老come煎餅 (已結業)

之前一路食開天后嗰間分店，老闆娘超好人。不過呢排都冇去開天后，今日經過旺角，又好掛住烤鴨煎餅，就去旺角分店買。雙層芝士烤鴨煎餅 $45餡料同天后分店一樣，都係有鴨肉、雞蛋、芝士、青瓜、薄脆、芫荽、蔥。唔食芫荽同蔥嘅我就唔要呢兩樣配料。就算只係叫普通size都其實好大份，當一份正餐都夠飽。所有野加埋之後，咬落去個口感好豐富，有軟軟嘅皮、鬆脆嘅薄脆同青瓜，同埋黏黏嘅芝士，味道亦都相當豐富。之前有時買烤鴨煎餅嗰陣啲鴨肉比較多瘦肉，今次咁啱有好多烤鴨皮。雖然比較邪惡但鴨嘅油香會豐富好多，正好多，好好食。鍾意食辣嘅我特登要求要多啲辣，好正好好味。呢間分店有學生同醫護九折優惠，比起天后分店就稍為平左幾蚊，不過人情味就冇天后分店咁濃厚。

我點左招牌北京填鴨煎餅啊普通size以女仔個胃口黎講真係超級超級滿足 甚至有d過飽 食完真係等於一餐 好難再食其他野d料真係好足 鴨肉適量 啲醬啱啱好 我唔介意芫茜同蔥所以都有海量芫茜係入面 有大量青瓜 令成件事唔會太膩10分鐘內就俾我ko左由於係疫情期間 當然打包翻屋企食啦 拎翻屋企依然係熱既入面夾左一塊類似油炸脆片？！可能翻屋企路程20分鐘 所以脆片好似變淋左 不過真係無影響整體口感下次會再當正餐食 好想試下叉燒同肉鬆

是日跟友人約了去某個地方傾野，因為肚餓嘅緣故，於是在旺中買啲外賣一齊share，其中一樣叫咗呢份烤鴨煎餅。因為買嘅時候係四點，都冇咩人排隊同等緊嘢食，好快就已經整好同埋可以攞走，前前後後用咗10分鐘都無。食物方面，雖然我哋嗌左細分，但係其實個份量都唔少。煎餅個口感好豐富，入面除咗烤鴨同埋個汁，仲有啲青瓜絲同蔥花，食落好爽脆又好香。如果一個人食，可以當一份午餐或者晚餐。如果下次再有機會喺旺中行街，一定會試吓其他口味嘅煎餅

呢間粉緻少女色既裝修，加上貼滿煎餅相係牆上，好七彩繽紛呢店鋪有分好了幾類煎餅，有招牌煎餅、傳統煎餅、創新煎餅、雙蛋芝士煎餅小編我其實站在店前望著菜單想了很久因為全部我都好有興趣試 又在想要大或是正常SIZE好呢？-最後沒有點招牌，點了我在當時心裡最想吃的肉鬆煎餅因現在人流沒以前的多，即叫就即整了店員不消幾下就弄好給我， 3分鐘左右！接上手拿出來拍照是超級的燙手，我係想即刻掉走個煎餅軟糯Q彈餅皮連雞蛋和海量蔥花煎起，裡面夾著爆多肉鬆、仲有啲薄脆增添咬口、爽脆既菜脯～好滿足好好味呀！唯一只覺得菜脯份量偏多，可能都YIP左好耐，食落咸左少少～下次試下叫少菜脯先！貼心店員只會問你要唔要走蔥/莞茜架咋！

位置在二楼，立食區，店主一個人收錢和做餅，味道真的很不錯，點了肉鬆和原味，原味➕大size，但好像區別不大，喜歡肉鬆的，肉鬆足，雞蛋很香，芫荽也很多，好吃，推薦給大家

今日係旺角行到支力行到好肚餓，黎到旺角中心立食區搵野食，花多眼亂，唔知食咩好之際，就比呢間老come 煎餅吸引左😍😍 北京填鴨煎餅（$51）雖然價錢偏貴，但其實好大份，由其係加大，絕對係好夠食，仲可以食到好飽tim😍配料好多，入面有簿脆，脆脆地，令整體層次好豐富！另外仲有大大棟芫荽同蔥花，好香，同令到層次好豐富，但留意如果唔食芫荽就記住出聲啦❗️至於賣點北京填鴨醬汁濃郁，肉大大嚿，好出色❗️❗️❗️黎開旺中唔知食咩好，老come 煎餅係你嘅選擇❗️❗️😍😍

見佢開返 所以去左試下之前一直都係食北京烤鴨味覺得好好食 但佢執左好可惜覺得又大件又脆又好食今日去左再食 $41 Regular 已經好大份店員禮貌好好仲主動問我係唔係學生因為學生同醫護人員都有9折優惠整嘅過程都好吸引好想快啲食但當拎到上手 一咬落去覺得好淋完全同之前唔一樣之前食塊煎餅都係脆脆地今次一咬 已經散哂味道係好好食 啲料都好充足但係散哂 已經好難食得好 食得好狼狽希望只係我唔好彩 咁啱呢舊係咁！因為都想再食 期待有好轉嘅食評

第一次試寫食評，希望為自己留個記錄之餘，亦都希望分享到小小意見比大家，多多指教^^今日咁啱經開MK,本來諗住試日日蒸腸粉嘅茜腸粉但無開...見到對面老come唔洗排隊就試吓。叫左個北京填鴨煎餅走蔥多茜，個餅是脆，料亦非常之多同新鮮（有蛋,青瓜，鴨肉，多莤，薄脆），當一個主食的話女仔係一定夠，對比我常常會食pizza express嘅北京填鴨pizza 我覺得呢個好食好多。唯一係個醬偏甜，不過呢個就好個人，下次我可能會要小醬。

有一晚一個人在旺角，想找一個地方快食晚餐，就去了旺中走走，有好多選擇呢，最後選了我很喜歡吃的煎餅，即點即製，到手一刻有被煎餅嚇到，很重手 ！！ 我選的是招牌北京烤鴨煎餅（$41），很足料，當午餐/晚餐都夠飽呢。我喜歡它的粗切青瓜及薄脆，予我一種粗豪的感覺。另外我覺得這個煎餅特別之處，是有大量的蔥花莞茜！而且是大大棵的，很香，加上咸甜醬汁和鴨肉，很好吃，脆脆增添了口感，整體很滿意。打卡還送了炸墨丸！還有5粒那麼多！

中意嘅請分享請點讚🍻----------😋北京烤鴨煎餅 普通$41 加大$51煎餅皮面有加蛋煎所以皮好香，餡料有烤鴨+雞蛋+薄脆+蔥花+芫茜+青瓜，即叫即整嘅烤餅熱辣辣，咬落去口感非常豐富，烤鴨肥瘦適中加埋烤鴨醬勁香，普通size已經好飽🥰如果唔食芫茜記住早啲同店員講呀。-宜家買任何煎餅，打卡同like佢地某社交平台就會送凍豆漿/炸墨魚丸🥛🦑#黃店-----------🔎老come煎餅🚩旺角彌敦道688號旺角中心一期1樓FK1A1號舖

舊舖大約一年前無做...我好傷心...因為以前個哥哥仔靚仔架....今日路過,竟然俾我發現係舊舖的隔離舖開返!!之前一直都係食開燒鴨煎餅,因為燒鴨皮香; 今次轉左食叉燒燒餅!!一如既往咁大份量,好飽, 當lunch食都覺得飽煎餅皮有連埋蛋煎, 所以皮好香; 裡面餡有叉燒, 脆脆片, 青瓜,連埋D燒汁~每樣料都好似唔駛錢咁加落去因為我唔中意食芫茜蔥,所以走左芫茜蔥~原本叫佢加芝士架....但佢唔記得左....食完真係好似食左個正餐咁~$40幾至$20幾都有,視乎你中意食咩煎餅啦~其實旺角中心一直都好多野食~行過不妨試下

每次經過覺得好貴一份煎餅，但有平平地廿幾蚊全素，又ok喎，真心好食。但包得實d會好d，食得有d辛苦，好易甩。但味道真係唔錯，會再去食下次。建議包得實d，個袋可以改良下

收工外賣自取，邊行邊食。叫左肉鬆煎餅，以為係台灣果種蛋餅，但結果又唔係。煎餅好足料，塞滿肉鬆、莞茜、蔥等等，仲有一層脆嘅野，唔知咩黎，整體味道都ok嘅，但真係太大份，女仔食一半已經飽，而且佢個味道好單一，一個人食咁大份會厭，唔係好適合掃街嘅時候食。

今日同女朋友試左間新開小食店! 位置係旺角中心一樓 之前食過天后果間烤鴨煎餅 超大份估唔到旺角都有餐牌上有好多款煎餅 揀左隻芝士豬柳煎餅試下 以為會細份小小 原來都好飽下 有蛋 有芝士 有兩塊薄脆 可以兩份食豬柳見佢地炸一炸🔥 唔怪得咁香 有片生菜🥬 感覺就中和左 冇咁油膩 清新少少 加分5蚊就有多杯豆漿🥛 大大杯 配煎餅食都幾夾 本身店員推介烤鴨煎餅同肉鬆煎餅 烤鴨係另一間食過 下次一於就試下肉鬆煎餅 💡💡💡整體來說環境衛生 食物ok 烤鴨醬底唔錯 唔太甜 如果size細份小小就更加好

今日去旺角中心1樓立食區 試左北京煎餅 平平地$18蚊 買左個甜煎餅試下 又幾好食喎👍🏻😋鋪滿花生醬同煉奶 有兩塊脆卜卜 花生醬超香 味道好似格仔餅 點解同屋企買d花生醬唔同🤔可以係邊買架？整餅個姐姐勁好禮貌 又多謝 又小心熱咁 不過隻餅真係好熱辣辣 細心位係佢俾左張紙巾我 因為真係好辣手拎唔到😂下次可以試下個烤鴨煎餅 見到個哥哥全隻鴨🦆整d肉出黎 都幾吸引…🤫🤫🤫不過見到隔離個女仔食緊烤鴨煎餅都好大份下 應該可以當一餐 下次再試 另外加$5蚊有杯凍豆漿 又幾扺喎☺推薦👍🏻