老闆火鍋冰室

營業中

休息中

平時有堂食，今日出左街就買外賣，網上平台一早落單，都考慮到人多佢哋都好忙，到拎單時間都無直接催佢，就等多左15分鐘先問。得到嘅答案係「整緊，等多陣」到等左半個鐘，再問，逼佢入廚房問，先知張單未整，要等多20分鐘。？？？？？完全接受唔到我買個外賣要等一個鐘？仲要企係門口熱到啲態度極差仲要完全唔理外賣單客搞唔掂外賣唔該你哋淨係做堂食啦垃圾到不得了

今天朋友介紹到老闆火鍋冰室吃下午茶，朋友已經回頭光顧了好幾次了，聽說是又便宜又大碗一進到冰室，充滿懷舊的裝修佈置，也有各款創意菜式和傳統茶餐任你選擇每個的坐位成為矚目的拍照位👍🏻餐點的名字也很有創意，充滿香港特色有一頁面是叫"男人的浪漫炒粉面"一說到男人的浪漫一定想到豆腐火腩飯😆其中有以下的菜名😆圍村亞婆炒飯SUPER勁咸魚雞粒炒飯張曼玉美極黑豚肉炒面🔹️勁芝士焗肉醬意粉不得了，看到滿滿的肉醬，很足料🔹️蕃茄汁經典焗豬扒意粉濃郁的蕃茄汁加芝士，拉起意粉，意粉真的沾滿醬汁

今日第一次去元朗呢間老闆火鍋冰室去食左個早餐，坐低叫左野食之後，見到埲牆上面都隻曱甴，我地同佢講都曱甴佢就竟然叫反我地自己打死隻曱甴，之後無理就行開，咁我就攞個電話影左張相(本身唔係諗住影黎擺上網)佢一見到我攞個電話影相，就問我:你唔係擺上社交平台呀？之後先拍死隻曱甴本身食市有曱甴係件好正常既事，我覺得佢地店員係態度問題如果我同你講完你有即時處理我都覺得無好大問題但係同你講有曱甴你唔理見人影相先驚人會係擺上網先肯處理先係問題

叫外賣午餐，番屋企先發現比少左個中湯，我好肯定自己有講要中湯，而張單亦有打中湯。打落去個阿姐話一定有包左中湯，話佢自己有包，但事實上真係冇，係電話度拗黎拗去，其實講咁多做乜，唔通我行上行落專登為左呃個中湯咩？！真係一肚氣。已經要上上落落，仲搞到好似我呃你咁。其實一路都有幫襯開，一向都覺得佢D野大碟，不過有時候D野食又太咸，試過有D我話魯肉太咸，但有個侍應話「係咁架啦，用黎撈飯架麻」，質素都唔穩定，仲要不接受意見。附近咁多野食，咁多選擇，D服務態度係咁差，死不認錯，真係要改善下。

本身都係諗住收工近近地同班同事喺附近求其搵間餐廳食下野，見到火鍋個個就心思思想食😆咁就試試佢，一坐低唔洗諗，直接叫定一隻雞雞煲先，跟住再慢慢諗配料。個雞煲一上枱，有啲出乎我地意料之外🤣 份量好多下，又夠多醬，啲雞又夠嫩滑😋 不過食左啲先記得影相🤣🤣跟住叫左雪花肥牛一份，好似$188，冇諗過咁大碟🤩真心好食，蝦滑嗰啲都好彈牙有咬口👍🏻另外在叫咗碟炸鮮魷，又係大大碟，仲要唔厚粉好夠脆🤤啲店員姐姐又nice，成餐飯都90分以上👍🏻👍🏻會再黎🤩

食個下午茶避風塘豬扒炒飯中晒伏😢炒飯一拎埋黎見有條頭髮黐左係個炒飯底到⋯⋯😰好心提醒碟野有條頭髮叫佢處理下⋯⋯點知無抆走不得止⋯⋯仲要撈埋炒過當睇唔到🫣😱🤮 無下次！🤬

朋友邀請來到元朗冰室吃火鍋，竟然來到冰室店都會吃到美味濃厚的火鍋美食，真的難以想像。朋友預約時間是7:30，準時到達，先做好安心出行後，進入座位，環境裝修是一所懷舊冰室，牆壁上貼上80。90年代初電影，令人回想那些年童年回憶。先點了各款火鍋前小食，款款都食得津津樂道，讚嘆不已⋯⋯主角來到，大大盆叻沙海鮮火鍋🍲，急不及待等下小食拿起手機來拍照📷，滿滿的海鮮已圍住鍋具。十五分鐘過後立即開鍋蓋，濃濃的叻沙香味及海鮮味已撲鼻，先來喝一口湯底，嘩聲四起，十分之好味😋真的難以置信竟然有這般心愛好吃的美食。

當時告知店員飲品內有一隻死左既蚊店隨即惡言相向 話隻蚊係面既 跌落去既你咁就想換？態度好差感覺似我哋呃飲呃食 未能即時處理問題 一直都覺得佢哋啲嘢大份又抵食，今次用餐體驗後失望透頂食完早餐後立即肚屙⋯⋯⋯

估不到元朗都有性價比高的茶記。見d人多數食火煱，我就去食下午茶。炸豬排大大件又不厚粉，抵讚。係著條少d，加埋邪惡西多士，又要做番幾個鐘運動。至於焗豬排意粉，豬排無偷鷄，一樣大份上。我嫌都油左d。又咁講，都交足功課，抵給個like。抵咁多人撐。下次都要試下打邊爐，再同大家分享下佢d煲乜料。

諗唔到早餐想食乜，就會嚟食呢度嘅夠薑鮮牛肉通粉，跟餐有炒滑蛋 & 奶油脆豬，配番杯凍咖啡，就係個開心good morning👍夠薑牛肉通粉⭐️⭐️⭐️⭐️⭐️薑味濃，神早幫你醒醒神(但注意，薑絲不設另上，一係可以走薑，但如果大人想同小朋友share，但自己又想食薑，就唯有自己慢慢幫小朋友挑走薑絲）火腿炒滑蛋⭐️⭐️⭐️⭐️其他早餐炒蛋要加錢，呢款早餐唔使加錢奶油脆豬⭐️⭐️⭐️⭐️夠熱夠脆凍咖啡⭐️⭐️⭐️⭐️⭐️唔似一般港式咖啡偏酸，香濃，杯面仲會有d咖啡粉，茶餐廳嚟講，算有造型

[#元朗雞煲]  / /  懷舊冰室歎雞煲@老闆火鍋冰室‧講女搵食團⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ 總括💬：裝飾用上懷舊設計，別有一番風味。價錢抵食，湯底、配料好足料，食物質素高。 環境：★★★★★ | 味道：★★★★★ 服務：★★★★★ | 抵食：★★★★★⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ 又係雞煲夜，做咗半個元朗人，除咗大街多野食，好多小巷都有好嘢食。今次同親愛的，去了『老闆火鍋冰室』食雞煲。 『老闆火鍋冰室』Menu有好多款打邊爐湯底好想試，不過見到有少見既「鮮鮑魚雞煲」，落單個靚女又落力推介，可以要求雞煲辣度由走辣去到大辣，我地就Order 半隻小辣鮮鮑魚雞煲。 ~ 鮮鮑魚雞煲，熱辣辣雞煲上枱，未上枱遠遠已經聞到好香，略略加熱炒炒雞件就食得。雞煲好足料，加上不能少的鮮鮑魚，我地呢煲細既都有成4隻，每件雞件都沾滿香濃雞煲醬，成煲都雞嫩鮑魚鮮，好惹味。 食完雞煲例牌加湯，打邊爐，值得一讚呢到好多食材都可以點半份，2個人都可以食到好多款。 ~ 咸

今日食咗個貢丸雞扒咖喱飯，雞扒大大塊好抵食但係味道就一般，貢丸水準中上😆😆😆😆個雞扒本身唔係幾夠味，切開佢一舊舊點咖喱汁就幾好味👅👅👅咖喱炸分量充足，可以點晒成個飯同雞扒，裏面仲有幾粒炸過嘅薯仔，值得一讚👍🏼👍🏼👍🏼👍🏼飯嘅份量好多，如果女仔可以叫佢少飯，費事浪費🥶🥶🥶，因為我就係食唔晒😂😂😂😂整體來講坐得幾舒服，服務都唔錯，但係等位等左成10分鐘😮‍💨😮‍💨下次如果再嚟食，會早少少嚟排隊😂

見到呢間有好多正評 就嚟試下Book咗6點食 一去到個場無咩人點知坐低唔夠5分鐘 d 服務員就係咁chur我哋落單 話限時2個鐘驚我哋唔夠時間食 （我哋得兩個人…咁多人果d點算）另外 佢哋係咁chur 我哋快d拎配料同醬油 原因係佢成場得2 set ..完全想像唔到專做火鍋既餐廳可以得2 set……Chur完我哋落order 之後又漏單，同服務員講話漏單佢話跟..點知轉過頭反問我哋仲未嚟咩..最後仲要張單收多咗錢..真係食到一肚氣食物我哋叫咗個醉雞鍋、墨丸油炸鬼、肥牛、芝士牛丸、蝦丸，個芝士牛丸味道十分奇怪，其他都正正常常，無話特別好味..食到7:30已經埋單走人，服務態度及衞生都麻麻（我哋兩隻碗都有食物殘渣痴住，叫極都無人自己走去換咗）。總結係唔會再有下次…

平時同屋企人都有嚟呢間屋企附近嘅火鍋冰室食早餐，今日慶祝爸爸生日夜晚特登嚟打邊爐。餐廳叫得火鍋冰室對自己嘅邊爐一定好有信心，果然淨係湯底都有好多選擇，豐儉由人。今日四個人叫咗個二百幾蚊款嘅沙爆魚肚豬骨湯底，湯底用料勁多，定係大嚿豬骨都有四五舊，再加上成個煲都係魚肚，二百幾蚊嘅價錢都算幾OK～等個鍋滾起之前可以食啲小菜先，餐廳啲炸嘢都幾出色㗎！我哋就叫咗椒鹽鮮魷同鹹蛋魚皮。鹹蛋魚皮係我食過最濃嘅鹹蛋味，我覺得係必食嘅！配料方面我哋叫咗一個好大堆頭嘅牛肉拼盤，我覺得六個人食都可以，分咗三層，有牛柳粒牛舌同埋靚肥牛，至於啲牛靚唔靚，唔使我講睇相都知啦～另外仲叫咗啲大路嘢，例如餐廳嘅手打四寶丸拼盤，雲吞，質素都唔錯㗎！好實淨彈牙😌 印象好深刻芝心丸半份只係$22🤣 冇錯呀呢度配料有得叫半份，人少少都可以嚟打邊爐～最後推介埋佢嘅飲品，超大杯水果茶40幾蚊夠兩個人飲，比平時一杯嘢飲大好多🤣 不過我叫咗少甜都係甜咗啲～都係分享多滋味

食過好多次，次次都好正! 湯底試過：雞煲（可以另叫海鮮雞煲，包魚雞煲）胡椒豬肚雞（好香，雞都好滑）蕃茄牛尾鍋👍（鍾意食牛尾必叫，但個煲有好多牛尾，雞腳，紅蘿蔔等，如果兩個人食，食完煲野都好飽🤣）另外每次必叫：牛頸脊（牛味濃，又唔太肥，好嫩滑）鹹皮魚皮（新鮮炸，又香又脆）老闆水果茶（大大杯，但略嫌太甜，記得叫小甜）個個月都要去下先安落。雖然唔係任食，但五個人有時叫兩個鍋/一個鍋，再叫埋其他野食，一千蚊左右就👌