老街坊 (已結業)

以前d早餐都好足夠，有一份火腿蛋加多士，再加個單拼麵同一杯飲品。但宜家改左做雙拼麵加一杯飲品，仲要貴左，d料又少，等候時間又耐！午餐都好差，普通炒飯無料無肉，仲好咸，食壞肚皮仲試過求其餐肉蛋飯就當一個餐，得一塊午餐肉，34元，洗吾洗咁慳丫！晚餐就一向出名少，又貴又少，平時都吾見有人吃，吾值！

以前周不時會幫襯老街坊，貪佢夠近，不過近年愈做愈差，我已很少再來。某日要自己搵食，不想去太遠，在家附近的選擇也少之有少，心想再俾一次機會呢間茶記，看一段時間沒來之後，情況有沒改善。點了一客咸魚雞粒炒飯，是幾大碟，可是嗅不到咸魚香，心知不妙。大概就是咸魚本身唔靚，以及份量不足所致；而雞粒，是沒半點味道，從未吃過如此的出品；飯尚算炒得乾身，卻又是淡口，總之就是不好吃。唉，我相信自己炒既飯會好食過佢。另外要了豬扒包，包身夠熱，是用微波爐叮翻熱，豬扒薄薄的，卻並不鬆化，即使配埋菜絲和蕃茄，以及千島汁，也不算吸引。薑檸樂其實對感冒幫助不大，但心理上總覺有點作用，所以每次打敗仗我都會叫番杯。這的出品，感覺是不夠辣，就當飲杯檸樂好了。幾個相信是暑期工的小妹妹圍埋一邊，討論什麼是薑檸樂，到底好唔好飲，云云。難道90後真的未聽個呢樣東西?