老虎冰室

營業中

休息中

屯門Vcity商場逛街，順道食晚餐，見到【🐯老虎冰室】嘅門面有閃亮嘅霓虹燈 🌟「今晚打老虎🐯」，同冰室嘅餐牌內嘅特色小菜吸引住😍，就入內進餐。冰室除了常餐外，仲有特色小炒及新派小菜。最惹味嘅有椒鹽炒魷魚麵 ($72)，魷魚爽脆外麵底加入辣椒及調味，帶有避風塘風味，微辣又好惹味。瑞士汁牛河🐮🍝 ($72)大大塊牛肉，沾上濃郁嘅瑞士汁嘅芳香，牛肉夠juicy，河粉嫩滑，唔油膩。妙齡乳鴿 ($58)燒得好靚嘅乳鴿，調得好入味，外脆內嫩，肉質滑嫩細膩。芝心蝦多士 ($68)外層黃金色，芝士融化帶有焦香味道，蝦膠爽滑彈牙，一件多士層次感豐富，非常滿足。瑞士雞翼 ($58）瑞士汁甘甜入味，雞翼皮滑肉嫩，食到停唔到。黑白多士 ($38）黑芝麻醬加煉奶，多士烘到脆卜卜，啖啖黑芝麻香味。青檸柑桔蜜烏龍茶 (跟餐半價，$19）青檸味道好fresh，加入話梅，好醒胃又解膩。🐯老虎冰室📌屯門鄉事會路83號V-city1樓L11

又到左返工好悶嘅日子，諗住忙裏偷閑，走咗去附近成坐一個好正嘅下午茶！叫咗一個呢度嘅招牌香蕉丹麥酥！成個丹麥酥真係非常之味，有糖漿，朱古力醬，鍾意食甜嘅一定會好鍾意！另外上面嘅香蕉非常之新鮮，而且熟成整到啱啱好！加埋啲朱古力醬一齊食真係邪惡得來又好滋味

V City 入面大多數都係D大集團餐廳，吸引力低，好在有哩間老虎冰室，下午茶時段又見選擇多，就入去試吓 。果然有驚喜，除咗炸雞髀好食，又大件，佢哋嘅「芝士蝦多士」賣相靚，脆卜卜超好食😋「老虎蟹避風塘炒麵」軟殼蟹熱辣辣，老虎蝦夠味，麵炒得好香，仲可以叫走辣，又唔油真係邊食邊讚好味，有大排檔風味👍值得幫襯冰室來講佢都算多選擇，又有乳鴿，鰻魚熱狗..etc係價錢偏高，尤其是跟餐改凍飲要加$6，有D貴，但嘢食真係唔錯！

高質冰室，環境坐得舒服，出品超好味❤鰻魚滑蛋炸熱狗68，原條鰻魚好足料！鰻魚夠香滑，配埋滑蛋，同埋香脆嘅炸熱狗，真係好好食😚香燒羊架餐128，用鐵板呈上，夠地道😍伴焗薯，連薯仔皮都好中意😋妙齡乳鴿 58，皮薄香脆，新鮮即炸熱辣辣🔥乳鴿肉夠juicy，非常入味。話梅柚子益力多，更有原粒話梅，口感酸甜，加上益力多，低脂清新😘冰室傳承懷舊港式風味，更加添上創新菜式。口味非常貼切，滿足驚喜！屯門冰室必試👍

估唔到茶仔都有鮑魚食，呢間冰室真係好有特色呀！二世祖撈丁勁浮誇，呢啲平時酒樓食嘅野喺老虎冰室都有，鮑汁撈麵底再加一隻鮑魚兩隻冬菇三隻帶子，鮑魚同冬菇都幾厚肉。老虎乸辣雞翼其實係瑞士雞翼再加秘製辣粉，雞翼好入味，如果怕辣將隻雞翼浸番落啲瑞士汁度就可以減辣，一雞兩食。鰻魚滑蛋炸熱狗炸過嘅熱狗包好脆口，上面嘅滑蛋同鰻魚甜甜地，條鰻魚都好肥美，第一次食呢種配搭，好有驚喜。另外仲叫左兩款小菜，拔絲咕嚕肉超正，脆得嚟個汁味道又啱啱好，欖菜肉鬆四季豆都唔錯，濃味啲更好。小菜仲有跟埋老火湯同白飯，幾抵食。

去V-city行街後找個地方吃個晚飯再回家被招牌大大隻老虎吸引住看過餐牌都幾有特式就決定試試老虎蟹避風塘炒麵有軟殼蟹和虎蝦各一隻 虎蝦夠爽口 軟殼蟹炸得香脆豉油王炒麵有蔥 銀芽 炸蒜 夠鑊氣超級香口 味道小辣又惹味愛心蝦多士這是母親節限定版 平時是正方形的蝦膠鮮味又夠彈牙 多士炸得酥脆又不太油膩記得沾沙律醬同吃 滋味加倍心心喇沙烏冬新加坡式喇沙湯底 椰奶味比較重味道不太辣基本的魚片豆卜鮮蝦都有的特別在加了愛心腸蛋 造型滿分妙齡乳鴿這個真的有酒樓水準 皮脆肉嫩又juicy

芝心蝦多士$68鰻魚滑蛋炸熱狗$68有內涵又有外表，出面原條鰻魚係滑蛋上面，打卡一流。個包包炸過好鬆脆可口，所有野都係Perfect match。老虎蟹避風塘炒麵$92迷你炸饅頭$32金黃香酥外脆內軟 現吃現炸除左練奶 仲有話梅醬🤩都好好味砵酒燴牛尾$68話梅柚子梳打多多$19青檸柑桔蜜烏龍茶$19🐲美祿暴龍$19🐮黑牛$19甜滋滋的可樂加上香濃的朱古力雪糕球仲要雪糕球有朱古力碎 好正！🍞法蘭西多士$45以牛油和糖漿伴吃 超級邪惡😈兩面麵包中間塗上花生醬 又香脆酥軟🧈香蕉船$37📌老虎冰室 (屯門)屯門鄉事會路83號V-city1樓L11

今日同朋友去到屯門v city度行街 經過呢間老虎冰室就入去食下啦 可能今年係老虎年所以就連冰室都有老虎主題 幾得意餐廳裝修雅緻 坐位闊落坐得舒服 一啲都唔似普通茶餐廳芝心蝦多士 蝦多士唔係好多地方有 上面有彈牙嘅蝦膠 下面係烘到脆卜卜嘅多士 再加埋香氣十足嘅流心芝士 非常滿足海南雞飯 份量幾大雞件 軟滑多汁 雞皮爽脆 重點係雞油飯香氣滿滿 配埋特色嘅黑醬油食 簡直絕配大大件厚切焗豬扒飯 上面超多芝士呀 豬扒又後又有口感雪糕紅豆冰 透心涼嘅飲品 紅豆煮得軟淋又入味

今晚要打老虎嗎⁉️虎年🐯已經過了1/3 ，回顧一下暫時都未有大作為🤫，每日湊女，返工，食飯同訓覺🥱。囡囡仲係細👶，如無意外，今個虎年應該都繼續做呢四件事🤭。今晚唔打老虎了，去間切合今年係農曆虎年主題嘅冰室食個虎年餐吧🥳。💎 鰻魚滑蛋炸熱狗 $68炸過嘅熱狗包放底層，中間鋪上厚厚滑蛋，頂層鋪上原條鰻魚。份量好巨大，炸過嘅熱狗包鬆脆，配上鰻魚滑蛋，口感特別。💎 芝心蝦多士(6件) $68多士脆口，蝦粒分明，多士炸過後，內裡的芝士剛剛溶。很美味。💎 老虎蟹避風塘炒麵 $92用洋蔥，韮菜，芽菜，辣椒絲炒麵，再伴原隻軟殼蟹同大蝦而且都幾大隻，炒麵火喉夠，有香濃嘅避風塘味。💎 咖哩脆脆豬扒飯 $78大大塊嘅豬扒脆口，肉質juicy。咖喱汁伴以蔬菜，味辛。送飯一流。人均消費💰 ： ＄ 150總結✍ ： 菜色有創意，款式特別，份量頗大。

📌 老虎冰室📍 屯門鄉事會路83號V-city1樓L11☎️ 37020832*☼*―――*☼*―――*☼*―――*☼*―――*☼*八婆仔嘅我上年年尾第一次學人去睇流年，相士話今年🐯虎年生肖對我有利。呢日中午同朋友去屯門V City行街，經過一間冰室，門面有隻勁生猛嘅老虎🐅招牌，入面有大大個用霓虹光管砌出嚟嘅老虎標誌，即刻入去沾番啲旺氣。😙話晒位於大型商場入面，冰室環境乾淨企理就梗㗎啦，仲要被安排坐我最愛嘅卡位，環境分即刻加多兩分🥰。常餐同午餐共9款，另外主餐牌都有各式粉麵、咖哩、焗飯，熱狗、同特色小食等，選擇非常大路，實有一款啱心水。💫濃湯海南雞絲一丁配丹麥酥多士及蔥花火腿炒蛋（$6️⃣3️⃣ + $6️⃣轉丁麵）每次出街叫丁麵都係一種冒險精神嘅表現，因為丁麵煮出嚟嘅軟硬度係好個人喜好，而呢間嘅丁麵啱晒我胃口，質地彈牙爽口得嚟又唔會太生。雞絲嫩滑，丹麥多士有好重牛油香，烘到勁鬆脆，炒蛋蛋味極濃仲有蔥，啱晒我呢個蔥控！💫魚香茄子炆米（$6️⃣8️⃣）炆米唔會炆到淋patpat ，口感啱啱好，茄子厚身，炒得夠淋唔油。💫芝心蝦多士（$6️⃣8️⃣）我同朋友都勁讚呢款小食。蝦肉彈牙新鮮，多士入口好酥脆，咬落去中間夾住嘅芝

餐廳招牌有老虎圖案，店內亦有老虎的霓虹燈，非常養眼，又迎合今年虎年。鰻魚滑蛋炸熱狗 $68原條蒲燒鰻魚，一口咬下去，滿嘴都是鰻魚的甘香。熱狗新鮮炸起熱辣辣，口感香甜酥脆，非常惹味。芝心蝦多士 $68多士炸得金黃鬆脆，表面鋪滿爽滑蝦滑，內裡啖啖流心芝士，不單有外表更有內涵，充滿驚喜！老虎蟹避風塘炒麵 $92虎蝦及軟殼蟹各一隻，虎蝦雖然大隻但口感不夠爽口彈牙，軟殼蟹香脆不油膩但味道偏咸，豉油王炒麵配上香蒜、葱及辣椒炒，惹味又過癮！老虎乸辣雞翼 $58味道甜甜的瑞士汁帶有微辣，雞翼不但嫰滑且很入味，帶有絲絲甜辣味。紅豆奶茶 $38將紅豆雪成冰粒，一杯裏面有一半都是紅豆，一點都不吝嗇。紅豆軟腍甜度適中，奶茶香味濃又夠順滑。

最愛常餐。因為可當作brunch，而且一個餐有幾樣食物，豐富飽肚多變化。老虎冰室冰室的常餐有兩樣我最喜歡的食材，一是番茄濃湯，二是丹麥酥多士。常餐B：厚切餐肉番茄濃湯通粉+蔥花火腿炒蛋+丹麥酥多士（$63）番茄湯好夠味，通心粉滑溜，二者是好拍檔。番茄湯留在空心的通粉裏，非常好味，湯可以全部飲晒。配埋嫩滑炒蛋和酥脆丹麥多士，滿足。特色小食餐：香蕉丹麥酥（$42）丹麥酥真是鹹甜都適合。加糖漿、朱古力醬和糖粉，甜蜜好味。香蕉新鮮不會過熟，啱晒我胃口。小食：老虎乸辣雞翼（$58）即是瑞士汁雞翼加辣椒醬，鹹甜辣齊曬。雞翼夠大隻又多肉。特飲：話梅柚子益力多（+$19）紅豆奶茶（+$19）特飲跟餐可以半價，雖然少貴但飲到底也夠味。

傍晚由屯門出返香港，好彩開返晚市堂食，可以慢慢食完才坐車。V-city一樓的老虎冰室坐得舒服，食物味道不錯，選擇又多。老干媽怒炒牛河（$78）河粉炒得唔錯，惹味乾身不油膩；牛肉也滑嫩。因為用老干媽來炒，所以有少少花椒香味和豆豉的鹹香。鰻魚蛋包飯（$72）賣相非常靚仔，鰻魚夠大條，蛋也嫩滑。可惜飯是白飯，若果轉為鰻魚汁炒飯就完美了。妙齡乳鴿（$58）妙齡的乳鴿雖然肉比較少，但嫰滑多汁，而且醃得入味，表皮香脆，皮下只有薄薄一層脂肪。很後悔點菜時要求一開四，因為不切開不但可以保留肉汁，而且手撕來吃應該會更過癮。老火湯好夠味，今日是老黃瓜煲瘦肉。

今日下午茶試下新野，餐廳算新開張，見裝修都幾企理就入去試試😮個環境係ok既，夠光猛，同埋都幾有cafe feel，座位間隔還好，坐得都舒服👍野食就叫左個鰻魚炒蛋炸熱狗，同埋下午茶既香蕉丹麥蘇 (即係多士)😂兩款食物個賣相都幾好，先講個熱狗，有原條鰻魚，個包又炸得幾脆，雖然3樣野既配搭有d 9唔搭8，但味道都唔錯😋個丹麥蘇就正正常常啦，其實香蕉加朱古力煉奶多士都好難難食，不過份量就少d，雖則係下午茶，但都成42蚊，性價比較低😩

📍老虎冰室 - #YFF屯門 💎-呢日黎到位於屯門Vcity嘅呢間新式冰室食個靚tea～店內空間十足，座位大多數都係卡位，坐得幾舒適鬆動。店舖裝修頗新式，以老虎作為主題，切合今年係農曆虎年🐯而且仲有唔少霓虹燈裝飾，玩味十足。-💡鰻魚滑蛋炸熱狗 ($68)呢碟菜式嘅賣相絕對無得輸，非常吸睛，打卡一流。上碟嘅時候見到咁大份真係嚇親，估唔到呢個價錢竟然俾大大條嘅原條鰻魚😱 炸熱狗即叫即炸，食落熱辣辣。熱狗沾上麵包糠炸到外脆內鬆軟，而且唔會油淋淋，食落有啲似炸donut既口感。加埋大大條既肥美鰻魚同埋滑嫩炒蛋一齊食，味道甜得黎幾有層次，非常滿足😋 估唔到熱狗配腸仔以外嘅配料都咁夾！💡芝心蝦多士 ($68)普通蝦多士就食得多，有芝士流心既蝦多士都係第一次食🧀 多士炸得香脆，餡料份量十足，每啖都咬到彈牙蝦膠同芝士，沾上另附嘅他他醬同食，非常惹味。💡老虎乸辣雞翼 ($58)睇menu上面張相見到呢碟雞翼有好多辣椒🌶️係面，以為一定好辣🥵，所以嗌咗小辣，點知食落一啲都唔辣，建議大家唔洗調整辣度😆雞翼每隻都好！大！隻！每一隻都脹卜卜，非常飽滿🤩雞翼皮幾嫩滑，味道食落其實有啲似加咗辣椒嘅滷水味。飲品方面，假