老街 (彌敦道)

營業中

休息中

放工同朋友行下彌敦道搵野食。見到間幾地道既台灣食店。朋友從台灣讀書回來，好想食台灣野就同朋友入左去試下店內既裝飾擺設都好有台灣懷舊的味道，十分用心牛肉麵好吸引😍小菜款式好多嘩😍有最愛既鹽酥雞食台灣野 必食既滷肉飯👍🏻👍🏻 份量好多呀鹽酥雞炸到金黃色好脆珍珠奶茶，好正宗好好好飲，d 珍珠好彈牙好入味既滷味切大腸😋分量幾多都係30蚊咋重點推介滿漢牛肉麵，裡面有花枝丸，貢丸，金錢𦟌，牛腩，牛筋，d 牛好嫩好好食，而且d 牛超大塊，咁大碗都係70蚊咋，真係好平好抵食呀👍🏻👍🏻👍🏻食左咁多肉，要食返碟肉燥青菜先😆朋友同我都食到好飽，份量真係好多，價錢又平，而且唔收加一服務費，好抵食👍🏻👍🏻一邊聽著台灣懷舊金曲一邊享受台灣美食，真係好正😊

真的一不離二不離三，今日同事請食晏又係台灣菜，同事話油麻地彌敦道新開了間台灣菜，聽了有點心動立即行動。💃🏻🕺🏻正好大家都是食中午餐時間故門口超多人排隊等候。🥢招牌紅燒牛肉麵 $53牛肉其實係牛根肉入味淋滑口感細軟，不過分量好似小了點，麵條有咬口彈性不錯，湯底清甜淡口！👍勁軟腍 👍🥢香酥排骨鹵肉便當 $44鹵肉入味，香酥排骨一般炸得過火肉身太乾，重油味，鹵蛋賣相有點醜。粉漿離肉炸得有點過火又乾又硬，期待改善一下。☕️跟餐飲品杯芽奶茶茶香奶滑中規中矩。午市餐牌有便當有湯麵拌麵，位置在彌敦道旺區這個價錢算平宜。裝飾雅緻，設計有特式 👍

見到咁多人寫好評，就行過去睇一睇，見冇人就坐低試下牛肉麵。我叫咗嗰滿漢大碗牛麵加埋熱台式咖啡，碗麵油淋淋，麻麻地，餸料份量可以，但無咩特別。值得寫下班年輕侍應 ，掛住講嘢同埋睇電話，減分。。

好掛住台灣嘅美食，朋友話要介紹一間平價台灣餐廳俾我🤩餐廳坐得幾舒服，裝修好有心機，好有台灣舊店嘅風味！味道又真係唔錯！🥰～滷味切豬耳～豬耳好爽口，滷水汁好入味，加埋芝麻，好香好食！👍🏻😋細細碟嘅小食，配埋滷肉飯岩岩好😍～台灣滷肉飯-小碗～本身唔肚餓，叫左個細碗，但滷肉飯好好食😋，好後悔冇叫碗大嘅🙈推薦！！～夜市小香腸滷肉便當～台灣腸特別好食😋，加埋好味嘅滷肉飯，正！👍🏻👍🏻👍🏻

裝修好有台灣嘅風味，牆上加上台灣火車相片，玻璃，假露台，好有特色，亦好有心思。真係好靚。餐牌設計同樣都好有台灣嘅感覺。鐵路雞扒滷肉飯$58好豐富，有小食，肉燥個汁好濃味，蕃茄鹽酥雞麵$57冬瓜茶$10唔算好甜，但飲品好似細杯左少少。香芋奶茶少冰加珍珠$15香芋珍珠奶茶比例岩岩好，奶茶味道香濃，木魚炸豆腐$30外皮係木魚脆皮，香濃而且好脆，包住嫩滑豆腐，夜市小香腸$30黎台灣食店當然要食香腸，酥炸花枝丸$28揸得金黃香脆，好彈牙，外面仲加左層胡椒粉。

自從老街搬左之後，我未去過。今日放工經過見到新鋪，想起魯肉飯，立即去試下。新鋪在彌敦道，位置更方便了。魯肉飯的套餐有以下幾款：我選了鐵路雞扒魯肉飯。魯肉飯的味道依舊保持水準，十分美味。雞扒賣相很好，煎得好靚，皮脆皮香，醬汁味道很好，但一咬落去就是雪藏雞扒的味道，沒有肉質可言，很失望。拌碟除了蘿蔔乾好吃之外，另外兩樣也很不濟。紅蘿蔔+洋蔥+栗米完全沒有味道，鐵蛋連醬油味都沒有，一點也不入味。最後只能點個酸菜送飯。下次我只會選魯肉飯了，一定不會再點套餐。

《老街麵店》 #食在油麻地📍油麻地彌敦道530號永僑大廈地下6號鋪-行完街同朋友過佐黎食台灣野 見到門口好多人 所以入去試下入到去 坐得比較迫挾 🔸滿漢大塊牛肉麵 $70湯底味道唔算濃 麵質咬口彈牙有花枝丸 貢丸 金錢展 牛腩 牛筋🔸香酥排骨肉燥乾伴麵 $52香濃芝麻醬 仲配上青瓜 香蔥碎排骨酥香 炸到好脆🔸肉燥青菜 $30唐生菜好鮮 加上醬汁同肉燥 🔸台式滷味併盤 $50有牛筋 大腸 豬耳 滷水蛋 大腸略為較肥 但整體滷水汁很入味🔸炸豆腐併鹽酥雞 $44炸豆腐出奇地有驚喜 外脆內軟 鹽酥雞炸得很脆 椒鹽味濃郁🔸泡抹紅茶(熱) $8🔸水蜜桃QQ紅茶 $12水蜜桃濃郁 但唔會太甜 -整體來說 坐位可以寬敞一些較好價錢公道 算係唔錯的但可能繁忙時間 所以員工可能比較忙🍴7/10

今日上午既工作勁忙，做到差不多兩點三先出到去食飯，咁至可以食到個下午茶餐。之前旺角分店已經搬遷到油麻地呢度，以前都係旺角食過午餐，味道唔錯！今日第一次食呢度既下茶餐，選擇比午餐少，但可以揀三款小食，配飯或麵，再加飲品，我睇到價錢時，嚇左一跳，竟然係$32起，平時好少食下午茶唔係好知d價錢！小食叫左「酥脆鹽酥雞」（三小件），外面好香口唔油唔會太咸，而雞肉都算嫩口；「夜市小香腸」同係台灣食既香腸味道係一樣，好味既！至於令我驚喜既係「木魚炸豆腐」，佢個賣相唔特別討好，但味道又好好，外面好香木魚味而且脆身，裡面既豆腐夠滑，加埋酸味既汁令人更開胃。身為麻辣控既我當然叫左「小碗麻辣乾麵」，嘩！比我想象中辣！但份量係細，啱哂我呢d細食既人，麵係暖暖又唔會太淋！飲品方面，我揀左加$5既冬瓜茶，出面一杯至少$20，重點佢整得好味，我叫左少甜，啱啱好！$37食左一個迷你但豐富既下午茶，而呢間新分店地方比之前寛闊好多，坐得舒服，食得開心！下次有機會會再黎！

呢間店既招牌菜係牛肉食品，今次我想一反常態，唔叫招牌菜叫其他 好彩都無令我失望 【色香味】俱全，唔係招牌菜都咁正招牌菜仲得了嘅夜市小香腸滷肉便當唔好睇佢好似好單調，只係香腸同魯肉飯，但其實我真係覺得佢地既肉燥味道做得非常唔錯 大部分香港食到既台灣滷肉飯，普遍個汁都會比較重同濃，我試過係其他餐廳食過係味重到食落會覺得涸喉，所以呢間，我真心絕對認為係可以再encore洛神花茶清清地，帶有少少甜酸，飲完除左可以去油膩感，仲好開胃黃金脆薯(梅子味)魚酥皮蛋豆腐呢個豆腐非常唔錯夠味，絕對食得出黃豆既味道，同時又唔會俾皮蛋嘅濃味蓋到涼拌小黃瓜健康必選鹽酥雞肉燥乾拌麵份量適中，麵條乾爽，肉燥味唔會太濃，最重要係個鹽酥雞，完全唔油身2個人食到飽，都只係每人108蚊絕對係「抵」呀！以上開飯食評，只係本小姐個人食後感

剛剛去完台北旅行番黎, 已經好掛住當地的美食。又咁岩路經油麻地既台式餐廳, 被裡面富台灣特色的裝潢所吸引, 即刻忍吾住衝入去試試。餐廳以長方形格局，座位幾寬敞, 4至6人可以坐卡位，不錯喔！主食揀左鹽酥雞滷肉飯和紅燒牛腩牛筋面。鹽酥雞略嫌淡味，但牛腩面非常吾錯， 尤其湯底甘甜濃郁和面口感煙韌。小食當然有酥炸花枝丸，香脆的外皮，撒點楜椒粉味道更香！木魚炸豆腐， 愈簡單既小食愈能夠睇出其水準，值得點份大。黃金脆薯（梅子粉）， 外皮酥脆內在口感綿密濃厚的薯泥香氣讓人口齒留香。值得推介！熱珍珠奶茶是指定台式飲品。茶有茶香, 珍珠口感軟軟的! 整體而言, 小食和紅燒牛腩面都很美味!

行街街發現之前喺太子食開嘅牛肉湯麵店原來有大大間分店。店面比較大，有好多臺灣古早味嘅裝飾。三人行先來一小碟滷水豬大腸作開胃小菜，滿滿嘅小碟上有軟彈嘅大腸肚仔餓就叫咗滿漢大塊牛肉麵裏面有牛筋、金錢展、牛腩，同埋墨魚丸貢丸，非常豐富但係金錢展太有咬口，我都係鍾意食淋啲，但友人就話有咬勁先好食朋友仔係飯筒，用咗台灣米煮嘅飯Q彈有米香，依個香酥排骨滷肉便當份量大，排骨酥香之餘仲有少量肉汁，但為食友人見牛肉麵嘅牛咁豐富就提意再叫牛拼盤作為分享本來點咗滷肉青菜，但似乎俾錯咗，唔緊要啦，已經有咁多肉，依個蔥青菜都好香Encore 牛肉拼盤，個牛根始終係我最愛

經過油麻地有老街之稱的台灣餐廳入面裝潢一枱一櫈都富有台灣特色風味麻醬乾拌麵香濃芝麻味嘅芝麻醬好香口仲有青瓜配上香蔥碎令平平無奇既麵變得好有特式麵質地非常彈牙三寶肉燥湯新竹米粉三寶包括是，花枝丸、貢丸、小香腸加$3轉新竹米粉仲有條大白菜份量不小木魚豆腐口感特別外面全部是用木魚包圍着滑溜豆腐外皮有木魚脆皮內有滑溜溜的豆腐強烈嘅口感對比涼拌小黃瓜小黃瓜好新鮮非常爽脆酸酸甜甜魚酥皮蛋豆腐魚酥同皮蛋再加上豆腐味道好夾豆腐汁好惹味豆腐好滑溜這個小食分量比其他的大面頭仲有好多木魚出場時郁郁下咁夜市小香腸台灣夜市小吃小香腸必食如果再配上生蒜就更加完美了珍珠奶茶香濃奶味珍珠冬瓜茶台灣風味珍珠略帶味道比較偏淡沒有Q彈感

台灣嘅味道～老街～前兩日去咗YMCA報course, 順便喺附近醫下肚，見到前面有間餐廳裝修都幾新淨喎，原來係食台灣野，正！啱晒我口味！大部份香港人都鍾意去台灣旅行，除咗紙水夠平，最重要就係通街都食到好嘢，有近年最hit嘅黑糖奶茶, 仲有台灣牛肉麵，鹽酥雞，蚵仔煎⋯⋯等。但好老實講，喺香港真係食唔到嗰種味道。但依次喺「老街」依度，佢啲裝修擺設同食物就令我好似置身於台灣一樣。特別係佢個滷肉飯，滷肉醬汁濃而不膩，滲落熱辣辣嘅珍珠米上面，食每一啖都覺得好幸福！佢哋個牛肉麵更加冇得頂，用料真心正，全部都係用半筋腩，真係有入口即溶嘅感覺，好似食緊和牛粒一樣！最後梗係唔少得杯珍珠奶茶同台式特飲啦，每人只係6，70蚊就食到咁正嘅台灣菜，真心推介俾朋友，下次一定去埋太子分店度試下！

每次去台灣都好鍾意食滷肉飯，難得依家香港有好多台灣嘢食，老街就係其中一間。裝修好有「台風」。台灣滷肉飯（$30/小）滷肉飯小巧精緻，但相比台灣當地食到嘅稍大，飯粒分明，滷肉汁好好送飯。酥炸花枝丸（$28）台灣小食最啱我，一口一粒剛剛好，炸得香口又有少少鹹香。小香腸拼鹽酥雞（$44）鹽酥雞係我另一個「飛佛」，雞肉啖啖肉，香腸切成一片片，唔錯。台式滷味拼盤（$50）牛筋、爽耳、大腸、滷蛋，個人覺得牛筋同滷蛋較優。台灣直送飲品：黑松沙士及蘋果西打

剛剛經過見食物牌 不錯便是一試但裏面的食物種類不多 便叫了 鹽酥雞滷飯 香酥排骨滷肉便當和 蒜香豬軟骨便當 的雞肉及豬肉 都 鞋口, 一啲都唔好味 即使連 十歲的孩子都說不好吃只此一次不會再來