老虎堂黑糖專売 (已結業)

今日經過荃灣 發生荃灣都開左老虎堂！見條龍咁短 當然去排啦！平時銅鑼灣要排成一個鐘架嘛。叫左波霸厚鮮奶，等左唔使15分鐘就有得拎啦！本身一直唔太鍾意飲黑糖飲品 覺得太甜。但老虎堂呢杯完全喜出望外，超好飲！厚鮮奶同黑糖味道好夾 又唔太甜！跟返個instruction , 搖暈先飲，啲波霸真係勁q彈，比珍珠更好食！唯一係30蚊一杯，又唔算好大杯，都算幾貴。如果要排1個鐘就真係唔抵。15分鐘都可以geee. 但overall 真係不錯！

今天友人說荃灣開了人氣熱爆既 老虎堂,一去到見到一條長長既人龍, 非常熱鬧墟冚!一場去到, 點都要一試!一排就排到30分鐘左右, 想飲大細珍珠佢竟然話細珍珠要等20分鐘先有!咁無辨法就叫左個黑糖波霸厚鮮奶!老虎紋用來呃LIKE 是常識吧!$30 價錢, 雖然佢比我想像中細杯, 但都夠哂飲!飲之前搖下佢, 第一淡飲落去,哇左聲出黎, 好勁好濃既奶味!濃到我個心諗係咪化學野!?然後珍珠有黑糖味, 但味道係偏淡, 唔多甜, 唔知關唔關新開張事, 煮得唔夠入味?不過見佢人龍只係有增無減,仲有好多人買完同間鋪影相,好似變左個打卡熱點如果熱潮退D, 無咁多人可以再一試, 因為等30~40分鐘先買左一杯野飲真係好耐耐耐耐耐

銅鑼灣店對我黎講實在太遠，一直想試但冇機會，今次係荃灣開分店，開張第一日就黎朝聖，好期待，好多人排隊有派傳單俾客人揀飲品，傳單上面仲教埋你點飲。店入面都有介紹。不停強調需要搖晃後先飲，睇黎呢個動作十分重要😆好唔容易先排到，梗係揀返杯波霸鮮奶試下！波霸鮮奶，等得太耐，太心急飲啦，完全唔記得搖一搖先，插咗飲管先醒起，好彩都勉強搖到新鮮煮嘅波霸比一般珍珠軟，咬落腍韌，微暖，不錯，略嫌奶味較淡，甜度適中，唔會太甜。友人大讚波霸厚鮮奶好飲下次我會識揀