老虎堂黑糖專売 (渣甸街)

營業中

休息中

連續高企排行榜既台式飲品，空降銅鑼灣。睇到排隊排到打蛇餅都仲係人頭湧湧，點都要去試下既！去到完全搵唔到隊尾，好彩有個保安話我地知邊度排邊度拎，想好有秩序，冇人打尖冇人排錯隊。一早諗定飲咩！緊係虎虎生風啦，有波霸有黑糖珍珠。靚到dum一聲！而且珍珠係新鮮製造，熱㗎！唔會食落去硬倔倔！同冰凍鮮奶一撞，口感好爽。而波霸同珍珠兩種大小，令杯飲品層次更豐富！星期六我地排左一個鐘，不過比我想像中用得少時間，同埋咁好飲，頭一次就冇所謂啦😺。叮叮都表示好滿意，而且依一個鐘我地一直打下機傾下偈，時間好快就過。見到佢雀躍既表情，加上拎住老虎堂既野飲一路行鬧市旺街，簡直係人生勝利組

大雨天，明明應該打邊爐嘆冷氣，任由窗外暴雨滂沱，世界淪陷，好友卻話要趁這機會去排老虎堂，可見這間過江龍奶茶舖真是聲名如虎來勢洶洶！縱然雨天，依然有長龍，實在令人佩服港人對奶茶風雨無阻的熱情。殊不知，排隊點單其實好快，兩三個字已經排到，等待製作的過程才是漫長！我們足足等了半個鐘有多！故建議lunch hour時段大家可排隊落單先，去周邊小舖食個快飯再回來取，正好當作飯後甜品！選擇其實不算多，相信首試多數會選擇招牌「虎虎生風厚鮮奶」。所有飲品的甜度固定，無法自選。如果選擇熱飲，則「冇虎紋」，想影相打卡嘅朋友要未必鍾意。終於等到這一杯！要自行搖15次，讓黑糖和奶充分融合方才飲用。所謂「厚奶」，應是heavy cream吧，所以奶味如此濃厚，口感更加順滑。除了「虎紋」黑糖，黑糖珍珠顆顆都自帶甜味，質感彈牙。簡而言之，這一杯香濃甜蜜，熱量爆表！但一向偏好清淡的我飲至半杯已覺得略膩兼脹肚，無法喝完。味雖美，過猶不及，一次足矣。

六月份有邊個唔識呢間台灣過江龍「老虎堂」，都俾佢洗版洗左一段時間。朋友難得過海佢話想試就一於陪佢去，由7:49PM開始排隊，到8:25成功排到門口買眼見一開頭排隊嘅票號係700零幾，派到歷時半個鐘到我哋買到嘅時候都只係去到720十幾，所以我哋推測我哋應該等半個鐘先有，我地係752。結果行完街返嚟拎啱啱好！當時係8:57完全唔敢相信自己做咗一件咁瘋狂嘅事！結果令人好失望 😞唔駛1分鐘就冇晒虎紋，頭一兩啖有黑糖味 之後已經唔見晒 ，珍珠覺得特別好咬口，確確實實係一杯普通嘅珍珠奶。

究竟落住雨嘅weekend有冇阻大家排老虎堂嘅興致？答案係：應該冇…因為一樣咁多人！雖然係咁，不過最後都係排咗一個鐘就買到。飲前打卡當然最緊要，不過可能我相機攞慢咗，幅老虎紋畫好似差咗少少…但唔緊要，因為味道真係贏晒！根據品嚐指引，要大力搖15下……「飲得！」第一口已經好驚喜，鮮奶超香濃幼滑！大大粒黑糖珍珠，新鮮煮起，口感Q彈有咬口，黑糖味道突出唔會過甜，同鮮奶互相呼應好夾！雖然冇得揀甜度冰量，但咁樣先飲到原來嘅味道！

近期大熱o既老虎堂，放工去排隊但落雨又無帶遮，惟有撒退，同朋友食完飯經過，見人龍唔算太長就去排下，個陣都夜晚10點幾，但虎虎生風厚鮮奶賣哂，只得返波霸厚鮮奶（奶霜），而且老闆出黎話得番70杯，雖然條人龍無平時咁多人，但order連埋攞都要個幾鐘，終於等到啦~鮮奶味道好厚實，珍珠好煙韌，但可能用黑糖煮過所以我就覺得甜左少少，不過整體味道都唔錯，不過如果要再排多個幾兩個鐘買黎飲就未必再會，我會等佢熱潮過左先~~

波霸厚鮮奶 $30.其實我想試左好耐 不過沒有空檔時間去排隊 然後終於等到3日假 有一日冇野做可以去排隊 由排到拎要1小時15分鐘😂😂😂😂救命.其實安排有d混亂 有好多人唔知邊度排隊 排又驚人打尖 見d人係咁防住個位😂不過條街咁窄係咁架啦😂.拎上手其實係個底有少少微熱😧應有係即整？虎紋真係幾霸氣 杯野飲個樣已經贏晒我飲過既產品 加上烈日當空我排左咁耐 其實我對佢都有d期望.首先講返個味道 雖然有少少甜 不過我覺得可以接受既 珍珠係超濃黑糖味 口感十分好 又大粒 可以算得上我食過最好既😍成杯奶都好creamy 其實我幾中意哩個質感 至於黑糖溝奶味就同出面飲開個d差唔多. 係幾好飲既 .可惜既係飲兩啖就冇 因為我發現飲完半杯都係冰😭唔使落咁重手呱 隻杯原本都唔係大.總括黎講 唔使排隊都可以試下 要排咁耐其實唔太值得 因為唔係真係好味到唔飲唔得😂😂😂

🐯虎虎生風厚鮮奶(波霸+珍珠）•今期呢隻🐯真係hit爆，唔去潮聖下會唔會好out呢？用左25分鐘左右排隊買，10分鐘左右攞，還可以吧！一邊排隊，一邊傾計，都過得好快既！•呢間茶店種類唔多，主力sell佢既招牌黑糖奶茶，如果要飲水果系列，就唔好嚟啦！•黑糖味果然濃，有大細珍珠，珍珠煙靱度適中，夠Q夠滑，超多珍珠，奶味香，但嫌奶味蓋過茶味！Overall 都不錯！不過我都係鐘意🦌角呢！🤣·•另外有冇人飲過波霸醇紅茶？朋友話似五花茶味，又真係幾似

相信最近比人洗得最多板既就係佢！老虎堂啦！經過幾次都見條人龍太長，放棄左冇排到😭😭終於的起心肝了～👉🏿✨虎虎生風厚鮮奶（奶霜）Hkd 30 💸📌我叫左有珍珠同波霸個款！因為之前都有飲過其他店既黑糖珍珠奶茶！老虎堂不愧為始祖👍🏿真心係我飲過既最好飲既一間💟佢既奶味最重，加埋大細珍珠係個口到，種口感好特別✨而且一啲都唔死甜，係夾架喎😆真係好好飲，果然係厚鮮奶呢～其實成個排既果程都算快～雖然都差不多兩個鐘😂但同朋友傾下計好快就到了～☺️可以接受重點係真係好好飲呢😈

As expected.....there's nothing special about the drink. When the place is popular and long queue, don't expect too much that it is going to be good. This fact has been proven again after waiting 45mins for a regular size $30 drink. It does not taste as great as expected and definitely not worth the time to queue up. The other downside is that it only accepts the form of paying cash and nothing else.

台中黑糖虎紋創始店老虎🐯堂自從系香港銅鑼灣開業後！ig就不停被洗板，仲話要排2個鐘🤦‍♀️所以今次我就趁住平日先敢黎飲，排隊到等飲品就大約用左1個半鐘倒啦⏰今次叫左呢款就有齊奶霜、黑糖波霸同黑糖珍珠🙂虎紋圖案打卡一流👍波霸珍珠係大粒，而珍珠係細粒嘅！混合左熱嘅手煮黑糖😍煙軔帶黑糖香！而且奶味濃，帶微微嘅騷味😉黑糖波霸同黑糖珍珠系列系有固定冰同甜度，不過甜度調較得適中😃😘😘😘😘

近排老虎堂好hit 我都喎執輸走去排黎試下 睇下有咩魔力吸引咁多人飲！叫左虎虎生風黑糖鮮奶茶 同黑糖厚鮮奶老虎堂既珍珠係熱既 同埋見到有黑糖造成既深淺花紋 杯野係俾我地自己搖勻 目的係俾熱既珍珠撞凍既鮮奶 令到佢瞬間收縮 造成彈牙口感！我想講啲珍珠真係好好味好彈牙！兩杯既分別不大 除左虎虎生風個杯多左啲超細粒珍珠 但個人覺得齋大珍珠咬口仲正😋總結係不錯的！

老虎堂朝聖🐯 波霸鮮奶！。的確是對得起那條長長的人龍👍👍👍珍珠彈牙，黑糖香濃別具風味，鮮奶連奶蓋濃滑醇厚！尤其欣賞他家的珍珠，不愧是用手炒黑糖來烹調，十分入味，彈牙軟糯！而且杯面的黑糖痕跡弄得十分漂亮，完全展現到老虎紋！。又，是不是所有過江龍都如此長人龍？😂 （大家好像都不用上班上學🙈）人龍是長得轉入恒生銀行那邊的小巷！！（有排過的人應該知道我說甚麼）還好店員的效率不錯，人龍還算clear得很快。。整體而言就算是人龍長長，依然會想再喝一杯！

🥛🍭🍩🐯今日終於去朝聖🤣 閒日夜晚都超多人，排成40分鐘左右😣 全部人清一色冇得揀🤷🏻‍♀️ ＂少冰、少甜、少珍珠＂加上因為賣曬＂奶霜＂整體感覺唔夠香濃 少左好creamy質感 黑糖味濃偏甜但茶味欠奉 雖然佢用鮮奶但又唔算好滑！ 但珍珠就好好食又煙韌👍🏻$30價錢可以接受，加上呢排咁hit一定要試一次，不過就唔好抱超大期望，始終一杯珍珠奶茶極緻極都係一杯珍珠奶茶👻💓我個人建議等熱潮過左 再飲多次好d😌

今日中午12點到達、小編照樣跟龍尾排隊（轉入巷仔）但多🉐️好心人提醒佢地已經order左不過等嘢飲only、小編就出返大街見到前面only排做唔夠20人、以為好快啦就繼續等，因為小編對上兩次去都有起碼30、40人龍、好彩佢地出野飲快所以基本係排隊order等30分鐘然後杯嘢唔使5分鐘就出到。小編約左12:30整指甲（都係銅鑼灣整啦當然）咁就傻更更上左當。order既時間為12:25分、好啦、戲肉黎啦，我又行左去後巷等下啦，以為都應該好快、10分鐘應該搞掂啦。仲要係我唔係order好多杯～1杯only！輪到我既時候已經12:55分，而最最最最令我震驚既係我排到頭幾個已經見到有杯疑似我order既嘢（波霸珍珠綠茶）出現ｏ係附近、但我又冇聽到佢嗌我number咁以為唔係我啦，仲心唸邊個order左又唔拎～攤到暖曬！就輪到我之際、既然個黑口黑面既員工遞杯嘢俾我！原來係我架？冇聽佢嗌～個燈牌仲係維持ｏ係197號！我係209號囉！我真係勁燥！咁你唔好整個燈牌啦或者你請返d有少少heart既員工啦！又唔嗌number但又叫d客轉頭返黎又叫人留意燈牌！成件事錯曬！憑乜要我無啦啦ｏ係度乾煎等先！我真係好鬼

老虎堂開啦~ 好多人好多人~ 但都要飲~ 排左30分鐘 !　終於排到我～其實都不知叫邊款好~ 最後叫左虎虎生風厚鮮奶~但等起碼要等30杯先等到~ 等候時間真係好長~唯有都係等～　終於飲到啦~ 拿到杯野飲啦~ 覺得好靚 ~先要搖十幾下～　混埋完就可以飲啦～　鮮奶味好重 ~ 珍珠好甜 仲有大大小小的~ 呢杯野真係好讚~ 因為鐘意比較甜甜的~ 仲有其他款都可以試下~ 但都係要排隊 ~呢間真係可以再飲~ 正~