影片
開飯介紹
開店六十載的茶餐廳，即叫即整的焗豬扒飯最為馳名，其獨特的奶茶配方亦引來不少人慕名而來，經典懷舊的裝潢，樓上的閣樓雅座，讓老店顯得別有情調。
繼續閱讀
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
見佢門口推介鴨腿湯飯，入去坐低等咗大約15分鐘，已經知中伏，因為通常佢哋會新鮮做好放喺個蒸籠裏邊蒸熱住。碗湯出到嚟不出所料，應該係急凍解凍嘅湯連鴨腿冬瓜，瓜皮都已經變咗一張紙咁。個湯難飲到唔識形容。就係呢啲餐廳經營者令到香港飲食業萬劫不復。真係唔明白點解呢啲舖頭可以繼續生存，附近間源記如果唔係老闆過世，更加值得存在
繼續閱讀
一間經營超過60年的「聯華茶餐廳」，坐落於西營盤人來人往的正街之中，店內保留懷舊的木卡座、磁磚牆面、格子地磚、吊扇 及 難得一見的閣樓。多年來保持古早風味，值得專程過來打卡，懷舊一番！📸喜歡這裏的鮮油甜餐包，麵包鬆軟，配上厚切牛油，比吃多士更加吸引。😋煎得微脆嘅午餐肉，配上燶邊太陽蛋及即叫即煮的出前一丁，也是相當不錯；熱奶茶香滑但茶味偏淡，只是好一般。#鮮油餐包 #熱奶茶#餐肉蛋出前一丁#聯華茶餐廳 (西環)地址: 香港西環西營盤正街28號地舖電話: +852 25401563
繼續閱讀
今朝我嚟到位於西環西營盤正街28號嘅聯華茶餐廳，呢間係一間深受街坊喜愛嘅傳統港式茶餐廳。雖然門面唔係好搶眼，但係一入到去就即刻感受到一種濃厚嘅懷舊氣氛。餐廳裝修簡單但係好有特色，坐位之間唔係好闊落，但係呢種貼地感覺就係最吸引我嘅地方。
我嗌咗佢哋嘅招牌早餐，包括太陽蛋、雪菜肉絲米，同埋熱辣辣嘅奶茶。每樣嘢食都做得好到位
同侍應傾咗幾句之後，我決定將早餐入面嘅餐飽轉做菠蘿包，唔駛加錢ga !!!!!
服務方面，雖然唔係好講究禮貌，但係好有人情味。老闆同員工都好熱情，同一般嘅連鎖餐廳真係好唔同。
聯華茶餐廳係一間好值得推介嘅傳統港式茶餐廳，如果你都想試下地道嘅香港早餐，我建議你嚟呢度試下。
繼續閱讀
我在西營盤正街的「聯華茶餐廳」享用了早餐B，總共花費$37，感覺相當實惠。點了雞蛋三文治、火腿通粉和熱奶茶。雞蛋三文治是整套早餐的靈魂，雞蛋煎得恰到好處，口感滑嫩，讓人精神萬分。火腿通粉的味道稍微平淡，不過不失，若能加點調味會更好。熱奶茶的水準非常高，茶香濃郁，奶味十足，讓人一口接一口。整體而言，今天的早餐讓我感到非常滿意，特別是雞蛋三文治的表現，讓我心情愉快。
繼續閱讀
主要想講下環境~入門口的first impression已經覺得有種美感 可能因為都係啲有返咁上下時代嘅餐廳！依家亦都好少見到有餐廳係有兩層（而且係舊式茶餐廳）佢哋嘅餐牌係全部中文字 望落好靚 好工整！喜歡TTTT到坐低嘅時候 職員都好友善 佢哋都冇特別制服 咁樣好似更有親切感~ 而且都見到佢哋同客人有傾計(?)喜歡這種感覺(´▽｀)我飲咗羅宋湯+鹹魚雞粒炒飯 同埋試咗男朋友一啖焗豬扒飯 味道方面個人覺得係正正常常 物美價廉~（其實我唔知道佢哋有冇啲咩好出名嘅食物 如果有都想再試下！）會再到訪^^
繼續閱讀