老come煎餅 (已結業)

平時懶懶行得個講字，今日放假點都要寫番篇食評。呢間煎餅之前向長沙灣見到已經好想試下。(本人對於煎餅卷餅很容易有一股想食既衝動😂😂😂) 今次俾我向旺角再見到佢。。。點都要試下，左揀右揀咩都想試既情況之下，最後我買左鴨肉蟹柳。一路睇住姐姐整，一路忍住口水😂😂😂，睇住人整野食，仲要係自己果份，真係特別餓。呢種煎餅有啲似我之前向大澳食過果種卷，不過旺角呢間老come煎餅啲醬汁濃好多。等左一陣，見個姐姐打蛋又塗醬，加埋薄脆同其他料，摺呀摺呀，有得食喇。嘩，攞向手既時間熱辣辣，件餅大到呢。。。。一個人點食得哂。一口咬落去辣咀咀呀😅😅😅😅😅啲料勁多，口感超豐富。下次帶朋友仔過黎試下另一種料先！！

烤鴨煎餅$38脹卜卜好足料☺️睇住店員整真係一大享受入面有烤鴨 薄脆 青瓜 京葱 烤鴨醬etc鴨肉很滑 份量又多 薄脆增添了口感外皮煙韌 加上蛋和大量的青葱 超香的略厭烤鴨醬太咸了 搶去其他食物的鋒頭.整體來說好吃😋不貴但足料 encore！

話說之前旺中都有但執左最近開返應該係轉左手質素完全同以前係兩回事以前可以一份兩個人食到好飽依家一份一個人食都唔夠飽縮晒水話明北京烤鴨都真係有鴨㗎不過係鴨皮 啖啖鴨皮冇肉架😇😇😇有埋相比大家睇不過均真啲佢味道真係冇乜問題㗎！不過質素同其他分店真係差好遠大家可以去其他分店睇吓食評同啲相人哋嗰個大大粒鴨肉 厚好多我呢個 大家有目共睹$41 呢個價錢真係唔算平但未轉手嗰陣食過真係覺得好夠飽 當一餐都冇乜所謂但係依家咁嘅質素真係唔值$41好失望 😞同埋我第一次食嘅時候 已經好唔滿意所以都向佢哋總店投訴左 諗住講咗會好啲啦 結果都係一樣 以後應該都唔會再幫襯呢間分店😇