聖安娜餅屋

營業中

休息中

作為2021第一個賀年post，同大家介紹番聖安娜餅屋嘅2款皇牌🧧「尊貴黃金糕」同「瑤柱蘿蔔糕」🧧前者先蒸 3-5 分鐘後再煎，就會有外脆內軟嘅口感有啲似白糖糕嘅感覺，但就食到椰香味🥥但中意食傳統嘢嘅草根更偏愛後者🥰用上新鮮蘿蔔，再加入瑤柱、臘味同蝦米無落味精但喺都夠晒味，仲食到粒粒蘿蔔煎香兩邊令臘味油脂乳化會香口好多😋

聖安娜全新D24榴槤蛋糕 外表似足一個榴槤造型 好精美 吸引住唔少人既眼球 鐘意食榴槤嘅壽星仔女 呢個蛋糕係唔錯既選擇頂部有兩個大大舊榴槤造型 用左朱古力做外殼 而入面全部都係榴槤果肉 真係好香甜 內層用左海綿蛋糕加啖啖果肉 口感軟綿 而且配上外表尖尖既忌廉 味道啱啱好 忌廉軟滑同埋唔會太甜 最後用左酥餅做底 食落去多左層次感 整體好味消費：$328(vip$278)推介指數：7.7/10

這分店有餅房，個裝麵包，蛋撻和椰撻都是新鮮出爐的，這當然比從中央餅房交來更加美味，這裡的鵝蛋形蛋撻是我的喜愛，曲奇皮焗到焦黃色，中間的蛋漿飽滿，有蛋香，食夠兩個就大滿足。

夏日甜心 ($260）My little Sun聖安娜餅屋出咗夢幻精品蛋糕系列🦄同系列有三款蛋糕揀咗款天藍色嘅蛋糕賣相充滿童心👶🏻小朋友見到一定鍾意❤️切開係芒果慕絲蛋糕🍰慕絲同蛋糕相間，中間夾有芒果啫喱🥭由於有好多層，蛋糕疊起都好高1.5磅份量一d都唔少芒果慕絲食落清新，蛋糕亦夠鬆軟唯獨食到最底層蛋糕口感過實有啲怪整體算係不過不失

聖安娜餅屋 新出咗一系列「Mango Lava 流心芒果」甜品💛🧡，草根幫大家速報一下。💛流心楊枝甘露蛋糕（$238/1磅）最具睇頭一定係呢款☝🏻，成粒龍珠咁放係蛋糕面🎂，再加芒果片砌成花形🌼，賣相好靚。粒龍珠其實係的柚肉寒天，蛋糕以幾層組成，芒果椰子mousse 🥥同海綿蛋糕🍰夾住楊枝甘露流心餡，砸加上古力脆粒增加口感😋。流心程度一般，味道較同平日嘅芒果蛋糕相似🥭，唔會太甜，都升唔錯。不過，草根覺得如果酸味突出d，會更切合楊枝甘露嘅主題。🧡流心芒果奶蓋($238/1磅；$138/半磅）蛋糕上蓋有芝士奶蓋🍼，口感綿密順滑，但稍欠鹹香。成個蛋糕芒果mousse為主，中間有流心芒果醬🥭。蛋糕面鋪上大量厚切芒果肉，藍莓同白色小糖花作點綴。 味道同同系列嘅流心楊枝甘露蛋糕相似，但相較之下味道稍為單一，都係前一個較好吃😋。💛楊枝甘露卷（$70）賣相與平日的芒果蛋卷相似，分別是戚風蛋糕中除塗上忌廉外，中間還加上楊枝甘露布甸🍮。戚風蛋糕軟綿綿 🍰，楊枝甘露布甸看得出加入柚子，吃起來有咬口，只可惜欠缺點柚子的微酸，未能把楊枝甘露的精髓發揮得傳神。🧡芒果奶蓋寒天杯($23)甜品分咗做幾層，賣相都幾精緻❤️

藍田地鐵站一出便看見聖安娜餅屋，人流非常之多路過此地立即買一個小蛋糕作為第二天的早餐店鋪櫃內蛋糕經常換，款式也非常多新的一年蛋糕盒還是用聖誕節的盒紅色蛋糕配紅色盒Strawberry Mousse Deluxe Baby Cake $18.5第一層士多啤梨啫喱，上面配上新鮮士多啤梨和一塊朱古力下層內層是海棉蛋糕，外層是Mousse不太甜 容易入口，mousse也比較滑味道有3款選擇：藍梅，士多啤梨，朱古力下次要試埋另兩款味道賣相衞生服務抵食推介

收到朋友通知，這家西餅店推出新優惠，廿蚊六件西餅，平均每件三個几，十分超值。一於買六件，當做明天的早餐。原來拿破崙不列入廿蚊六年優惠之中，需要另外購買，唯有在有限款式之中挑選吧！回家後馬上放進雪櫃，待明早享用。全蛋旋轉樂～蛋卷　各款西餅之中，最喜歡蛋卷，所以點了２件蛋卷。誰知打開盒子，只剩下一件。蛋卷糕底較薄，可以卷了几圈，白色忌廉亦較多。糕底棉密，口感很實在，雖然不算太甜，但也有蛋＆麵粉味，讓人很滿足。 班籣旋轉樂青綠色的蛋卷　無食到。雲石蛋糕　　一次有不同密度及顏色的蛋糕，表面忌廉粘度高，似糖霜。比利時濃情　　朱古力碎碎的油脂味較重，没有甘苦之味。下方啡色蛋糕都是偏甜的。　廿蚊六件西餅，這就搞掂全家的早餐了，真係好抵食。

姐姐買給我的綠茶蛋糕，很creamy，但綠茶味吾夠香濃，綠茶fans可能會覺得失望了，一切下去看見幾層layer ,賣相也不俗。我不太愛那慕絲和啫哩，但是蛋糕尚算合格。比較平時聖安娜蛋糕，這個已進步不少

豆丁生日，計劃買個生日蛋糕，作為豆丁的生日會之用。剛好找到這家餅店的生日蛋糕７折優惠劵，一於在此預訂生日蛋糕吧！　豆丁選擇了喜歡的火車系列～鐵路之旅。２磅蛋糕，應該足夠生日會三十人分享吧！還可在糕上提字呀！　來到生日會當天，來到餅店取貨。職員把蛋糕包裝得靚靚，並附上小蠟燭。快快脆來到生日會場。　打開盒子，２磅的蛋糕原來這麼大。在場共有三十多人，每人也分得一小件。結構：雪白的忌廉包著二層黃色的蛋糕，没有太多花巧。這樣簡簡單單，保證適合大家的口味，反而更好。黃色蛋糕雖不算太棉密，幸好不算很甜，配上滑滑忌廉，剛好形成不同的口感。自己怕肥，唯有集中品嚐黃色蛋糕，以減少攝入忌廉。豆丁及其他小朋友望著最大的裝飾品～色彩鮮艷的小火車，當作玩具在把玩著呢！這小火車應該可以食用吧！

米仔生日，原本想買個朱古力爆炸蛋糕，但是日已售罄，就買了個熊本熊草莓蛋糕，賣相都不錯吧！頂層有三粒草莓，蛋糕共有四層，蛋糕外層舖滿白色厚厚的忌廉，第二層及底層是軟綿綿的蛋糕，第三層是忌廉，但當中也夾有一片片的草莓。。整體的忌廉不會太甜太膩，唯獨是整個蛋糕賣點所謂日本直送熊本縣的草莓，是偏。酸的，不是太甜，這點比我平日食的日本草莓有遜色。。。。

您喜歡吃菠蘿包嗎? 但如果變為菠蘿奶黃包, 您還喜歡嗎?菠蘿奶黃包 $6.5: 6.5分, 包身不算太鬆軟, 但是奶黃是幾香甜的, 而菠蘿皮也不太脆身. 這客菠蘿奶黃包, 菠蘿包部份只是一般, 但奶黃部份就不俗. 而兩者之間是不太起得到化學作用.其實還是正正常常的菠蘿包好吃一點.