老虎冰室

營業中

休息中

約咗朋友係Vcity逛商場，找間茶餐廳坐低食嘢有間🐯老虎冰室，亮著閃爍嘅霓虹燈 「今晚打老虎🐯」打開餐牌見到新派小菜、常餐、仲有不同款式嘅特色美食。老虎蟹避風塘炒麵 ($92)軟殼蟹同老虎蝦有手掌咁大，外脆內軟又有膏，麵底加入辣椒和香蒜，微辣又有避風塘風味，好惹味。妙齡乳鴿 ($58)乳鴿調色好靚，燒到外皮脆卜卜，乳鴿肉嫩滑。邪惡西多士 ($42）西多士好大件，炸到黃金色，加入牛油同糖漿，切開見到搽滿花生醬爆餡，真嘅邪惡又食到停唔到口。瑞士雞翼 ($58)醃得入味細膩，瑞士汁芳香，夠大隻啖啖肉。杏仁霜 (跟餐）點了杏仁霜，好耐無飲，少甜帶茶記嘅味道。老虎冰室 Tiger Cafe 🐯📌屯門鄉事會路83號V-city1樓L11

老友深居屯門，約喺Vcity最方便，行下行下居然見到有正常飽肚嘅晚市小菜嘅冰室，仲要淨返一個卡位，即刻衝入去😂😂三味吊燒雞：有大酒樓水準！個南乳醬調教得好到位👍蜜桃拔絲咕嚕肉：蜜桃原來比菠蘿仲夾喎，粒肉做到外脆內juicy，最後連蔥頭都食埋😋XO醬西蘭花炒帶子蝦球：粒帶子大粒到好似刺身食嗰啲咁，但係入口有少少唔熟嘅感覺，忍唔住同侍應反映，廚師好緊張咁走出嚟解釋原來為免帶子過熟會嚡同痴牙，所以係用慢煮浸熟，所以仲好彈牙嫩口。依家周街冰室，菜式上始終主打早午下午茶，但係老虎冰室做到連夜晚都可以撐枱腳，出品仲要係大酒樓水準👍 Tiger, I will be back 😂😂

鰻魚滑蛋炸熱狗 $68一整條鰻魚完整上菜，滑蛋及炸熱狗承托，很是艷驚。熱狗輕輕脆炸外皮，油不過5毫米，不油膩。$68性價比極高，吸睛又飽肚。洋蔥芝士滑蛋炸熱狗 $38滑蛋芝士、洋蔥、熱狗全部先獨立烹調，火候剛好。滑蛋與芝士同流，形成美美的蛋黃色流心，心都融化了。芝心蝦多士 $68薄脆多士加蝦膠同炸，重現傳統滋味。 無論是多士還是蝦膠，都能吃得出新鮮！咖哩吉列魚柳飯 $68港式咖哩，日式口味。飯量充足， 新鮮薄脆魚柳 和咖哩醬全部吃光。香煎牛仔骨伴飯 $93一般香煎牛仔骨偏薄易乾，這裏用上半肥瘦牛仔骨，容易咀嚼，咬開後肉色似五成熟，美！ 但熟度是非常恰當 。燒汁超級惹味。絕對推介！話梅檸檬梳打益力多 $19鹹甜酸冰，多重口感，非常匹配。妙齡乳鴿 $58切成細件，方便咀嚼。 比 炸子雞更脆皮。熱阿華田 （特餐＋$0）放久後也不會水、粉、奶分離。凍紅豆奶茶 $19又一絕配。凍青檸柑桔蜜烏龍茶 $19值得一試。（跟餐飲品半價）整體：味道恰宜，選擇多 上菜快。港式特餐之上加點點新意，拿捏得恰到好處。

鰻魚滑蛋炸熱狗 🌭️ $68.00 原條鰻魚放喺炸到到外脆內軟嘅熱狗上邊中間夾住滑蛋三重口感。必食👍🏻芝心蝦🦐多士 $68.00經典蝦多士，中間釀入蝦肉，整個炸得超級酥脆。配埋沙律醬酸酸甜甜，有質素。洋蔥🧅芝士滑蛋🍳炸熱狗🌭️$38.00同樣係炸熱狗，不過內頭就係流心嘅芝士洋蔥上面加滑蛋，咖喱吉列魚柳飯 $68.00 🐟充滿驚喜嘅咖喱汁裏面有粒薯仔粒，魚柳大件脆身，絕對唔係汁醬頹飯。香煎牛仔🐃骨伴飯 $93.00 估唔到牛仔骨都可以做到半成熟，外面燒得又香又濃，咬開滑滑。妙齡乳鴿 $58. 00一開四件，雖然係乳鴿但係外面炸得卜卜趣脆乳鴿亦有肉地🍖🍗青檸柑桔蜜烏龍茶 19. 00 （跟餐半價）清爽好味道，青檸起碼有四片，絕對足料。紅豆奶茶 少甜 少冰 $19. 00（跟餐半價）簡直係經典中嘅經典，冰粒當中果真係有紅豆🫘😂超有趣。話梅檸檬梳打益力 少甜 少冰 $19. 00（跟餐半價）特別嘅益力多飲品，同話梅檸檬非常之夾🥹，鍾意飲手搖飲品又想試新野又唔想中伏的要試一試。阿華田 濃到不得了❤️真心一讚

下午茶選擇吾多今日去屯門同老友食tea,因為之前老友食過lunch話OK。去到215佢又可以入去坐低等，無所謂啦！去到230,要問至派下午茶餐牌，一睇有D 失望，因為選擇吾多加埋無乜特色，我朋友就叫左個好似早餐的兩餸米，我就叫一個三文治。我無問朋友好吾好食，佢至系話煎蛋送蛋殼。吞拿魚芥末碎蛋多士（$42）2分- 第一眼以為系好厚好多涵，其實可能系佢特別將雞蛋做得吾系太碎，所以只系用來突起中間，側邊大部分系無料- 雞蛋無蛋香- 絕對無芥末味-吞拿魚亦系無味- 多士有D靱檸檬茶中規中矩啦

又有一個吃貨朋友出咗bonus，所以就同佢去食一餐好食嘅，可以大家傾吓八卦嘢❤️於是去咗呢一間餐廳食飯，就咁望落去呢間餐廳嘅氣氛環境都好好，十分舒適可以俾我哋放鬆吓真係好好❤️我自己好鍾意食西多士上枱香噴噴，甜得來唔會好油膩，超厚身，非常惹味，大大的享受啊。

早排bf提議就去左呢一間餐廳食嘢😋知道喺IG都有好多人都話呢一度好正，就一定要去慰勞自己！同大家分享下✨沙嗲牛肉麵呢個真係不得了，沙嗲嘅味道真係食極都唔厭，好juicy，好厚肉，真係好正👍🏻

又有一個朋友要移民啦，於是一於要去食番一餐好嘅，順便可以俾我哋傾吓生活趣事🤩就特登搵咗呢間銅鑼灣嘅餐廳食嘢，就咁望落去呢度嘅環境氣氛都好啱feel，好舒適可以坐低慢慢咁傾偈都幾唔錯，💁🏻‍♀️星洲炒米意外地有啲驚喜，肉質香嫩，好juicy，非常惹味，簡直係完美❤️

又有一個閨蜜要移民啦，於是就梗係要食番一餐好嘅，順便可以比大家聚舊下都好🤩就特登搵咗呢間餐廳食嘢，一去到望到成間餐廳嘅裝修都好好，十分舒適可以好好咁休息吓真係好開心🤩🔸吉列魚柳薯條必叫之選， 一點也不靭，肉方面好juicy，咬下去好有滿足感，簡直係完美💯

鹹牛肉叉燒炒蛋三文治早餐先有的皇牌三文治薄多士烘至金黃脆身超有份量的餡料多到滿瀉出來而且叉燒比鹹牛肉還要多🤩未免太抵食啦嘛叉燒微甜的蜜汁同鹹牛肉的鹹香加上重蛋香滑滑炒蛋真係好好食仲要包熱飲 熱奶茶厚滑香醇出色平靚正 絕對值得為佢早起排隊Corned beef char siu egg sandwichThe honey roasted char siu in the scrambled egg and corned beef filling is such a delicious addition. The filling is so generous that it literally oozes out when I bite into it. This is my favorite breakfast choice!

🐣復活節假山長水又遠咁去左屯門食老虎冰室，本身想試佢個鰻魚滑蛋炸熱狗，點知太遲去賣晒🥲好彩都試到蝦多士同埋叫左每間茶餐廳必叫既常餐🖐🏻下次要早d去試鰻魚滑蛋炸熱狗🌭😭【芝心蝦多士 • $68】芝心蝦多士一客有6件，麵包好薄，炸到金黃，中間係蝦膠🍤同埋邪惡既流心芝士🧀老虎蟹都要叫📣🐯【常餐B | 厚切餐肉蕃茄濃湯通粉 • $63】一見到厚切餐肉就🐯衝，個餐有丹麥酥多士🍞同蔥花火腿炒蛋🍳唔想食蕃茄濃湯既我轉左出前一丁(+$6)🍜麵煮得啱啱好，唔會過淋。多士唔夠鬆軟，炒蛋滑得黎又夠料，本身expect餐肉會一粒粒炸到脆身，所以叫左另上，但一d都唔脆同好鹹(同期望有d落差🤏🏻🥲)【生炸雞髀薯條 • $42】雞髀🍗唔算大隻(有d茶記既雞髀大過塊面🤣)，同埋過左火唔滑，薯條🍟唔脆。下次可以唔叫🥲

外賣自取落單時間10:51 ，已經一直有耐性地等待至少15分鐘有多，之後多番請餐廳職員追下，但係回應係「15分鐘最少㗎啦」態度愛理不理。在我後面也有好幾張order，最後差不多25分鐘開始啲人已經鼓燥，一齊嘈佢先至入去睇下張單。😡最後我係半個鐘先至攞到份餐，太耐太過分啦！最重要係職員態度勁差，唔好意思都冇講句。雖然知道你係茶記，但係服務態度未至於在此，啲嘢食好到曉飛都冇用，何況我只係經過順便買個早餐啫，一定冇下次囉！

今日午餐吃得有點少，一返到入屯門，立即先去食個下午茶餐新開的冰室老公點了涼瓜排骨飯（$52）（不能理解下午茶食飯😂）味道不錯，苦瓜應該汆過水不苦，排骨好大塊，但只有極少肉，睇下下圖，d骨大到呢！顧客無肉食😂😂超邪惡西多（$42，凍美綠+$6）雖然上面道涼瓜排骨飯無肉食，不過公道點來說，這道西多真係幾有邪惡的誠意，total有三片麵包夾住2層花生醬，花生醬亦搽足，多到一切開就會滲出來，連邊位都唔會唔夠花生醬，幾好食下午茶不用加一，兩個人埋單$100，除了排骨得骨，價錢尚算合理

昨晚屋企人提議就去咗呢一間餐廳食嘢！知道社交平台有好多人話呢一間餐廳好有驚喜，於是就今日要去放肆下！另外地方好企理，感覺好好真係好喜歡雞翼沙律呢個真係不得了，肉質保持軟腍，肉方面好juicy，相當香嫩惹味，味道都幾好💯

11:35分落單明白星期六會比較忙絕對體諒既但點解落左單25分鐘都冇人通知係冇沙嗲牛肉麵？要摧單咁耐冇嘢食先比餐牌話冇我又唔覺得真係忙到完全冇時間我都做過飲食唔會唔知忙定唔忙囉D野食難食到爆真係唔會再食我唔摧既話根本唔會有人話我知我想要嗰個餐冇要客人等咁耐仲要服務態度差嘢又唔好食比錢真係嬲左囉唔係比唔起，係覺得一D都唔值一個常餐60幾，仲要係難食仲要係受氣我當場冇發脾氣已經好好希望D侍應下次冇個樣食物即時通知客人