老Come煎餅 (已結業)

強烈唔推篤！！超鹹！嗌過兩次都係非人能承受無論係煎餅、酸菜魚 定係 水煮羊 全部都係除左鹹味之外，咩味都食唔到唔知落左幾多味精 懷疑個老闆阿叔 煮咩都冇試過味無！下！次！

今日剛好經過筲箕灣東大街，當然想試下傳說中既美食天堂，一岀地鐵站就見到老com煎餅呢間鋪都真係忍唔住要叫黎試一試😍店舖入面既環境雖然好細，但其實佢都有好多唔同味道既煎餅而今次我叫咗最出名既北京烤鴨煎餅($40) ,烤鴨和青瓜一口咬落去，口感非常好，裏面既薄脆又可以增加到口感既層次，而size仲可以自己簡，女仔既可以簡個比較細既size,我今次買左個大size同朋友一齊分享下。總結今次既食評，我整體都比較滿意👍🏻下次經過筲箕灣都會再幫襯佢🤩

幾十年人都沒有去過筲箕灣， 今天特登去筲箕灣東大街食野，見網上及明星都推介此店蛋餅， 一場來到，幾飽都要試試。老闆好好人（ 唔會黑面及惡那種），我選了北京烤鴨蛋餅加辣。煎蛋餅加甜麵醬加鴨肉， 加芫荽， 蔥， 加辣（原來是麻辣）加青瓜， 薄脆。。好多饀蛋香味， 鴨肉就冇鴨味， 唔太香甜麵醬香麻辣醬仲麻辣， 香即整即食， 蛋味香， 脆片好脆， 冇什麼鴨肉味（完全唔覺食鴨肉）， 醬， 尤其麻辣好正。食得辣的一定要加辣。好特別風味， 其實幾好食， 比8分， 何解幾間分店都結業（旺角， 長沙灣）？ 要去到香港食才有。愛吃小食的， 不妨試試。

之前一直都有食開老come煎餅，係天后嗰間，覺得超好食！無論係邊一款都一樣係咁好食，係大件夾抵食不過！今日去筲箕灣分店，買一個加大的素菜煎餅，超難食！係難食到冇人有，食咗一啖之後想即刻掉咗佢！首先拎上手，已經覺得好細份，同之前嘅感覺好唔同。入邊啲餡料小得可憐，得幾條芫荽，幾條幼幼的青瓜然後食落去，佢係鹹到飛起，簡直好似係落咗成袋鹽落去嗰隻鹹😫😫😫之後又冇晒本身嗰啲醬料好好食嘅味道。超失望囉👎🏿👎🏿👎🏿👎🏿👎🏿

好多年前灣仔有間老金煎餅，食過一次就將佢放左落會回頭嘅餐單入面，可惜食完個次想佢就執左，想食都無得再食～難得遇到一問咁好食嘅鋪頭過幾年後終於見過同類型嘅煎餅，不過個名唔同左，叫老come煎餅，相信老闆都唔係同一個人～今次試下有無以前咁好食，係一樣咁好食啊！！一直諗唔明點解佢會執，可能係太貴了，幾年前一個煎餅都要60-70蚊，食完飽又唔係會飽，唔可以當正餐食，但小食黎講6 ,70蚊又太貴，佢味道一流唯一缺點可能性價比唔高，所以慢慢就執左，希望佢今次唔好執啦，我唔想想食個陣無得食啊😭

路經買的，叉燒鴨蛋餅（＾∇＾）好好味😋叫左小辣，好惹味！50蚊大大塊！入面除左有叉燒粒，鴨肉粒，青瓜粒，蔥，芫荽，仲有啲脆脆，增加左口感！總之，正！一定會再食!

北京烤鴨煎餅M $43配料勁豐富，綠豆粉煎餅入面夾咗雞蛋、🥗香蔥、芫茜，塗上烤鴨醬之後，加入清爽嘅青瓜、烤鴨，同埋兩片薄脆🥪烤鴨醬係傳統嘅北京甜麵醬風味，味道經典好懷念，配埋新鮮嘅青瓜同埋烤鴨絲，完全滿足到我對填鴨嘅慾望😋份量重手，包保食到你好滿足。拎到手即使係諗住拎返屋企食，都忍唔住先係街邊趁新鮮食返兩大啖。如果下次開番堂食，或者疫情冇咁緊張，一定會係街上食哂成個煎餅！！熱辣辣嘅煎餅，記住趁新鮮食~香軟嘅外皮，仲有豐富配料