老街 (彌敦道)

營業中

休息中

今日同兩個朋友去開油麻地, 四圍都係人, 又唔想食譚仔, 有人提意去食台灣野~ 我突然醒起係窩打老道有一間新開叫"老街"既台式料理店~ 今晚就一於去試下~ 星期五晚9點~ 去到老街, 都幾FULL~ 8成入座, 好好彩我地WALK IN 都有2人位~ 實在係太好了~ 坐底睇下個餐牌又唔貴喎~ 我地叫咗兩個招牌牛筋牛腩麵$60 (好扺)加12蚊可以配珍珠奶茶(非常十分扺), 哩個價錢係旺角真係好難得, 首先講下佢個珍珠奶茶, 好耐都無飲過真係手搖出黎既珍珠奶茶(睇面頭D奶泡) 係真係香滑D, 珍珠有咬口, 好飲過出面個D啦~ 又有得坐下~ 招牌牛筋牛腩麵--- 牛腩好厚, 麵我唔識講~ 好似係手幹面, 好煙UN~ 湯底好濃, 有少少肉骨茶~ 整體成碗面都好高分~~ 正~~~ 全部食物都好好味~ 值得推介~ GOOD~

之前旺角間老街覺得幾好味，原來搬左黎油麻地，所以專登行遠少少過黎幫襯一下。餐廳地方大左好多，裝修好有特色，台灣古早風格。台灣地道小吃，台式飲品，便當，選擇真系多。仲超級抵食，加配飲品，加配小吃，都只系加幾蚊。尤其喜歡呢杯胚芽奶茶，十分濃郁，加胚芽仲好健康。紅燒牛肉面依舊保持水準，湯底好甜，好香牛肉味。麵條好Q，牛肉好冧好入味。份量滿足。最愛佢麵身夠勁道！朋友食紅燒牛筋腩便當，米飯同牛筋腩分開放，牛筋腩好入味，比冧，口感非常好。加配小食系台灣小香腸，好正宗的味道，皮脆肉香，至岩食肉獸的我們。

當日跟嫲嫲去食lunch, 佢話好耐冇食臺灣美食,於是去yaumatei著腳。涼拌小黃瓜他們的小黃瓜比較特別，尤其是調味料的運用。選擇的辣椒也是篩選過，簡單的一個餸菜，可以做到色香味俱全。臺灣牛肉燥便當裏面混雜牛筋牛腩及牛肉，牛筋有口感，牛腩鬆軟，牛肉有牛肉味，配上珍珠飯及滷水汁，各樣感覺非常匹配。這餐廳無論裝修以及服務態度,我同屋企人都睇出都很有誠意。而且近地鐵站衹要兩分鐘就到。老人家都覺得比較方便。😊

之前喺旺角豉油街都食開呢間台式食店老街， 原來而家搬咗過嚟油麻地😳😳😳新裝修靚咗好多，入面嘅卡位都好寬敞，坐得舒服🤗🤗我哋兩個人嗌咗一飯一麵，兩份小食，同埋兩杯飲品🍹🍹鐵路雞扒滷肉飯 🐖🐖🐖雞扒非常厚身，外邊煎得好香脆，內肉質鮮嫩🐔🐔不過最精粹都係個滷肉飯，滷肉肥瘦均勻，肉質軟綿，加上醬汁撈埋黎食，啖啖都係大滿足😋😋紅燒牛腩牛筋麵🐂🐂🐂一上枱當然先試下個湯😍濃郁惹味而且帶肉香🍲🍲牛腩牛筋肉軟爛入味，配埋口感紮實的麵條，勁高質!!!!!😎😎炸豆腐拼鹽酥雞 -- 炸豆腐係將外圍嘅木魚炸香 ， 入面的豆腐依然嫩滑，加上少少辣醬，又幾夾喎😆😆😆 鹽酥雞大大件如果可以加辣味就好啦😝黃金脆薯(小) -- 我哋揀咗配梅子粉🍒雖然係炸物但係唔油膩，趁熱食更好食👍台式飲品跟餐嗌都只係十幾蚊😋😋😋正!!!

同女朋友行完街諗住搵野食見之前旺角果間幾好食，又系油麻地開左間新既諗住去帶佢去試下啦點知入到去店員又無招呼叫落單果陣間，個女職員又叫寫紙，大佬啊，枱面張點菜紙就得午餐同下午茶，我想叫大餐牌內既點寫咩啊，講低一句之後就走人，單都吾落之後點左個排骨乾拌麵，牛筋牛腩麵，同兩個小食，咁啲野都算出得比較快，拌麵同排骨分開上的，到啲野食食哂之後排骨麵未到，吾問都吾知系漏單定系咩，全個場啲店員都吾知去左邊，無人的，咁就收你$166食物質素差左都吾止，又無服務又漏單，無下次！

前陣子因為天氣變得冷起來，我幾乎完完全全與至愛的台式飲料絕緣，這天難得好友提議吃台灣菜，那就可以盡情吃個夠。 先來珍珠奶茶及肧芽奶茶，珍珠奶茶的奶味較突出，但不失茶香，珍珠亦夠煙韌，而肧芽奶茶就多了一份麥香。 台式滷味拼盤 拼盤的內容非常豐富，包括有: 牛筋、爽耳、大腸及滷蛋。個人認為這裏的滷味煮得挺人味，味道亦不會過鹹，我最愛就是爽耳，入口脆卜卜，充滿嚼勁，其次就是牛筋，大大條的，煙煙韌韌，帶有重重的膠原感，而大肥脂香味濃，非常甘香。 台南滷水豬手 這個豬手非常抵食，大大碟的也只不過$48，豬手帶有重重的鹵水香味，一點都不肥膩，豬皮煙韌，膠原感重，我一個人就吃了半碟以上，推介。 鐵路雞扒滷肉飯 賣相不錯，滷肉飯的味道非常甘香，口感油潤，滷水味濃，不過，略嫌滷肉份量不夠多，另外， 雞扒的味道同樣不錯，外層煎得帶點焦香，外脆內嫩，惹味十足。 紅燒牛腩牛筋麵 湯底的味道不錯，沒有重重的花椒八角味道，相反，我覺得帶有點點牛肉的鮮香，而牛腩煮得軟淋入味，而且全都是半筋腩，軟淋得黎又帶點黏性，加上口感QQ的麵條，非常對胃口。 餐廳是免加一收費，非常抵食。

買完新到積木玩具，便到樓下的老街吃台灣菜。涼拌小黃瓜甜甜的汁滲入青瓜入面，很清新及開胃。至於魚酥皮蛋豆腐，肉鬆及木魚增加口感，豆腐香滑， 皮蛋配上豆腐做的涼拌小菜好吃。炸物固然是受歡迎的小食，內軟外脆的炸豆腐拼惹味鹽酥雞粒更是好吃得不能停口。每份便當都配上滷水蛋，菜莆及雜菜粒。至於滷肉肥瘦適中，跟台灣當地的味道一樣。夜市小香腸滷肉便當，小香腸外脆內軟，肉汁甜甜。鐵路雞扒滷肉飯以厚切雞扒伴滷肉飯， 肉質厚及嫩滑，燒汁亦都調校得剛剛好。L 想起當年一件瘀事。當年沒有做好資料搜集便出發環島，為了吃到池上一嘗火車便當，特意從台北坐接四小時台鐵到位於台灣東部的池上。怎料跟台灣朋友分享時，他們說全台灣也有池上便當的時候。 L 即時翻了一個大大的白眼!胚芽奶茶有點像麥精荳奶，胚芽增加口感。當中營養成分是 ω-3 脂肪酸和維生素 E，其中維生素 E 維持着細胞的活性，有着很好的抗氧化作用。加入奶中，脂肪能幫助和促進人體對維生素E的吸收。所以兩者搭配，可以說是事半功倍。香芋奶茶加珍珠芋頭味很濃，如果可以再多些珍珠就更好，是冬日下的好伴侶。

叫左蕃茄牛肉麵，木魚脆薯同黃金炸豆腐。蕃茄牛肉麵湯底夠濃，而且牛肉炆得好好，軟熟之餘好夠味，相信任何款式嘅牛肉麵都唔會差。小食裹面木魚脆薯同黃金炸豆腐可以話係必叫，黃金炸豆腐外脆內軟，木魚脆薯好夠香，仲配埋台灣傳統嘅梅子粉，呢間鋪頭性價比都幾高！

每次想食台灣嘢都會諗起老家 之前喺已搬遷嘅旺角店成日食 而家油麻地分店地方大好多 仍然保持原有裝修風格(。。大概是老台灣風格吧!😂🤔)而食物同價錢方面， 都係大件夾抵食😂自問大食嘅我都食唔曬 (所以小鳥胃嘅朋友就一定夠曬飽!😂)今次2個人一齊 叫咗午餐b同午餐g 另外加20蚊叫咗小黃瓜 一共都只係115👍😋我個g set 乾拌麵 覺得唔夠味 加咗辣椒油好就好香👍 另外年底比較多水 個感覺乾伴面比較濕😗 但so far 都ok 另外加20蚊嘅青瓜真係好味👍👍推介! 酸酸地但又好清新ge感覺😂👍 排骨啖啖肉 只有一舊細骨👍 正 又夠熱又味得黎唔會好鹹唯一缺點就係飲品等得比較耐🤔不過下次都會再黎👍 被台灣美食吸引住😍

本身約左女朋友一齊食晚飯，點知佢OT，唯有食自己⋯⋯行過彌敦道，是但搵左間食個晚飯，入到去播哂啲台灣歌，裝修又幾有心思，算幾有驚喜👌🏾🚇鐵路雞扒滷肉飯 - $58👉🏾雞扒大嚿，而且個汁夠味👉🏾滷肉飯份量足，撈埋個雞扒的確唔錯👉🏾淨係滷肉飯未必夠飽，加埋個雞扒就啱啱好🍱台式滷味拼盤 - $50👉🏾包括牛筋、豬耳、豬腸、滷水蛋👉🏾牛筋唔硬，一咬就開👍🏾👉🏾豬耳爽口，豬腸乾淨👍🏾👉🏾滷水蛋算係正路，味道都唔錯嘅🥤洛神花茶 - $12（套餐）👉🏾呢杯嘢飲最有驚喜！紅莓味道，非常fresh，我認為係必試！總括來講，我認為老街嘅台式食物非常地道，值得一試，而且價錢唔貴，性價比高👍🏾

呢間餐廳係繁忙嘅彌敦道旁邊，所以好熱鬧，入去嘅時候幾乎坐滿人。裡面掛左好多台灣嘅相，用深琮色木製嘅座椅，亦有懷舊擺設，營造左種老台灣嘅風味。經常食台灣菜都係食鹽酥雞飯，呢次試下其他，所以就簡左呢個鐵路雞扒滷肉飯。份量非常充足，雞扒大件，飯亦都幾大碗。原本以為會係炸雞扒，但原來係香煎嘅雞扒，好似平時食嘅燒雞。雞扒非常厚身，外皮煎得香脆，咬落啖啖肉，肉質亦都好嫩滑，再配上類似燒汁嘅醬汁，幾好食。滷肉飯嘅肉醬肥瘦同鹹度適中，味道亦都唔錯。個人非常愛食台灣夜市香腸，所以每次食台灣菜都必叫。本以為香腸會係一條條，但已經切好左一片片上碟，食嘅時候好方便，而且配埋青瓜絲同芝麻。雖然切薄左，但香腸咬落幾脆口，味道亦都烤得好好食。台灣奶茶奶茶口感好順滑，味道亦都唔甜。對比起港式奶茶，台灣奶茶嘅奶味較重。

星期日到油尖旺逛街，看到彌敦道上有一家富有特色的餐廳。仔細一看，原來是「老街」記得以前餐廳在旺角豉油街，現在搬到油麻地，決定回味一下台式風味。餐廳掛滿台灣的特色相片，富有台灣風。午市點了紅燒牛筋牛腩麵及百香果QQ綠茶。麵條是粗圓身的，一碗大概有六塊牛筋及牛腩。嚐了一口湯，湯頭鮮甜香味四溢。牛筋炆得又冧又入味 👍🏻牛腩一層筋一層肉，筋肉分明，可惜稿欠火喉，有一點靭，較難咬得動，但味道還是不錯的。麵條彈牙，配上一點咸酸菜同吃，更可提升味道。百香果QQ綠茶有珍珠和椰果，酸酸甜甜，非常解渴。

老街系一間有特色的台式料理餐廳，入到餐廳就好像身處台灣街頭一樣，晤知系因爲佢台灣風味的裝修環境定系飄香誘人的美食氣味。閣樓還是燈柱，一點一滴也是台灣特色。台灣小菜，台式小吃，誘惑十足的呢！我地就系被佢裝修吸引入來，坐低又再抵受不住香味，好想快d嗌野食。鐵路便當🍱雞排滷肉飯！滷肉飯汁濃厚，有大大粒滷肉吖！超正！送飯一流呢！雞排好下味！三小碟小菜，抵食！跟餐我點左一杯冬瓜茶加胚芽，不算甜但好香，下次也一定會再飲呢個。台式小吃怎能錯過台式香腸同花枝丸，我覺得尢其要試椒鹽花枝丸，夠味彈牙，香口！

今日行程都幾趕，因幫仔仔約左驗眼，又約左朋友Lunch；後來約左去修眉。因化妝counter既時間問題，想約晏少少都唔得；變左原本想同朋友慢慢食Lunch都變左只係得一小時左好。好彩朋友話公司都忽然有野做，食完Lunch要返工都唔可以食太耐；咁個心都冇咁唔好意思。不過因為時間少左，原本想食既又好似唔係好夠時間；加上朋友都遲左先到約定既地鐵站，所以我地最後就便意路經邊間好食就入邊間。可能行到熱熱地，想飲珍珠奶茶果Ｄ，就比老街吸左入去啦。又咁岩有位唔駛等，環境都唔差，坐得都舒服。我點既炸排骨肉燥麵，加珍珠奶茶同Share一齊食既鹽酥雞粒加炸豆腐。因為個個都係飲珍珠奶茶所以只係影左一杯，都OK好飲，不過珍珠都有D硬。可能比我家樓下新開的魚池十八寵壞了，佢地Ｄ珍珠係即做的，勁好咬口，又淋。炸排骨都幾好味，鹽酥雞粒就真係豪大大果Ｄ好味好多啦。另外炸豆腐其實係好好味架，不過太大舊，如果佢2舊變6舊會好得多囉。其實小朋友，本來朋友重想叫台灣腸仔，佢話係夜市食過好好味，不過見到個豆腐後，佢就覺得好彩冇叫，因為可能同佢想的不同。朋友點的辣麵，佢話幾好食，都夠辣。我見到果D紅色既油就怕囉。仔仔點的牛肉麵，

好耐冇食台灣菜，今次黎咗屋企附近呢間叫做「老街」嘅台灣餐廳食lunch！餐廳裝修到好有台灣老街風味，好有特色啊！星期日嘅中午全場滿座，好受歡迎啊！餐牌有埋圖片，色彩豐富，仲好多選擇添檸檬紅茶紅茶茶底濃度剛好，檸檬夠晒新鮮，解渴解膩一流台灣咖啡咖啡味濃厚醇香，富奶香滿漢大塊牛肉乾拌麵乾拌麵個醬汁濃度適中，麵條好Q彈有咬口，充滿小麥香！另外材料好豐富的啊有花枝丸、貢丸、金錢展、牛筋等等，牛筋同金錢展都好軟腍富膠質，仲大大舊添！花枝丸同貢丸質素都好好，好味道啊！鐵路雞扒滷肉飯雞扒好厚肉，外皮微脆，內裏嘅雞肉好嫩滑，啖啖肉！滷肉好香軟惹味，一定要送飯食！餐廳採用珍珠米，所以特別有米香同煙韌！旁邊仲有三色配菜，豐富又飽肚