加埋麻薯嘅口感好特別。我見佢仲有好多唔同款嘅蛋糕㗎，下次再買來試吓先！

從來都冇諗過，想食馬拉糕可以去聖安娜！放工肚餓搵食，唔想食麵包，想搵d熱辣辣或剛剛出爐的麵包/蛋撻食下。發現有個蓋爐放係收銀附近，寫著中式產品，一大舊馬拉糕，勁吸引！即蒸的馬拉糕，超鬆軟，香甜，大家不妨一試！