老點點心竹筒飯 (已結業)

2個人唔係嗌咗好多嘢食，姑且分享一下：燉湯-蟲草花、瘦肉等，湯色夠清，證明真係燉出嚟！天氣凍凍地飲一碗正！再來一個釀青椒，新鮮熱辣夠脆，上面仲灑咗啲啲辣粉，配合埋青椒鮮、爽、辣，成餐最好味！鮮上肉響鈴腸- 個個都大讚必食，但個人覺得一般... 內面包咗餡無咗響鈴嗰個鬆化，又唔係好食到個餡的豬肉/蝦肉，腸粉皮又黐身，個人就麻麻地啦...黑魚子燒賣 - 鹹鹹香香的黑魚子，都帶到少少個味嘅，燒賣都好足料好大粒，不錯！最後係超足料糯米雞 - 好大一隻，入面夠晒多我最喜愛嘅肥豬肉，仲有臘腸、乾瑤柱、超多雞肉，真係名副其實夠晒足料。但對於我呢啲飯筒嚟講，就差咗少少唔夠糯米啦，少少美中不足啦店內啲侍應都係中年叔叔居多，但服務態度非常好，同客人有傾有講，真係人到中年都好有活力！期間仲有一位叔叔扭咗個汽球俾客添！

已經第三次幫襯，佢雖然舖面細細，但五藏都全晚上七八點係黃金時，幾次都係等十至十五分鐘。我三次㴝老點食嘢佢都會有唔同新嘅點心同湯加入去。保持新鮮感而且都好好食食物好快到，熱辣辣😄會繼續支持。

友人向我推介老點竹筒飯，心諗個名改咁衰，會唔會係伏？食完發覺都唔伏，竹筒飯都幾有特色，幾有新鮮感。自己叫左臘味飯，都幾惹味。點心都點比較有特色，好似白汁芝士蘑菇雞批、清酒雲吞雞等。雞批值得一試我星期日晚去，茶記都係６蚊位，佢仲要自己拎個壺幫你不斷fill，服務唔錯，又有笑容，仲無收加一服務費 每人點一個飯，再加幾碟點心平分，價錢都唔貴。晚市咁既價錢都好難得。可惜多人出面等，食完走人，唔好阻人做生意，美中不足既係唔適合久坐傾偈既聚會

朋友相約我在旺角食下午茶選擇一盅盅點心 ~ 老點竹筒飯。 在星期六下午約四時左右來到,想不到有那麼多客人。 睇餐單有好多創新特色點心選擇。 【芝心脆炸蝦丸】$29 蝦丸香脆彈牙,咬落啖啖JUICY流心芝士,為味覺、口感帶來雙重滿足,食時也可蘸甜酸醬,令人一試就愛上。* * *【戚風班蘭馬拉糕】$22 馬拉糕平日都食得多,但班蘭味馬拉糕都是首次食,淡香班蘭味,口感綿密,香甜柔軟,實在是太香太好吃了,想起都流口水呢!* * *【高湯素魚翅灌湯餃】$38 灌湯餃十分之足料,餡有大隻蝦肉及帶子, 鮮味十足,充滿鮮味,而高湯十分清甜不油膩。* * *【金腿高湯鮮竹卷】$22 鮮竹卷醮上的金腿高湯, 咸鮮的金腿味配合鮮竹卷彈牙多料口感, 不甚油膩,味道不錯。* * *【鮮上肉響鈴腸】$28 極力推介這個鮮上肉響鈴腸,非常特別, 最內中心是彈牙鮮蝦, 接著最特別是脆口響鈴,最外是透滑簿腸粉, 十分有層次口感,味道超正。

除夕當日，由於下午要去旺角睇牙醫，所以諗住係周圍搵間餐廳食左lunch先再去睇~ 係openrice睇下有咩好食，見依間餐廳既評價唔錯，諗住試下，點知去到門口見到都有唔少人等緊，有諗過食第二間，但等既中途有人唔等，而且轉枱都幾快，所以等左10分鐘左右就有位~我地2個人總共叫左6樣點心：(1) 鮮上肉響玲腸 $28這個腸粉整體味道唔錯，鮮上肉即係蝦，響玲入口時仍然脆口，份量都唔算少，幾好~(2) 冬筍普通鮮蝦餃 $19蝦都算新鮮，但完全食唔到冬筍味，味道其他地方食的蝦餃冇分別，真係好普通~(3) 清酒雲吞雞 $28清酒味幾香但又不會過濃，雲吞肉質新鮮，而雞的味道則一般，但整體來講都幾好食~(4) 白胡椒湯浸魚咀 $28白胡椒味都幾重，味道有點兒辣，但魚咀好滑，而且份量都幾多~(5) 吾係老點小漢堡 $24漢堡外型比較細小，漢堡內係放蝦而唔係肉，味道唔算突出，不過不失~(6) 鮮蝦肉餅竹筒飯 $30鮮蝦肉餅都幾彈牙，但竹筒飯冇咩突別，食唔到蒸飯個種香味，一般~整體黎講餐廳的座位之間唔算太闊，而且繁忙時間通常都要搭枱，如果需要排好耐隊先食到，小編覺得唔值得~

值得推薦的有小漢堡和湯。其他點心一般，沒有特別，和一般酒樓一樣味道。但坐得很迫，店員極之無禮貌，昨天晚上剛入店想先拿菜單看一下再決定，都會被粗聲粗氣叫你返岀去，但朋友想食所以才留下。

同屋企人食個下午茶點心～當日有$1蚊蝦餃優惠～皮唔算厚 蝦都算ok爽。煎堆好特別好好味係脆皮麥心小煎堆，麥心食落係麥精既味好得意，唔會好油膩 反而細細個剛剛好。脆皮做都幾好 皮唔會太厚，值得一試！鮮上肉響鈴腸初頭以為係真係我最愛既響鈴，原來只係好似腐皮卷咁，中間有蝦定唔知肉。腸粉皮一般 如果係真係響鈴我會開心d😳😳魚翅灌湯餃係皇牌～～灌湯餃好大，料好足 不過皮有點兒過厚。湯就都好濃味，不過食個陣唔係好熱 所以可能就冇咁好味。唔算好特別

聖誕節係旺角行行下街突然想食點心，就行到黎旺角東呢頭食老點喇其實佢岩岩開店我已經試過一直都覺得點心黎講，老點嘅點心有心思得黎味道都好好味亦都介紹咗好多朋友黎食今次就叫咗每次都會叫嘅虎皮尖椒本身就鍾意食辣野虎皮尖椒入面釀嘅係蝦肉，表面有些少七味粉比起煎釀三寶嘅鯪魚肉，我覺得蝦肉更有口感尖椒辣度無法估計，試過幾次俾佢辣死可能因為咁，每次都會叫，試下自己嘅運氣另一必叫嘅係炸饅頭表面香脆，入面香軟炸得好均勻，配上煉奶perfect最好係三個為一份，唔會太多，兩個人都可以食到老點另一個招牌絕對係佢嘅腸粉腸粉十分滑，配上呢個響鈴卷，出面無呢款但係呢個招牌菜越做越差可能而家生意比較穩定，佢都無咩心機包好個響鈴卷今次算係OK，上次食嗰陣，d腸粉切得大細不一，腸粉包得融融爛爛記得頭幾次食呢個腸粉，賣相十分吸引，同佢menu張相一模一樣，味道又好味，而家就⋯唔理個樣，淨係食佢嘅味都OK嘅第一次叫糯米雞朋友鍾意食糯米雞，我麻麻所以淨係食咗小小見佢入面好足料下，有臘腸、蛋黃、豬肉最後係海蝦肉餅竹筒飯我鍾意佢嘅飯係紅米白米飯肉餅都好好食每次黎老點都會唔覺意點咗好多有蝦嘅點心不過我鍾意食蝦所以無所謂啦

一個晏晝心血來潮想食下點心, 上OPENRICE SEARCH下搵到呢間幾就腳既老點, 原本都冇乜期望, 普通想飲淡茶食個包, 但真係叫親既點心都有驚喜, 灌湯餃真係驚喜, 蝦餃又係好好食, 仲有個咸香魚子燒賣, 有D FUSION既味道, 成個感覺係好新式既點心, 兩個人食100幾蚊, 但真係飽住個肚走, 好滿足。

我平時係晏就去，今日同男朋友睇完戲10點9到諗住去食。一入到去見到有幾張台吉左，我就2位。個員工指住張2人台叫我坐埋去 咁岩隔離就上野食 逼到入吾到 我就企係後面等 之後男朋友見到前面有張4人台都只係問一問 可吾可以坐前面果張，個4眼好高既員工一句就達埋黎 你坐左我轉頭有4位坐邊。用咩語氣自己諗啦！我當堂嬲到無胃口吾食走左 認真前面台既客人都食完 轉個頭就會走 點解可以咁樣做生意？最後 我真係第一次嬲到要上黎打劣評

佢地個態度未食已經冇晒興趣食我未試過遇到咁差既態度吾明點解咁多人食。咁既服務態度未夠架。劉德華都有教啦！野又吾係特別好食以後都吾會再幫襯呢啲垃圾食店永冇第二次呵呵

旺角染布房街有好多野食，老點點心有好多分店非常出名，因為唔算太肚餓，去到食個飯都已經夠飽，所以費事叫其他野食呢個飯係棉花雞飯，我自己都幾鍾意食綿花雞，上面棉花雞夠滑但係有好多肥肉，我好討厭食咁多肥肉，超唔健康咁多肥膩肉係到所以食起黎好肥，另外D雞食落都冇雞味但就有味精味下面D竹筒飯有D竹味好香，不過飯質好硬，食落口感唔好品質亦唔算太好，實在太普普通通

第一次食呢間個人覺得味道唔錯，但位置有啲偏僻野食味道不太多味精，味道較鮮私心推薦鮮竹卷同竹筒飯鮮竹卷鮮甜，竹筒飯的分量都幾夠一人食馬拉糕都係推薦斑蘭味幾香最後店質素大部分都幾好，只是有一個啊伯店經常催住叫人埋單，加上位置較窄有啲煩悶不過整體尚算好評

己經係第二次嚟食，第一次印象係食物特別同好味，但今次食完覺得水準差咗好多，應該唔會有下次囉，何況價錢又唔平！鮮蝦腸粉$28一共有6件，每件都有一隻新鮮蝦，蝦非常彈牙，而腸粉薄而煙靱，推介鵪鶉蛋燒賣$22豬肉裡面好少肥肉，所以比較鞋口，而且價錢偏貴清酒雲吞雞$28清酒味道OK，雲吞一般貨式，而雞件質感奇怪同有雪味白胡椒湯浸魚咀$28湯有胡椒香但唔夠辣，而魚咀完全吸唔到湯既精華，不試也罷高湯魚翅灌湯餃$38我哋係為佢而嚟，但佢就令我哋非常失望！雖然係得奬點心兼足料，但完全唔傳統灌湯餃，裡面有好多海鮮，豬肉都無粒，完全無口感，湯又好淡，敗筆！脆皮麥心小煎堆$26面果層好好味，但裡面係綠茶餡包麥提莎，一D都唔match又非常黐牙，錯配 !連茶介二人共$218

Yesterday,my friend and I had dinner in a restaurant called " Lo Dim"(老點) where located in the Yim Po Fong street,Mong Kok(旺角染布房街).Apart from the traditional Chinese dim sum,this restaurant also provides innovative modern dim sum with westernized twists.We ordered five different dim sums.Chinese long boiled soups are also provided.We ordered "cheese mushroom chicken pie"(白汁芝士磨菇雞批)HKD$26/3pcsThe pie crust is flaky with nice buttery flavors.The pie is delicious,not heavy at all."Steamed rice with