老祖食堂

營業中

休息中

東涌food court好多嘢食但黎到門口就見到寫住2023米芝蓮😮Menu好多經典港式飯餐但特別嘅就係黑叉燒同依家少見嘅豬油撈飯！-黑叉燒配香煎雞扒飯 $74叉燒肥瘦均勻，甜甜地又夠淋👍🏻雞皮都煎得好香脆😋加埋甜豉油好好食而且份量都唔少-迷你西關瀨粉 +$10 跟set有豬油渣 蘿蔔乾 蔥粒 冬菇 外型同食落都有啲似狗仔粉全部配料撈埋一齊食好夾🤤-香煎土魷肉餅煎蛋飯 $68肉餅調味唔會太鹹，而且又唔會太多肥豬肉肉餅嘅邊邊位仲有少少脆添🤣煎蛋蛋黃流心撈飯食好正🤤-XO醬爆炒腸粉 +$28 跟set腸粉炒得外面焦香之餘入面唔會淡茂茂！炒得超好味！而且仲有蝦米仔一齊炒😍好推薦大家食呢個小食👍🏻-食物模型嘅炸糉好特別，不過太飽試唔到下次黎決定再試試！

今天约了朋友到东涌体育馆打球，时间不太多，所以到了东荟城名店仓7楼的食代馆打算速吃个晚餐，逛了一圈，看到食代馆入口右边的第一间老祖食堂写着“米芝莲推介2023”，就被吸引了。点了黯然消魂饭、酥炸猪肉棕和XO酱炒萝卜糕，黯然消魂饭的腩肉晶莹剔透，加上2只流心蛋十分满足；炸棕外脆内软，还配上砂糖，十分美味；萝卜糕色香味俱全，还有青红萝卜粟米汤送，吃了顿丰富的晚餐有充足的体力去打球。另外看到有黑毛猪油捞饭系列、XO酱炒肠粉和西关濑粉也很想试，下次一定会再来。

東涌Food Court 食米芝蓮！極黑•黯然燒魂飯 $70呢一個唔係普通嘅叉燒飯，真係令你食到驚喜嘅黯然銷魂飯，佢特別配製嘅醬汁同叉燒真係相得益彰，切片嘅叉燒口感剛剛好食落去好Juicy入味，加上醬汁撈飯即係越食越上癮，再加埋隻太陽蛋當你一食落去蛋汁流開嘅時候真心不得了！香煎豬扒豬油撈 $68真係唔係周圍有得食嘅豬油撈飯，呢一個香醇黑毛豬油撈飯10個推介一定要叫，豬肉嘅香氣撈飯，入面口感真係冇得彈，再加埋外脆內軟嘅香煎豬扒，整個配合入口層次好豐富，豬油撈加埋醬汁即係越食越惹味！加$10套餐 迷你西關瀨粉佢係2023米芝蓮推介系列，如果你覺得食唔晒太多嘢就可以加佢個套餐叫呢個迷你嘅瀨粉，將佢變做小食都好滋味㗎！加$28任食一款滋味小食 XO醬•爆炒腸粉另外套餐種類仲可以揀小食，我哋就揀咗炒腸粉，估唔到真係超級香好有鑊氣，XO醬完全融入咗腸粉入面仲有唔同嘅配料咬落去口感一流！老祖食堂 (東涌)東涌達東路20號東薈城名店倉7樓704號舖食代館8及8A號舖

嚟到東涌行街，喺買嘢之餘都要食個lunch增加戰鬥力。今日就揀咗喺佐敦有分店，連續兩年2023至2024年米芝蓮推介嘅老祖食堂食個lunch。老祖食堂係喺東涌商場嘅food court裏面嘅，主力推介嘅係關西嘅懷舊食品。當日都點咗唔少嘢食，當中不得不推介同埋我最為欣賞嘅就係炸肉糭。炸肉糭係其他餐廳比較少見，所以當日就好奇點咗嚟試一試。炸肉糭令人十分有驚喜，肉糭炸到超級乾身脆身，而且一片裏有齊平時肉糭嘅綠豆同埋瘦肉，係喺出邊其他餐廳食唔到嘅味道。另一個推介嘅係黯然銷魂飯，滿滿嘅飯上面鋪滿左肥瘦相間嘅叉燒，仲有流心嘅煎蛋，加埋飯嘅醬汁，真係十分誘人。呢片叉燒亦都係用咗特別嘅黑毛豬製造，所以充滿咗豬肉嘅香味。至於Xo醬煎腸粉，蝦米同XO醬都非常出色，大家都可以點嚟試一試。飲品方面，最近好興嘅手打香水檸檬呢度都一樣有得嗌。仲有好多特別嘅口味。當日就點咗一杯香茅味同埋一杯好特別嘅青瓜苦瓜味道。香茅味嘅一杯非常突出，好似飲緊一杯泰式飲品，夏天真係透心涼同埋非常合適。而苦瓜青瓜嘅杯，苦味唔算突出，青瓜味同埋苦瓜味嘅總和令到呢杯飲品非常清新清爽。

今日有活動入到嚟機場，之後，趁返回東涌，就順道上咗東薈城嘅食代館食個早鳥晚餐先打道回府。晌裡面打咗個轉，就揀咗「老祖食堂」，因為，差唔多兩年前，幫襯過晌「葵廣」嘅「西關老祖」，知道佢哋嘅「叉燒飯」有一手，所以，再重溫一下當中滋味。雖然位處美食廣場，地方勝在夠大，光猛闊落，又算喺夠整潔，加上未喺晚飯尖峰時段，無話擠滿人。店家主打老廣州嘅西關嘢，但整體嚟講，選擇非常之多，更有唔少招牌嘢，仲可以加錢升級Set A、Set B。大概等10分鐘左右，就整好晒。S4. 西關瀨粉配XO醬爆炒蘿蔔糕 $76+ 蘿蔔湯 $10碗西關瀨粉非常之大碗，睇相你都見到有菜脯、蔥花、豬油渣，將三者跟瀨粉混合，一次過放入口，不單止味道多變，口感亦富有層次，非常之特別。至於個炒蘿蔔糕，亦都非常之出色，蘿蔔糕切成方粒，的的骰骰，大細剛好一口一件，自家製蘿蔔糕本身亦做得唔錯，夠挺，唔會太削，都足料， 所以，食得到有蘿蔔嘅清甜味，加埋XO醬爆炒，自然惹味十足。加$10要埋呢個蘿蔔清湯，真喺無揀錯，除咗好大碗之外，嗰陣陣嘅蘿蔔味非常之清甜，比預期好飲。 7A. 黑叉燒停午餐肉飯 $76+ 黑松露炒蛋 $28睇見一片片嘅叉燒，

我平時好鍾意行東涌outlet 上星期行到攰攰地 上左food court 試食聽朋友介紹ge芝蓮推介2023望住個menu 樣樣都想食 最後點左以下呢幾樣極黑 黯然銷魂飯 配XO醬怒炸金龍燒賣 （12粒）$98因為我太肚餓 點左個飯食 呢個黯然銷魂飯ge叉燒好香好juicy 又唔再太瘦太肥 岩岩好 好滿足 2隻蛋都煎得好香 另外燒賣炸得好香脆 配合埋XO醬好夾好出色 12粒真係食到我好飽好full蘿蔔湯好有驚喜 係好清甜ge關東煮湯 2舊白蘿蔔都好夠淋好入味好甜 100分 我成碗飲晒 正 脆炸雞翼 +$28即叫食炸 炸到好脆好香 仲好juicy 配合埋泰式辣醬真係好好味 食唔停總括而言 呢間真係平靚正 係shopping完休息醫肚ge好地方

行東涌outlet行到攰去醫肚，去咗7樓food court,見到「老祖食堂」係2023米芝蓮推介就試下。呢度係一間地道嘅粵式餐廳，以提供正宗嘅粵菜為主，款式都特別，出面唔常見到。.首先，講下佢哋嘅招牌菜 - 西關瀨粉配炸粉2件。呢碗特色美食係老祖食堂嘅招牌之一。瀨粉綿密滑嫩，配埋炸豬皮嘅脆口口感，食起來好有層次感。瀨粉嘅味道似18座狗仔粉，有鮮味，令人食得好過癮。.再嚟就係極黑•黯然銷魂飯。飯底係有醬油，但味道較淡。上面再配上秘製叉燒同2隻流心蛋。個肉嫩滑多汁，蛋汁超多，配上飯一齊食，真係好滋味。.再嚟就係XO醬•爆炒腸粉。呢款腸粉炒得香口，配上香辣嘅XO醬，味道更加濃郁。腸粉本身軟綿綿，加埋爆炒嘅配料，完美吸收晒XO醬，超好食，推介。.最後仲食咗炸雞脾。呢款炸雞脾炸得香脆，外皮超脆，有辣粉喺面。食落好脆口，都唔會太咸。.總括而言，餐廳提供嘅食物幾特別，味道都幾好，價錢亦實惠。仲係2023米芝蓮推介。如果你想食正宗嘅粵菜，不妨嚟老祖食堂試下啦！

因為米之蓮而慕名去試，點知名過其實。店舖只有一個店員，出餐有混亂，明明要迷你瀨粉但俾蘿蔔湯。如果不是我出聲提了2次，店員都唔對單出餐。極黑.黯然銷魂飯$69, SET A +$10 迷你關西瀨粉。極黑.黯然銷魂飯幾塊幾乎全肥的五花腩肉，如果這叫叉燒，咁真係全港唯一獨家，絕對無二店！還要難以咀嚼，冷餸微溫的午餐。絕！伏迷你關西瀨粉瀨粉似圓粗的粉條，0彈性，一口粉。伏中伏的一餐，不會再光顧！麥當勞都可以得到米之蓮。

----老祖食堂----東涌達東路20號東薈城名店倉7樓704號舖食代館8及8A號舖估唔到行東薈城諗住掃平貨行outlet幾十蚊嘅價錢都可以食到米芝蓮嘅質素孜然炸髀 配黑松露炒蛋飯一道結合了中國和西方風味創意菜餚 有脆皮和嫩肉 並帶有孜然香氣 表皮極之脆口！黑松露炒蛋好正 香噴噴 孜然 黑松露 兩種濃郁香料食材雖然簡單，但係認真製作都整到米芝蓮質素蔥油雞扒煎蛋飯可能佢哋有獨門嘅油炸方法 塊雞扒又係非常香脆香蔥切得比較大粒 食落去比較脆口成碟食晒，非常乾淨

之前佐敦文苑街食過西關老祖，一直覺得好特別，又幾好食😁係東涌東薈城7樓foodcourt開左老祖食堂😚今日同朋友去東涌行outlet，當然要去食2023年更榮登米芝蓮推介名單🥳極黑黯然銷魂飯、自家製西關瀨粉、自家製杜洛克豬肉棕都榮獲米芝蓮推薦美食👍🏻極黑·黯然銷魂飯(杜洛克豬) $69 叉燒係選用西班牙黑毛豬腩肉肥瘦層次分明，可以見到一層肉一層肥膏再配惹味叉燒汁，配飯一流😋肉質彈牙，重點係食完都唔覺得油膩用日本雞蛋，煎到濃邊，蛋黃係流心，蛋味香濃，撈埋飯一齊食，超正，推薦！孜然炸脾配黑松露炒蛋飯$62炸髀香脆，孜然味重，肉質Juicy😊黑松露炒蛋，好香濃嫩滑！XO醬‧爆炒腸粉（Set B + $28)有鑊氣，腸粉好香滑，XO醬味道香濃，幾惹味鰹魚蘿蔔湯（Set A + $10）幾清甜，蘿蔔幾腍，入味酥炸·杜洛克豬肉炸糭（$28/2件）自家製豬肉糭，先蒸後炸，炸到好香脆，又幾好食，好特別，推薦！😘

一入東涌東薈城7樓foodcourt就俾第一間poster吸引左2023米芝蓮推介 : 老祖食堂上網查一查, 原來本身西關老祖位於佐敦文苑街18B，只做外賣;  而家係東涌開左呢間分店  Menu有好多唔同野食款式可以選擇, 最後決定食呢間呢日自己一個2點半先放lunch, 非常肚餓 >,< 所以叫左個set lunch 再加3個小食 ;P我本人極推"極黑。黯然銷魂飯(杜洛克豬)"! 叉燒用西班牙黑毛豬腩肉 仲要係半肥瘦 ;P 配埋個惹味叉燒汁送飯! 超正!另外, 仲有2隻日本煎雞蛋, 蛋味超濃香滑; 流心蛋黃加埋叉燒汁係絕配!另外個XO醬•爆炒蘿蔔糕都好有驚喜! 炒得勁有鑊氣, 蘿蔔糕切到一口吃size, 加埋XO醬煎至焦香, 非常惹味! 真心好想試一試個米芝蓮推介的西關瀨粉, 食下西關懷舊風味, 所以叫左碗迷你西關瀨粉試下味好有驚喜, 個油渣係成碗瀨粉的靈魂! 再加埋菜圃&蔥的香, 味道有層次 因為真係太肚餓, 決定叫多一個小食, 俾"黑白炸丸"呢個名吸引白丸味道有驚喜 ;P 個餐包埋一碗鰹魚蘿蔔湯, 湯好清甜, 個蘿蔔好淋好入味

🍳🔷【 老祖食堂 】🔷🍳⋄ —————⧫♟⧫————— ⋄位於佐敦文苑街嘅「西關老祖」得到2023年米芝蓮推介🏆依家開到去東涌東薈城😍 行完outlet可以去food court試試西關風味☺️❣️🍳香煎梅香鹹魚肉餅（杜洛克豬）煎蛋飯🐷呢個飯實在係重量級😳 兩塊鹹魚肉餅仲大過我手掌，而且勁厚身，兩個人share都冇問題👭 豬肉採用杜洛克豬，令肉餅嘅口感及味道更佳👍🏻煎蛋燶邊，靚到不得了，真係超正😋🍘酥炸 • 杜洛克豬肉粽（$28/ 2件）自家製嘅豬肉粽，先蒸後炸，非常香口，又唔油膩，好特別的一款小食，必試🧡🥕XO醬•爆炒蘿蔔糕（$45）切成小塊嘅蘿蔔糕勁有鑊氣，煎至金黃色，微微焦香，配搭靈魂XO醬，再熱氣都要食😆🍗孜然炸雞髀（+$28）🐔脆炸雞翼（+$28）⋄ ┄ ┄ ┄ ┄ ❖ ┄ ┄ ┄ ┄ ⋄🍳香煎梅香鹹魚肉餅（杜洛克豬）煎蛋飯 （$65）🍘酥炸 • 杜洛克豬肉粽（$28/ 2件）🥕XO醬•爆炒蘿蔔糕（$45）🍗孜然炸雞髀（+$28）🐔脆炸雞翼（+$28）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：老祖食堂 (東涌)東涌達東路20號東薈城名店倉7樓704號舖食代館8及8A號舖

平時都成日會過黎food court呢到，但今次俾我見到一個特別既身影😍原來係老祖過咗嚟呢到開分店呀🎉之前係佐敦已經對佢地印象好深刻，因為佢地既菜式好特別，就例如炸粽咁🍙基本上無其他地方可以食到。今日因為自己一個，就只可以試到咁多，但我都已經好滿足😌因為試到佢地即場整熱辣辣既黯然銷魂飯🍖呢到仲係用左日本蛋去整添🍳。🐒極黑。黯然銷魂飯(杜洛克豬)💰$69👉🏻Set B: XO醬•爆炒腸粉+$28嗌飯/其他主食類既話可以揀跟Set A配湯or迷你瀨粉or椰菜/Set B配滋味小食🔥咁我就緊係揀左小食啦，咁樣就可以試到我想食既炒腸粉啦🦐重點係佢個飯既醬汁好特別，甜甜地好似燒汁一樣🐖而呢款杜洛克豬食落啲肉爽口啲，even係啲肥膏都做到好彈牙，完全唔會膩💯呢樣野都幾神奇，不愧為米芝連得主。🐒XO醬•炒椰菜💰$35呢款炒椰菜同炒腸粉個base一樣🥬所以同樣地個蝦米好多而且都好惹味👍🏼

本身一見到西關呢兩個字，就諗起以前元朗的西關粥品，那時的鹹湯圓相當吸引，雖然是一間粥舖，但是仍然能吸引我間中獨個前去，自它執了笠，都多年沒吃過鹹湯圓由於有次去完迪士尼，都沒有什麼好吃，於是就出返東涌，再次到這個美食廣場，其實我再縱觀這個美食廣場，除了韓國嘢之外，其他都完全沒有興趣吃的。現在這間西關風味的東西，這碗油渣菜譜潮式瀨粉，麵條份量不算太多，味道夠香，不過，你看看它的油渣，與相片比較真的差太遠了吧。圖片中的油渣大大塊，但是實物來到，腕子上面的油渣只是非常碎濕濕的那種，不符合商品說明條例。不過，帶點豬油香的油渣、加點菜譜、再加上大量香蔥，吃落味道的確不錯的。另外仲有炸糭，不太多地方有得吃，這細細碟，一碟只有兩件，還算不錯，因為糭本身吃起上來會比較易滯飽，不過其實它炸過之後，你都不覺得太過油膩，再加一碟糖，超配的味道，算是不錯的。我搵過而家本地，其實仲有邊度有這類型的西關風味東西，或是鹹湯圓，想不到原來反而深水埗汝州街有間餐廳還有鹹湯圓可以吃

外賣打開有好多唔同長度嘅毛髮，好嘔心。。。如果堂食一定要叫佢退錢，味道又差，普通粉仔都冇佢咁貴，但一定好食過佢。。。。唔知佢憑乜賣咁貴同上到榜。。。份量少，但基於都好難入口，同衛生問題，冇食就去左垃圾桶。。