老掌櫃東北菜館 (海之戀商場)

營業中

休息中

老掌櫃東北菜館 • 荃灣荃灣呢一間東北菜餐廳我自己光顧過幾次，幾次都坐滿人，原因我諗係菜式性價比高，款式亦多，而且亦都好適合一大班朋友聚會。✅ 煎餃(肉三鮮) 🥟肉三鮮即係豬肉、蝦仁、韭菜。餃子粒粒飽滿，入面有肉汁，我冇點醬汁同醋食，因為個人覺得味道已經足夠✅ 醉雞 🐔清香嘅紹興酒味，徹底滲入雞肉入面，雞肉肉質嫩滑，而且我呢一份基本上係雞髀位置，擔擔酒香增加食慾👍🏼✅ 蔥爆牛肉 🐮京蔥加上牛肉一齊爆香，香味十足，牛肉嫩滑，簡單嘅配搭，但做出嚟嘅味道唔錯，相信冇人唔鍾意✅ 秘製牛犇麵 🐮揀咗呢度菜式嘅其中一個原因係因為俾個名字吸引，其實佢材料係牛腩，牛腩帶點筋位，湯底係胡椒湯，胡椒味濃，一個普通麵嘅價錢，但份量足夠二人食用👍🏼✅ 家常餅 🫔帶點煙靭嚼勁嘅薄餅，亦有蔥油香味

❤️欖菜肉鬆炒飯欖菜為炒飯添上微鹹。炒飯內有粟米粒🌽、紅蘿蔔🥕粒、豌豆🫛等，十分豐富，口感十足～😋飯粒粒分明炒得夠乾身有鑊氣👍🏻。❤️紅燒肉燉粉絲條內有黃芽白和粉絲。紅燒肉燜得很軟腍入味～😋有少少肥膏，邪惡得黎好好味🤤。粉絲質感像薯粉，口感煙煙韌韌～❤️清炒萵荀十分爽脆清甜😋切成條狀不是切成絲，口感十足！❤️韭菜豬肉餃（10隻）皮薄餡靚～韭菜入口好香，豬肉夠新鮮👍🏻點埋醋食更滋味～🤤

荃灣人都知道海之戀中有幾間擁有海景的抵食餐廳之一，其中這間東北菜更是聚餐首選。一班人想食中式菜又想特別一點都會選擇老掌櫃。鍋包肉 $96東北菜必食名菜，豬肉炸得好香脆，即叫即炸，配上甜甜酸酸的汁，一啖接一啖停唔到口宫保蝦仁 $86蝦仁有微炸過，加上醬汁好香口，連埋炸香的花生，配飯一流紅燒肉燉粉絲條 $86東北的燉菜也很出名，粉絲條可以代替主食，唔洗成日食飯咁悶，亦是美味之選高力豆沙 $13/個這個甜品唔係周圍都有得食，而且呢間做得好出色，豆沙唔會太甜，蛋白炸得好鬆軟，配上外層沙糖的口感，必食之選

行完DONKI想食晏就見到呢間中菜但佢個位置有少少難搵唔係電梯位附近如果想食得飽又抵食嘅話我覺得唔錯而且選擇亦都唔算少可以加埋小食☀️水煮鮮鱸魚配飯☀️京式炸醬麵☀️四喜烤麩☀️雞絲粉皮叫咗四樣嘢埋單港幣152以呢個份量同價錢嚟講性價比算係高水煮魚個味道好惹味唔會太辣有少少麻配料有黑木耳芽菜同薯粉鱸魚係類似生魚片完全冇骨咁炸醬麵嘅份量超級大兩個人食完麵其實已經食唔落碗白飯所以呢個價格絕對係大件夾抵食

今晚約咗朋友喺荃灣海之戀上面嘅老掌櫃東北菜館食飯。餐廳枱同枱之間比較密。今晚全場爆滿，喺香港而家難得見到嘅境況。我哋點嘅菜式，同見到餐廳內好多台食客所點嘅菜式嘅份量都好大份。唔怪之得吸引到咁多人嚟幫襯啦。北京填鴨半隻（跟一份約20塊嘅摩摩皮）-$168: 要食軟熟嘅摩摩皮，一定要趁熱食。值得一讚係佢摩摩皮嘅份量夠多，唔使再額外叫。水煮牛肉（$118）：入邊有牛肉，娃娃菜，雲耳同埋薯粉。水煮醬汁辣得有層次。

我地五個大人同二個小朋友，去到門口同佢地講一共7位，個職員直行直過，禁我就行入去問職員你哋係咪落場？佢話唔係然後就安排我哋坐，好啦點完嘢食叫佢提供六隻碗，個女侍應就真係俾咗六隻碗我，不過其中三隻係勁污糟，仲要有飯粒係到，叫佢換佢就好唔耐煩㗎嘛，等等等等，我心諗如果你有睇清楚就唔會俾啲污糟嘅碗我哋啦仲嫌我哋煩，其實唔想做就真係可以唔做㗎，我俾錢黎食嘢唔係受氣囉，食食吓有個男職員嚟打開個窗簾，曬到死，想趕人走咪出聲囉！食到成肚氣，食到一半，唔食埋單走人！講返啲嘢食先，元朗嗰間好食過荃灣嗰間，京蔥牛肉啲京蔥仲多過牛肉，牛肉得幾塊，木耳、青瓜好似變壞咁，呢間嘢真係冇下次！勁多空枱都唔執枱，喺度掛住吹水！

餐廳位於海之戀商場2樓，在Doki旁邊，適逢星期五，人流算幾多下，餐廳主打東北菜，菜式豐富多樣，餃子、涼菜、海河鮮和豬牛雞等傳統地道小菜都有，價錢算貼地價。北京填鴨叫左半隻北京填鴨，有附京蔥、青瓜和餅皮。北京填鴨皮香肉嫩，味道香濃醇厚，充滿鴨油香味，用餅皮、京蔥和青瓜沾上特製醬汁包裹食用，層次感十足。老醋海蜇頭有好濃郁既蒜香味，青瓜清脆爽口，醋味味道咸酸，同時有少許微甜和回甘，海蜇頭口感軟熟得黎有嚼勁，醋味令其鮮味更加特出。高力豆沙東北傳統甜口菜，表面鋪滿砂糖，外層炸得金黃，裏層雪白，軟滑細膩，豆沙味道香口濃郁，甘甜味濃。

垃圾QR code落單完乜都睇唔到根本唔知自己有冇落到單，等30分鐘先同我講去櫃檯落，如果咁差，不如全人手落單，嘢食一般之前有個蔥爆羊肉午餐係好食嘅可能因為近期成本高冇咗，嘢食係偏甜嘅抵唔抵食見仁見智不過唔推介特登走嚟食

位置係Donki旁邊 要轉入去先見到呢間餐廳但係都冇阻佢既熱鬧 大約七點到 都接近全場爆滿越黎越多餐廳都係用掃碼下單 老掌櫃都唔例外可以自己慢慢睇 揀岩左之後自己落單主打東北家常菜 北京填鴨係佢地既主打🔶北京填鴨半隻 ($168/半隻)配料有 蔥條 青瓜條 蘸料雖然係半隻 但都係大約20皮鴨肉可以包住北京填鴨肉片黎食蔥條 青瓜條 能夠帶點清新 蘸料味道偏濃 建議唔洗點太多醬🔶韭菜豬肉餃 ($50/10隻)隨碟送上辣椒油同黑醋辣椒油唔會過辣 味道岩岩好黑醋同餃子都好夾每粒餃子都係大大粒 入邊既料都充足東北人係食餃子作為主食 我地亦都入鄉隨俗食完呢碟餃子都真係好飽 唔洗額外叫麵/飯🔶糖醋里脊 ($88)糖醋里脊做到即點即炸 上碟時仲伙熱辣辣呢類有炸過既食物 都係適襯熱食 保持到外脆內軟糖醋醬汁做到酸酸甜甜 特別開胃🍴整體評價：東北家菜係香港比較少餐廳有提供呢間老掌櫃東北菜館最近係香港都幾受歡迎試過係其他分店見到老掌櫃東北菜館出邊都大排長龍價錢公道 可以接受食物種類都比較多 岩曬一班人去食推介指數: ⭐️⭐️⭐️⭐️——————————————————————————————📌 荃灣大河道100號海

在沙田的老掌櫃東北菜館，環境寬敞明亮，裝潢簡約卻不失溫馨，讓人感覺很放鬆。餐廳內的座位安排也相對寬裕，適合與朋友聚餐或家庭聚會。食物方面，我特別推介他們的（半隻），只需$168便可享用，份量驚人。鴨肉切得均勻，肉質鮮嫩，每一口都充滿了肉汁，搭配青瓜和京蔥，更是完美的組合。另一道值得一試的是，熱辣辣上桌，一撕開就能感受到濃郁的羊肉香味，絕對不會讓羊肉愛好者失望。最後，甜品方面的也很有特色，外層脆脆的糖衣包裹著酸甜的蘋果，吃起來既有趣又回味無窮。雖然整體食物味道不算特別出眾，但以這個價位來說，性價比非常高。總體來說，老掌櫃東北菜館是一個值得一去的地方，不僅食物美味，而且環境舒適，非常適合與朋友聚餐！

街坊大讚多年的街坊老店，主打親民高CP值的中菜館。當日是平日的晚上六點，店內已經人山人海，出現小人龍。當日試了餐廳必叫北京填鴨，2人食半份剛剛好，鴨比想像中厚身，肥瘦剛好，$168黎講抵食！其他小食雖然驚喜不大，但味道唔差，CP值勁高。

同朋友去海之戀買野，近近地係商場裡面搵埋野食，見係激安附近有間東北菜好似不錯，估不到都算多人等位(食物應該不錯)。麻辣冷面冷麵加入了辣椒醬、胡麻醬和其他辣味調味料，帶點獨特的辛辣味和麻味，撈埋一起食真不錯之選，麵條又有彈性。水煮牛肉麻辣味厚，滑嫩適口，香味濃烈，好有川味火鍋風味，牛肉方面肉質細嫩，內裡仲有木薯粉，味道一流。糖醋魚片酸味與甜度合度好處，魚片又炸得外脆內嫩，餸飯非常夾。高力豆沙即叫即整的高力豆沙，食落非常熱辣辣，外層鬆軟，內裡豆沙甜度商中。

《老掌櫃東北菜館》大份又抵食的東北菜館。韭菜豬肉餃 ($50/10隻) - 韭菜豬肉餃大大粒，餡料十足，調味剛剛好，咬好仲有好多肉汁，點上辣椒油或黑醋都好夾。 。螞蟻上樹 ($76) - 一份好似小山丘咁高嘅螞蟻上樹，粉絲夠哂入味，食食下都覺得幾辣，雖然好香口惹味，但底部油較多。 。北京填鴨 ($168/半隻) - 北京填鴨以$168有半隻嘅份量真係好誇張，烤鴨皮都算脆口，雖然肉質未話好嫩好juicy，但以喱個價錢有咁嘅質素真係唔錯，另外仲配埋食極都食唔完嘅餅皮真係好飽肚。 。高力豆沙 ($13/個) - 高力豆沙好大粒，口感雖無出面咁鬆軟，但相反好彈牙，食落都幾特別，配上中間的紅豆蓉和沙糖也不錯。

最近幫襯了海之戀的老掌櫃，無論是外酥內嫩的北京填鴨，還是清爽開胃的醉雞，或是熱氣騰騰的東北亂燉，每一道菜都蘊含著濃厚的東北家鄉情懷，令人難忘。北京填鴨北京填鴨的外皮酥脆，內肉鮮嫩多汁，油脂適中，恰到好處。鴨肉在烹調過程中吸收了多層次的香料與醬汁，每一口都充滿濃郁風味。享用時，搭配一些甜麵醬和新鮮的蔥絲，增添風味的層次感，還能中和鴨肉的油膩感。醉雞雞肉在製作過程中充分吸收了酒的香氣，酒香味濃郁，讓肉質更加鮮甜可口。雞肉本身肉質滑嫩，經過浸泡後，口感更加柔軟，十分適合冷食，特別是在炎熱的夏季，食用時帶來一絲清涼，十分開胃。東北亂燉使用了多種肉類和新鮮的蔬菜，湯汁鮮美，味道濃郁。食材在長時間的燉煮中充分入味，肉質軟嫩，特別是豬肉經過慢炖後，油脂和鮮汁被完全釋放，讓每一口都充滿了肉香，帶有家庭料理的溫暖感。高力豆沙甜度適中，內餡柔滑，紅豆沙的香甜與軟糯的外皮形成鮮明對比，口感層次分明，是令人滿意的選擇。老掌櫃東北菜館 (海之戀商場) (荃灣)地址：荃灣大河道100號海之戀商場2樓2006號舖

成年冇黎過，今日心血來潮特登黎食點知已變垃圾，之前個招牌脆椒雞已經冇左，菜飯濕爛到成pat屎咁，花生窿曬 苦既 致癌物一樣，唔會再黎 曬晒我d時間唔怪得午市都冇乜人黎