老虎堂黑糖專売 (已結業)

今日喺荃灣食完飯,其實一直都好想去老虎堂飲黑糖珍珠鮮奶,今日見有少少時間就行咗去老虎堂嗰邊,一行到去呢勁多人同埋覺得有啲混亂唔知邊一邊係等緊飲料哪一邊係排隊買嘢飲,, 新開張一開始諗會唔會係名過其實, 又見到好大班人,諗住唔等,點知見到條龍係等野飲,另外一邊完全冇人排隊買,快快手買左虎虎生風厚鮮奶,$30 價位中規中舉,等左十分鐘就有得飲,,好好味,初初都驚好甜因為冇得選擇咩甜度,但係飲落之後覺得甜味係適合香港人,唔會太甜,珍珠有咬口, 新鮮整起嘅時候有虎紋D人應該以為要等好耐可能走開左,幾杯放左喺度嗌左好多次都冇人拎,最搞笑係個職員話再唔黎拎杯嘢飲就冇虎紋嫁啦

近排多間台式黑糖珍珠鮮奶來港開分店，間間都話要排成個鐘，我當然冇咁多時間去排啦，見其中一間算出名嘅老虎堂都開到嚟荃灣，開張第五日行過見又唔係咁多人就忍唔住試下傳說中好好飲嘅波霸厚鮮奶（$30）。開張第一日聽朋友講要排成半個鐘，但第五日放工時間都只係得咁多人，條隊算係好短，最後等左大概10分鐘就拎到。店員提醒飲之前要搖勻。琥珀紋嘅杯身係幾靚，黑糖珍珠係熱炒嘅仲係熱辣辣。飲第一啖，咦，唔係話奶味好濃架咩？點解一啲都唔覺，感覺係非常普通嘅奶。珍珠亦煮到爛哂，一啲口感都冇。旁邊朋友飲左幾啖話確實冇開張嗰日整得咁好飲。我嘅第一杯黑糖珍珠鮮奶都幾失望，係我期望過高，定呢間分店保持唔到水準？

🥤波霸厚鮮奶（$30）（🤤：7/10）🔽呢間十月頭先開張既老虎堂新分店，見佢門口企左好多人，但大多數都係等拎野飲既，而排隊買既只係得幾個人，阿Lu一直怕排好耐隊 所以都未試過呢間人氣咁高既飲品店，見難得咁少人排 於是終於試到呢杯人氣飲品。等左大約二十分鐘就拎到。🔽杯野既老虎紋就真係好多好密 好似好重黑糖味咁 但飲落就同想像有分別。奶既奶味唔太出 滑度都可以既 搖勻之後 奶就帶有黑糖味 但就唔算好重味。珍珠都幾煙韌幾好咬 但令人好失望既係佢無黑糖味既 一直都以為佢既黑糖珍珠會好重黑糖 好好味，所以都幾意外。🔽個人認為杯野都幾普通 唔太值得等咁耐 同價錢偏貴，如果無咩人等都可以買黎飲下既。📍老虎堂📍荃灣荃灣徑10-18號富榮大廈地下05B號鋪

難得老虎堂開到黎荃灣咁近我，梗系要飲番杯啦。點知...真系失望到透🤦🏻‍♀️🤦🏻‍♀️🤦🏻‍♀️等候時間方面，星期日夜晚黎都吾駛等好耐，十分鐘左右就到手⏰但味道就真系同我系銅鑼灣店飲果次差好遠🤦🏻‍♀️ 細珍珠口感都可以，都有咬口，算系煙韌既。但大珍珠就淋到爆👎🏻 淋到算啦，而且咬落去系感覺吾入味咁🤦🏻‍♀️ 最重要果樣系 唉諗住入面無黑糖味..咁得個珍珠表面同個奶有味都好過無啦🤷🏻‍♀️ 但系飲落硬系有陣苦味囉..好似煮燶左d黑糖咁🤦🏻‍♀️我都吾知自己比$30買左杯咩番黎🤦🏻‍♀️媽啊..點解老虎堂會變成咁嫁？😞

早前大熱的波霸厚鮮奶，老虎堂開完銅鑼灣，再開荃灣分店，同遲點開旺角分店，火紅紅熱潮快到冬天都未減退，因為珍奶係可以熱飲，唔知熱潮會去到幾時？！而家先飲下，睇下係咪真係有極吸引之處。主打黑糖波霸配厚鮮奶。價錢$19-30，大多數客人都點波霸厚鮮奶/虎虎生風厚鮮奶（波霸+珍珠）。先排隊落單付款，按收據上號碼，顯示出號碼是就可取飲品，外賣提供膠袋。店員細心講解，飲前搖勻15下就得。【虎虎生風厚鮮奶（波霸+珍珠）】 $30，賣相係好靚的黑糖虎紋，飲前當然影相打卡。其實唔算大杯，加上幾多冰，好快飲完。不過黑糖味係好重，奶味亦濃郁厚滑，但亦都太甜了，而且波霸同珍珠雖QQ口感，但都偏淋，無我想像中咁吸引。

已經有好多人係IG打卡，一開始以為只係虎紋漂亮，所以吸引很多人排隊。但是原來它的味道，一樣好所以先大排長龍。我地大概排左30分鐘，叫左杯虎虎生風，個名好搞笑！ 但其實裏面有大細珍珠的！飲的時候要上下搖勻先飲，第一淡的黑糖味已經好出。但係個味道係好難形容的，因爲你古唔到個黑糖原來同奶茶係咁Match。好有味覺的衝擊！令人好驚喜。珍珠夠咬口，整體令人驚艷，一杯飲品$30蚊，價錢都算合理的。怪不得依然有很多人願意排隊買。

雖然上一個颱風「山竹」襲港令全港市民憂心忡忡，但近年台灣「黑糖」風卻掀起追棒熱潮。今次終於來到第4站 – 近期最火熱嘅「老虎堂」。(詳情請參閱前3篇黑糖珍珠奶食評)今次選擇最近新開的荃灣店，一到已經見到長長人龍。前後等咗差不多20分鐘，老虎已經到手了!波霸厚鮮奶(奶霜)最為出名係老虎紋般掛杯，其他店始終做唔到咁GE效果!店員說明冰度甜度為固定客人不能自選，而飲前必需搖15下!最欣賞係波霸珍珠夠哂大粒，而唔會太難咬，可惜係珍珠不夠黑糖味。奶味香滑，入口亦能明顯感受到。因為黑糖珍珠煮得不夠入味關係，整杯甜度又好適中。相信呢個小旋風仍有一段時間會繼續係香港稱霸!!!

早兩日肥雞經過荃灣路德圍見到新開嗰間老虎堂肥雞一直以來都未試過所以就決定排下隊啦嗰條女都幾場排咗大約五分鐘都係呀呢個波霸黑糖奶 買咗三杯等咗大約20分鐘減肥雞覺得呢已黑糖鮮奶嚟講呢一間啲黑糖味就唔算好濃反而啲奶就幾出色 我覺得個份量都調配得幾好黑糖唔會太過多死甜味甜可能肥雞買完之後行路太遙所以嗰啲好靚嘅黑文老虎紋呢就已經等肥雞留意返就已經冇曬啦但係冇所謂啦 肥雞飲既係味道而唔係外貌

今日下午見人不太多，所以潮聖買左杯來試下，由落單到取飲品大只需15分鐘內！我選擇是熱波霸厚鮮奶，size我覺得可以接受，吾大吾小，價錢少少貴，三十元一杯，一入囗珍珠好滑好彈同埋好重黑糖味，同鮮奶幾夾，熱度是可以適中，奶係幾滑的，但飲到尾嘅時候會覺得好甜。如果要排隊才可以買，我會選擇飲其他野，冇預期之中好飲及價錢亦比其他為貴。另外，這𥚃很多人等侯，一開頭吾知在那裡買，雖然有條藍線，但沒有人跟，情況也比較混亂。

放工鬆一鬆，約左FD去荃灣買野，行下行下，路經老虎堂門口，之前都聽聞呢間舖既黑糖系列飲品好正，咁就試一試係咪真係咁好飲先……買既人唔多，更多既係等飲品既人，買左1杯波霸鮮奶，$30，要等成40個號碼，等得都唔算好耐，等左20分鐘左右，飲前話要搖15下，份量都算適中(之前飲過鹿角巷既黑糖鮮奶份量太少)，黑糖珍珠好軟腍，唔算太甜，加上鮮奶，但略嫌奶味唔夠濃，味道都算唔錯。個人比較鍾意鹿角巷既黑糖鮮奶。

珍煮丹、小茶堂、幸福堂、鹿角巷，林林總總過江龍，本地薑黑糖珍奶電都試過了，今次到來荃灣最後一試-老虎堂。飲後感表示，不外如是，難飲不至於珍煮丹，但卻只是它之上而已...波霸珍珠的確大粒，但過淋，黑糖味明顯飲到非常artificial既感覺，唯一可取只係佢既鮮奶的確有幾香奶味，甜度方面為可接受。如只論黑糖珍珠鮮奶的話，價錢不計算，排名如下。·1.春風撞奶2.幸福堂3.小茶堂4.鹿角巷5.老虎堂6.珍珠丹🤢

😋荃灣新開的老虎堂😋{黑糖珍珠厚鮮奶｝鮮奶味勁重，就算是黑糖都不會過甜。不用叫少甜，甜度都可以接受。再配上用黑糖烹調過的珍珠，就更加令人回味！珍珠口感不會過淋，有咬口！不愧為過江龍👍🏻就算要排隊，都是值得的😽

老虎堂係銅鑼灣開張時，已經聲名大噪，好出名，難得開到黎荃灣，梗係要黎試下啦！荃灣路德圍係飲食天堂黎，超多間手摇飲品店，好似有6間！其實本身我都唔太有動力去試，事關我飲過其他台飲店既黑糖珍珠奶茶，甜度非常驚人，我個人唔鍾意太甜既飲品。不過基於佢咁出名，我估計佢梗有過人之處嘛？一試，又真係出色啵，未試過真係唔知咁正！佢 d 珍珠既黑糖味唔會好重，唔會甜到漏。d 奶味又勁重勁香濃，大愛啦。都難怪細細杯要$30既，咁重奶味不過飲一杯就夠曬，因為奶味堅重，估計如果飲兩杯會漏啦。

Just tried their 波霸厚鮮奶 for the first time today! Their sugar and ice levels are already pre-set so you can’t choose yourself. I was honestly worried that it would be too sweet after I ordered but the drink was very well-made and the sugar level was just right! Would totally recommend to all my friends

全靠朋友通知先知原來荃灣都開左老虎堂唔洗去旺角飲不過都好多人排隊雖然係咁但係都好快！等一陣就有得飲基本上人人都係叫同一杯好大杯呀啲珍珠好林賣相影相都相當吸睛好奶! 鐘意奶味重既人一定喜歡!不過相比下都係鍾意珍珠奶茶多啲但係一試無防呀