聆渢咖啡廳

營業中

休息中

今日一家人去了黃金海岸酒店食Tea buffet,由三點鐘開始食到五點，我哋2:52已到，坐低先，三點開始可以拎嘢食，下午茶黎講都算多野揀，冷盤有蝦，好新鮮，我都起碼食咗十幾隻。仲有青口，尚可。熱盤有生煎包計全、春卷、炸麥樂雞、南瓜包、生炒菇……熱盤我覺得一般，最開心係有雞蛋仔、格仔餅同埋銅鑼燒，雞蛋仔用紙包住，幾特別又好味。有中湯同西湯，西湯係番茄忌廉湯好飲中湯係雞螺片湯，都OK。仲有自助咖啡，個咖啡好好飲，我就配了芒果雪糕，甜品有兩樣都好好食，就係栗子蛋糕同dark chocolate cake 👍🏻👍🏻 最後埋單信用卡有八五折，大人約$250，算不錯，可encore!

去黃金海岸食buffet雖然有d遠，但係可以同朋友聚聚，又可以順便享受下陽光與海灘，仲要係有信用卡折扣，都係一個5錯既選擇！！！💜👉環境黎講，的確唔錯👈有中西式湯選擇，味道ok👌刺身類選擇不太多，三文魚，煙三文魚，甜蝦...沙律等等...感覺一般，不夠邪惡🤣🤣😆長腳蟹難得的鮮味，然後補充也及時，讚～😬😬因為長腳蟹一路都係my cup of tea, 所以都佔左我肚內唔少位置🙈🙈甜品選擇真的很多，因為我不太喜甜，也就淺嚐即止。牛排也是必推之一👈下次如果有入去屯門，還是會再試la，CP值還不錯的buffet呢.

#海馬仔郊遊連續3日假，海馬仔約了小朋友們一起去玩，今次去了「黃金海岸」玩🤩首先，爸媽與小朋友們去了 Hong Kong Gold Coast Hotel 香港黃金海岸酒店 - Cafe Lagoon 聆渢咖啡廳 食下午茶自助餐～下午茶 15:00-17:00大人 $258 / 小童 $198（3歲以上）另計加一匯豐信用卡有8折以這個價錢的下午茶都可以啦，食物款式有熱食、冷盆（蝦🦐，青囗）甜品、水果、點心、港式小食、小朋友糖果corner、飲品任飲，drayers及牛奶公司雪糕，有BB櫈提供。以小朋友為中心的我們，坐得舒適是最重要～食飽飽 😋 我地去到酒店外的草地踏單車，吹波波，無人結婚，所以海旁空地任用👍🏻👍🏻👍🏻（另外也有付費室內遊樂場，不過今次小朋友玩 #免費設施 都夠玩！）#免費玩仲有足球機、兒童遊樂場、可在海邊散步看海景遊艇一流地址：屯門青山公路1號香港黃金海岸酒店低層地下 電話：24528448泊車：消費滿$600可享2小時泊車（正門代客泊車） 如果滿位，可泊對面公共停車場

今日係同男朋友嘅週年紀念日，男朋友book咗喺黃金海岸嘅晚市自助餐慶祝，我哋差唔多夜晚八點先嚟到，獲分配到室內嘅雙人位，然後我哋就即刻出動搵嘢食啦！呢度嘅食物種類都有好多例如前菜，沙律，海鮮，刺身，熱食，燒烤，喇沙，甜品，雪糕！我覺得呢度嘅熱食相對上冇咁吸引，所以我哋都冇乜點樣食到。一開始就當然係向海鮮入手啦，我哋食咗好多長腳蟹，仲有少量嘅海生蝦，青口同埋螺。呢度嘅刺身種類冇乜特別，都係三文魚，吞拿魚，八爪魚等等，所以我係冇試過嘅！然後就食咗好多用三文魚製成嘅菜式，款式都好特別，味道唔錯！之後試咗喺室外位置嘅燒烤，佢有明爐烏頭，同埋燒雞翼，另外仲有蒸氣海鮮，炸雪米池，喇沙，燕窩燉蛋白，仲有自助飲品汽水機，啤酒任飲添！甜品方面佢嘅選擇都唔少，我最鍾意就係佢嘅藍苺芝士蛋糕，另外仲有H字頭同埋D字頭嘅雪糕添，小朋友仲可以試佢嘅朱古力噴泉！順帶一提佢呢度做緊B duck 嘅主題，所以周圍都有B duck 嘅佈置裝飾架！個人認為呢度室內環境樓底矮， 所以都幾嘈㗎，如果秋涼或者冬天嚟食最好就坐室外啦！價錢方面佢而家做緊匯豐信用卡有七折優惠，折實每位大約$4xx，以自助餐嘅價錢黎講都唔算貴喇！

第一次同家中bb食buffet , 午餐buffet 其實本身無乜期望，只係純粹想到黃金海岸行下玩下，才訂這個午餐buffet , B.B. 好喜歡張bb倚同食焗麵包布甸。食物款式種類和質素有驚喜，最好味的是燒羊扒，肉汁豐富，肉質嫩滑，雞翼都可以但只食了一隻，有凍蝦，蟹腳，刺生，沙律菜款式較少，甜品都幾多，白湯和麵包都不錯，外面有個大花園，都真的很大，又有海境，好適合帶bb來，一邊食，又可以帶她出外行下玩下,吾怕她悶。

一家人遠遠地行下。轉咗2次車先到達黃金海岸, 今次好好彩, 係荃灣坐61M巴士入去, 唔洗半個鐘就到。入坐時己經12:35pm (11:30am開始入坐), 2個大1, 1個長者同1個BB。去到己經放好BB用餐具同BB櫈, 好貼心﹗第一次食自助午餐, 之前都係食晚餐, 為咗BB早瞓, 所以食午餐。 果然比晚上BBQ食物小很多, 得羊扒同燒牛肉。羊扒唔羶, 粉紅色淋淋地; 牛肉分別要半成同全熟, 竟然全熟仲濃味過半成熟﹗熱葷都係一盤, 咖哩雞, 咖哩雜菜, 跟白飯或薄餅, 鱸魚件, 咕嚕肉, 蝦球, 蝦蛟, 燒賣, 珍珠雞, 雞翼, 燒蝦, 等等。BBQ位仲有大大粒雲吞。主力梗係凍盤, 蝦, 蟹腳(比之前細咗好多), 翡翠螺, 青口及籃青口; 西湯係黑松露雜箘 - 唔太留, OK, 中湯係猴頭菇 - 好清甜。魚生, 有四款-三文魚, 吞拿魚,  八抓魚和讓有黃色魚春魚片, 因為餵人奶, 無我分。唯有食熟蝦壽司, 小卷。仲有小份量韓式泡菜豆腐, 元貝, 鳯爪, 同幾款沙律。甜品 - 比較小款, 得幾款小杯芒果款布甸同撻, 朱古力蛋糕, 芝士蛋糕, 三色糕,  雞蛋仔, 麵包布甸就無再ref

好多年情食過兩次，隔咗咁多年，今次都係食晚餐，想唔到質素好咗咁多，食物種類好多款式，價錢亦合理，好滿意，唯一真係覺得地點好隔涉，到屯門轉的士就係最方便，當然揸車去都好多咪錶位 ( 閑日 )，今晚太多嘢食，我試咗五分一都無 😂但已好飽，各樣嘢食都好新鮮，值得再嚟

今天起床，突然間好想離開鬧市就同朋友開車直接去了黃金海岸，在沙灘游泳了半小時後，就去了黃金海岸酒店去食自助餐。又係一間有驚喜的餐廳，才能想到竟然會有outdoor barbecue ，平時去吃的自助餐都是完全indoor的。這一個餐廳除了有室內有很多選擇，户外也有很多有驚喜的食物。最後我們兩個人選擇了坐在戶外，對着泳池吃東西，別有一番風味。其實係咪平時很少會吃自助餐，因為覺得人太多，不過今次戶外食自助餐都真係我一次幾唔錯嘅聚餐

海鮮自助晚餐帶著小朋友食自助餐冷盤有長腳蟹﹑青口﹑蝦...另外每人會有半隻波士頓龍蝦﹗刺身有: 三文魚﹑吞拿魚﹑甜蝦﹑八爪魚...熱食的種類非常豐富﹗雪糕更加有齊MOVENPICK﹑HAAGEN DAZS﹑DREYERS杯裝雪糕任揀﹗🍦甜品都好多選擇﹗🍭🍬🍫🍿🍩🍮🍯小朋友最愛的朱古力噴泉🍫⛲️馬卡龍都好多味生果都有多款，任匀選擇！🍎🍌🍊🍓🍍🍇仲有室外燒烤區～原隻燒乳豬﹗香煎虎蝦真是好大隻﹗西京燒帆立貝！場外仲有小朋友最愛的小丑扭氣球🎈非常開心今次一行八人，用了openrice優惠券，有折，抵食好多。不過真係好多人，要排好耐隊

聆楓咖啡亭係我至愛嘅自助餐地方，我貪佢食物樣式夠多，無論中西日，樣樣都有啱你食嘅，仲有職場嘅燒烤食品例如燒乳豬，燒雞翼，燒羊架，講得出嘅都有，同時亦有煲仔翅，黃牛漢堡，海鮮粥等等嘅特別食物，當然仲有好多隻刺身同壽司啦 ！以佢嘅甜品款式亦都好多，一張長枱都放唔晒，亦都有必備嘅朱古力噴泉，唔同口味嘅芝士，同埋生果。仲有唔同嘅海鮮，例如長腳蟹，青口，熟蝦，海鮮其實真係多到食唔晒，替補亦都好快，每次都有食到飽飽。

端午節入去黃金海岸游泳順便去洒店食下午茶buffet ，冷盆蝦大隻，青囗一般，好多精美甜品ok ，生果新鮮，煙三文治配芝士一流，仲有太多熱盆，(牛仔骨，炒飯，什菜等等)，，點心，不同種類salad ，雞湯未有味精，串燒不錯，仲有多種味道hagaaz及牛奶公司雪糕任揀，外園仲有即叫即做紅豆pancake ，為一不好是沒有寫食物名在旁。其實幾抵食，268加一，滙豐credit card 仲有七五折，環境舒服，食完行出公園吹風看海景遊艇一流。

呢日補祝紀念日又來到黃金海岸既聆風咖啡廳食自助餐，, 我問過男朋友點解每次都來呢度, 佢話喜歡呢度環境, 我心諗無心思咋, 我個人就覺得呢度麻麻地, 價錢又唔平, 幾次都係坐樓上, 要行一趟樓梯去攞嘢食, 我覺得好唔方便, 佢就話咁行下有助消化, 可以食多D。記得有次坐室外, 攞嘢食方便好多, 但依家咁既天氣咁熱米搞。坐抵無耐，員工就畀咗兩張酒券卡畀我哋去換酒飲，嘩，我唔識欣賞，好難飲，冷盤蟹腳， 大蝦， 翡翠螺， 青口兩款，我最鍾意蟹腳好鮮，今次最好食，唔會太咸。即燒乳豬，呢個師傅好細心，知大家怕肥，將中間肥膏片起，只有香脆外皮同裡面保留肉汁肉，超抵贊👍鵝肝再加刈包，這配搭感覺怪怪，鵝肝太細件也是一般，可能唔夠熱的原因。甜點沒什麼特色，可食可唔食最後雪糕，我最鍾意movenpick既panna cotta 特別香滑既奶味，另外兩款即時被比下去。

如果你兩個人比一千蚊食一餐自助餐，你可以去第二度。這裡的食物質素和種類都非常差。魚生一早切好，感覺不衛生。熱食類都不夠熱。甜品除了哈根達斯雪糕好吃，其他都不及格。真的非常失望！

除左難食冇野可以可以形容 第一次食自助餐食到唔想拎野食熟食冇一樣野好食 環境強力見議唔好坐出面一食凍海鮮會有好多好多好多烏蠅陪你食個鵝肝凍既 仲要係唔令既 ⋯。 真係好鬼失望 成晚完全唔知自己食緊咩⋯除咗個燒乳豬入得口其他真係不敢恭維⋯⋯

呀公呀婆既味覺有時堅係好難理解，我完全唔明白點解好地地既黑松露咁香咁正，佢地話似石油氣味... 真係唔知應該要話佢地有創意好呀定話佢地味覺特殊 🤔 終於！終於！佢地今晚同我講「啊！原來黑松露都唔係好似石油氣味！」 😼每次Hong Kong Gold Coast Hotel 香港黃金海岸酒店聆渢咖啡廳有新主題自助餐，我地都會黎試試，一來住得好近好方便，二來黃金海岸既自助餐永無甩拖，所以今次主題好正得兩大最愛「鵝肝！」同「黑松露！」😍點呀？好難唔黎囉！今晚呢個「鵝肝黑松露盛宴」自助晚餐終於改變了呀公呀婆對黑松露既觀感，一連串黑松露dishes，「黑松露醃三文魚」、「黑松露蒸蛋配蟹肉及黑魚子」、「黑松露海鮮龍蝦凍批」、「炸黑松露芝士汁意大利飯球」、「黑松露蝦多士」、「焗黑松露薯茸田螺撻」、「黑松露帕爾瑪火腿薄餅」、「焗三文魚玫瑰配淡黑松露忌廉汁」... 公公一邊食一邊講「開始明你點解咁鐘意黑松露陣味啦，又真係幾香呀下！」😏我本人比較高貴😆唔係好鐘意連住食咩回到本，但今次都請容許我講呢個「香煎帆立貝配黑松露牛油汁」同「香煎鵝肝多士配蘋果茸」真係好回本，原隻帆立貝煎至略帶金黃色後，配上黑松露牛油